TITUS
Mahabharata
Part No. 225
Previous part

Chapter: 225 
Adhyāya 225


Verse: 1  {Mandapāla uvāca}
Halfverse: a    yuṣmākaṃ parirakṣārtʰaṃ   vijñapto jvalano mayā
   yuṣmākaṃ parirakṣā_artʰaṃ   vijñapto jvalano mayā /
Halfverse: c    agninā ca tatʰety evaṃ   pūrvam eva pratiśrutam
   agninā ca tatʰā_ity evaṃ   pūrvam eva pratiśrutam /1/

Verse: 2 
Halfverse: a    agner vacanam ājñāya   mātur dʰarmajñatāṃ ca vaḥ
   agner vacanam ājñāya   mātur dʰarmajñatāṃ ca vaḥ /
Halfverse: c    yuṣmākaṃ ca paraṃ vīryaṃ   nāhaṃ pūrvam ihāgataḥ
   yuṣmākaṃ ca paraṃ vīryaṃ   na_ahaṃ pūrvam iha_āgataḥ /2/

Verse: 3 
Halfverse: a    na saṃtāpo hi vaḥ kāryaḥ   putrakā maraṇaṃ prati
   na saṃtāpo hi vaḥ kāryaḥ   putrakā maraṇaṃ prati /
Halfverse: c    r̥ṣīn veda hutāśo 'pi   brahma tad viditaṃ ca vaḥ
   r̥ṣīn veda huta_aśo_api   brahma tad viditaṃ ca vaḥ /3/

Verse: 4  {Vaiśaṃpāyana uvāca}
Halfverse: a    evam āśvāsya putrān sa   bʰaryāṃ cādāya bʰārata
   evam āśvāsya putrān sa   bʰaryāṃ ca_ādāya bʰārata /
Halfverse: c    mandapālas tato deśād   anyaṃ deśaṃ jagāma ha
   manda-pālas tato deśād   anyaṃ deśaṃ jagāma ha /4/

Verse: 5 
Halfverse: a    magʰavān api tigmāṃśuḥ   samiddʰaṃ kʰāṇḍavaṃ vanam
   magʰavān api tigma_aṃśuḥ   samiddʰaṃ kʰāṇḍavaṃ vanam /
Halfverse: c    dadāha saha kr̥ṣṇābʰyāṃ   janayañ jagato 'bʰayam
   dadāha saha kr̥ṣṇābʰyāṃ   janayan jagato_abʰayam /5/

Verse: 6 
Halfverse: a    vasā medo vahāḥ kulyās   tatra pītvā ca pāvakaḥ
   vasā medo vahāḥ kulyās   tatra pītvā ca pāvakaḥ /
Halfverse: c    agaccʰat paramāṃ tr̥ptiṃ   darśayām āsa cārjunam
   agaccʰat paramāṃ tr̥ptiṃ   darśayām āsa ca_arjunam /6/

Verse: 7 
Halfverse: a    tato 'ntarikṣād bʰagavān   avatīrya sureśvaraḥ
   tato_antarikṣād bʰagavān   avatīrya sura_īśvaraḥ /
Halfverse: c    marudgaṇavr̥taḥ pārtʰaṃ   mādʰavaṃ cābravīd idam
   marud-gaṇa-vr̥taḥ pārtʰaṃ   mādʰavaṃ ca_abravīd idam /7/

Verse: 8 
Halfverse: a    kr̥taṃ yuvābʰyāṃ karmedam   amarair api duṣkaram
   kr̥taṃ yuvābʰyāṃ karma_idam   amarair api duṣkaram /
Halfverse: c    varān vr̥ṇītaṃ tuṣṭo 'smi   durlabʰān apy amānuṣān
   varān vr̥ṇītaṃ tuṣṭo_asmi   durlabʰān apy amānuṣān /8/

Verse: 9 
Halfverse: a    pārtʰas tu varayām āsa   śakrād astrāṇi sarvaśaḥ
   pārtʰas tu varayām āsa   śakrād astrāṇi sarvaśaḥ /
Halfverse: c    grahītuṃ tac ca śakro 'sya   tadā kālaṃ cakāra ha
   grahītuṃ tac ca śakro_asya   tadā kālaṃ cakāra ha /9/

Verse: 10 
Halfverse: a    yadā prasanno bʰagavān   mahādevo bʰaviṣyati
   yadā prasanno bʰagavān   mahā-devo bʰaviṣyati /
Halfverse: c    tubʰyaṃ tadā pradāsyāmi   pāṇḍavāstrāṇi sarvaśaḥ
   tubʰyaṃ tadā pradāsyāmi   pāṇḍava_astrāṇi sarvaśaḥ /10/

Verse: 11 
Halfverse: a    aham eva ca taṃ kālaṃ   vetsyāmi kurunandana
   aham eva ca taṃ kālaṃ   vetsyāmi kuru-nandana /
Halfverse: c    tapasā mahatā cāpi   dāsyāmi tava tāny aham
   tapasā mahatā ca_api   dāsyāmi tava tāny aham /11/

Verse: 12 
Halfverse: a    āgneyāni ca sarvāṇi   vāyavyāni tatʰaiva ca
   āgneyāni ca sarvāṇi   vāyavyāni tatʰaiva ca /
Halfverse: c    madīyāni ca sarvāṇi   grahīṣyasi dʰanaṃjaya
   madīyāni ca sarvāṇi   grahīṣyasi dʰanaṃjaya /12/

Verse: 13 
Halfverse: a    vāsudevo 'pi jagrāha   prītiṃ pārtʰena śāśvatīm
   vāsudevo_api jagrāha   prītiṃ pārtʰena śāśvatīm / ՙ
Halfverse: c    dadau ca tasmai devendras   taṃ varaṃ prītimāṃs tadā
   dadau ca tasmai deva_indras   taṃ varaṃ prītimāṃs tadā /13/

Verse: 14 
Halfverse: a    dattvā tābʰyāṃ varaṃ prītaḥ   sahadevair marutpatiḥ
   dattvā tābʰyāṃ varaṃ prītaḥ   saha-devair marut-patiḥ /
Halfverse: c    hutāśanam anujñāpya   jagāma tridivaṃ punaḥ
   huta_aśanam anujñāpya   jagāma tridivaṃ punaḥ /14/

Verse: 15 
Halfverse: a    pāvakaś cāpi taṃ dāvaṃ   dagdʰvā samr̥gapakṣiṇam
   pāvakaś ca_api taṃ dāvaṃ   dagdʰvā samr̥ga-pakṣiṇam /
Halfverse: c    ahāni pañca caikaṃ ca   virarāma sutarpitaḥ
   ahāni pañca ca_ekaṃ ca   virarāma sutarpitaḥ /15/

Verse: 16 
Halfverse: a    jagdʰvā māṃsāni pītvā ca   medāṃsi rudʰirāṇi ca
   jagdʰvā māṃsāni pītvā ca   medāṃsi rudʰirāṇi ca /
Halfverse: c    yuktaḥ paramayā prītyā   tāv uvāca viśāṃ pate
   yuktaḥ paramayā prītyā   tāv uvāca viśāṃ pate /16/

Verse: 17 
Halfverse: a    yuvābʰyāṃ puruṣāgryābʰyāṃ   tarpito 'smi yatʰāsukʰam
   yuvābʰyāṃ\ puruṣa_agryābʰyāṃ   tarpito_asmi yatʰā-sukʰam /
Halfverse: c    anujānāmi vāṃ vīrau   carataṃ yatra vāñcʰitam
   anujānāmi vāṃ vīrau   carataṃ yatra vāñcʰitam /17/

Verse: 18 
Halfverse: a    evaṃ tau samanujñātau   pāvakena mahātmanā
   evaṃ tau samanujñātau   pāvakena mahātmanā /
Halfverse: c    arjuno vāsudevaś ca   dānavaś ca mayas tatʰā
   arjuno vāsudevaś ca   dānavaś ca mayas tatʰā /18/

Verse: 19 
Halfverse: a    parikramya tataḥ sarve   trayo 'pi bʰaratarṣabʰa
   parikramya tataḥ sarve   trayo_api bʰarata-r̥ṣabʰa /
Halfverse: c    ramaṇīye nadīkūle   sahitāḥ samupāviśan
   ramaṇīye nadī-kūle   sahitāḥ samupāviśan //// {(E)19=End of the Adi parvan=}





Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.