TITUS
Mahabharata
Part No. 212
Previous part

Chapter: 212 
Adhyāya 212


Verse: 1  {Vaiśaṃpāyana uvāca}
Halfverse: a    tataḥ saṃvādite tasminn   anujñāto dʰanaṃjayaḥ
   tataḥ saṃvādite tasminn   anujñāto dʰanaṃjayaḥ /
Halfverse: c    gatāṃ raivatake kanyāṃ   viditvā janamejaya
   gatāṃ raivatake kanyāṃ   viditvā janamejaya /1/

Verse: 2 
Halfverse: a    vāsudevābʰyanujñātaḥ   katʰayitvetikr̥tyatām
   vāsudeva_abʰyanujñātaḥ   katʰayitvā_itikr̥tyatām /
Halfverse: c    kr̥ṣṇasya matam ājñāya   prayayau bʰaratarṣabʰaḥ
   kr̥ṣṇasya matam ājñāya   prayayau bʰarata-r̥ṣabʰaḥ /2/

Verse: 3 
Halfverse: a    ratʰena kāñcanāṅgena   kalpitena yatʰāvidʰi
   ratʰena kāñcana_aṅgena   kalpitena yatʰā-vidʰi /
Halfverse: c    sainyasugrīva yuktena   kiṅkiṇījālamālinā
   sainya-sugrīva yuktena   kiṅkiṇī-jāla-mālinā /3/

Verse: 4 
Halfverse: a    sarvaśastropapannena   jīmūtaravanādinā
   sarva-śastra_upapannena   jīmūta-rava-nādinā /
Halfverse: c    jvalitāgniprakāśena   dviṣatāṃ harṣagʰātinā
   jvalita_agni-prakāśena   dviṣatāṃ harṣa-gʰātinā /4/

Verse: 5 
Halfverse: a    saṃnaddʰaḥ kavacī kʰaḍgī   baddʰagodʰāṅgulitravān
   saṃnaddʰaḥ kavacī kʰaḍgī   baddʰa-godʰā_aṅgulitravān /
Halfverse: c    mr̥gayā vyapadeśena   yaugapadyena bʰārata
   mr̥gayā vyapadeśena   yaugapadyena bʰārata /5/

Verse: 6 
Halfverse: a    subʰadrā tv atʰa śailendram   abʰyarcya saha raivatam
   subʰadrā tv atʰa śaila_indram   abʰyarcya saha raivatam /
Halfverse: c    daivatāni ca sarvāṇi   brāhmaṇān svasti vācya ca
   daivatāni ca sarvāṇi   brāhmaṇān svasti vācya ca /6/

Verse: 7 
Halfverse: a    pradakṣiṇaṃ giriṃ kr̥tvā   prayayau dvārakāṃ prati
   pradakṣiṇaṃ giriṃ kr̥tvā   prayayau dvārakāṃ prati /
Halfverse: c    tām abʰidrutya kaunteyaḥ   prasahyāropayad ratʰam
   tām abʰidrutya kaunteyaḥ   prasahya_āropayad ratʰam /7/

Verse: 8 
Halfverse: a    tataḥ sa puruṣavyāgʰras   tām ādāya śucismitām
   tataḥ sa puruṣa-vyāgʰras   tām ādāya śuci-smitām /
Halfverse: c    ratʰenākāśagenaiva   prayayau svapuraṃ prati
   ratʰena_ākāśagena_eva   prayayau svapuraṃ prati /8/

Verse: 9 
Halfverse: a    hriyamāṇāṃ tu tāṃ dr̥ṣṭvā   subʰadrāṃ sainiko janaḥ
   hriyamāṇāṃ tu tāṃ dr̥ṣṭvā   subʰadrāṃ sainiko janaḥ /
Halfverse: c    vikrośan prādravat sarvo   dvārakām abʰitaḥ purīm
   vikrośan prādravat sarvo   dvārakām abʰitaḥ purīm /9/

Verse: 10 
Halfverse: a    te samāsādya sahitāḥ   sudʰarmām abʰitaḥ sabʰām
   te samāsādya sahitāḥ   sudʰarmām abʰitaḥ sabʰām /
Halfverse: c    sabʰā pālasya tat sarvam   ācakʰyuḥ pārtʰa vikramam
   sabʰā pālasya tat sarvam   ācakʰyuḥ pārtʰa vikramam /10/

Verse: 11 
Halfverse: a    teṣāṃ śrutvā sabʰā pālo   bʰerīṃ sāmnāhikīṃ tataḥ
   teṣāṃ śrutvā sabʰā pālo   bʰerīṃ sāmnāhikīṃ tataḥ /
Halfverse: c    samājagʰne mahāgʰoṣāṃ   jāmbūnadapariṣkr̥tām
   samājagʰne mahā-gʰoṣāṃ   jāmbūnada-pariṣkr̥tām /11/

Verse: 12 
Halfverse: a    kṣubdʰās tenātʰa śabdena   bʰojavr̥ṣṇyandʰakās tadā
   kṣubdʰās tena_atʰa śabdena   bʰoja-vr̥ṣṇy-andʰakās tadā /
Halfverse: c    annapānam apāsyātʰa   samāpetuḥ sabʰāṃ tataḥ
   anna-pānam apāsya_atʰa   samāpetuḥ sabʰāṃ tataḥ /12/

Verse: 13 
Halfverse: a    tato jāmbūnadāṅgāni   spardʰyāstaraṇavanti ca
   tato jāmbūnada_aṅgāni   spardʰya_āstaraṇavanti ca /
Halfverse: c    maṇividruma citrāṇi   jvalitāgniprabʰāṇi ca
   maṇi-vidruma citrāṇi   jvalita_agni-prabʰāṇi ca /13/

Verse: 14 
Halfverse: a    bʰejire puruṣavyāgʰrā   vr̥ṣṇyandʰakamahāratʰāḥ
   bʰejire puruṣa-vyāgʰrā   vr̥ṣṇy-andʰaka-mahā-ratʰāḥ /
Halfverse: c    siṃhāsanāni śataśo   dʰiṣṇyānīva hutāśanāḥ
   siṃha_āsanāni śataśo   dʰiṣṇyāni_iva huta_aśanāḥ /14/

Verse: 15 
Halfverse: a    teṣāṃ samupaviṣṭānāṃ   devānām iva saṃnaye
   teṣāṃ samupaviṣṭānāṃ   devānām iva saṃnaye /
Halfverse: c    ācakʰyau ceṣṭitaṃ jiṣṇoḥ   sabʰā pālaḥ sahānugaḥ
   ācakʰyau ceṣṭitaṃ jiṣṇoḥ   sabʰā pālaḥ sahānugaḥ /15/

Verse: 16 
Halfverse: a    tac cʰrutvā vr̥ṣṇivīrās te   madaraktānta locanāḥ
   tat śrutvā vr̥ṣṇi-vīrās te   mada-rakta_anta locanāḥ /
Halfverse: c    amr̥ṣyamāṇāḥ pārtʰasya   samutpetur ahaṃ kr̥tāḥ
   amr̥ṣyamāṇāḥ pārtʰasya   samutpetur ahaṃ kr̥tāḥ /16/

Verse: 17 
Halfverse: a    yojayadʰvaṃ ratʰān āśu   prāsān āharateti ca
   yojayadʰvaṃ ratʰān āśu   prāsān āharata_iti ca /
Halfverse: c    dʰanūṃṣi ca mahārhāṇi   kavacāni br̥hanti ca
   dʰanūṃṣi ca mahā_arhāṇi   kavacāni br̥hanti ca /17/

Verse: 18 
Halfverse: a    sūtān uccukruśuḥ kec cid   ratʰān yojayateti ca
   sūtān uccukruśuḥ keccid   ratʰān yojayata_iti ca /
Halfverse: c    svayaṃ ca turagān ke cin   ninyur hemavibʰūṣitān
   svayaṃ ca turagān kecin   ninyur hema-vibʰūṣitān /18/

Verse: 19 
Halfverse: a    ratʰeṣv ānīyamāneṣu   kavaceṣu dʰvajeṣu ca
   ratʰeṣv ānīyamāneṣu   kavaceṣu dʰvajeṣu ca /
Halfverse: c    abʰikrande nr̥vīrāṇāṃ   tadāsīt saṃkulaṃ mahat
   abʰikrande nr̥-vīrāṇāṃ   tadā_āsīt saṃkulaṃ mahat /19/

Verse: 20 
Halfverse: a    vanamālī tataḥ kṣībaḥ   kailāsaśikʰaropamaḥ
   vana-mālī tataḥ kṣībaḥ   kailāsa-śikʰara_upamaḥ /
Halfverse: c    nīlavāsā madotsikta   idaṃ vacanam abravīt
   nīla-vāsā mada_utsikta idaṃ vacanam abravīt /20/

Verse: 21 
Halfverse: a    kim idaṃ kurutʰāprajñās   tūṣṇīṃbʰūte janārdane
   kim idaṃ kurutʰa_aprajñās   tūṣṇīṃ-bʰūte janārdane /
Halfverse: c    asya bʰāvam avijñāya   saṃkruddʰā mogʰagarjitāḥ
   asya bʰāvam avijñāya   saṃkruddʰā mogʰa-garjitāḥ /21/

Verse: 22 
Halfverse: a    eṣa tāvad abʰiprāyam   ākʰyātu svaṃ mahāmatiḥ
   eṣa tāvad abʰiprāyam   ākʰyātu svaṃ mahā-matiḥ /
Halfverse: c    yad asya rucitaṃ kartuṃ   tat kurudʰvam atandritāḥ
   yad asya rucitaṃ kartuṃ   tat kurudʰvam atandritāḥ /22/

Verse: 23 
Halfverse: a    tatas te tad vacaḥ śrutvā   grāhya rūpaṃ halāyudʰāt
   tatas te tad vacaḥ śrutvā   grāhya rūpaṃ hala_āyudʰāt /
Halfverse: c    tūṣṇīṃbʰūtās tataḥ sarve   sādʰu sādʰv iti cābruvan
   tūṣṇīṃ-bʰūtās tataḥ sarve   sādʰu sādʰv iti ca_abruvan /23/

Verse: 24 
Halfverse: a    samaṃ vaco niśamyeti   baladevasya dʰīmataḥ
   samaṃ vaco niśamya_iti   bala-devasya dʰīmataḥ /
Halfverse: c    punar eva sabʰāmadʰye   sarve tu samupāviśan
   punar eva sabʰā-madʰye   sarve tu samupāviśan /24/

Verse: 25 
Halfverse: a    tato 'bravīt kāmapālo   vāsudevaṃ paraṃtapam
   tato_abravīt kāma-pālo   vāsudevaṃ paraṃtapam /
Halfverse: c    kim avāg upaviṣṭo 'si   prekṣamāṇo janārdana
   kim avāg upaviṣṭo_asi   prekṣamāṇo janārdana /25/

Verse: 26 
Halfverse: a    satkr̥tas tvatkr̥te pārtaḥ   sarvair asmābʰir acyuta
   satkr̥tas tvat-kr̥te pārtaḥ   sarvair asmābʰir acyuta /
Halfverse: c    na ca so 'rhati tāṃ pūjāṃ   durbuddʰiḥ kulapāṃsanaḥ
   na ca so_arhati tāṃ pūjāṃ   durbuddʰiḥ kula-pāṃsanaḥ /26/

Verse: 27 
Halfverse: a    ko hi tatraiva bʰuktvānnaṃ   bʰājanaṃ bʰettum arhati
   ko hi tatra_eva bʰuktvā_annaṃ   bʰājanaṃ bʰettum arhati /
Halfverse: c    manyamānaḥ kule jātam   ātmānaṃ puruṣaḥ kva cit
   manyamānaḥ kule jātam   ātmānaṃ puruṣaḥ kvacit /27/

Verse: 28 
Halfverse: a    īpsamānaś ca saṃbandʰaṃ   kr̥pa pūrvaṃ ca mānayan
   īpsamānaś ca saṃbandʰaṃ   kr̥pa pūrvaṃ ca mānayan /
Halfverse: c    ko hi nāma bʰavenārtʰī   sāhasena samācaret
   ko hi nāma bʰavena_artʰī   sāhasena samācaret /28/

Verse: 29 
Halfverse: a    so 'vamanya ca nāmāsmān   anādr̥tya ca keśavam
   so_avamanya ca nāma_asmān   anādr̥tya ca keśavam /
Halfverse: c    prasahya hr̥tavān adya   subʰadrāṃ mr̥tyum ātmanaḥ
   prasahya hr̥tavān adya   subʰadrāṃ mr̥tyum ātmanaḥ /29/

Verse: 30 
Halfverse: a    katʰaṃ hi śiraso madʰye   padaṃ tena kr̥taṃ mama
   katʰaṃ hi śiraso madʰye   padaṃ tena kr̥taṃ mama /
Halfverse: c    marṣayiṣyāmi govinda   pādasparśam ivoragaḥ
   marṣayiṣyāmi govinda   pāda-sparśam iva_uragaḥ /30/

Verse: 31 
Halfverse: a    adya niṣkauravām ekaḥ   kariṣyāmi vasuṃdʰarām
   adya niṣkauravām ekaḥ   kariṣyāmi vasuṃdʰarām /
Halfverse: c    na hi me marṣaṇīyo 'yam   arjunasya vyatikramaḥ
   na hi me marṣaṇīyo_ayam   arjunasya vyatikramaḥ /31/

Verse: 32 
Halfverse: a    taṃ tatʰā garjamānaṃ tu   megʰadundubʰi niḥsvanam
   taṃ tatʰā garjamānaṃ tu   megʰa-dundubʰi niḥsvanam /
Halfverse: c    anvapadyanta te sarve   bʰojavr̥ṣṇyandʰakās tadā
   anvapadyanta te sarve   bʰoja-vr̥ṣṇy-andʰakās tadā /32/ (E)32



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.