TITUS
Mahabharata
Part No. 204
Previous part

Chapter: 204 
Adhyāya 204


Verse: 1  {Nārada uvāca}
Halfverse: a    jitvā tu pr̥tʰivīṃ daityau   niḥsapatnau gatavyatʰau
   jitvā tu pr̥tʰivīṃ daityau   niḥsapatnau gata-vyatʰau /
Halfverse: c    kr̥tvā trailokyam avyagraṃ   kr̥takr̥tyau babʰūvatuḥ
   kr̥tvā trailokyam avyagraṃ   kr̥ta-kr̥tyau babʰūvatuḥ /1/

Verse: 2 
Halfverse: a    devagandʰarvayakṣāṇāṃ   nāgapārtʰiva rakṣasām
   deva-gandʰarva-yakṣāṇāṃ   nāga-pārtʰiva rakṣasām /
Halfverse: c    ādāya sarvaratnāni   parāṃ tuṣṭim upāgatau
   ādāya sarva-ratnāni   parāṃ tuṣṭim upāgatau /2/

Verse: 3 
Halfverse: a    yadā na pratiṣeddʰāras   tayoḥ santīha ke cana
   yadā na pratiṣeddʰāras   tayoḥ santi_iha kecana /
Halfverse: c    nirudyogau tadā bʰūtvā   vijahrāte 'marāv iva
   nirudyogau tadā bʰūtvā   vijahrāte_amarāv iva /3/

Verse: 4 
Halfverse: a    strībʰir mālyaiś ca gandʰaiś ca   bʰakṣair bʰojyaiś ca puṣkalaiḥ
   strībʰir mālyaiś ca gandʰaiś ca   bʰakṣair bʰojyaiś ca puṣkalaiḥ / ՙ
Halfverse: c    pānaiś ca vividʰair hr̥dyaiḥ   parāṃ prītim avāpatuḥ
   pānaiś ca vividʰair hr̥dyaiḥ   parāṃ prītim avāpatuḥ /4/

Verse: 5 
Halfverse: a    antaḥpure vanodyāne   parvatopavaneṣu ca
   antaḥ-pure vana_udyāne   parvata_upavaneṣu ca /
Halfverse: c    yatʰepsiteṣu deśeṣu   vijahrāte 'marāv iva
   yatʰā_īpsiteṣu deśeṣu   vijahrāte_amarāv iva /5/

Verse: 6 
Halfverse: a    tataḥ kadā cid vindʰyasya   pr̥ṣṭʰe samaśilātale
   tataḥ kadācid vindʰyasya   pr̥ṣṭʰe sama-śilā-tale /
Halfverse: c    puṣpitāgreṣu śāleṣu   vihāram abʰijagmatuḥ
   puṣpita_agreṣu śāleṣu   vihāram abʰijagmatuḥ /6/

Verse: 7 
Halfverse: a    divyeṣu sarvakāmeṣu   samānīteṣu tatra tau
   divyeṣu sarva-kāmeṣu   samānīteṣu tatra tau /
Halfverse: c    varāsaneṣu saṃhr̥ṣṭau   saha strībʰir niṣedatuḥ
   vara_āsaneṣu saṃhr̥ṣṭau   saha strībʰir niṣedatuḥ /7/

Verse: 8 
Halfverse: a    tato vāditranr̥ttābʰyām   upātiṣṭʰanta tau striyaḥ
   tato vāditra-nr̥ttābʰyām   upātiṣṭʰanta tau striyaḥ /
Halfverse: c    gītaiś ca stutisaṃyuktaiḥ   prītyartʰam upajagmire
   gītaiś ca stuti-saṃyuktaiḥ   prīty-artʰam upajagmire /8/

Verse: 9 
Halfverse: a    tatas tilottamā tatra   vane puṣpāṇi cinvatī
   tatas tila_uttamā tatra   vane puṣpāṇi cinvatī /
Halfverse: c    veṣam ākṣiptam ādʰāya   raktenaikena vāsasā
   veṣam ākṣiptam ādʰāya   raktena_ekena vāsasā /9/

Verse: 10 
Halfverse: a    nadītīreṣu jātān sā   karṇikārān vicinvatī
   nadī-tīreṣu jātān sā   karṇikārān vicinvatī /
Halfverse: c    śanair jagāma taṃ deśaṃ   yatrāstāṃ tau mahāsurau
   śanair jagāma taṃ deśaṃ   yatra_āstāṃ tau mahā_asurau /10/

Verse: 11 
Halfverse: a    tau tu pītvā varaṃ pānaṃ   madaraktānta locanau
   tau tu pītvā varaṃ pānaṃ   mada-rakta_anta locanau /
Halfverse: c    dr̥ṣṭvaiva tāṃ varārohāṃ   vyatʰitau saṃbahūvatuḥ
   dr̥ṣṭvā_eva tāṃ vara_ārohāṃ   vyatʰitau saṃbahūvatuḥ /11/

Verse: 12 
Halfverse: a    tāv utpatyāsanaṃ hitvā   jagmatur yatra sā stʰitā
   tāv utpatya_āsanaṃ hitvā   jagmatur yatra sā stʰitā /
Halfverse: c    ubʰau ca kāmasaṃmattāv   ubʰau prārtʰayataś ca tām
   ubʰau ca kāma-saṃmattāv   ubʰau prārtʰayataś ca tām /12/

Verse: 13 
Halfverse: a    dakṣiṇe tāṃ kare subʰrūṃ   sundo jagrāha pāṇinā
   dakṣiṇe tāṃ kare subʰrūṃ   sundo jagrāha pāṇinā /
Halfverse: c    upasundo 'pi jagrāha   vāme pāṇau tilottamām
   upasundo_api jagrāha   vāme pāṇau tila_uttamām /13/

Verse: 14 
Halfverse: a    varapradāna mattau tāv   aurasena balena ca
   vara-pradāna mattau tāv   aurasena balena ca /
Halfverse: c    dʰanaratnamadābʰyāṃ ca   surā pānamadena ca
   dʰana-ratna-madābʰyāṃ ca   surā pāna-madena ca /14/

Verse: 15 
Halfverse: a    sarvair etair madair mattāv   anyonyaṃ bʰrukuṭī kr̥tau
   sarvair etair madair mattāv   anyonyaṃ bʰrukuṭī kr̥tau /
Halfverse: c    madakāmasamāviṣṭau   parasparam atʰocatuḥ
   mada-kāma-samāviṣṭau   parasparam atʰa_ūcatuḥ /15/

Verse: 16 
Halfverse: a    mama bʰāryā tava gurur   iti sundo 'bʰyabʰāṣata
   mama bʰāryā tava gurur   iti sundo_abʰyabʰāṣata /
Halfverse: c    mama bʰāryā tava vadʰūr   upasundo 'bʰyabʰāṣata
   mama bʰāryā tava vadʰūr   upasundo_abʰyabʰāṣata /16/

Verse: 17 
Halfverse: a    naiṣā tava mamaiṣeti   tatra tau manyur āviśat
   na_eṣā tava mama_eṣā_iti   tatra tau manyur āviśat /
Halfverse: c    tasyā hetor gade bʰīme   tāv ubʰāv apy agr̥hṇatām
   tasyā hetor gade bʰīme   tāv ubʰāv apy agr̥hṇatām /17/

Verse: 18 
Halfverse: a    tau pragr̥hya gade bʰīme   tasyāḥ kāmena mohitau
   tau pragr̥hya gade bʰīme   tasyāḥ kāmena mohitau /
Halfverse: c    ahaṃ pūrvam ahaṃ pūrvam   ity anyonyaṃ nijagʰnatuḥ
   ahaṃ pūrvam ahaṃ pūrvam   ity anyonyaṃ nijagʰnatuḥ /18/

Verse: 19 
Halfverse: a    tau gadābʰihatau bʰīmau   petatur dʰaraṇītale
   tau gadā_abʰihatau bʰīmau   petatur dʰaraṇī-tale /
Halfverse: c    rudʰireṇāvaliptāṅgau   dvāv ivārkau nabʰaś cyutau
   rudʰireṇa_avalipta_aṅgau   dvāv iva_arkau nabʰaś cyutau /19/

Verse: 20 
Halfverse: a    tatas tā vidrutā nāryaḥ   sa ca daitya gaṇas tadā
   tatas tā vidrutā nāryaḥ   sa ca daitya gaṇas tadā /
Halfverse: c    pātālam agamat sarvo   viṣādabʰayakampitaḥ
   pātālam agamat sarvo   viṣāda-bʰaya-kampitaḥ /20/

Verse: 21 
Halfverse: a    tataḥ pitāmahas tatra   sahadevair maharṣibʰiḥ
   tataḥ pitāmahas tatra   saha-devair maharṣibʰiḥ /
Halfverse: c    ājagāma viśuddʰātmā   pūjayiṣyaṃs tilottamām
   ājagāma viśuddʰa_ātmā   pūjayiṣyaṃs tila_uttamām /21/

Verse: 22 
Halfverse: a    vareṇa cʰanditā sā tu   brahmaṇā prītim eva ha
   vareṇa cʰanditā sā tu   brahmaṇā prītim eva ha /
Halfverse: c    varayām āsa tatraināṃ   prītaḥ prāha pitāmahaḥ
   varayām āsa tatra_enāṃ   prītaḥ prāha pitāmahaḥ /22/

Verse: 23 
Halfverse: a    ādityacaritām̐l lokān   vicariṣyasi bʰāmini
   āditya-caritām̐l lokān   vicariṣyasi bʰāmini /
Halfverse: c    tejasā ca sudr̥ṣṭāṃ tvāṃ   na kariṣyati kaś cana
   tejasā ca sudr̥ṣṭāṃ tvāṃ   na kariṣyati kaścana /23/

Verse: 24 
Halfverse: a    evaṃ tasyai varaṃ dattvā   sarvalokapitāmahaḥ
   evaṃ tasyai varaṃ dattvā   sarva-loka-pitāmahaḥ /
Halfverse: c    indre trailokyam ādʰāya   brahmalokaṃ gataḥ prabʰuḥ
   indre trailokyam ādʰāya   brahma-lokaṃ gataḥ prabʰuḥ /24/

Verse: 25 
Halfverse: a    evaṃ tau sahitau bʰūtvā   sarvārtʰeṣv ekaniścayau
   evaṃ tau sahitau bʰūtvā   sarva_artʰeṣv eka-niścayau /
Halfverse: c    tilottamārtʰe saṃkruddʰāv   anyonyam abʰijagʰnatuḥ
   tila_uttamā_artʰe saṃkruddʰāv   anyonyam abʰijagʰnatuḥ /25/ ՙ

Verse: 26 
Halfverse: a    tasmād bravīmi vaḥ snehāt   sarvān bʰaratasattamān
   tasmād bravīmi vaḥ snehāt   sarvān bʰarata-sattamān /
Halfverse: c    yatʰā vo nātra bʰedaḥ syāt   sarveṣāṃ draupadī kr̥te
   yatʰā vo na_atra bʰedaḥ syāt   sarveṣāṃ draupadī kr̥te /
Halfverse: e    tatʰā kuruta bʰadraṃ vo   mama cet priyam iccʰatʰa
   tatʰā kuruta bʰadraṃ vo   mama cet priyam iccʰatʰa /26/

Verse: 27  {Vaiśaṃpāyana uvāca}
Halfverse: a    evam uktā mahātmāno   nāradena maharṣiṇā
   evam uktā mahātmāno   nāradena maharṣiṇā /
Halfverse: c    samayaṃ cakrire rājaṃs   te 'nyonyena samāgatāḥ
   samayaṃ cakrire rājaṃs   te_anyonyena samāgatāḥ /
Halfverse: e    samakṣaṃ tasya devarṣer   nāradasyāmitaujasaḥ
   samakṣaṃ tasya devarṣer   nāradasya_amita_ojasaḥ /27/

Verse: 28 
Halfverse: a    draupadyā naḥ sahāsīnam   anyo 'nyaṃ yo 'bʰidarśayet
   draupadyā naḥ saha_āsīnam   anyo_anyaṃ yo_abʰidarśayet /
Halfverse: c    sa no dvādaśa varṣāṇi   brahma cārī vane vaset
   sa no dvādaśa varṣāṇi   brahma cārī vane vaset /28/

Verse: 29 
Halfverse: a    kr̥te tu samaye tasmin   pāṇḍavair dʰarmacāribʰiḥ
   kr̥te tu samaye tasmin   pāṇḍavair dʰarma-cāribʰiḥ /
Halfverse: c    nārado 'py agamat prīta   iṣṭaṃ deśaṃ mahāmuniḥ
   nārado_apy agamat prīta iṣṭaṃ deśaṃ mahā-muniḥ /29/

Verse: 30 
Halfverse: a    evaṃ taiḥ samayaḥ pūrvaṃ   kr̥to narada coditaiḥ
   evaṃ taiḥ samayaḥ pūrvaṃ   kr̥to narada coditaiḥ /
Halfverse: c    na cābʰidyanta te sārve   tadānyonyena bʰārata
   na ca_abʰidyanta te sārve   tadā_anyonyena bʰārata /30/ (E)30



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.