TITUS
Mahabharata
Part No. 201
Previous part

Chapter: 201 
Adhyāya 201


Verse: 1  {Nārada uvāca}
Halfverse: a    śr̥ṇu me vistareṇemam   itihāsaṃ purātanam
   śr̥ṇu me vistareṇa_imam   itihāsaṃ purātanam /
Halfverse: c    bʰrātr̥bʰīḥ sahitaḥ pārtʰa   yatʰāvr̥ttaṃ yudʰiṣṭʰira
   bʰrātr̥bʰīḥ sahitaḥ pārtʰa   yatʰā-vr̥ttaṃ yudʰiṣṭʰira /1/

Verse: 2 
Halfverse: a    mahāsurasyānvavāye   hiraṇyakaśipoḥ purā
   mahā_asurasya_anvavāye   hiraṇya-kaśipoḥ purā /
Halfverse: c    nikumbʰo nāma daityendras   tejasvī balavān abʰūt
   nikumbʰo nāma daitya_indras   tejasvī balavān abʰūt /2/

Verse: 3 
Halfverse: a    tasya putrau mahāvīryau   jātau bʰīmaparākramau
   tasya putrau mahā-vīryau   jātau bʰīma-parākramau /
Halfverse: c    sahānyonyena bʰuñjāte   vinānyonyaṃ na gaccʰataḥ
   saha_anyonyena bʰuñjāte   vinā_anyonyaṃ na gaccʰataḥ /3/

Verse: 4 
Halfverse: a    anyonyasya priyakarāv   anyonyasya priyaṃvadau
   anyonyasya priya-karāv   anyonyasya priyaṃ-vadau /
Halfverse: c    ekaśīlasamācārau   dvidʰaivaikaṃ yatʰā kr̥tau
   eka-śīla-samācārau   dvidʰā_eva_ekaṃ yatʰā kr̥tau /4/

Verse: 5 
Halfverse: a    tau vivr̥ddʰau mahāvīryau   kāryeṣv apy ekaniścayau
   tau vivr̥ddʰau mahā-vīryau   kāryeṣv apy eka-niścayau /
Halfverse: c    trailokyavijayārtʰāya   samāstʰāyaika niścayam
   trailokya-vijaya_artʰāya   samāstʰāya_eka niścayam /5/

Verse: 6 
Halfverse: a    kr̥tvā dīkṣāṃ gatau vindʰyaṃ   tatrograṃ tepatus tapaḥ
   kr̥tvā dīkṣāṃ gatau vindʰyaṃ   tatra_ugraṃ tepatus tapaḥ /
Halfverse: c    tau tu dīrgʰeṇa kālena   tapo yuktau babʰūvatuḥ
   tau tu dīrgʰeṇa kālena   tapo yuktau babʰūvatuḥ /6/

Verse: 7 
Halfverse: a    kṣutpipāsāpariśrāntau   jaṭāvalkaladʰāriṇau
   kṣut-pipāsā-pariśrāntau   jaṭā-valkala-dʰāriṇau /
Halfverse: c    malopacita sarvāṅgau   vāyubʰakṣau babʰūvatuḥ
   mala_upacita sarva_aṅgau   vāyu-bʰakṣau babʰūvatuḥ /7/

Verse: 8 
Halfverse: a    ātmamāṃsāni juhvantau   pādāṅguṣṭʰāgradʰiṣṭʰitau
   ātma-māṃsāni juhvantau   pāda_aṅguṣṭʰa_agra-dʰiṣṭʰitau /
Halfverse: c    ūrdʰvabāhū cānimiṣau   dīrgʰakālaṃ dʰr̥tavratau
   ūrdʰva-bāhū ca_animiṣau   dīrgʰa-kālaṃ dʰr̥ta-vratau /8/

Verse: 9 
Halfverse: a    tayos tapaḥ prabʰāveṇa   dīrgʰakālaṃ pratāpitaḥ
   tayos tapaḥ prabʰāveṇa   dīrgʰa-kālaṃ pratāpitaḥ /
Halfverse: c    dʰūmaṃ pramumuce vindʰyas   tad adbʰutam ivābʰavat
   dʰūmaṃ pramumuce vindʰyas   tad adbʰutam iva_abʰavat /9/

Verse: 10 
Halfverse: a    tato devābʰavan bʰītā   ugraṃ dr̥ṣṭvā tayos tapaḥ
   tato devā_abʰavan bʰītā ugraṃ dr̥ṣṭvā tayos tapaḥ / ՙ
Halfverse: c    tapo vigʰātārtʰam atʰo   devā vigʰnāni cakrire
   tapo vigʰāta_artʰam atʰo   devā vigʰnāni cakrire /10/

Verse: 11 
Halfverse: a    ratnaiḥ pralobʰayām āsuḥ   strībʰiś cobʰau punaḥ punaḥ
   ratnaiḥ pralobʰayām āsuḥ   strībʰiś ca_ubʰau punaḥ punaḥ /
Halfverse: c    na ca tau cakratur bʰaṅgaṃ   vratasya sumahāvratau
   na ca tau cakratur bʰaṅgaṃ   vratasya sumahā-vratau /11/

Verse: 12 
Halfverse: a    atʰa māyāṃ punar devās   tayoś cakrur mahātmanoḥ
   atʰa māyāṃ punar devās   tayoś cakrur mahātmanoḥ /
Halfverse: c    bʰaginyo mātaro bʰāryās   tayoḥ parijanas tatʰā
   bʰaginyo mātaro bʰāryās   tayoḥ parijanas tatʰā /12/

Verse: 13 
Halfverse: a    paripātyamānā vitrastāḥ   śūlahastena rakṣasā
   paripātyamānā vitrastāḥ   śūla-hastena rakṣasā / q
Halfverse: c    srastābʰaraṇa keśāntā   ekāntabʰraṣṭavāsasaḥ
   srasta_ābʰaraṇa keśa_antā eka_anta-bʰraṣṭa-vāsasaḥ /13/

Verse: 14 
Halfverse: a    abʰidʰāvya tataḥ sarvās   tau trāhīti vicukruśuḥ
   abʰidʰāvya tataḥ sarvās   tau trāhi_iti vicukruśuḥ /
Halfverse: c    na ca tau cakratur bʰaṅgaṃ   vratasya sumahāvratau
   na ca tau cakratur bʰaṅgaṃ   vratasya sumahā-vratau /14/

Verse: 15 
Halfverse: a    yadā kṣobʰaṃ nopayāti   nārtim anyataras tayoḥ
   yadā kṣobʰaṃ na_upayāti   na_ārtim anyataras tayoḥ /
Halfverse: c    tataḥ striyas tā bʰūtaṃ ca   sarvam antaradʰīyata
   tataḥ striyas tā bʰūtaṃ ca   sarvam antar-adʰīyata /15/

Verse: 16 
Halfverse: a    tataḥ pitā mahaḥ sākṣād   abʰigamya mahāsurau
   tataḥ pitā mahaḥ sākṣād   abʰigamya mahā_asurau /
Halfverse: c    vareṇa cʰandayām āsa   sarvalokapitāmahaḥ
   vareṇa cʰandayām āsa   sarva-loka-pitāmahaḥ /16/

Verse: 17 
Halfverse: a    tataḥ sundopasundau tau   bʰrātarau dr̥ḍʰavikramau
   tataḥ sunda_upasundau tau   bʰrātarau dr̥ḍʰa-vikramau /
Halfverse: c    dr̥ṣṭvā pitāmahaṃ devaṃ   tastʰatuḥ prāñjalītadā
   dr̥ṣṭvā pitāmahaṃ devaṃ   tastʰatuḥ prāñjalī-tadā /17/

Verse: 18 
Halfverse: a    ūcatuś ca prabʰuṃ devaṃ   tatas tau sahitau tadā
   ūcatuś ca prabʰuṃ devaṃ   tatas tau sahitau tadā /
Halfverse: c    āvayos tapasānena   yadi prītaḥ pitāmahaḥ
   āvayos tapasā_anena   yadi prītaḥ pitāmahaḥ /18/

Verse: 19 
Halfverse: a    māyāvidāv astravidau   balinau kāmarūpiṇau
   māyāvidāv astravidau   balinau kāma-rūpiṇau /
Halfverse: c    ubʰāv apy amarau syāvaḥ   prasanno yadi no prabʰuḥ
   ubʰāv apy amarau syāvaḥ   prasanno yadi no prabʰuḥ /19/

Verse: 20  {Pitāmaha uvāca}
Halfverse: a    r̥te 'maratvam anyad vāṃ   sarvam uktaṃ bʰaviṣyati
   r̥te_amaratvam anyad vāṃ   sarvam uktaṃ bʰaviṣyati /
Halfverse: c    anyad vr̥ṇītāṃ mr̥tyoś ca   vidʰānam amaraiḥ samam
   anyad vr̥ṇītāṃ mr̥tyoś ca   vidʰānam amaraiḥ samam /20/

Verse: 21 
Halfverse: a    kariṣyāvedam iti yan   mahad abʰyuttʰitaṃ tapaḥ
   kariṣyāva_idam iti yan   mahad abʰyuttʰitaṃ tapaḥ /
Halfverse: c    yuvayor hetunānena   nāmaratvaṃ vidʰīyate
   yuvayor hetunā_anena   na_amaratvaṃ vidʰīyate /21/

Verse: 22 
Halfverse: a    trailokyavijayārtʰāya   bʰavadbʰyām āstʰitaṃ tapaḥ
   trailokya-vijaya_artʰāya   bʰavadbʰyām āstʰitaṃ tapaḥ /
Halfverse: c    hetunānena daityendrau   na vāṃ kāmaṃ karomy aham
   hetunā_anena daitya_indrau   na vāṃ kāmaṃ karomy aham /22/

Verse: 23  {Sundopasundāv ūcatuḥ}
Halfverse: a    triṣu lokeṣu yad bʰūtaṃ   kiṃ cit stʰāvarajaṅgamam
   triṣu lokeṣu yad bʰūtaṃ   kiṃcit stʰāvara-jaṅgamam /
Halfverse: c    sarvasmān nau bʰayaṃ na syād   r̥te 'nyonyaṃ pitāmaha
   sarvasmān nau bʰayaṃ na syād   r̥te_anyonyaṃ pitāmaha /23/

Verse: 24  {Pitāmaha uvāca}
Halfverse: a    yat prārtʰitaṃ yatʰoktaṃ ca   kāmam etad dadāni vām
   yat prārtʰitaṃ yatʰā_uktaṃ ca   kāmam etad dadāni vām /
Halfverse: c    mr̥tyor vidʰānam etac ca   yatʰāvad vāṃ bʰaviṣyati
   mr̥tyor vidʰānam etac ca   yatʰāvad vāṃ bʰaviṣyati /24/

Verse: 25  {Nārada uvāca}
Halfverse: a    tataḥ pitāmaho dāttvā   varam etat tadā tayoḥ
   tataḥ pitāmaho dāttvā   varam etat tadā tayoḥ /
Halfverse: c    nivartya tapasas tau ca   brahmalokaṃ jagāma ha
   nivartya tapasas tau ca   brahma-lokaṃ jagāma ha /25/

Verse: 26 
Halfverse: a    labdʰvā varāṇi sarvāṇi   daityendrāv api tāv ubʰau
   labdʰvā varāṇi sarvāṇi   daitya_indrāv api tāv ubʰau /
Halfverse: c    avadʰyau sarvalokasya   svam eva bʰavanaṃ gatau
   avadʰyau sarva-lokasya   svam eva bʰavanaṃ gatau /26/

Verse: 27 
Halfverse: a    tau tu labdʰavarau dr̥ṣṭvā   kr̥takāmau mahāsurau
   tau tu labdʰa-varau dr̥ṣṭvā   kr̥ta-kāmau mahā_asurau /
Halfverse: c    sarvaḥ suhr̥jjanas tābʰyāṃ   pramodam upajagmivān
   sarvaḥ suhr̥j-janas tābʰyāṃ   pramodam upajagmivān /27/

Verse: 28 
Halfverse: a    tatas tau tu jaṭā hitvā   maulinau saṃbabʰūvatuḥ
   tatas tau tu jaṭā hitvā   maulinau saṃbabʰūvatuḥ /
Halfverse: c    mahārhābʰaraṇopetau   virajo'mbaradʰāriṇau
   mahā_arha_ābʰaraṇa_upetau   virajo_ambara-dʰāriṇau /28/

Verse: 29 
Halfverse: a    akālakaumudīṃ caiva   cakratuḥ sārvakāmikī
   akāla-kaumudīṃ caiva   cakratuḥ sārvakāmikī /
Halfverse: c    daityendrau paramaprītau   tayoś caiva suhr̥jjanaḥ
   daitya_indrau parama-prītau   tayoś caiva suhr̥d-janaḥ /29/

Verse: 30 
Halfverse: a    bʰakṣyatāṃ bʰujyatāṃ nityaṃ   ramyatāṃ gīyatām iti
   bʰakṣyatāṃ bʰujyatāṃ nityaṃ   ramyatāṃ gīyatām iti /
Halfverse: c    pīyatāṃ dīyatāṃ ceti   vāca āsan gr̥he gr̥he
   pīyatāṃ dīyatāṃ ca_iti   vāca\ āsan gr̥he gr̥he /30/

Verse: 31 
Halfverse: a    tatra tatra mahāpānair   utkr̥ṣṭatalanāditaiḥ
   tatra tatra mahā-pānair   utkr̥ṣṭa-tala-nāditaiḥ /
Halfverse: c    hr̥ṣṭaṃ pramuditaṃ sarvaṃ   daityānām abʰavat puram
   hr̥ṣṭaṃ pramuditaṃ sarvaṃ   daityānām abʰavat puram /31/

Verse: 32 
Halfverse: a    tais tair vihārair bahubʰir   daityānāṃ kāmarūpiṇām
   tais tair vihārair bahubʰir   daityānāṃ kāma-rūpiṇām /
Halfverse: c    samāḥ saṃkrīḍatāṃ teṣām   ahar ekam ivābʰavat
   samāḥ saṃkrīḍatāṃ teṣām   ahar ekam iva_abʰavat /32/ (E)32



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.