TITUS
Mahabharata
Part No. 221
Previous part

Chapter: 221 
Adhyāya 221


Verse: 1  {Vaiśaṃpāyana uvāca}
Halfverse: a    tataḥ prajvalite śukre   śārṅgakās te suduḥkʰitāḥ
   tataḥ prajvalite śukre   śārṅgakās te suduḥkʰitāḥ /
Halfverse: c    vyatʰitāḥ paramodvignā   nādʰijagmuḥ parāyaṇam
   vyatʰitāḥ parama_udvignā   na_adʰijagmuḥ parāyaṇam /1/

Verse: 2 
Halfverse: a    niśāmya putrakān bālān   mātā teṣāṃ tapasvinī
   niśāmya putrakān bālān   mātā teṣāṃ tapasvinī /
Halfverse: c    jaritā duḥkʰasaṃtaptā   vilalāpa nareśvara
   jaritā duḥkʰa-saṃtaptā   vilalāpa nara_īśvara /2/

Verse: 3 
Halfverse: a    ayam agnir dahan kakṣam   ita āyāti bʰīṣaṇaḥ
   ayam agnir dahan kakṣam   ita\ āyāti bʰīṣaṇaḥ /
Halfverse: c    jagat saṃdīpayan bʰīmo   mama duḥkʰavivardʰanaḥ
   jagat saṃdīpayan bʰīmo   mama duḥkʰa-vivardʰanaḥ /3/

Verse: 4 
Halfverse: a    ime ca māṃ karṣayanti   śiśavo mandacetasaḥ
   ime ca māṃ karṣayanti   śiśavo manda-cetasaḥ /
Halfverse: c    abarhāś caraṇair hīnāḥ   pūrveṣāṃ naḥ parāyaṇam
   abarhāś caraṇair hīnāḥ   pūrveṣāṃ naḥ parāyaṇam /
Halfverse: e    trāsayaṃś cāyam āyāti   lelihāno mahīruhān
   trāsayaṃś ca_ayam āyāti   lelihāno mahī-ruhān /4/

Verse: 5 
Halfverse: a    aśaktimattvāc ca sutā   na śaktāḥ saraṇe mama
   aśaktimattvāc ca sutā   na śaktāḥ saraṇe mama /
Halfverse: c    ādāya ca na śaktāsmi   putrān saritum anyataḥ
   ādāya ca na śaktā_asmi   putrān saritum anyataḥ /5/

Verse: 6 
Halfverse: a    na ca tyaktum ahaṃ śaktā   hr̥dayaṃ dūyatīva me
   na ca tyaktum ahaṃ śaktā   hr̥dayaṃ dūyati_iva me /
Halfverse: c    kaṃ nu jahyām ahaṃ putraṃ   kam ādāya vrajāmy aham
   kaṃ nu jahyām ahaṃ putraṃ   kam ādāya vrajāmy aham /6/

Verse: 7 
Halfverse: a    kiṃ nu me syāt kr̥taṃ kr̥tvā   manyadʰvaṃ putrakāḥ katʰam
   kiṃ nu me syāt kr̥taṃ kr̥tvā   manyadʰvaṃ putrakāḥ katʰam /
Halfverse: c    cintayānā vimokṣaṃ vo   nādʰigaccʰāmi kiṃ cana
   cintayānā vimokṣaṃ vo   na_adʰigaccʰāmi kiṃcana /
Halfverse: e    cʰādayitvā ca vo gātraiḥ   kariṣye maraṇaṃ saha
   cʰādayitvā ca vo gātraiḥ   kariṣye maraṇaṃ saha /7/

Verse: 8 
Halfverse: a    jaritārau kulaṃ hīdaṃ   jyeṣṭʰatvena pratiṣṭʰitam
   jaritārau kulaṃ hi_idaṃ   jyeṣṭʰatvena pratiṣṭʰitam /
Halfverse: c    sārisr̥kvaḥ prajāyeta   pitr̥̄ṇāṃ kulavardʰanaḥ
   sārisr̥kvaḥ prajāyeta   pitr̥̄ṇāṃ kula-vardʰanaḥ /8/

Verse: 9 
Halfverse: a    stamba mitras tapaḥ kuryād   droṇo brahmavid uttamaḥ
   stamba mitras tapaḥ kuryād   droṇo brahmavid uttamaḥ / ՙ
Halfverse: c    ity evam uktvā prayayau   pitā vo nirgʰr̥ṇaḥ purā
   ity evam uktvā prayayau   pitā vo nirgʰr̥ṇaḥ purā /9/

Verse: 10 
Halfverse: a    kam upādāya śakyeta   gantuṃ kasyāpad uttamā
   kam upādāya śakyeta   gantuṃ kasya_āpad uttamā /
Halfverse: c    kiṃ nu kr̥tvā kr̥taṃ kāryaṃ   bʰaved iti ca vihvalā
   kiṃ nu kr̥tvā kr̥taṃ kāryaṃ   bʰaved iti ca vihvalā /10/

Verse: 11 
Halfverse: a    nāpaśyat svadʰiyā mokṣaṃ   svasutānāṃ tadānalāt
   na_apaśyat sva-dʰiyā mokṣaṃ   svasutānāṃ tadā_analāt /
Halfverse: c    evaṃ bruvantīṃ śārṅgās te   pratyūcur atʰa mātaram
   evaṃ bruvantīṃ śārṅgās te   pratyūcur atʰa mātaram /11/

Verse: 12 
Halfverse: a    sneham utsr̥jya mātas tvaṃ   pata yatra na havyavāṭ
   sneham utsr̥jya mātas tvaṃ   pata yatra na havya-vāṭ /
Halfverse: c    asmāsu hi vinaṣṭeṣu   bʰavitāraḥ sutās tava
   asmāsu hi vinaṣṭeṣu   bʰavitāraḥ sutās tava /
Halfverse: e    tvayi mātar vinaṣṭāyāṃ   na naḥ syāt kulasaṃtatiḥ
   tvayi mātar vinaṣṭāyāṃ   na naḥ syāt kula-saṃtatiḥ /12/

Verse: 13 
Halfverse: a    anvavaikṣyaitad ubʰayaṃ   kṣamaṃ syād yat kulasya naḥ
   anvavaikṣya_etad ubʰayaṃ   kṣamaṃ syād yat kulasya naḥ /
Halfverse: c    tad vai kartuṃ paraḥ kālo   mātar eṣa bʰavet tava
   tad vai kartuṃ paraḥ kālo   mātar eṣa bʰavet tava /13/

Verse: 14 
Halfverse: a    mā vai kulavināśāya   snehaṃ kārṣīḥ suteṣu naḥ
   mā vai kula-vināśāya   snehaṃ kārṣīḥ suteṣu naḥ /
Halfverse: c    na hīdaṃ karma mogʰaṃ syāl   lokakāmasya naḥ pituḥ
   na hi_idaṃ karma mogʰaṃ syāl   loka-kāmasya naḥ pituḥ /14/

Verse: 15  {Jaritovāca}
Halfverse: a    idam ākʰor bilaṃ bʰūmau   vr̥kṣasyāsya samīpataḥ
   idam ākʰor bilaṃ bʰūmau   vr̥kṣasya_asya samīpataḥ /
Halfverse: c    tad āviśadʰvaṃ tvaritā   vahner atra na vo bʰayam
   tad āviśadʰvaṃ tvaritā   vahner atra na vo bʰayam /15/

Verse: 16 
Halfverse: a    tato 'haṃ pāṃsunā cʰidram   apidʰāsyāmi putrakāḥ
   tato_ahaṃ pāṃsunā cʰidram   apidʰāsyāmi putrakāḥ /
Halfverse: c    evaṃ pratikr̥taṃ manye   jvalataḥ kr̥ṣṇavartmanaḥ
   evaṃ pratikr̥taṃ manye   jvalataḥ kr̥ṣṇa-vartmanaḥ /16/

Verse: 17 
Halfverse: a    tata eṣyāmy atīte 'gnau   vihartuṃ pāṃsusaṃcayam
   tata\ eṣyāmy atīte_agnau   vihartuṃ pāṃsu-saṃcayam /
Halfverse: c    rocatām eṣa vopāyo   vimokṣāya hutāśanāt
   rocatām eṣa vā_upāyo   vimokṣāya huta_aśanāt /17/

Verse: 18  {Śarṅgakā ūcuḥ}
Halfverse: a    abarhān māṃsabʰūtān naḥ   kravyādākʰur vināśayet
   abarhān māṃsa-bʰūtān naḥ   kravya_ada_ākʰur vināśayet /
Halfverse: c    paśyamānā bʰayam idaṃ   na śakṣyāmo niṣevitum
   paśyamānā bʰayam idaṃ   na śakṣyāmo niṣevitum /18/

Verse: 19 
Halfverse: a    katʰam agnir na no dahyāt   katʰam ākʰur na bʰakṣayet
   katʰam agnir na no dahyāt   katʰam ākʰur na bʰakṣayet /
Halfverse: c    katʰaṃ na syāt pitā mogʰaḥ   katʰaṃ mātā dʰriyeta naḥ
   katʰaṃ na syāt pitā mogʰaḥ   katʰaṃ mātā dʰriyeta naḥ /19/

Verse: 20 
Halfverse: a    bila ākʰor vināśaḥ syād   agner ākāśacāriṇām
   bila\ ākʰor vināśaḥ syād   agner ākāśa-cāriṇām /
Halfverse: c    anvavekṣyaitad ubʰayaṃ   śreyān dāho na bʰakṣaṇam
   anvavekṣya_etad ubʰayaṃ   śreyān dāho na bʰakṣaṇam /20/

Verse: 21 
Halfverse: a    garhitaṃ maraṇaṃ naḥ syād   ākʰunā kʰādatā bile
   garhitaṃ maraṇaṃ naḥ syād   ākʰunā kʰādatā bile /
Halfverse: c    śiṣṭād iṣṭaḥ parityāgaḥ   śarīrasya hutāśanāt
   śiṣṭād iṣṭaḥ parityāgaḥ   śarīrasya huta_aśanāt /21/ (E)21



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.