TITUS
Mahabharata
Part No. 228
Previous part

Chapter: 3 
Adhyāya 3


Verse: 1  {Vaiśaṃpāyana uvāca}
Halfverse: a    atʰābravīn mayaḥ pārtʰam   arjunaṃ jayatāṃ varam
   atʰa_abravīn mayaḥ pārtʰam   arjunaṃ jayatāṃ varam /
Halfverse: c    āpr̥ccʰe tvāṃ gamiṣyāmi   kṣipram eṣyāmi cāpy aham
   āpr̥ccʰe tvāṃ gamiṣyāmi   kṣipram eṣyāmi ca_apy aham /1/

Verse: 2 
Halfverse: a    uttareṇa tu kailāsaṃ   mainākaṃ parvataṃ prati
   uttareṇa tu kailāsaṃ   mainākaṃ parvataṃ prati /
Halfverse: c    yakṣyamāṇeṣu sarveṣu   dānaveṣu tadā mayā
   yakṣyamāṇeṣu sarveṣu   dānaveṣu tadā mayā /
Halfverse: e    kr̥taṃ maṇimayaṃ bʰāṇḍaṃ   ramyaṃ bindusaraḥ prati
   kr̥taṃ maṇi-mayaṃ bʰāṇḍaṃ   ramyaṃ bindu-saraḥ prati /2/

Verse: 3 
Halfverse: a    sabʰāyāṃ satyasaṃdʰasya   yad āsīd vr̥ṣaparvaṇaḥ
   sabʰāyāṃ satya-saṃdʰasya   yad āsīd vr̥ṣa-parvaṇaḥ /
Halfverse: c    āgamiṣyāmi tadgr̥hya   yadi tiṣṭʰati bʰārata
   āgamiṣyāmi tad-gr̥hya   yadi tiṣṭʰati bʰārata /3/

Verse: 4 
Halfverse: a    tataḥ sabʰāṃ kariṣyāmi   pāṇḍavāya yaśo vine
   tataḥ sabʰāṃ kariṣyāmi   pāṇḍavāya yaśas vine /
Halfverse: c    manaḥ prahlādinīṃ citrāṃ   sarvaratra vibʰūṣitām
   manaḥ prahlādinīṃ citrāṃ   sarva-ratra vibʰūṣitām /4/

Verse: 5 
Halfverse: a    asti bindusarasy eva   gadā śreṣṭʰā kurūdvaha
   asti bindu-sarasy eva   gadā śreṣṭʰā kuru_udvaha /
Halfverse: c    nihitā yauvanāśvena   rājñā hatvā raṇe ripūn
   nihitā yauvana_aśvena   rājñā hatvā raṇe ripūn /
Halfverse: e    suvarṇabindubʰiś citrā   gurvī bʰārasahā dr̥ḍʰā
   suvarṇa-bindubʰiś citrā   gurvī bʰāra-sahā dr̥ḍʰā /5/

Verse: 6 
Halfverse: a    sā vai śatasahasrasya   saṃmitā sarvagʰātinī
   sā vai śata-sahasrasya   saṃmitā sarva-gʰātinī /
Halfverse: c    anurūpā ca bʰīmasya   gāṇḍīvaṃ bʰavato yatʰā
   anurūpā ca bʰīmasya   gāṇḍīvaṃ bʰavato yatʰā /6/

Verse: 7 
Halfverse: a    vāruṇaś ca mahāśaṅkʰo   devadattaḥ sugʰoṣavān
   vāruṇaś ca mahā-śaṅkʰo   deva-dattaḥ sugʰoṣavān /
Halfverse: c    sarvam etat pradāsyāmi   bʰavate nātra saṃśayaḥ
   sarvam etat pradāsyāmi   bʰavate na_atra saṃśayaḥ /
Halfverse: e    ity uktvā so 'suraḥ pārtʰaṃ   prāg udīcīm agād diśam
   ity uktvā so_asuraḥ pārtʰaṃ   prāg udīcīm agād diśam /7/

Verse: 8 
Halfverse: a    uttareṇa tu kailāsaṃ   mainākaṃ parvataṃ prati
   uttareṇa tu kailāsaṃ   mainākaṃ parvataṃ prati /
Halfverse: c    hiraṇyaśr̥ṅgo bʰagavān   mahāmaṇimayo giriḥ
   hiraṇya-śr̥ṅgo bʰagavān   mahā-maṇi-mayo giriḥ /8/

Verse: 9 
Halfverse: a    ramyaṃ bindusaro nāma   yatra rājā bʰagīratʰaḥ
   ramyaṃ bindu-saro nāma   yatra rājā bʰagīratʰaḥ /
Halfverse: c    dr̥ṣṭvā bʰāgīratʰīṃ gaṅgām   uvāsa bahulāḥ samāḥ
   dr̥ṣṭvā bʰāgīratʰīṃ gaṅgām   uvāsa bahulāḥ samāḥ /9/

Verse: 10 
Halfverse: a    yatreṣṭvā sarvabʰūtānām   īśvareṇa mahātmanā
   yatra_iṣṭvā sarva-bʰūtānām   īśvareṇa mahātmanā /
Halfverse: c    āhr̥tāḥ kratavo mukʰyāḥ   śataṃ bʰaratasattama
   āhr̥tāḥ kratavo mukʰyāḥ   śataṃ bʰarata-sattama /10/

Verse: 11 
Halfverse: a    yatra yūpā maṇimayāś   cityāś cāpi hiraṇmayāḥ
   yatra yūpā maṇi-mayāś   cityāś ca_api hiraṇmayāḥ /
Halfverse: c    śobʰārtʰaṃ vihitās tatra   na tu dr̥ṣṭāntataḥ kr̥tāḥ
   śobʰā_artʰaṃ vihitās tatra   na tu dr̥ṣṭa_antataḥ kr̥tāḥ /11/

Verse: 12 
Halfverse: a    yatreṣṭvā sa gataḥ siddʰiṃ   sahasrākṣaḥ śacīpatiḥ
   yatra_iṣṭvā sa gataḥ siddʰiṃ   sahasra_akṣaḥ śacī-patiḥ /
Halfverse: c    yatra bʰūtapatiḥ sr̥ṣṭvā   sarvalokān sanātanaḥ
   yatra bʰūta-patiḥ sr̥ṣṭvā   sarva-lokān sanātanaḥ /
Halfverse: e    upāsyate tigmatejā   vr̥to bʰūtaiḥ sahasraśaḥ
   upāsyate tigma-tejā   vr̥to bʰūtaiḥ sahasraśaḥ /12/

Verse: 13 
Halfverse: a    naranārāyaṇau brahmā   yamaḥ stʰāṇuś ca pañcamaḥ
   nara-nārāyaṇau brahmā   yamaḥ stʰāṇuś ca pañcamaḥ /
Halfverse: c    upāsate yatra satraṃ   sahasrayugaparyaye
   upāsate yatra satraṃ   sahasra-yuga-paryaye /13/

Verse: 14 
Halfverse: a    yatreṣṭaṃ vāsudevena   sarvair varṣasahasrakaiḥ
   yatra_iṣṭaṃ vāsudevena   sarvair varṣa-sahasrakaiḥ /
Halfverse: c    śraddadʰānena satataṃ   śiṣṭasaṃpratipattaye
   śraddadʰānena satataṃ   śiṣṭa-saṃpratipattaye /14/

Verse: 15 
Halfverse: a    suvarṇamālino yūpāś   cityāś cāpy ati bʰāsvarāḥ
   suvarṇa-mālino yūpāś   cityāś ca_apy ati bʰāsvarāḥ /
Halfverse: c    dadau yatra sahasrāṇi   prayutāni ca keśavaḥ
   dadau yatra sahasrāṇi   prayutāni ca keśavaḥ /15/

Verse: 16 
Halfverse: a    tatra gatvā sa jagrāha   gadāṃ śaṅkʰaṃ ca bʰārata
   tatra gatvā sa jagrāha   gadāṃ śaṅkʰaṃ ca bʰārata /
Halfverse: c    spʰāṭikaṃ ca sabʰā dravyaṃ   yad āsīd vr̥ṣaparvaṇaḥ
   spʰāṭikaṃ ca sabʰā dravyaṃ   yad āsīd vr̥ṣa-parvaṇaḥ /
Halfverse: e    kiṃkaraiḥ saha rakṣobʰir   agr̥hṇāt sarvam eva tat
   kiṃkaraiḥ saha rakṣobʰir   agr̥hṇāt sarvam eva tat /16/

Verse: 17 
Halfverse: a    tad āhr̥tya tu tāṃ cakre   so 'suro 'pratimāṃ sabʰām
   tad āhr̥tya tu tāṃ cakre   so_asuro_apratimāṃ sabʰām /
Halfverse: c    viśrutāṃ triṣu lokeṣu   divyāṃ maṇimayīṃ śubʰām
   viśrutāṃ triṣu lokeṣu   divyāṃ maṇi-mayīṃ śubʰām /17/

Verse: 18 
Halfverse: a    gadāṃ ca bʰīmasenāya   pravarāṃ pradadau tadā
   gadāṃ ca bʰīmasenāya   pravarāṃ pradadau tadā /
Halfverse: c    devadattaṃ ca pārtʰāya   dadau śaṅkʰam anuttamam
   deva-dattaṃ ca pārtʰāya   dadau śaṅkʰam anuttamam /18/

Verse: 19 
Halfverse: a    sabʰā tu sā mahārāja   śātakumbʰamaya drumā
   sabʰā tu sā mahā-rāja   śātakumbʰa-maya drumā /
Halfverse: c    daśa kiṣku sahasrāṇi   samantād āyatābʰavat
   daśa kiṣku sahasrāṇi   samantād āyatā_abʰavat /19/

Verse: 20 
Halfverse: a    yatʰā vahner yatʰārkasya   somasya ca yatʰaiva sā
   yatʰā vahner yatʰā_arkasya   somasya ca yatʰaiva sā /
Halfverse: c    bʰrājamānā tatʰā divyā   babʰāra paramaṃ vapuḥ
   bʰrājamānā tatʰā divyā   babʰāra paramaṃ vapuḥ /20/

Verse: 21 
Halfverse: a    pratigʰnatīva prabʰayā   prabʰām arkasya bʰāsvarām
   pratigʰnatī_iva prabʰayā   prabʰām arkasya bʰāsvarām /
Halfverse: c    prababʰau jvalamāneva   divyā divyena varcasā
   prababʰau jvalamānā_iva   divyā divyena varcasā /21/

Verse: 22 
Halfverse: a    nagamegʰapratīkāśā   divam āvr̥tya viṣṭʰitā
   naga-megʰa-pratīkāśā   divam āvr̥tya viṣṭʰitā /
Halfverse: c    āyatā vipulā ślakṣṇā   vipāpmā vigataklamā
   āyatā vipulā ślakṣṇā   vipāpmā vigata-klamā /22/

Verse: 23 
Halfverse: a    uttamadravyasaṃpannā   maṇiprākāramālinī
   uttama-dravya-saṃpannā   maṇi-prākāra-mālinī /
Halfverse: c    bahuratnā bahudʰanā   sukr̥tā viśvakarmaṇā
   bahu-ratnā bahu-dʰanā   sukr̥tā viśva-karmaṇā /23/

Verse: 24 
Halfverse: a    na dāśārhī sudʰarmā vā   brahmaṇo vāpi tādr̥śī
   na dāśārhī sudʰarmā vā   brahmaṇo vā_api tādr̥śī /
Halfverse: c    āsīd rūpeṇa saṃpannā   yāṃ cakre 'pratimāṃ mayaḥ
   āsīd rūpeṇa saṃpannā   yāṃ cakre_apratimāṃ mayaḥ /24/

Verse: 25 
Halfverse: a    tāṃ sma tatra mayenoktā   rakṣanti ca vahanti ca
   tāṃ sma tatra mayena_uktā   rakṣanti ca vahanti ca /
Halfverse: c    sabʰām aṣṭau sahasrāṇi   kiṃkarā nāma rākṣasāḥ
   sabʰām aṣṭau sahasrāṇi   kiṃkarā nāma rākṣasāḥ /25/

Verse: 26 
Halfverse: a    antarikṣacarā gʰorā   mahākāyā mahābalāḥ
   antarikṣa-carā gʰorā   mahā-kāyā mahā-balāḥ /
Halfverse: c    raktākṣāḥ piṅgalākṣāś ca   śuktikarṇāḥ prahāriṇaḥ
   rakta_akṣāḥ piṅgala_akṣāś ca   śukti-karṇāḥ prahāriṇaḥ /26/

Verse: 27 
Halfverse: a    tasyāṃ sabʰāyāṃ nalinīṃ   cakārāpratimāṃ mayaḥ
   tasyāṃ sabʰāyāṃ nalinīṃ   cakāra_apratimāṃ mayaḥ /
Halfverse: c    vaiḍūrya patravitatāṃ   maṇināla mayāmbujām
   vaiḍūrya patra-vitatāṃ   maṇi-nāla maya_ambujām /27/

Verse: 28 
Halfverse: a    padmasaugandʰika vatīṃ   nānādvija gaṇāyutām
   padma-saugandʰika vatīṃ   nānā-dvija gaṇa_āyutām /
Halfverse: c    puṣpitaiḥ paṅkajaiś citrāṃ   kūrmamatsyaiś ca śobʰitām
   puṣpitaiḥ paṅkajaiś citrāṃ   kūrma-matsyaiś ca śobʰitām /28/

Verse: 29 
Halfverse: a    sūpatīrtʰām akaluṣāṃ   sarvartusalilāṃ śubʰām
   sūpa-tīrtʰām akaluṣāṃ   sarva-r̥tu-salilāṃ śubʰām /
Halfverse: c    mārutenaiva coddʰūtair   muktā bindubʰir ācitām
   mārutena_eva ca_uddʰūtair   muktā bindubʰir ācitām /29/

Verse: 30 
Halfverse: a    maṇiratnacitāṃ tāṃ tu   ke cid abʰyetya pārtʰivāḥ
   maṇi-ratna-citāṃ tāṃ tu   kecid abʰyetya pārtʰivāḥ /
Halfverse: c    dr̥ṣṭvāpi nābʰyajānanta   te 'jñānāt prapatanty uta
   dr̥ṣṭvā_api na_abʰyajānanta   te_ajñānāt prapatanty uta /30/

Verse: 31 
Halfverse: a    tāṃ sabʰām abʰito nityaṃ   puṣpavanto mahādrumāḥ
   tāṃ sabʰām abʰito nityaṃ   puṣpavanto mahā-drumāḥ /
Halfverse: c    āsan nānāvidʰā nīlāḥ   śītac cʰāyā manoramāḥ
   āsan nānā-vidʰā nīlāḥ   śītac cʰāyā mano-ramāḥ /31/

Verse: 32 
Halfverse: a    kānanāni sugandʰīni   puṣkariṇyaś ca sarvaśaḥ
   kānanāni sugandʰīni   puṣkariṇyaś ca sarvaśaḥ /
Halfverse: c    haṃsakāraṇḍava yutāś   cakravākopaśobʰitāḥ
   haṃsa-kāraṇḍava yutāś   cakra-vāka_upaśobʰitāḥ /32/

Verse: 33 
Halfverse: a    jalajānāṃ ca mālyānāṃ   stʰalajānāṃ ca sarvaśaḥ
   jalajānāṃ ca mālyānāṃ   stʰalajānāṃ ca sarvaśaḥ /
Halfverse: c    māruto gandʰam ādāya   pāṇḍavān sma niṣevate
   māruto gandʰam ādāya   pāṇḍavān sma niṣevate /33/

Verse: 34 
Halfverse: a    īdr̥śīṃ tāṃ sabʰāṃ kr̥tvā   māsaiḥ pari caturdaśaiḥ
   īdr̥śīṃ tāṃ sabʰāṃ kr̥tvā   māsaiḥ pari caturdaśaiḥ /
Halfverse: c    niṣṭʰitāṃ dʰarmarājāya   mayo rājñe nyavedayat
   niṣṭʰitāṃ dʰarma-rājāya   mayo rājñe nyavedayat /34/ (E)34



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.