TITUS
Mahabharata
Part No. 1859
Previous part

Chapter: 24 
Adhyāya 24


Verse: 1  {Brāhmaṇa uvāca}
Halfverse: a    atrāpy udāharantīmam   itihāsaṃ purātanam
   atra_apy udāharanti_imam   itihāsaṃ purātanam /
Halfverse: c    nāradasya ca saṃvādam   r̥ṣer devamatasya ca
   nāradasya ca saṃvādam   r̥ṣer devamatasya ca /1/

Verse: 2  {Devamata uvāca}
Halfverse: a    jantoḥ saṃjāyamānasya   kiṃ nu pūrvaṃ pravartate
   jantoḥ saṃjāyamānasya   kiṃ nu pūrvaṃ pravartate / ՙ
Halfverse: c    prāṇo 'pānaḥ samāno vā   vyāno vodāna eva ca
   prāṇo_apānaḥ samāno vā   vyāno vā_udāna\ eva ca /2/ ՙ

Verse: 3  {Nārada uvāca}
Halfverse: a    yenāyaṃ sr̥jyate jantus   tato 'nyaḥ pūrvam eti tam
   yena_ayaṃ sr̥jyate jantus   tato_anyaḥ pūrvam eti tam / ՙ
Halfverse: c    prāṇadvaṃdvaṃ ca vijñeyaṃ   tiryagaṃ cordʰvagaṃ ca yat
   prāṇa-dvaṃdvaṃ ca vijñeyaṃ   tiryagaṃ ca_ūrdʰvagaṃ ca yat /3/

Verse: 4  {Devamata uvāca}
Halfverse: a    kenāyaṃ sr̥jyate jantuḥ   kaś cānyaḥ pūrvam eti tam
   kena_ayaṃ sr̥jyate jantuḥ   kaś ca_anyaḥ pūrvam eti tam / ՙ
Halfverse: c    prāṇadvaṃdvaṃ ca me brūhi   tiryag ūrdʰvaṃ ca niścayāt
   prāṇa-dvaṃdvaṃ ca me brūhi   tiryag ūrdʰvaṃ ca niścayāt /4/

Verse: 5  {Nārada uvāca}
Halfverse: a    saṃkalpāj jāyate harṣaḥ   śabdād api ca jāyate
   saṃkalpāj jāyate harṣaḥ   śabdād api ca jāyate /
Halfverse: c    rasāt saṃjāyate cāpi   rūpād api ca jāyate
   rasāt saṃjāyate ca_api   rūpād api ca jāyate /5/

Verse: 6 
Halfverse: a    sparśāt saṃjāyate cāpi   gandʰād api ca jāyate
   sparśāt saṃjāyate ca_api   gandʰād api ca jāyate /
Halfverse: c    etad rūpam udānasya   harṣo mitʰuna saṃbʰavaḥ
   etad rūpam udānasya   harṣo mitʰuna saṃbʰavaḥ /6/

Verse: 7 
Halfverse: a    kāmāt saṃjāyate śukraṃ   kāmāt saṃjāyate rasaḥ
   kāmāt saṃjāyate śukraṃ   kāmāt saṃjāyate rasaḥ /
Halfverse: c    samānavyāna janite   sāmānye śukraśoṇite
   samāna-vyāna janite   sāmānye śukra-śoṇite /7/

Verse: 8 
Halfverse: a    śukrāc cʰoṇita saṃsr̥ṣṭāt   pūrvaṃ prāṇaḥ pravartate
   śukrāt śoṇita saṃsr̥ṣṭāt   pūrvaṃ prāṇaḥ pravartate /
Halfverse: c    prāṇena vikr̥te śukre   tato 'pānaḥ pravartate
   prāṇena vikr̥te śukre   tato_apānaḥ pravartate /8/

Verse: 9 
Halfverse: a    prāṇāpānāv idaṃ dvaṃdvam   avākcordʰvaṃ ca gaccʰataḥ
   prāṇa_apānāv idaṃ dvaṃdvam   avāk-ca_ūrdʰvaṃ ca gaccʰataḥ /
Halfverse: c    vyānaḥ samānaś caivobʰau   tiryag dvaṃdvatvam ucyate
   vyānaḥ samānaś caiva_ubʰau   tiryag dvaṃdvatvam ucyate /9/

Verse: 10 
Halfverse: a    agnir vai devatāḥ sarvā   iti vedasya śāsanam
   agnir vai devatāḥ sarvā iti vedasya śāsanam / ՙ
Halfverse: c    saṃjāyate brāhmaṇeṣu   jñānaṃ buddʰisamanvitam
   saṃjāyate brāhmaṇeṣu   jñānaṃ buddʰi-samanvitam /10/ 10

Verse: 11 
Halfverse: a    tasya dʰūmas tamo rūpaṃ   rajo bʰasma suretasaḥ
   tasya dʰūmas tamo rūpaṃ   rajo bʰasma su-retasaḥ /
Halfverse: c    sattvaṃ saṃjāyate tasya   yatra prakṣipyate haviḥ
   sattvaṃ saṃjāyate tasya   yatra prakṣipyate haviḥ /11/

Verse: 12 
Halfverse: a    āgʰārau samāno vyānaś   ceti yajñavido viduḥ
   āgʰārau samāno vyānaś   ca_iti yajña-vido viduḥ /
Halfverse: c    prāṇāpānāv ājyabʰāgau   tayor madʰye hutāśanaḥ
   prāṇa_apānāv ājya-bʰāgau   tayor madʰye huta_aśanaḥ /
Halfverse: e    etad rūpam udānasya   paramaṃ brāhmaṇā viduḥ
   etad rūpam udānasya   paramaṃ brāhmaṇā viduḥ /12/

Verse: 13 
Halfverse: a    nirdvaṃdvam iti yat tv etat   tan me nigadataḥ śr̥ṇu
   nirdvaṃdvam iti yat tv etat   tan me nigadataḥ śr̥ṇu /13/

Verse: 14 
Halfverse: a    ahorātram idaṃ dvaṃdvaṃ   tayor madʰye hutāśanaḥ
   ahorātram idaṃ dvaṃdvaṃ   tayor madʰye huta_aśanaḥ /
Halfverse: c    etad rūpam udānasya   paramaṃ brāhmaṇā viduḥ
   etad rūpam udānasya   paramaṃ brāhmaṇā viduḥ /14/

Verse: 15 
Halfverse: a    ubʰe caivāyane dvaṃdvaṃ   tayor madʰye hutāśanaḥ
   ubʰe caiva_ayane dvaṃdvaṃ   tayor madʰye huta_aśanaḥ /
Halfverse: c    etad rūpam udānasya   paramaṃ brāhmaṇā viduḥ
   etad rūpam udānasya   paramaṃ brāhmaṇā viduḥ /15/

Verse: 16 
Halfverse: a    ubʰe satyānr̥te dvaṃdvaṃ   tayor madʰye hutāśanaḥ
   ubʰe satya_anr̥te dvaṃdvaṃ   tayor madʰye huta_aśanaḥ /
Halfverse: c    etad rūpam udānasya   paramaṃ brāhmaṇā viduḥ
   etad rūpam udānasya   paramaṃ brāhmaṇā viduḥ /16/

Verse: 17 
Halfverse: a    ubʰe śubʰāśubʰe dvaṃdvaṃ   tayor madʰye hutāśanaḥ
   ubʰe śubʰa_aśubʰe dvaṃdvaṃ   tayor madʰye huta_aśanaḥ /
Halfverse: c    etad rūpam udānasya   paramaṃ brāhmaṇā viduḥ
   etad rūpam udānasya   paramaṃ brāhmaṇā viduḥ /17/

Verse: 18 
Halfverse: a    sac cāsac caiva tad dvaṃdvaṃ   tayor madʰye hutāśanaḥ
   sac ca_asac caiva tad dvaṃdvaṃ   tayor madʰye huta_aśanaḥ /
Halfverse: c    etad rūpam udānasya   paramaṃ brāhmaṇā viduḥ
   etad rūpam udānasya   paramaṃ brāhmaṇā viduḥ /18/

Verse: 19 
Halfverse: a    pratʰamaṃ samāno vyāno   vyasyate karma tena tat
   pratʰamaṃ samāno vyāno   vyasyate karma tena tat /
Halfverse: c    tr̥tīyaṃ tu samānena   punar eva vyavasyate
   tr̥tīyaṃ tu samānena   punar eva vyavasyate /19/

Verse: 20 
Halfverse: a    śānty artʰaṃ vāmadevaṃ ca   śāntir brahma sanātanam
   śānty artʰaṃ vāmadevaṃ ca   śāntir brahma sanātanam /
Halfverse: c    etad rūpam udānasya   paramaṃ brāhmaṇā viduḥ
   etad rūpam udānasya   paramaṃ brāhmaṇā viduḥ /20/ (E)20



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.