TITUS
Mahabharata
Part No. 1850
Previous part

Chapter: 15 
Adhyāya 15


Verse: 1  {Janamejaya uvāca}
Halfverse: a    vijite pāṇḍaveyais tu   praśānte ca dvijottama
   vijite pāṇḍaveyais tu   praśānte ca dvija_uttama /
Halfverse: c    rāṣṭre kiṃ cakratur vīrau   vāsudevadʰanaṃjayau
   rāṣṭre kiṃ cakratur vīrau   vāsudeva-dʰanaṃjayau /1/

Verse: 2  {Vaiśaṃpāyana uvāca}
Halfverse: a    vijite pāṇḍaveyais tu   praśānte ca viśāṃ pate
   vijite pāṇḍaveyais tu   praśānte ca viśāṃ pate /
Halfverse: c    rāṣṭre babʰūvatur hr̥ṣṭau   vāsudevadʰanaṃjayau
   rāṣṭre babʰūvatur hr̥ṣṭau   vāsudeva-dʰanaṃjayau /2/

Verse: 3 
Halfverse: a    vijahrāte mudā yuktau   divi deveśvarāv iva
   vijahrāte mudā yuktau   divi deva_īśvarāv iva /
Halfverse: c    tau vaneṣu vicitreṣu   parvatānāṃ ca sānuṣu
   tau vaneṣu vicitreṣu   parvatānāṃ ca sānuṣu /3/

Verse: 4 
Halfverse: a    śaileṣu ramaṇīyeṣu   palvaleṣu nadīṣu ca
   śaileṣu ramaṇīyeṣu   palvaleṣu nadīṣu ca /
Halfverse: c    caṅkramyamāṇau saṃhr̥ṣṭāv   aśvināv iva nandane
   caṅkramyamāṇau saṃhr̥ṣṭāv   aśvināv iva nandane /4/

Verse: 5 
Halfverse: a    indra prastʰe mahātmānau   remāte kr̥ṣṇa pāṇḍavau
   indra prastʰe mahātmānau   remāte kr̥ṣṇa pāṇḍavau /
Halfverse: c    praviśya tāṃ sabʰāṃ ramyāṃ   vijahrāte ca bʰārata
   praviśya tāṃ sabʰāṃ ramyāṃ   vijahrāte ca bʰārata /5/

Verse: 6 
Halfverse: a    tatra yuddʰakatʰāś citrāḥ   parikleśāṃś ca pārtʰiva
   tatra yuddʰa-katʰāś citrāḥ   parikleśāṃś ca pārtʰiva /
Halfverse: c    katʰā yoge katʰā yoge   katʰayām āsatus tadā
   katʰā yoge katʰā yoge   katʰayām āsatus tadā /6/

Verse: 7 
Halfverse: a    r̥ṣīṇāṃ devatānāṃ ca   vaṃśāṃs tāv āhatus tadā
   r̥ṣīṇāṃ devatānāṃ ca   vaṃśāṃs tāv āhatus tadā /
Halfverse: c    prīyamāṇau mahātmānau   purāṇāv r̥ṣisattamau
   prīyamāṇau mahātmānau   purāṇāv r̥ṣi-sattamau /7/

Verse: 8 
Halfverse: a    madʰurās tu katʰāś citrāś   citrārtʰa padaniścayāḥ
   madʰurās tu katʰāś citrāś   citra_artʰa pada-niścayāḥ /
Halfverse: c    niścayajñaḥ sa pārtʰāya   katʰayām āsa keśavaḥ
   niścayajñaḥ sa pārtʰāya   katʰayāmāsa keśavaḥ /8/

Verse: 9 
Halfverse: a    putraśokābʰisaṃtaptaṃ   jñātīnāṃ ca sahasraśaḥ
   putra-śoka_abʰisaṃtaptaṃ   jñātīnāṃ ca sahasraśaḥ /
Halfverse: c    katʰābʰiḥ śamayām āsa   pārtʰaṃ śaurir janārdanaḥ
   katʰābʰiḥ śamayām āsa   pārtʰaṃ śaurir jana_ardanaḥ /9/

Verse: 10 
Halfverse: a    sa tam āśvāsya vidʰivad   vidʰānajño mahātapāḥ
   sa tam āśvāsya vidʰivad   vidʰānajño mahā-tapāḥ /
Halfverse: c    apahr̥tyātmano bʰāraṃ   viśaśrāmeva sātvataḥ
   apahr̥tya_ātmano bʰāraṃ   viśaśrāma_iva sātvataḥ /10/ 10

Verse: 11 
Halfverse: a    tataḥ katʰānte govindo   guḍākeśam uvāca ha
   tataḥ katʰā_ante govindo   guḍākeśam uvāca ha /
Halfverse: c    sāntvayañ ślakṣṇayā vācā   hetuyuktam idaṃ vacaḥ
   sāntvayan ślakṣṇayā vācā   hetu-yuktam idaṃ vacaḥ /11/

Verse: 12 
Halfverse: a    vijiteyaṃ dʰarā kr̥tsnā   savyasācin paraṃtapa
   vijitā_iyaṃ dʰarā kr̥tsnā   savya-sācin paraṃtapa /
Halfverse: c    tvad bāhubalam āśritya   rājñā dʰarmasutena ha
   tvad bāhu-balam āśritya   rājñā dʰarma-sutena ha /12/

Verse: 13 
Halfverse: a    asapatnāṃ mahīṃ bʰuṅkte   dʰarmarājo yudʰiṣṭʰiraḥ
   asapatnāṃ mahīṃ bʰuṅkte   dʰarma-rājo yudʰiṣṭʰiraḥ /
Halfverse: c    bʰīmasenaprabʰāvena   yamayoś ca narottama
   bʰīma-sena-prabʰāvena   yamayoś ca nara_uttama /13/

Verse: 14 
Halfverse: a    dʰarmeṇa rājñā dʰarmajña   prāptaṃ rājyam akaṇṭakam
   dʰarmeṇa rājñā dʰarmajña   prāptaṃ rājyam akaṇṭakam /
Halfverse: c    dʰarmeṇa nihataḥ saṃkʰye   sa ca rājā suyodʰanaḥ
   dʰarmeṇa nihataḥ saṃkʰye   sa ca rājā su-yodʰanaḥ /14/

Verse: 15 
Halfverse: a    adʰarmarucayo lubdʰāḥ   sadā cāpriya vādinaḥ
   adʰarma-rucayo lubdʰāḥ   sadā ca_apriya vādinaḥ /
Halfverse: c    dʰārtarāṣṭrā durātmānaḥ   sānubandʰā nipātitāḥ
   dʰārtarāṣṭrā durātmānaḥ   sa_anubandʰā nipātitāḥ /15/

Verse: 16 
Halfverse: a    praśāntām akʰilāṃ pārtʰa   pr̥tʰivīṃ pr̥tʰivīpatiḥ
   praśāntām akʰilāṃ pārtʰa   pr̥tʰivīṃ pr̥tʰivī-patiḥ /
Halfverse: c    bʰuṅkte dʰarmasuto rājā   tvayā guptaḥ kurūdvaha
   bʰuṅkte dʰarma-suto rājā   tvayā guptaḥ kuru_udvaha /16/

Verse: 17 
Halfverse: a    rame cāhaṃ tvayā sārdʰam   araṇyeṣv api pāṇḍava
   rame ca_ahaṃ tvayā sārdʰam   araṇyeṣv api pāṇḍava /
Halfverse: c    kim u yatra jano 'yaṃ vai   pr̥tʰā cāmitrakarśana
   kim u yatra jano_ayaṃ vai   pr̥tʰā ca_amitra-karśana /17/

Verse: 18 
Halfverse: a    yatra dʰarmasuto rājā   yatra bʰīmo mahābalaḥ
   yatra dʰarma-suto rājā   yatra bʰīmo mahā-balaḥ /
Halfverse: c    yatra mādravatī putrau   ratis tatra parā mama
   yatra mādravatī putrau   ratis tatra parā mama /18/

Verse: 19 
Halfverse: a    tatʰaiva svargakalpeṣu   sabʰoddeśeṣu bʰārata
   tatʰaiva svarga-kalpeṣu   sabʰā_uddeśeṣu bʰārata /
Halfverse: c    ramaṇīyeṣu puṇyeṣu   sahitasya tvayānagʰa
   ramaṇīyeṣu puṇyeṣu   sahitasya tvayā_anagʰa /19/

Verse: 20 
Halfverse: a    kālo mahāṃs tv atīto me   śūra putram apaśyataḥ
   kālo mahāṃs tv atīto me   śūra putram apaśyataḥ /
Halfverse: c    baladevaṃ ca kauravya   tatʰānyān vr̥ṣṇipuṃgavān
   bala-devaṃ ca kauravya   tatʰā_anyān vr̥ṣṇi-puṃgavān /20/ 20

Verse: 21 
Halfverse: a    so 'haṃ gantum abʰīpsāmi   purīṃ dvāravatīṃ prati
   so_ahaṃ gantum abʰīpsāmi   purīṃ dvāravatīṃ prati /
Halfverse: c    rocatāṃ gamanaṃ mahyaṃ   tavāpi puruṣarṣabʰa
   rocatāṃ gamanaṃ mahyaṃ   tava_api puruṣa-r̥ṣabʰa /21/

Verse: 22 
Halfverse: a    ukto bahuvidʰaṃ rājā   tatra tatra yudʰiṣṭʰiraḥ
   ukto bahu-vidʰaṃ rājā   tatra tatra yudʰiṣṭʰiraḥ /
Halfverse: c    sa ha bʰīṣmeṇa yady uktam   asmābʰiḥ śokakārite
   sa ha bʰīṣmeṇa yady uktam   asmābʰiḥ śoka-kārite /22/ [?]

Verse: 23 
Halfverse: a    śiṣṭo yudʰiṣṭʰiro 'smābʰiḥ   śāstā sann api pāṇḍavaḥ
   śiṣṭo yudʰiṣṭʰiro_asmābʰiḥ   śāstā sann api pāṇḍavaḥ /
Halfverse: c    tena tac ca vacaḥ samyag   gr̥hītaṃ sumahātmanā
   tena tac ca vacaḥ samyag   gr̥hītaṃ su-mahātmanā /23/

Verse: 24 
Halfverse: a    dʰarmaputre hi dʰarmajñe   kr̥tajñe satyavādini
   dʰarma-putre hi dʰarmajñe   kr̥tajñe satya-vādini /
Halfverse: c    satyaṃ dʰarmo matiś cāgryā   stʰitiś ca satataṃ stʰirā
   satyaṃ dʰarmo matiś ca_agryā   stʰitiś ca satataṃ stʰirā /24/

Verse: 25 
Halfverse: a    tadgatvā taṃ mahātmānaṃ   yadi te rocate 'rjuna
   tad-gatvā taṃ mahātmānaṃ   yadi te rocate_arjuna /
Halfverse: c    asmad gamanasaṃyuktaṃ   vaco brūhi janādʰipam
   asmad gamana-saṃyuktaṃ   vaco brūhi jana_adʰipam /25/

Verse: 26 
Halfverse: a    na hi tasyāpriyaṃ kuryāṃ   prāṇatyāge 'py upastʰite
   na hi tasya_apriyaṃ kuryāṃ   prāṇa-tyāge_apy upastʰite /
Halfverse: c    kuto gantuṃ mahābāho   purīṃ dvāravatīṃ prati
   kuto gantuṃ mahā-bāho   purīṃ dvāravatīṃ prati /26/

Verse: 27 
Halfverse: a    sarvaṃ tv idam ahaṃ pārtʰa   tvat prītihitakāmyayā
   sarvaṃ tv idam ahaṃ pārtʰa   tvat prīti-hita-kāmyayā /
Halfverse: c    bravīmi satyaṃ kauravya   na mitʰyaitat katʰaṃ cana
   bravīmi satyaṃ kauravya   na mitʰyā_etat katʰaṃcana /27/

Verse: 28 
Halfverse: a    prayojanaṃ ca nirvr̥ttam   iha vāse mamārjuna
   prayojanaṃ ca nirvr̥ttam   iha vāse mama_arjuna /
Halfverse: c    dʰārtarāṣṭro hato rājā   sa balaḥ sa padānugaḥ
   dʰārtarāṣṭro hato rājā   sa balaḥ sa pada_anugaḥ /28/

Verse: 29 
Halfverse: a    pr̥tʰivī ca vaśe tāta   dʰarmaputrasya dʰīmataḥ
   pr̥tʰivī ca vaśe tāta   dʰarma-putrasya dʰīmataḥ /
Halfverse: c    stʰitā samudravasanā   sa śailavanakānanā
   stʰitā samudra-vasanā   sa śaila-vana-kānanā /
Halfverse: e    citā ratnair bahuvidʰaiḥ   kururājasya pāṇḍava
   citā ratnair bahu-vidʰaiḥ   kuru-rājasya pāṇḍava /29/

Verse: 30 
Halfverse: a    dʰarmeṇa rājā dʰarmajñaḥ   pātu sarvāṃ vasuṃdʰarām
   dʰarmeṇa rājā dʰarmajñaḥ   pātu sarvāṃ vasuṃdʰarām /
Halfverse: c    upāsyamāno bahubʰiḥ   siddʰaiś cāpi mahātmabʰiḥ
   upāsyamāno bahubʰiḥ   siddʰaiś ca_api mahātmabʰiḥ /
Halfverse: e    stūyamānaś ca satataṃ   bandibʰir bʰaratarṣabʰa
   stūyamānaś ca satataṃ   bandibʰir bʰarata-r̥ṣabʰa /30/ 30

Verse: 31 
Halfverse: a    tan mayā saha gatvādya   rājānaṃ kuruvardʰanam
   tan mayā saha gatvā_adya   rājānaṃ kuru-vardʰanam /
Halfverse: c    āpr̥ccʰa kuruśārdūla   gamanaṃ dvārakāṃ prati
   āpr̥ccʰa kuru-śārdūla   gamanaṃ dvārakāṃ prati /31/


Verse: 32 
Halfverse: a    idaṃ śarīraṃ vasu yac ca me gr̥he; niveditaṃ pārtʰa sadā yudʰiṣṭʰire
   idaṃ śarīraṃ vasu yac ca me gr̥he   niveditaṃ pārtʰa sadā yudʰiṣṭʰire /
Halfverse: c    priyaś ca mānyaś ca hi me yudʰiṣṭʰiraḥ; sadā kurūṇām adʰipo mahāmatiḥ
   priyaś ca mānyaś ca hi me yudʰiṣṭʰiraḥ   sadā kurūṇām adʰipo mahā-matiḥ /32/

Verse: 33 
Halfverse: a    prayojanaṃ cāpi nivāsakāraṇe; na vidyate me tvadr̥te mahābʰuja
   prayojanaṃ ca_api nivāsa-kāraṇe   na vidyate me tvad-r̥te mahā-bʰuja /
Halfverse: c    stʰitā hi pr̥tʰvī tava pārtʰa śāsane; guroḥ suvr̥ttasya yudʰiṣṭʰirasya ha
   stʰitā hi pr̥tʰvī tava pārtʰa śāsane   guroḥ su-vr̥ttasya yudʰiṣṭʰirasya ha /33/

Verse: 34 
Halfverse: a    itīdam uktaṃ sa tadā mahātmanā; janārdanenāmita vikramo 'rjunaḥ
   iti_idam uktaṃ sa tadā mahātmanā   jana_ardanena_amita vikramo_arjunaḥ /
Halfverse: c    tatʰeti kr̥ccʰrād iva vācam īrayañ; janārdʰanaṃ saṃpratipūjya pārtʰiva
   tatʰā_iti kr̥ccʰrād iva vācam īrayañ   jana_ardʰanaṃ saṃpratipūjya pārtʰiva /34/ (E)34



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.