TITUS
Mahabharata
Part No. 219
Previous part

Chapter: 219 
Adhyāya 219


Verse: 1  {Vaiśaṃpāyana uvāca}
Halfverse: a    tatʰā śailanipātena   bʰīṣitāḥ kʰāṇḍavālayāḥ
   tatʰā śaila-nipātena   bʰīṣitāḥ kʰāṇḍava_ālayāḥ /
Halfverse: c    dānavā rākṣasā nāgās   tarakṣvr̥kṣavanaukasaḥ
   dānavā rākṣasā nāgās   tarakṣv-r̥kṣa-vana_okasaḥ /
Halfverse: e    dvipāḥ prabʰinnāḥ śārdūlāḥ   siṃhāḥ kesariṇas tatʰā {!}
   dvipāḥ prabʰinnāḥ śārdūlāḥ   siṃhāḥ kesariṇas tatʰā /1/ {!}

Verse: 2 
Halfverse: a    mr̥gāś ca mahiṣāś caiva   śataśaḥ pakṣiṇas tatʰā
   mr̥gāś ca mahiṣāś caiva   śataśaḥ pakṣiṇas tatʰā /
Halfverse: c    samudvignā visasr̥pus   tatʰānyā bʰūtajātayaḥ
   samudvignā visasr̥pus   tatʰā_anyā bʰūta-jātayaḥ /2/

Verse: 3 
Halfverse: a    taṃ dāvaṃ samudīkṣantaḥ   kr̥ṣṇau cābʰyudyatāyudʰau
   taṃ dāvaṃ samudīkṣantaḥ   kr̥ṣṇau ca_abʰyudyata_āyudʰau /
Halfverse: c    utpātanād aśabdena   saṃtrāsita ivābʰavan
   utpātanād aśabdena   saṃtrāsita\ iva_abʰavan /3/ <*saṃtrāsita\ abʰavan*>

Verse: 4 
Halfverse: a    svatejo bʰāsvaraṃ cakram   utsasarja janārdanaḥ
   sva-tejo bʰāsvaraṃ cakram   utsasarja janārdanaḥ /
Halfverse: c    tena tā jātayaḥ kṣudrāḥ   sadānava niśācarāḥ
   tena tā jātayaḥ kṣudrāḥ   sadānava niśā-carāḥ /
Halfverse: e    nikr̥ttāḥ śataśaḥ sarvā   nipetur analaṃ kṣaṇāt
   nikr̥ttāḥ śataśaḥ sarvā   nipetur analaṃ kṣaṇāt /4/

Verse: 5 
Halfverse: a    adr̥śyan rākṣasās tatra   kr̥ṣṇa cakravidāritāḥ
   adr̥śyan rākṣasās tatra   kr̥ṣṇa cakra-vidāritāḥ /
Halfverse: c    vasā rudʰirasaṃpr̥ktāḥ   saṃdʰyāyām iva toyadāḥ
   vasā rudʰira-saṃpr̥ktāḥ   saṃdʰyāyām iva toyadāḥ /5/

Verse: 6 
Halfverse: a    piśācān pakṣiṇo nāgān   paśūṃś cāpi sahasraśaḥ
   piśācān pakṣiṇo nāgān   paśūṃś ca_api sahasraśaḥ /
Halfverse: c    nigʰnaṃś carati vārṣṇeyaḥ   kālavat tatra bʰārata
   nigʰnaṃś carati vārṣṇeyaḥ   kālavat tatra bʰārata /6/

Verse: 7 
Halfverse: a    kṣiptaṃ kṣiptaṃ hi tac cakraṃ   kr̥ṣṇasyāmitra gʰātinaḥ
   kṣiptaṃ kṣiptaṃ hi tac cakraṃ   kr̥ṣṇasya_amitra gʰātinaḥ /
Halfverse: c    hatvānekāni sattvāni   pāṇim eti punaḥ punaḥ
   hatvā_anekāni sattvāni   pāṇim eti punaḥ punaḥ /7/

Verse: 8 
Halfverse: a    tatʰā tu nigʰnatas tasya   sarvasattvāni bʰārata
   tatʰā tu nigʰnatas tasya   sarva-sattvāni bʰārata /
Halfverse: c    babʰūva rūpam atyugraṃ   sarvabʰūtātmanas tadā
   babʰūva rūpam atyugraṃ   sarva-bʰūta_ātmanas tadā /8/

Verse: 9 
Halfverse: a    sametānāṃ ca devānāṃ   dānavānāṃ ca sarvaśaḥ
   sametānāṃ ca devānāṃ   dānavānāṃ ca sarvaśaḥ /
Halfverse: c    vijetā nābʰavat kaś cit   kr̥ṣṇa pāṇḍavayor mr̥dʰe
   vijetā na_abʰavat kaścit   kr̥ṣṇa pāṇḍavayor mr̥dʰe /9/

Verse: 10 
Halfverse: a    tayor balāt paritrātuṃ   taṃ dāvaṃ tu yadā surāḥ
   tayor balāt paritrātuṃ   taṃ dāvaṃ tu yadā surāḥ /
Halfverse: c    nāśaknuvañ śamayituṃ   tadābʰūvan parāṅmukʰāḥ
   na_aśaknuvan śamayituṃ   tadā_abʰūvan parāṅ-mukʰāḥ /10/

Verse: 11 
Halfverse: a    śatakratuś ca saṃprekṣya   vimukʰān devatā gaṇān
   śata-kratuś ca saṃprekṣya   vimukʰān devatā gaṇān /
Halfverse: c    babʰūvāvastʰitaḥ prītaḥ   praśaṃsan kr̥ṣṇa pāṇḍavau
   babʰūva_avastʰitaḥ prītaḥ   praśaṃsan kr̥ṣṇa pāṇḍavau /11/

Verse: 12 
Halfverse: a    nivr̥tteṣu tu deveṣu   vāg uvācāśarīriṇī
   nivr̥tteṣu tu deveṣu   vāg uvāca_aśarīriṇī /
Halfverse: c    śatakratum abʰiprekṣya   mahāgambʰīra niḥsvanā
   śata-kratum abʰiprekṣya   mahā-gambʰīra niḥsvanā /12/

Verse: 13 
Halfverse: a    na te sakʰā saṃnihitas   takṣakaḥ pannagottamaḥ
   na te sakʰā saṃnihitas   takṣakaḥ pannaga_uttamaḥ /
Halfverse: c    dāhakāle kʰāṇḍavasya   kurukṣetraṃ gato hy asau
   dāha-kāle kʰāṇḍavasya   kuru-kṣetraṃ gato hy asau /13/

Verse: 14 
Halfverse: a    na ca śakyo tvayā jetuṃ   yuddʰe 'smin samavastʰitau
   na ca śakyo tvayā jetuṃ   yuddʰe_asmin samavastʰitau /
Halfverse: c    vāsudevārjunau śakra   nibodʰedaṃ vaco mama
   vāsudeva_arjunau śakra   nibodʰa_idaṃ vaco mama /14/

Verse: 15 
Halfverse: a    naranārāyaṇau devau   tāv etau viśrutau divi
   nara-nārāyaṇau devau   tāv etau viśrutau divi /
Halfverse: c    bʰavān apy abʰijānāti   yad vīryau yat parākramau
   bʰavān apy abʰijānāti   yad vīryau yat parākramau /15/

Verse: 16 
Halfverse: a    naitau śakyau durādʰarṣau   vijetum ajitau yudʰi
   na_etau śakyau durādʰarṣau   vijetum ajitau yudʰi /
Halfverse: c    api sarveṣu lokeṣu   purāṇāv r̥ṣisattamau
   api sarveṣu lokeṣu   purāṇāv r̥ṣi-sattamau /16/

Verse: 17 
Halfverse: a    pūjanīyatamāv etāv   api sarvaiḥ surāsuraiḥ
   pūjanīyatamāv etāv   api sarvaiḥ sura_asuraiḥ /
Halfverse: c    sayakṣarakṣogandʰarvanarakiṃnara   pannagaiḥ
   sayakṣa-rakṣo-gandʰarva-nara-kiṃnara   pannagaiḥ /17/

Verse: 18 
Halfverse: a    tasmād itaḥ suraiḥ sārdʰaṃ   gantum arhasi vāsava
   tasmād itaḥ suraiḥ sārdʰaṃ   gantum arhasi vāsava /
Halfverse: c    diṣṭaṃ cāpy anupaśyaitat   kʰāṇḍavasya vināśanam
   diṣṭaṃ ca_apy anupaśya_etat   kʰāṇḍavasya vināśanam /18/

Verse: 19 
Halfverse: a    iti vācam abʰiśrutya   tatʰyam ity amareśvaraḥ
   iti vācam abʰiśrutya   tatʰyam ity amara_īśvaraḥ /
Halfverse: c    kopāmarṣau samutsr̥jya   saṃpratastʰe divaṃ tadā
   kopa_amarṣau samutsr̥jya   saṃpratastʰe divaṃ tadā /19/

Verse: 20 
Halfverse: a    taṃ prastʰitaṃ mahātmānaṃ   samavekṣya divaukasaḥ
   taṃ prastʰitaṃ mahātmānaṃ   samavekṣya diva_okasaḥ /
Halfverse: c    tvaritāḥ sahitā rājann   anujagmuḥ śatakratum
   tvaritāḥ sahitā rājann   anujagmuḥ śata-kratum /20/

Verse: 21 
Halfverse: a    devarājaṃ tadā yāntaṃ   sahadevair udīkṣya tu
   deva-rājaṃ tadā yāntaṃ   saha-devair udīkṣya tu /
Halfverse: c    vāsudevārjunau vīrau   siṃhanādaṃ vinedatuḥ
   vāsudeva_arjunau vīrau   siṃha-nādaṃ vinedatuḥ /21/

Verse: 22 
Halfverse: a    devarāje gate rājan   prahr̥ṣṭau kr̥ṣṇa pāṇḍavau
   deva-rāje gate rājan   prahr̥ṣṭau kr̥ṣṇa pāṇḍavau / ՙ
Halfverse: c    nirviśaṅkaṃ punar dāvaṃ   dāhayām āsatus tadā
   nirviśaṅkaṃ punar dāvaṃ   dāhayām āsatus tadā /22/

Verse: 23 
Halfverse: a    sa māruta ivābʰrāṇi   nāśayitvārjunaḥ surān
   sa māruta\ iva_abʰrāṇi   nāśayitvā_arjunaḥ surān /
Halfverse: c    vyadʰamac cʰarasaṃpātaiḥ   prāṇinaḥ kʰāṇḍavālayān
   vyadʰamat śara-saṃpātaiḥ   prāṇinaḥ kʰāṇḍava_ālayān /23/

Verse: 24 
Halfverse: a    na ca sma kiṃ cic cʰaknoti   bʰūtaṃ niścaritaṃ tataḥ
   na ca sma kiṃcit śaknoti   bʰūtaṃ niścaritaṃ tataḥ /
Halfverse: c    saṃcʰidyamānam iṣubʰir   asyatā savyasācinā
   saṃcʰidyamānam iṣubʰir   asyatā savya-sācinā /24/

Verse: 25 
Halfverse: a    nāśakaṃs tatra bʰūtāni   mahānty api raṇe 'rjunam
   na_aśakaṃs tatra bʰūtāni   mahānty api raṇe_arjunam /
Halfverse: c    nirīkṣitum amogʰeṣuṃ   kariṣyanti kuto raṇam
   nirīkṣitum amogʰa_iṣuṃ   kariṣyanti kuto raṇam /25/

Verse: 26 
Halfverse: a    śatenaikaṃ ca vivyādʰa   śataṃ caikena pattriṇā {!}
   śatena_ekaṃ ca vivyādʰa   śataṃ ca_ekena pattriṇā / {!}
Halfverse: c    vyasavas te 'patann agnau   sākṣāt kālahatā iva
   vyasavas te_apatann agnau   sākṣāt kāla-hatā\ iva /26/

Verse: 27 
Halfverse: a    na cālabʰanta te śarma   rodʰaḥsu viṣameṣu ca
   na ca_alabʰanta te śarma   rodʰaḥsu viṣameṣu ca /
Halfverse: c    pitr̥deva nivāseṣu   saṃtāpaś cāpy ajāyata
   pitr̥-deva nivāseṣu   saṃtāpaś ca_apy ajāyata /27/

Verse: 28 
Halfverse: a    bʰūtasaṃgʰa sahasrāś ca   dīnāś cakrur mahāsvanam
   bʰūta-saṃgʰa sahasrāś ca   dīnāś cakrur mahā-svanam /
Halfverse: c    ruruvur vāraṇāś caiva   tatʰaiva mr̥gapakṣiṇaḥ
   ruruvur vāraṇāś caiva   tatʰaiva mr̥ga-pakṣiṇaḥ /
Halfverse: e    tena śabdena vitresur   gaṅgodadʰi carā jʰaṣāḥ {!}
   tena śabdena vitresur   gaṅgā_udadʰi carā jʰaṣāḥ /28/ {!}

Verse: 29 
Halfverse: a    na hy arjunaṃ mahābāhuṃ   nāpi kr̥ṣṇaṃ mahābalam
   na hy arjunaṃ mahā-bāhuṃ   na_api kr̥ṣṇaṃ mahā-balam /
Halfverse: c    nirīkṣituṃ vai śaknoti   kaś cid yoddʰuṃ kutaḥ punaḥ
   nirīkṣituṃ vai śaknoti   kaścid yoddʰuṃ kutaḥ punaḥ /29/

Verse: 30 
Halfverse: a    ekāyanagatā ye 'pi   niṣpatanty atra ke cana
   eka_ayana-gatā ye_api   niṣpatanty atra kecana /
Halfverse: c    rākṣasān dānavān nāgāñ   jagʰne cakreṇa tān hariḥ
   rākṣasān dānavān nāgān   jagʰne cakreṇa tān hariḥ /30/

Verse: 31 
Halfverse: a    te vibʰinnaśiro dehāś   cakravegād gatāsavaḥ
   te vibʰinna-śiro dehāś   cakra-vegād gata_asavaḥ /
Halfverse: c    petur āsye mahākāyā   dīptasya vasuretasaḥ
   petur āsye mahā-kāyā   dīptasya vasu-retasaḥ /31/

Verse: 32 
Halfverse: a    sa māṃsarudʰiraugʰaiś ca   medaugʰaiś ca samīritaḥ
   sa māṃsa-rudʰira_ogʰaiś ca   meda_ogʰaiś ca samīritaḥ / <medaugʰaiś>
Halfverse: c    upary ākāśago vahnir   vidʰūmaḥ samadr̥śyata
   upary ākāśago vahnir   vidʰūmaḥ samadr̥śyata /32/

Verse: 33 
Halfverse: a    dīptākṣo dīptajihvaś ca   dīptavyātta mahānanaḥ
   dīpta_akṣo dīpta-jihvaś ca   dīpta-vyātta mahā_ānanaḥ /
Halfverse: c    dīptordʰva keśaḥ piṅgākṣaḥ   piban prāṇabʰr̥tāṃ vasām
   dīpta_ūrdʰva keśaḥ piṅga_akṣaḥ   piban prāṇa-bʰr̥tāṃ vasām /33/

Verse: 34 
Halfverse: a    tāṃ sa kr̥ṣṇārjuna kr̥tāṃ   sudʰāṃ prāpya hutāśanaḥ
   tāṃ sa kr̥ṣṇa_arjuna kr̥tāṃ   sudʰāṃ prāpya huta_aśanaḥ /
Halfverse: c    babʰūva muditas tr̥ptaḥ   parāṃ nirvr̥tim āgataḥ
   babʰūva muditas tr̥ptaḥ   parāṃ nirvr̥tim āgataḥ /34/ ՙ

Verse: 35 
Halfverse: a    atʰāsuraṃ mayaṃ nāma   takṣakasya niveśanāt
   atʰa_asuraṃ mayaṃ nāma   takṣakasya niveśanāt /
Halfverse: c    vipradravantaṃ sahasā   dadarśa madʰusūdanaḥ
   vipradravantaṃ sahasā   dadarśa madʰu-sūdanaḥ /35/

Verse: 36 
Halfverse: a    tam agniḥ prārtʰayām āsa   didʰakṣur vātasāratʰiḥ
   tam agniḥ prārtʰayām āsa   didʰakṣur vāta-sāratʰiḥ /
Halfverse: c    dehavān vai jaṭī bʰūtvā   nadaṃś ca jalado yatʰā
   dehavān vai jaṭī bʰūtvā   nadaṃś ca jalado yatʰā /
Halfverse: e    jigʰāṃsur vāsudevaś ca   cakram udyamya viṣṭʰitaḥ
   jigʰāṃsur vāsudevaś ca   cakram udyamya viṣṭʰitaḥ /36/

Verse: 37 
Halfverse: a    sa cakram udyataṃ dr̥ṣṭvā   didʰakṣuṃ ca hutāśanam
   sa cakram udyataṃ dr̥ṣṭvā   didʰakṣuṃ ca huta_aśanam /
Halfverse: c    abʰidʰāvārjunety evaṃ   mayaś cukrośa bʰārata
   abʰidʰāva_arjuna_ity evaṃ   mayaś cukrośa bʰārata /37/

Verse: 38 
Halfverse: a    tasya bʰītasvanaṃ śrutvā   mā bʰair iti dʰanaṃjayaḥ
   tasya bʰīta-svanaṃ śrutvā   mā bʰair iti dʰanaṃjayaḥ /
Halfverse: c    pratyuvāca mayaṃ pārtʰo   jīvayann iva bʰārata
   pratyuvāca mayaṃ pārtʰo   jīvayann iva bʰārata /38/

Verse: 39 
Halfverse: a    taṃ pārtʰenābʰaye datte   namucer bʰrātaraṃ mayam
   taṃ pārtʰena_abʰaye datte   namucer bʰrātaraṃ mayam /
Halfverse: c    na hantum aiccʰad dāśārhaḥ   pāvako na dadāha ca
   na hantum aiccʰad dāśārhaḥ   pāvako na dadāha ca /39/

Verse: 40 
Halfverse: a    tasmin vane dahyamāne   ṣaḍ agnir na dadāha ca
   tasmin vane dahyamāne   ṣaḍ agnir na dadāha ca /
Halfverse: c    aśvasenaṃ mayaṃ cāpi   caturaḥ śārṅgakān iti
   aśva-senaṃ mayaṃ ca_api   caturaḥ śārṅgakān iti /40/ (E)40



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.