TITUS
Mahabharata
Part No. 1897
Previous part

Chapter: 62 
Adhyāya 62


Verse: 1  {Janamejaya uvāca}
Halfverse: a    śrutvaitad vacanaṃ brahman   vyāsenoktaṃ mahātmanā
   śrutvā_etad vacanaṃ brahman   vyāsena_uktaṃ mahātmanā /
Halfverse: c    aśvamedʰaṃ prati tadā   kiṃ nr̥paḥ pracakāra ha
   aśva-medʰaṃ prati tadā   kiṃ nr̥paḥ pracakāra ha /1/

Verse: 2 
Halfverse: a    ratnaṃ ca yan maruttena   nihitaṃ pr̥tʰivītale
   ratnaṃ ca yan maruttena   nihitaṃ pr̥tʰivī-tale /
Halfverse: c    tad avāpa katʰaṃ ceti   tan me brūhi dvijottama
   tad avāpa katʰaṃ ca_iti   tan me brūhi dvija_uttama /2/

Verse: 3  {Vaiśaṃpāyana uvāca}
Halfverse: a    śrutvā dvaipāyana vaco   dʰarmarājo yudʰiṣṭʰiraḥ
   śrutvā dvaipāyana vaco   dʰarma-rājo yudʰiṣṭʰiraḥ /
Halfverse: c    bʰrātr̥̄n sarvān samānāyya   kāle vacanam abravīt
   bʰrātr̥̄n sarvān samānāyya   kāle vacanam abravīt /
Halfverse: e    arjunaṃ bʰīmasenaṃ ca   mādrīputrau yamāv api
   arjunaṃ bʰīma-senaṃ ca   mādrī-putrau yamāv api /3/

Verse: 4 
Halfverse: a    śrutaṃ vo vacanaṃ vīrāḥ   sauhr̥dād yan mahātmanā
   śrutaṃ vo vacanaṃ vīrāḥ   sauhr̥dād yan mahātmanā /
Halfverse: c    kurūṇāṃ hitakāmena   proktaṃ kr̥ṣṇena dʰīmatā
   kurūṇāṃ hita-kāmena   proktaṃ kr̥ṣṇena dʰīmatā /4/

Verse: 5 
Halfverse: a    tapovr̥ddʰena mahatā   suhr̥dāṃ bʰūtim iccʰatā
   tapo-vr̥ddʰena mahatā   suhr̥dāṃ bʰūtim iccʰatā /
Halfverse: c    guruṇā dʰarmaśīlena   vyāsenādbʰuta karmaṇā
   guruṇā dʰarma-śīlena   vyāsena_adbʰuta karmaṇā /5/

Verse: 6 
Halfverse: a    bʰīṣmeṇa ca mahāprājña   govindena ca dʰīmatā
   bʰīṣmeṇa ca mahā-prājña   govindena ca dʰīmatā /
Halfverse: c    saṃsmr̥tya tad ahaṃ samyak   kartum iccʰāmi pāṇḍavāḥ
   saṃsmr̥tya tad ahaṃ samyak   kartum iccʰāmi pāṇḍavāḥ /6/

Verse: 7 
Halfverse: a    āyatyāṃ ca tadātve ca   sarveṣāṃ tad dʰi no hitam
   āyatyāṃ ca tadātve ca   sarveṣāṃ tadd^hi no hitam /
Halfverse: c    anubandʰe ca kalyāṇaṃ   yad vaco brahmavādinaḥ
   anubandʰe ca kalyāṇaṃ   yad vaco brahma-vādinaḥ /7/

Verse: 8 
Halfverse: a    iyaṃ hi vasudʰā sarvā   kṣīṇaratnā kurūdvahāḥ
   iyaṃ hi vasudʰā sarvā   kṣīṇa-ratnā kuru_udvahāḥ /
Halfverse: c    tac cācaṣṭa bahu vyāso   maruttasya dʰanaṃ nr̥pāḥ
   tac ca_ācaṣṭa bahu vyāso   maruttasya dʰanaṃ nr̥pāḥ /8/

Verse: 9 
Halfverse: a    yady etad vo bahumataṃ   manyadʰvaṃ vā kṣamaṃ yadi
   yady etad vo bahu-mataṃ   manyadʰvaṃ vā kṣamaṃ yadi /
Halfverse: c    tad ānayāmahe sarve   katʰaṃ vā bʰīma manyase
   tad ānayāmahe sarve   katʰaṃ vā bʰīma manyase /9/ 9

Verse: 10 
Halfverse: a    ity uktavākye nr̥patau   tadā kurukulodvaha
   ity ukta-vākye nr̥-patau   tadā kuru-kula_udvaha /
Halfverse: c    bʰīmaseno nr̥paśreṣṭʰaṃ   prāñjalir vākyam abravīt
   bʰīma-seno nr̥pa-śreṣṭʰaṃ   prāñjalir vākyam abravīt /10/ 10

Verse: 11 
Halfverse: a    rocate me mahābāho   yad idaṃ bʰāṣitaṃ tvayā
   rocate me mahā-bāho   yad idaṃ bʰāṣitaṃ tvayā /
Halfverse: c    vyāsākʰyātasya vittasya   samupānayanaṃ prati
   vyāsa_ākʰyātasya vittasya   samupānayanaṃ prati /11/

Verse: 12 
Halfverse: a    yadi tat prāpnuyāmeha   dʰanam āvikṣitaṃ prabʰo
   yadi tat prāpnuyāma_iha   dʰanam āvikṣitaṃ prabʰo /
Halfverse: c    kr̥tam eva mahārāja   bʰaved iti matir mama
   kr̥tam eva mahā-rāja   bʰaved iti matir mama /12/

Verse: 13 
Halfverse: a    te vayaṃ praṇipātena   girīśasya mahātmanaḥ
   te vayaṃ praṇipātena   giri_īśasya mahātmanaḥ /
Halfverse: c    tad ānayāma bʰadraṃ te   samabʰyarcya kapardinam
   tad ānayāma bʰadraṃ te   samabʰyarcya kapardinam /13/

Verse: 14 
Halfverse: a    taṃ vibʰuṃ devadeveśaṃ   tasyaivānucarāṃś ca tān
   taṃ vibʰuṃ deva-deva_īśaṃ   tasya_eva_anucarāṃś ca tān /
Halfverse: c    prasādyārtʰam avāpsyāmo   nūnaṃ vāgbuddʰikarmabʰiḥ
   prasādya_artʰam avāpsyāmo   nūnaṃ vāg-buddʰi-karmabʰiḥ /14/

Verse: 15 
Halfverse: a    rakṣante ye ca tad dravyaṃ   kiṃkarā raudradarśanāḥ
   rakṣante ye ca tad dravyaṃ   kiṃkarā raudra-darśanāḥ /
Halfverse: c    te ca vaśyā bʰaviṣyanti   prasanne vr̥ṣabʰadʰvaje
   te ca vaśyā bʰaviṣyanti   prasanne vr̥ṣabʰa-dʰvaje /15/

Verse: 16 
Halfverse: a    śrutvaivaṃ vadatas tasya   vākyaṃ bʰīmasya bʰārata
   śrutvā_evaṃ vadatas tasya   vākyaṃ bʰīmasya bʰārata /
Halfverse: c    prīto dʰarmātmajo rājā   babʰūvātīva bʰārata
   prīto dʰarma_ātmajo rājā   babʰūva_atīva bʰārata /
Halfverse: e    arjuna pramukʰāś cāpi   tatʰety evābruvan mudā
   arjuna pramukʰāś ca_api   tatʰā_ity eva_abruvan mudā /16/

Verse: 17 
Halfverse: a    kr̥tvā tu pāṇḍavāḥ sarve   ratnāharaṇa niścayam
   kr̥tvā tu pāṇḍavāḥ sarve   ratna_āharaṇa niścayam /
Halfverse: c    senām ājñāpayām āsur   nakṣatre 'hani ca dʰruve
   senām ājñāpayāmāsur   nakṣatre_ahani ca dʰruve /17/

Verse: 18 
Halfverse: a    tato yayuḥ pāṇḍusutā   brāhmaṇān svasti vācya ca
   tato yayuḥ pāṇḍu-sutā   brāhmaṇān svasti vācya ca /
Halfverse: c    arcayitvā suraśreṣṭʰaṃ   pūrvam eva maheśvaram
   arcayitvā sura-śreṣṭʰaṃ   pūrvam eva mahā_īśvaram /18/

Verse: 19 
Halfverse: a    modakaiḥ pāyasenātʰa   māṃsāpūpais tatʰaiva ca
   modakaiḥ pāyasena_atʰa   māṃsa_apūpais tatʰaiva ca /
Halfverse: c    āśāsya ca mahātmānaṃ   prayayur muditā bʰr̥śam
   āśāsya ca mahātmānaṃ   prayayur muditā bʰr̥śam /19/

Verse: 20 
Halfverse: a    teṣāṃ prayāsyatāṃ tatra   maṅgalāni śubʰāny atʰa
   teṣāṃ prayāsyatāṃ tatra   maṅgalāni śubʰāny atʰa /
Halfverse: c    prāhuḥ prahr̥ṣṭamanaso   dvijāgryā nāgarāś ca te
   prāhuḥ prahr̥ṣṭa-manaso   dvija_agryā nāgarāś ca te /20/ 20

Verse: 21 
Halfverse: a    tataḥ pradakṣiṇīkr̥tya   śirobʰiḥ praṇipatya ca
   tataḥ pradakṣiṇī-kr̥tya   śirobʰiḥ praṇipatya ca /
Halfverse: c    brāhmaṇān agnisahitān   prayayuḥ pāṇḍunandanāḥ
   brāhmaṇān agni-sahitān   prayayuḥ pāṇḍu-nandanāḥ /21/

Verse: 22 
Halfverse: a    samanujñāpya rājānaṃ   putraśokasamāhatam
   samanujñāpya rājānaṃ   putra-śoka-samāhatam /
Halfverse: c    dʰr̥tarāṣṭraṃ sabʰāryaṃ vai   pr̥tʰāṃ pr̥tʰula locanām
   dʰr̥ta-rāṣṭraṃ sa-bʰāryaṃ vai   pr̥tʰāṃ pr̥tʰula locanām /22/

Verse: 23 
Halfverse: a    mūle nikṣipya kauravyamyuyutsuṃ   dʰr̥tarāṣṭrajam
   mūle nikṣipya kauravyamyuyutsuṃ   dʰr̥ta-rāṣṭrajam /
Halfverse: c    saṃpūjyamānāḥ pauraiś ca   brāhmaṇaiś ca manīṣibʰiḥ
   saṃpūjyamānāḥ pauraiś ca   brāhmaṇaiś ca manīṣibʰiḥ /23/ (E)23



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.