TITUS
Mahabharata
Part No. 203
Previous part

Chapter: 203 
Adhyāya 203


Verse: 1  {Nārada uvāca}
Halfverse: a    tato devarṣayaḥ sarve   siddʰāś ca paramarṣayaḥ
   tato deva-r̥ṣayaḥ sarve   siddʰāś ca parama-r̥ṣayaḥ /
Halfverse: c    jagmus tadā parām ārtiṃ   dr̥ṣṭvā kat kadanaṃ mahat
   jagmus tadā parām ārtiṃ   dr̥ṣṭvā kat kadanaṃ mahat /1/

Verse: 2 
Halfverse: a    te 'bʰijagmur jitakrodʰā   jitātmāno jitendriyāḥ
   te_abʰijagmur jita-krodʰā   jita_ātmāno jita_indriyāḥ /
Halfverse: c    pitāmahasya bʰavanaṃ   jagataḥ kr̥payā tadā
   pitāmahasya bʰavanaṃ   jagataḥ kr̥payā tadā /2/

Verse: 3 
Halfverse: a    tato dadr̥śur āsīnaṃ   sahadevaiḥ pitāmaham
   tato dadr̥śur āsīnaṃ   saha-devaiḥ pitāmaham /
Halfverse: c    siddʰair brahmarṣibʰiś caiva   samantāt parivāritam
   siddʰair brahma-r̥ṣibʰiś caiva   samantāt parivāritam /3/

Verse: 4 
Halfverse: a    tatra devo mahādevas   tatrāgnir vāyunā saha
   tatra devo mahā-devas   tatra_agnir vāyunā saha /
Halfverse: c    candrādityau ca dʰarmaś ca   parameṣṭʰī tatʰā budʰaḥ
   candra_ādityau ca dʰarmaś ca   parameṣṭʰī tatʰā budʰaḥ /4/

Verse: 5 
Halfverse: a    vaikʰānasā vālakʰilyā   vānaprastʰā marīcipāḥ
   vaikʰānasā vālakʰilyā   vānaprastʰā marīcipāḥ /
Halfverse: c    ajāś caivāvimūḍʰāś ca   tejo garbʰās tapasvinaḥ
   ajāś caiva_avimūḍʰāś ca   tejo garbʰās tapasvinaḥ /
Halfverse: e    r̥ṣayaḥ sarva evaite   pitāmaham upāsate
   r̥ṣayaḥ sarva\ eva_ete   pitāmaham upāsate /5/

Verse: 6 
Halfverse: a    tato 'bʰigamya sahitāḥ   sarva eva maharṣayaḥ
   tato_abʰigamya sahitāḥ   sarva\ eva maharṣayaḥ /
Halfverse: c    sundopasundayoḥ karma   sarvam eva śaśaṃsire
   sunda_upasundayoḥ karma   sarvam eva śaśaṃsire /6/

Verse: 7 
Halfverse: a    yatʰā kr̥taṃ yatʰā caiva   kr̥taṃ yena krameṇa ca
   yatʰā kr̥taṃ yatʰā caiva   kr̥taṃ yena krameṇa ca /
Halfverse: c    nyavedayaṃs tataḥ sarvam   akʰilena pitāmahe
   nyavedayaṃs tataḥ sarvam   akʰilena pitāmahe /7/

Verse: 8 
Halfverse: a    tato devagaṇāḥ sarve   te caiva paramarṣayaḥ
   tato deva-gaṇāḥ sarve   te caiva paramarṣayaḥ /
Halfverse: c    tam evārtʰaṃ puraskr̥tya   pitāmaham acodayan
   tam eva_artʰaṃ puraskr̥tya   pitāmaham acodayan /8/

Verse: 9 
Halfverse: a    tataḥ pitāmahaḥ śrutvā   sarveṣāṃ tad vacas tadā
   tataḥ pitāmahaḥ śrutvā   sarveṣāṃ tad vacas tadā /
Halfverse: c    muhūrtam iva saṃcintya   kartavyasya viniścayam
   muhūrtam iva saṃcintya   kartavyasya viniścayam /9/

Verse: 10 
Halfverse: a    tayor vadʰaṃ samuddiśya   viśvakarmāṇam āhvayat
   tayor vadʰaṃ samuddiśya   viśva-karmāṇam āhvayat /
Halfverse: c    dr̥ṣṭvā ca viśvakarmāṇaṃ   vyādideśa pitāmahaḥ
   dr̥ṣṭvā ca viśva-karmāṇaṃ   vyādideśa pitāmahaḥ /
Halfverse: e    sr̥jyatāṃ prātʰanīyeha   pramadeti mahātapāḥ
   sr̥jyatāṃ prātʰanīyā_iha   pramadā_iti mahā-tapāḥ /10/

Verse: 11 
Halfverse: a    pitāmahaṃ namaskr̥tya   tad vākyam abʰinandya ca
   pitāmahaṃ namas-kr̥tya   tad vākyam abʰinandya ca /
Halfverse: c    nirmame yoṣitaṃ divyāṃ   cintayitvā prayatnataḥ
   nirmame yoṣitaṃ divyāṃ   cintayitvā prayatnataḥ /11/

Verse: 12 
Halfverse: a    triṣu lokeṣu yat kiṃ cid   bʰūtaṃ stʰāvarajaṅgamam
   triṣu lokeṣu yat kiṃcid   bʰūtaṃ stʰāvara-jaṅgamam /
Halfverse: c    samānayad darśanīyaṃ   tat tad yatnāt tatas tataḥ
   samānayad darśanīyaṃ   tat tad yatnāt tatas tataḥ /12/

Verse: 13 
Halfverse: a    koṭiśaś cāpi ratnāni   tasyā gātre nyaveśayat
   koṭiśaś ca_api ratnāni   tasyā gātre nyaveśayat /
Halfverse: c    tāṃ ratnasaṃgʰāta mayīm   asr̥jad devarūpiṇīm
   tāṃ ratna-saṃgʰāta mayīm   asr̥jad deva-rūpiṇīm /13/

Verse: 14 
Halfverse: a    sā prayatnena mahatā   nirmitā viśvakarmaṇā
   sā prayatnena mahatā   nirmitā viśva-karmaṇā /
Halfverse: c    triṣu lokeṣu nārīṇāṃ   rūpeṇāpratimābʰavat
   triṣu lokeṣu nārīṇāṃ   rūpeṇa_apratimā_abʰavat /14/

Verse: 15 
Halfverse: a    na tasyāḥ sūkṣmam apy asti   yad gātre rūpasaṃpadā
   na tasyāḥ sūkṣmam apy asti   yad gātre rūpa-saṃpadā /
Halfverse: c    na yuktaṃ yatra vā dr̥ṣṭir   na sajjati nirīkṣatām
   na yuktaṃ yatra vā dr̥ṣṭir   na sajjati nirīkṣatām /15/

Verse: 16 
Halfverse: a    sā vigrahavatīva śrīḥ   kānta rūpā vapuṣmatī
   sā vigrahavatī_iva śrīḥ   kānta rūpā vapuṣmatī /
Halfverse: c    jahāra sarvabʰūtānāṃ   cakṣūṃṣi ca manāṃsi ca
   jahāra sarva-bʰūtānāṃ   cakṣūṃṣi ca manāṃsi ca /16/

Verse: 17 
Halfverse: a    tilaṃ tilaṃ samānīya   ratnānāṃ yad vinirmitā
   tilaṃ tilaṃ samānīya   ratnānāṃ yad vinirmitā /
Halfverse: c    tilottamety atas tasyā   nāma cakre pitāmahaḥ
   tila_uttamā_ity atas tasyā   nāma cakre pitāmahaḥ /17/

Verse: 18  {Pitāmaha uvāca}
Halfverse: a    gaccʰa sundopasundābʰyām   asurābʰyāṃ tilottame
   gaccʰa sunda_upasundābʰyām   asurābʰyāṃ tila_uttame /
Halfverse: c    prārtʰanīyena rūpeṇa   kuru bʰadre pralobʰanam
   prārtʰanīyena rūpeṇa   kuru bʰadre pralobʰanam /18/

Verse: 19 
Halfverse: a    tvatkr̥te darśanād eva   rūpasaṃpat kr̥tena vai
   tvat-kr̥te darśanād eva   rūpa-saṃpat kr̥tena vai /
Halfverse: c    virodʰaḥ syād yatʰā tābʰyām   anyonyena tatʰā kuru
   virodʰaḥ syād yatʰā tābʰyām   anyonyena tatʰā kuru /19/

Verse: 20  {Nārada uvāca}
Halfverse: a    sā tatʰeti pratijñāya   namaskr̥tya pitāmaham
   sā tatʰā_iti pratijñāya   namas-kr̥tya pitāmaham /
Halfverse: c    cakāra maṇḍalaṃ tatra   vibudʰānāṃ pradakṣiṇam
   cakāra maṇḍalaṃ tatra   vibudʰānāṃ pradakṣiṇam /20/

Verse: 21 
Halfverse: a    prāṅmukʰo bʰagavān āste   dakṣiṇena maheśvaraḥ
   prāṅ-mukʰo bʰagavān āste   dakṣiṇena mahā_īśvaraḥ /
Halfverse: c    devāś caivottareṇāsan   sarvatas tv r̥ṣayo 'bʰavan
   devāś caiva_uttareṇa_āsan   sarvatas tv r̥ṣayo_abʰavan /21/

Verse: 22 
Halfverse: a    kurvantyā tu tayā tatra   maṇḍalaṃ tat pradakṣiṇam
   kurvantyā tu tayā tatra   maṇḍalaṃ tat pradakṣiṇam /
Halfverse: c    indraḥ stʰāṇuś ca bʰagavān   dʰairyeṇa pratyavastʰitau
   indraḥ stʰāṇuś ca bʰagavān   dʰairyeṇa pratyavastʰitau /22/

Verse: 23 
Halfverse: a    draṣṭukāmasya cātyartʰaṃ   gatāyāḥ pārśvatas tadā
   draṣṭu-kāmasya ca_atyartʰaṃ   gatāyāḥ pārśvatas tadā /
Halfverse: c    anyad añcitapakṣmāntaṃ   dakṣiṇaṃ niḥsr̥taṃ mukʰam
   anyad añcita-pakṣma_antaṃ   dakṣiṇaṃ niḥsr̥taṃ mukʰam /23/

Verse: 24 
Halfverse: a    pr̥ṣṭʰataḥ parivartantyāḥ   paścimaṃ niḥsr̥taṃ mukʰam
   pr̥ṣṭʰataḥ parivartantyāḥ   paścimaṃ niḥsr̥taṃ mukʰam /
Halfverse: c    gatāyāś cottaraṃ pārśvam   uttaraṃ niḥsr̥taṃ mukʰam
   gatāyāś ca_uttaraṃ pārśvam   uttaraṃ niḥsr̥taṃ mukʰam /24/

Verse: 25 
Halfverse: a    mahendrasyāpi netrāṇāṃ   pārśvataḥ pr̥ṣṭʰato 'grataḥ
   mahā_indrasya_api netrāṇāṃ   pārśvataḥ pr̥ṣṭʰato_agrataḥ /
Halfverse: c    raktāntānāṃ viśālānāṃ   sahasraṃ sarvato 'bʰavat
   rakta_antānāṃ viśālānāṃ   sahasraṃ sarvato_abʰavat /25/

Verse: 26 
Halfverse: a    evaṃ caturmukʰaḥ stʰāṇur   mahādevo 'bʰavat purā
   evaṃ catur-mukʰaḥ stʰāṇur   mahā-devo_abʰavat purā /
Halfverse: c    tatʰā sahasranetraś ca   babʰūva balasūdanaḥ
   tatʰā sahasra-netraś ca   babʰūva bala-sūdanaḥ /26/

Verse: 27 
Halfverse: a    tatʰā deva nikāyānām   r̥ṣīṇāṃ caiva sarvaśaḥ
   tatʰā deva nikāyānām   r̥ṣīṇāṃ caiva sarvaśaḥ /
Halfverse: c    mukʰāny abʰipravartante   yena yāti tilottamā
   mukʰāny abʰipravartante   yena yāti tila_uttamā /27/

Verse: 28 
Halfverse: a    tasyā gātre nipatitā   teṣāṃ dr̥ṣṭir mahātmanām
   tasyā gātre nipatitā   teṣāṃ dr̥ṣṭir mahātmanām /
Halfverse: c    sarveṣām eva bʰūyiṣṭʰam   r̥te devaṃ pitāmaham
   sarveṣām eva bʰūyiṣṭʰam   r̥te devaṃ pitāmaham /28/

Verse: 29 
Halfverse: a    gaccʰantyās tu tadā devāḥ   sarve ca paramarṣayaḥ
   gaccʰantyās tu tadā devāḥ   sarve ca paramarṣayaḥ /
Halfverse: c    kr̥tam ity eva tat kāryaṃ   menire rūpasaṃpadā
   kr̥tam ity eva tat kāryaṃ   menire rūpa-saṃpadā /29/

Verse: 30 
Halfverse: a    tilottamāyāṃ tu tadā   gatāyāṃ lokabʰāvanaḥ
   tila_uttamāyāṃ tu tadā   gatāyāṃ loka-bʰāvanaḥ /
Halfverse: c    sarvān visarjayām āsa   devān r̥ṣigaṇāṃś ca tān
   sarvān visarjayām āsa   devān r̥ṣi-gaṇāṃś ca tān /30/ (E)30



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.