TITUS
Mahabharata
Part No. 226
Previous part

Book: 2 
Sabʰā-Parvan

ՙ This file generated by ՙ mconv ../tokunaga/m02_v1.e ՙ April 6, 1995: 12.08 p.m. ՙ ՙ Chapters 66-68 (part of tʰe Anudyūtaparvan) ՙ edited to fully accurate form 6-2-1995 ՙ ՙ Updated April 20, 1995: 6.14 p.m. ՙ ՙ Updated June 27, 1995: 2.28 p.m. ՙ




Chapter: 1 
Adhyāya 1


Verse: 1  {Vaiśaṃpāyana uvāca}
Halfverse: a    tato 'bravīn mayaḥ pārtʰaṃ   vāsudevasya saṃnidʰau
   tato_abravīd mayaḥ pārtʰaṃ   vāsudevasya saṃnidʰau /
Halfverse: c    prāñjaliḥ ślakṣṇayā vācā   pūjayitvā punaḥ punaḥ
   prāñjaliḥ ślakṣṇayā vācā   pūjayitvā punaḥ punaḥ /1/

Verse: 2 
Halfverse: a    asmāc ca kr̥ṣṇāt saṃkruddʰāt   pāvakāc ca didʰakṣataḥ
   asmāc ca kr̥ṣṇāt saṃkruddʰāt   pāvakāc ca didʰakṣataḥ /
Halfverse: c    tvayā trāto 'smi kaunteya   brūhi kiṃ karavāṇi te
   tvayā trāto_asmi kaunteya   brūhi kiṃ karavāṇi te /2/

Verse: 3  {Arjuna uvāca}
Halfverse: a    kr̥tam eva tvayā sarvaṃ   svasti gaccʰa mahāsura
   kr̥tam eva tvayā sarvaṃ   svasti gaccʰa mahā_asura /
Halfverse: c    prītimān bʰava me nityaṃ   prītimanto vayaṃ ca te
   prītimān bʰava me nityaṃ   prītimanto vayaṃ ca te /3/

Verse: 4  {Maya uvāca}
Halfverse: a    yuktam etat tvayi vibʰo   yatʰāttʰa puruṣarṣabʰa
   yuktam etat tvayi vibʰo   yatʰā_āttʰa puruṣa-r̥ṣabʰa /
Halfverse: c    prītipūrvam ahaṃ kiṃ cit   kartum iccʰāmi bʰārata
   prīti-pūrvam ahaṃ kiṃcit   kartum iccʰāmi bʰārata /4/

Verse: 5 
Halfverse: a    ahaṃ hi viśvakarmā vai   dānavānāṃ mahākaviḥ
   ahaṃ hi viśva-karmā vai   dānavānāṃ mahā-kaviḥ /
Halfverse: c    so 'haṃ vai tvatkr̥te kiṃ cit   kartum iccʰāmi pāṇḍava
   so_ahaṃ vai tvat-kr̥te kiṃcit   kartum iccʰāmi pāṇḍava /5/

Verse: 6  {Arjuna uvāca}
Halfverse: a    prāṇakr̥ccʰrād vimuktaṃ tvam   ātmānaṃ manyase mayā
   prāṇa-kr̥ccʰrād vimuktaṃ tvam   ātmānaṃ manyase mayā /
Halfverse: c    evaṃgate na śakṣyāmi   kiṃ cit kārayituṃ tvayā
   evaṃ-gate na śakṣyāmi   kiṃcit kārayituṃ tvayā /6/

Verse: 7 
Halfverse: a    na cāpi tava saṃkalpaṃ   mogʰam iccʰāmi dānava
   na ca_api tava saṃkalpaṃ   mogʰam iccʰāmi dānava /
Halfverse: c    kr̥ṣṇasya kriyatāṃ kiṃ cit   tatʰā pratikr̥taṃ mayi
   kr̥ṣṇasya kriyatāṃ kiṃcit   tatʰā pratikr̥taṃ mayi /7/

Verse: 8  {Vaiśaṃpāyana uvāca}
Halfverse: a    codito vāsudevas tu   mayena bʰaratarṣabʰa
   codito vāsudevas tu   mayena bʰarata-r̥ṣabʰa /
Halfverse: c    muhūrtam iva saṃdadʰyau   kim ayaṃ codyatām iti
   muhūrtam iva saṃdadʰyau   kim ayaṃ codyatām iti /8/

Verse: 9 
Halfverse: a    codayām āsa taṃ kr̥ṣṇaḥ   sabʰā vai kriyatām iti
   codayām āsa taṃ kr̥ṣṇaḥ   sabʰā vai kriyatām iti /
Halfverse: c    dʰarmarājasya daiteya   yādr̥śīm iha manyase
   dʰarma-rājasya daiteya   yādr̥śīm iha manyase /9/

Verse: 10 
Halfverse: a    yāṃ kr̥tāṃ nānukuryus te   mānavāḥ prekṣya vismitāḥ
   yāṃ kr̥tāṃ na_anukuryus te   mānavāḥ prekṣya vismitāḥ /
Halfverse: c    manuṣyaloke kr̥tsne 'smiṃs   tādr̥śīṃ kuru vai sabʰām
   manuṣya-loke kr̥tsne_asmiṃs   tādr̥śīṃ kuru vai sabʰām /10/

Verse: 11 
Halfverse: a    yatra divyān abʰiprāyān   paśyema vihitāṃs tvayā
   yatra divyān abʰiprāyān   paśyema vihitāṃs tvayā /
Halfverse: c    āsurān mānuṣāṃś caiva   tāṃ sabʰāṃ kuru vai maya
   āsurān mānuṣāṃś caiva   tāṃ sabʰāṃ kuru vai maya /11/

Verse: 12 
Halfverse: a    pratigr̥hya tu tad vākyaṃ   saṃprahr̥ṣṭo mayas tadā
   pratigr̥hya tu tad vākyaṃ   saṃprahr̥ṣṭo mayas tadā /
Halfverse: c    vimānapratimāṃ cakre   pāṇḍavasya sabʰāṃ mudā
   vimāna-pratimāṃ cakre   pāṇḍavasya sabʰāṃ mudā /12/

Verse: 13 
Halfverse: a    tataḥ kr̥ṣṇaś ca pārtʰaś ca   dʰarmarāje yudʰiṣṭʰire
   tataḥ kr̥ṣṇaś ca pārtʰaś ca   dʰarma-rāje yudʰiṣṭʰire /
Halfverse: c    sarvam etad yatʰāvedya   darśayām āsatur mayam
   sarvam etad yatʰā_āvedya   darśayām āsatur mayam /13/

Verse: 14 
Halfverse: a    tasmai yudʰiṣṭʰiraḥ pūjāṃ   yatʰārham akarot tadā
   tasmai yudʰiṣṭʰiraḥ pūjāṃ   yatʰā_arham akarot tadā /
Halfverse: c    sa tu tāṃ pratijagrāha   mayaḥ satkr̥tya satkr̥taḥ
   sa tu tāṃ pratijagrāha   mayaḥ satkr̥tya sat-kr̥taḥ /14/

Verse: 15 
Halfverse: a    sa pūrvadeva caritaṃ   tatra tatra viśāṃ pate
   sa pūrva-deva caritaṃ   tatra tatra viśāṃ pate /
Halfverse: c    katʰayām āsa daiteyaḥ   pāṇḍuputreṣu bʰārata
   katʰayām āsa daiteyaḥ   pāṇḍu-putreṣu bʰārata /15/

Verse: 16 
Halfverse: a    sa kālaṃ kaṃ cid āśvasya   viśvakarmā pracintya ca
   sa kālaṃ kaṃcit āśvasya   viśva-karmā pracintya ca /
Halfverse: c    sabʰāṃ pracakrame kartuṃ   pāṇḍavānāṃ mahātmanām
   sabʰāṃ pracakrame kartuṃ   pāṇḍavānāṃ mahātmanām /16/

Verse: 17 
Halfverse: a    abʰiprāyeṇa pārtʰānāṃ   kr̥ṣṇasya ca mahātmanaḥ
   abʰiprāyeṇa pārtʰānāṃ   kr̥ṣṇasya ca mahātmanaḥ /
Halfverse: c    puṇye 'hani mahātejāḥ   kr̥takautuka maṅgalaḥ
   puṇye_ahani mahā-tejāḥ   kr̥ta-kautuka maṅgalaḥ /17/

Verse: 18 
Halfverse: a    tarpayitvā dvijaśreṣṭʰān   pāyasena sahasraśaḥ
   tarpayitvā dvija-śreṣṭʰān   pāyasena sahasraśaḥ /
Halfverse: c    dʰanaṃ bahuvidʰaṃ dattvā   tebʰya eva ca vīryavān
   dʰanaṃ bahu-vidʰaṃ dattvā   tebʰya\ eva ca vīryavān /18/

Verse: 19 
Halfverse: a    sarvartuguṇasaṃpannāṃ   divyarūpāṃ manoramām
   sarva-r̥tu-guṇa-saṃpannāṃ   divya-rūpāṃ mano-ramām /
Halfverse: c    daśa kiṣku sahasrāṃ tāṃ   māpayām āsa sarvataḥ
   daśa kiṣku sahasrāṃ tāṃ   māpayām āsa sarvataḥ /19/ (E)19



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.