TITUS
Mahabharata
Part No. 1889
Previous part

Chapter: 54 
Adhyāya 54


Verse: 1  {Uttaṅka uvāca}
Halfverse: a    abʰijānāmi jagataḥ   kartāraṃ tvāṃ janārdana
   abʰijānāmi jagataḥ   kartāraṃ tvāṃ jana_ardana /
Halfverse: c    nūnaṃ bʰavatprasādo 'yam   iti me nāsti saṃśayaḥ
   nūnaṃ bʰavat-prasādo_ayam   iti me na_asti saṃśayaḥ /1/

Verse: 2 
Halfverse: a    cittaṃ ca suprasannaṃ me   tvad bʰāvagatam acyuta
   cittaṃ ca su-prasannaṃ me   tvad bʰāva-gatam acyuta /
Halfverse: c    vinivr̥ttaś ca me kopa   iti viddʰi paraṃtapa
   vinivr̥ttaś ca me kopa iti viddʰi paraṃ-tapa /2/ ՙ

Verse: 3 
Halfverse: a    yadi tv anugrahaṃ kaṃ cit   tvatto 'rho 'haṃ janārdana
   yadi tv anugrahaṃ kaṃcit   tvatto_arho_ahaṃ jana_ardana /
Halfverse: c    draṣṭum iccʰāmi te rūpam   aiśvaraṃ tan nidarśaya
   draṣṭum iccʰāmi te rūpam   aiśvaraṃ tan nidarśaya /3/

Verse: 4  {Vaiśaṃpāyana uvāca}
Halfverse: a    tataḥ sa tasmai prītātmā   darśayām āsa tad vapuḥ
   tataḥ sa tasmai prīta_ātmā   darśayām āsa tad vapuḥ /
Halfverse: c    śāśvataṃ vaiṣṇavaṃ dʰīmān   dadr̥śe yad dʰanaṃjayaḥ
   śāśvataṃ vaiṣṇavaṃ dʰīmān   dadr̥śe yad dʰanaṃ-jayaḥ /4/

Verse: 5 
Halfverse: a    sa dadarśa mahātmānaṃ   viśvarūpaṃ mahābʰujam
   sa dadarśa mahā_ātmānaṃ   viśva-rūpaṃ mahā-bʰujam /
Halfverse: c    vismayaṃ ca yayau vipras   tad dr̥ṣṭvā rūpam aiśvaram
   vismayaṃ ca yayau vipras   tad dr̥ṣṭvā rūpam aiśvaram /5/

Verse: 6  {Uttaṅka uvāca}
Halfverse: a    viśvakarman namas te 'stu   yasya te rūpam īdr̥śam
   viśva-karman namas te_astu   yasya te rūpam īdr̥śam /
Halfverse: c    padbʰyāṃ te pr̥tʰivī vyāptā   śirasā cāvr̥taṃ nabʰaḥ
   padbʰyāṃ te pr̥tʰivī vyāptā   śirasā ca_āvr̥taṃ nabʰaḥ /6/

Verse: 7 
Halfverse: a    dyāvāpr̥tʰivyor yan madʰyaṃ   jaṭʰareṇa tad āvr̥tam
   dyāvā-pr̥tʰivyor yan madʰyaṃ   jaṭʰareṇa tad āvr̥tam /
Halfverse: c    bʰujābʰyām āvr̥tāś cāśās   tvam idaṃ sarvam acyuta
   bʰujābʰyām āvr̥tāś ca_āśās   tvam idaṃ sarvam acyuta /7/

Verse: 8 
Halfverse: a    saṃharasva punar devarūpam   akṣayyam uttamam
   saṃharasva punar deva-rūpam   akṣayyam uttamam /
Halfverse: c    punas tvāṃ svena rūpeṇa   draṣṭum iccʰāmi śāśvatam
   punas tvāṃ svena rūpeṇa   draṣṭum iccʰāmi śāśvatam /8/

Verse: 9  {Vaiśaṃpāyana uvāca}
Halfverse: a    tam uvāca prasannātmā   govindo janamejaya
   tam uvāca prasanna_ātmā   go-vindo janamejaya /
Halfverse: c    varaṃ vr̥ṇīṣveti tadā   tam uttaṅko 'bravīd idam
   varaṃ vr̥ṇīṣva_iti tadā   tam uttaṅko_abravīd idam /9/ 9

Verse: 10 
Halfverse: a    paryāpta eṣa evādya   varas tvatto mahādyute
   paryāpta\ eṣa\ eva_adya   varas tvatto mahā-dyute / ՙ
Halfverse: c    yat te rūpam idaṃ kr̥ṣṇa   paśyāmi prabʰavāpyayam
   yat te rūpam idaṃ kr̥ṣṇa   paśyāmi prabʰava_apyayam /10/ 10

Verse: 11 
Halfverse: a    tam abravīt punaḥ kr̥ṣṇo   mā tvam atra vicāraya
   tam abravīt punaḥ kr̥ṣṇo   mā tvam atra vicāraya /
Halfverse: c    avaśyam etat kartavyam   amogʰaṃ darśanaṃ mama
   avaśyam etat kartavyam   amogʰaṃ darśanaṃ mama /11/ 11

Verse: 12  {Uttaṅka uvāca}
Halfverse: a    avaśya karaṇīyaṃ vai   yady etan manyase vibʰo
   avaśya karaṇīyaṃ vai   yady etan manyase vibʰo /
Halfverse: c    toyam iccʰāmi yatreṣṭaṃ   maruṣv etad dʰi durlabʰam
   toyam iccʰāmi yatra_iṣṭaṃ   maruṣv etadd^hi durlabʰam /12/

Verse: 13  {Vaiśaṃpāyana uvāca}
Halfverse: a    tataḥ saṃhr̥tya tat tejaḥ   provācottaṅkam īśvaraḥ
   tataḥ saṃhr̥tya tat tejaḥ   provāca_uttaṅkam īśvaraḥ /
Halfverse: c    eṣṭavye sati cintyo 'ham   ity uktvā dvārakāṃ yayau
   eṣṭavye sati cintyo_aham   ity uktvā dvārakāṃ yayau /13/ ՙ

Verse: 14 
Halfverse: a    tataḥ kadā cid bʰagavān   uttaṅkas toyakāṅkṣayā
   tataḥ kadācid bʰagavān   uttaṅkas toya-kāṅkṣayā /
Halfverse: c    tr̥ṣitaḥ paricakrāma   marau sasmāra cāyutam
   tr̥ṣitaḥ paricakrāma   marau sasmāra ca_ayutam /14/

Verse: 15 
Halfverse: a    tato digvāsasaṃ dʰīmān   mātaṅgaṃ malapaṅkinam
   tato dig-vāsasaṃ dʰīmān   mātaṅgaṃ mala-paṅkinam /
Halfverse: c    apaśyata marau tasmiñ   śvayūtʰaparivāritam
   apaśyata marau tasmin   śva-yūtʰa-parivāritam /15/

Verse: 16 
Halfverse: a    bʰīṣaṇaṃ baddʰanistriṃśaṃ   bāṇakārmukadʰāriṇam
   bʰīṣaṇaṃ baddʰa-nistriṃśaṃ   bāṇa-kārmuka-dʰāriṇam /
Halfverse: c    tasyādʰaḥ srotaso 'paśyad   vāri bʰūri dvijottamaḥ
   tasya_adʰaḥ srotaso_apaśyad   vāri bʰūri dvija_uttamaḥ /16/

Verse: 17 
Halfverse: a    smarann eva ca taṃ prāha   mātaṅgaḥ prahasann iva
   smarann eva ca taṃ prāha   mātaṅgaḥ prahasann iva /
Halfverse: c    ehy uttaṅka pratīccʰasva   matto vāri bʰr̥gūdvaha
   ehy uttaṅka pratīccʰasva   matto vāri bʰr̥gu_udvaha /
Halfverse: e    kr̥pā hime sumahatī   tvāṃ dr̥ṣṭvā tr̥ṭ samāhatam
   kr̥pā hime su-mahatī   tvāṃ dr̥ṣṭvā tr̥ṭ samāhatam /17/

Verse: 18 
Halfverse: a    ity uktas tena sa munis   tat toyaṃ nābʰyanandata
   ity uktas tena sa munis   tat toyaṃ na_abʰyanandata /
Halfverse: c    cikṣepa ca sa taṃ dʰīmān   vāgbʰir ugrābʰir acyutam
   cikṣepa ca sa taṃ dʰīmān   vāgbʰir ugrābʰir acyutam /18/

Verse: 19 
Halfverse: a    punaḥ punaś ca mātaṅgaḥ   pibasveti tam abravīt
   punaḥ punaś ca mātaṅgaḥ   pibasva_iti tam abravīt /
Halfverse: c    na cāpibat sa sa krodʰaḥ   kṣubʰitenāntar ātmanā
   na ca_apibat sa sa krodʰaḥ   kṣubʰitena_antar ātmanā /19/

Verse: 20 
Halfverse: a    sa tatʰā niścayāt tena   pratyākʰyāto mahātmanā
   sa tatʰā niścayāt tena   pratyākʰyāto mahātmanā /
Halfverse: c    śvabʰiḥ saha mahārāja   tatraivāntaradʰīyata
   śvabʰiḥ saha mahā-rāja   tatra_eva_antar-adʰīyata /20/ 20

Verse: 21 
Halfverse: a    uttaṅkas taṃ tatʰā dr̥ṣṭvā   tato vrīḍita mānasaḥ
   uttaṅkas taṃ tatʰā dr̥ṣṭvā   tato vrīḍita mānasaḥ /
Halfverse: c    mene pralabdʰam ātmānaṃ   kr̥ṣṇenāmitra gʰātinā
   mene pralabdʰam ātmānaṃ   kr̥ṣṇena_amitra gʰātinā /21/

Verse: 22 
Halfverse: a    atʰa tenaiva mārgeṇa   śaṅkʰacakragadādʰaraḥ
   atʰa tena_eva mārgeṇa   śaṅkʰa-cakra-gadā-dʰaraḥ /
Halfverse: c    ājagāma mahābāhur   uttaṅkaś cainam abravīt
   ājagāma mahā-bāhur   uttaṅkaś ca_enam abravīt /22/

Verse: 23 
Halfverse: a    na yuktaṃ tādr̥śaṃ dātuṃ   tvayā puruṣasattama
   na yuktaṃ tādr̥śaṃ dātuṃ   tvayā puruṣa-sattama /
Halfverse: c    salilaṃ vipramukʰyebʰyo   mātaṅgasrotasā vibʰo
   salilaṃ vipra-mukʰyebʰyo   mātaṅga-srotasā vibʰo /23/

Verse: 24 
Halfverse: a    ity uktavacanaṃ dʰīmān   mahābuddʰir janārdanaḥ
   ity ukta-vacanaṃ dʰīmān   mahā-buddʰir jana_ardanaḥ /
Halfverse: c    uttaṅkaṃ ślakṣṇayā vācā   sāntvayann idam abravīt
   uttaṅkaṃ ślakṣṇayā vācā   sāntvayann idam abravīt /24/

Verse: 25 
Halfverse: a    yādr̥śeneha rūpeṇa   yogyaṃ dātuṃ vr̥tena vai
   yādr̥śena_iha rūpeṇa   yogyaṃ dātuṃ vr̥tena vai /
Halfverse: c    tādr̥śaṃ kʰalu me dattaṃ   tvaṃ tu tan nāvabudʰyase
   tādr̥śaṃ kʰalu me dattaṃ   tvaṃ tu tan na_avabudʰyase /25/

Verse: 26 
Halfverse: a    mayā tvadartʰamukto hi   vajrapāṇiḥ puraṃdaraḥ
   mayā tvad-artʰa-mukto hi   vajra-pāṇiḥ puraṃ-daraḥ /
Halfverse: c    uttaṅkāyāmr̥taṃ dehi   toyarūpam iti prabʰuḥ
   uttaṅkāya_amr̥taṃ dehi   toya-rūpam iti prabʰuḥ /26/

Verse: 27 
Halfverse: a    sa mām uvāca devendro   na martyo 'martyatāṃ vrajet
   sa mām uvāca deva_indro   na martyo_amartyatāṃ vrajet /
Halfverse: c    anyam asmai varaṃ dehīty   asakr̥d bʰr̥gunandana
   anyam asmai varaṃ dehi_ity   asakr̥d bʰr̥gu-nandana /27/ 27

Verse: 28 
Halfverse: a    amr̥taṃ deyam ity eva   mayoktaḥ sa śacīpatiḥ
   amr̥taṃ deyam ity eva   mayā_uktaḥ sa śacī-patiḥ /
Halfverse: c    sa māṃ prasādya devendraḥ   punar evedam abravīt
   sa māṃ prasādya deva_indraḥ   punar eva_idam abravīt /28/

Verse: 29 
Halfverse: a    yadi deyam avaśyaṃ vai   mātaṅgo 'haṃ mahādyute
   yadi deyam avaśyaṃ vai   mātaṅgo_ahaṃ mahā-dyute /
Halfverse: c    bʰūtvāmr̥taṃ pradāsyāmi   bʰārgavāya mahātmane
   bʰūtvā_amr̥taṃ pradāsyāmi   bʰārgavāya mahātmane /29/

Verse: 30 
Halfverse: a    yady evaṃ pratigr̥hṇāti   bʰārgavo 'mr̥tam adya vai
   yady evaṃ pratigr̥hṇāti   bʰārgavo_amr̥tam adya vai /
Halfverse: c    pradātum eṣa gaccʰāmi   bʰārgavāyāmr̥taṃ prabʰo
   pradātum eṣa gaccʰāmi   bʰārgavāya_amr̥taṃ prabʰo /
Halfverse: e    pratyākʰyātas tv ahaṃ tena   na dadyām iti bʰārgava
   pratyākʰyātas tv ahaṃ tena   na dadyām iti bʰārgava /30/ 30

Verse: 31 
Halfverse: a    sa tatʰā samayaṃ kr̥tvā   tena rūpeṇa vāsavaḥ
   sa tatʰā samayaṃ kr̥tvā   tena rūpeṇa vāsavaḥ /
Halfverse: c    upastʰitas tvayā cāpi   pratyākʰyāto 'mr̥taṃ dadat
   upastʰitas tvayā ca_api   pratyākʰyāto_amr̥taṃ dadat /
Halfverse: e    caṇḍāla rūpī bʰavagān   sumahāṃs te vyatikramaḥ
   caṇḍāla rūpī bʰavagān   su-mahāṃs te vyatikramaḥ /31/

Verse: 32 
Halfverse: a    yat tu śakyaṃ mayā kartuṃ   bʰūya eva tavepsitam
   yat tu śakyaṃ mayā kartuṃ   bʰūya\ eva tava_īpsitam / ՙ
Halfverse: c    toyepsāṃ tava durdʰarṣa   kariṣye sapʰalām aham
   toya_īpsāṃ tava durdʰarṣa   kariṣye sa-pʰalām aham /32/

Verse: 33 
Halfverse: a    yeṣv ahaḥsu tava brahman   salileccʰā bʰaviṣyati
   yeṣv ahaḥsu tava brahman   salila_iccʰā bʰaviṣyati /
Halfverse: c    tadā marau bʰaviṣyanti   jalapūrṇāḥ payodʰarāḥ
   tadā marau bʰaviṣyanti   jala-pūrṇāḥ payo-dʰarāḥ /33/

Verse: 34 
Halfverse: a    rasavac ca pradāsyanti   te toyaṃ bʰr̥gunandana
   rasavac ca pradāsyanti   te toyaṃ bʰr̥gu-nandana /
Halfverse: c    uttaṅka medʰā ity uktāḥ   kʰyātiṃ yāsyanti cāpi te
   uttaṅka medʰā\ ity uktāḥ   kʰyātiṃ yāsyanti ca_api te /34/ ՙ

Verse: 35 
Halfverse: a    ity uktaḥ prītimān vipraḥ   kr̥ṣṇena sa babʰūva ha
   ity uktaḥ prītimān vipraḥ   kr̥ṣṇena sa babʰūva ha /
Halfverse: c    adyāpy uttaṅka megʰāś ca   marau varṣanti bʰārata
   adya_apy uttaṅka megʰāś ca   marau varṣanti bʰārata /35/ (E)35



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.