TITUS
Mahabharata
Part No. 230
Previous part

Chapter: 5 
Adhyāya 5


Verse: 1  {Vaiśaṃpāyana uvāca}
Halfverse: a    tatra tatropaviṣṭeṣu   pāṇḍaveṣu mahātmasu
   tatra tatra_upaviṣṭeṣu   pāṇḍaveṣu mahātmasu /
Halfverse: c    mahatsu copaviṣṭeṣu   gandʰarveṣu ca bʰārata
   mahatsu ca_upaviṣṭeṣu   gandʰarveṣu ca bʰārata /1/

Verse: 2 
Halfverse: a    lokān anucaran sarvān   āgamat tāṃ sabʰām r̥ṣiḥ
   lokān anucaran sarvān   āgamat tāṃ sabʰām r̥ṣiḥ /
Halfverse: c    nāradaḥ sumahātejā   r̥ṣibʰiḥ sahitas tadā
   nāradaḥ sumahā-tejā r̥ṣibʰiḥ sahitas tadā /2/

Verse: 3 
Halfverse: a    pārijātena rājendra   raivatena ca dʰīmatā
   pārijātena rāja_indra   raivatena ca dʰīmatā /
Halfverse: c    sumukʰena ca saumyena   devarṣir amitadyutiḥ
   sumukʰena ca saumyena   deva-r̥ṣir amita-dyutiḥ /
Halfverse: e    sabʰāstʰān pāṇḍavān draṣṭuṃ   prīyamāṇo manojavaḥ
   sabʰāstʰān pāṇḍavān draṣṭuṃ   prīyamāṇo mano-javaḥ /3/

Verse: 4 
Halfverse: a    tam āgatam r̥ṣiṃ dr̥ṣṭvā   nāradaṃ sarvadʰarmavit
   tam āgatam r̥ṣiṃ dr̥ṣṭvā   nāradaṃ sarva-dʰarmavit /
Halfverse: c    sahasā pāṇḍavaśreṣṭʰaḥ   pratyuttʰāyānujaiḥ saha
   sahasā pāṇḍava-śreṣṭʰaḥ   pratyuttʰāya_anujaiḥ saha /
Halfverse: e    abʰyavādayata prītyā   vinayāvanatas tadā
   abʰyavādayata prītyā   vinaya_avanatas tadā /4/

Verse: 5 
Halfverse: a    tad arham āsanaṃ tasmai   saṃpradāya yatʰāvidʰi
   tad arham āsanaṃ tasmai   saṃpradāya yatʰā-vidʰi /
Halfverse: c    arcayām āsa ratnaiś ca   sarvakāmaiś ca dʰarmavit
   arcayām āsa ratnaiś ca   sarva-kāmaiś ca dʰarmavit /5/

Verse: 6 
Halfverse: a    so 'rcitaḥ pāṇḍavaiḥ sarvair   maharṣir vedapāragaḥ
   so_arcitaḥ pāṇḍavaiḥ sarvair   maharṣir veda-pāragaḥ /
Halfverse: c    dʰarmakāmārtʰa saṃyuktaṃ   papraccʰedaṃ yudʰiṣṭʰiram
   dʰarma-kāma_artʰa saṃyuktaṃ   papraccʰa_idaṃ yudʰiṣṭʰiram /6/

Verse: 7  {Nārada uvāca}
Halfverse: a    kac cid artʰāś ca kalpante   dʰarme ca ramate manaḥ
   kaccid artʰāś ca kalpante   dʰarme ca ramate manaḥ /
Halfverse: c    sukʰāni cānubʰūyante   manaś ca na vihanyate
   sukʰāni ca_anubʰūyante   manaś ca na vihanyate /7/

Verse: 8 
Halfverse: a    kac cid ācaritāṃ pūrvair   naradeva pitā mahaiḥ
   kaccid ācaritāṃ pūrvair   nara-deva pitā mahaiḥ /
Halfverse: c    vartase vr̥ttim akṣīṇāṃ   dʰarmārtʰasahitāṃ nr̥ṣu
   vartase vr̥ttim akṣīṇāṃ   dʰarma_artʰa-sahitāṃ nr̥ṣu /8/

Verse: 9 
Halfverse: a    kac cid artʰena vā dʰarmaṃ   dʰarmeṇārtʰam atʰāpi vā
   kaccid artʰena vā dʰarmaṃ   dʰarmeṇa_artʰam atʰa_api vā /
Halfverse: c    ubʰau vā prītisāreṇa   na kāmena prabādʰase
   ubʰau vā prīti-sāreṇa   na kāmena prabādʰase /9/

Verse: 10 
Halfverse: a    kac cid artʰaṃ ca dʰarmaṃ ca   kāmaṃ ca jayatāṃ vara
   kaccid artʰaṃ ca dʰarmaṃ ca   kāmaṃ ca jayatāṃ vara /
Halfverse: c    vibʰajya kāle kālajña   sadā varada sevase
   vibʰajya kāle kālajña   sadā varada sevase /10/

Verse: 11 
Halfverse: a    kac cid rājaguṇaiḥ ṣaḍbʰiḥ   saptopāyāṃs tatʰānagʰa
   kaccid rāja-guṇaiḥ ṣaḍbʰiḥ   sapta_upāyāṃs tatʰā_anagʰa /
Halfverse: c    balābalaṃ tatʰā samyak   caturdaśa parīkṣase
   bala_abalaṃ tatʰā samyak   caturdaśa parīkṣase /11/

Verse: 12 
Halfverse: a    kac cid ātmānam anvīkṣya   parāṃś ca jayatāṃ vara
   kaccid ātmānam anvīkṣya   parāṃś ca jayatāṃ vara /
Halfverse: c    tatʰā saṃdʰāya karmāṇi   aṣṭau bʰārata sevase
   tatʰā saṃdʰāya karmāṇi aṣṭau bʰārata sevase /12/

Verse: 13 
Halfverse: a    kac cit prakr̥tayaḥ ṣaṭ te   na luptā bʰaratarṣabʰa
   kaccit prakr̥tayaḥ ṣaṭ te   na luptā bʰarata-r̥ṣabʰa /
Halfverse: c    āḍʰyās tatʰāvyasaninaḥ   svanuraktāś ca sarvaśaḥ
   āḍʰyās tatʰā_avyasaninaḥ   svanuraktāś ca sarvaśaḥ /13/

Verse: 14 
Halfverse: a    kac cin na tarkair dūtair vā   ye cāpy apariśaṅkitāḥ
   kaccin na tarkair dūtair vā   ye ca_apy apariśaṅkitāḥ /
Halfverse: c    tvatto vā tava vāmātyair   bʰidyate jātu mantritam
   tvatto vā tava vā_amātyair   bʰidyate jātu mantritam /14/

Verse: 15 
Halfverse: a    kac cit saṃdʰiṃ yatʰākālaṃ   vigrahaṃ copasevase
   kaccit saṃdʰiṃ yatʰā-kālaṃ   vigrahaṃ ca_upasevase /
Halfverse: c    kac cid vr̥ttim udāsīne   madʰyame cānuvartase
   kaccid vr̥ttim udāsīne   madʰyame ca_anuvartase /15/

Verse: 16 
Halfverse: a    kac cid ātmasamā buddʰyā   śucayo jīvitakṣamāḥ
   kaccid ātma-samā buddʰyā   śucayo jīvita-kṣamāḥ /
Halfverse: c    kulīnāś cānuraktāś ca   kr̥tās te vīra mantriṇaḥ
   kulīnāś ca_anuraktāś ca   kr̥tās te vīra mantriṇaḥ /16/

Verse: 17 
Halfverse: a    vijayo mantramūlo hi   rājñāṃ bʰavati bʰārata
   vijayo mantra-mūlo hi   rājñāṃ bʰavati bʰārata /
Halfverse: c    susaṃvr̥to mantradʰanair   amātyaiḥ śāstrakovidaiḥ
   susaṃvr̥to mantra-dʰanair   amātyaiḥ śāstra-kovidaiḥ /17/

Verse: 18 
Halfverse: a    kac cin nidrāvaśaṃ naiṣi   kac cit kāle vibudʰyase
   kaccin nidrā-vaśaṃ na_eṣi   kaccit kāle vibudʰyase /
Halfverse: c    kac cic cāpararātreṣu   cintayasy artʰam artʰavit
   kaccic ca_apara-rātreṣu   cintayasy artʰam artʰavit /18/

Verse: 19 
Halfverse: a    kac cin mantrayase naikaḥ   kac cin na bahubʰiḥ saha
   kaccin mantrayase na_ekaḥ   kaccin na bahubʰiḥ saha /
Halfverse: c    kac cit te mantrito mantro   na rāṣṭram anudʰāvati
   kaccit te mantrito mantro   na rāṣṭram anudʰāvati /19/

Verse: 20 
Halfverse: a    kac cid artʰān viniścitya   lagʰumūlān mahodayān
   kaccid artʰān viniścitya   lagʰu-mūlān mahā_udayān /
Halfverse: c    kṣipram ārabʰase kartuṃ   na vigʰnayasi tādr̥śān
   kṣipram ārabʰase kartuṃ   na vigʰnayasi tādr̥śān /20/

Verse: 21 
Halfverse: a    kac cin na sarve karmāntāḥ   parokṣās te viśaṅkitāḥ
   kaccin na sarve karma_antāḥ   parokṣās te viśaṅkitāḥ /
Halfverse: c    sarve vā punar utsr̥ṣṭāḥ   saṃsr̥ṣṭaṃ hy atra kāraṇam
   sarve vā punar utsr̥ṣṭāḥ   saṃsr̥ṣṭaṃ hy atra kāraṇam /21/

Verse: 22 
Halfverse: a    kac cid rājan kr̥tāny eva   kr̥taprāyāni vā punaḥ
   kaccid rājan kr̥tāny eva   kr̥ta-prāyāni vā punaḥ /
Halfverse: c    vidus te vīrakarmāṇi   nānavāptāni kāni cit
   vidus te vīra-karmāṇi   na_anavāptāni kānicit /22/

Verse: 23 
Halfverse: a    kac cit kāraṇikāḥ sarve   sarvaśāstreṣu kovidāḥ
   kaccit kāraṇikāḥ sarve   sarva-śāstreṣu kovidāḥ /
Halfverse: c    kārayanti kumārāṃś ca   yodʰamukʰyāṃś ca sarvaśaḥ
   kārayanti kumārāṃś ca   yodʰa-mukʰyāṃś ca sarvaśaḥ /23/

Verse: 24 
Halfverse: a    kac cit sahasrair mūrkʰāṇām   ekaṃ krīṇāsi paṇḍitam
   kaccit sahasrair mūrkʰāṇām   ekaṃ krīṇāsi paṇḍitam /
Halfverse: c    paṇḍito hy artʰakr̥ccʰreṣu   kuryān niḥśreyasaṃ param
   paṇḍito hy artʰa-kr̥ccʰreṣu   kuryāt niḥśreyasaṃ param /24/

Verse: 25 
Halfverse: a    kac cid durgāṇi sarvāṇi   dʰanadʰānyāyudʰodakaiḥ
   kaccid durgāṇi sarvāṇi   dʰana-dʰānya_āyudʰa_udakaiḥ /
Halfverse: c    yantraiś ca paripūrṇāni   tatʰā śilpidʰanurdʰaraiḥ
   yantraiś ca paripūrṇāni   tatʰā śilpi-dʰanur-dʰaraiḥ /25/

Verse: 26 
Halfverse: a    eko 'py amātyo medʰāvī   śūro dānto vicakṣaṇaḥ
   eko_apy amātyo medʰāvī   śūro dānto vicakṣaṇaḥ /
Halfverse: c    rājānaṃ rājaputraṃ vā   prāpayen mahatīṃ śriyam
   rājānaṃ rāja-putraṃ vā   prāpayet mahatīṃ śriyam /26/

Verse: 27 
Halfverse: a    kac cid aṣṭā daśānyeṣu   svapakṣe daśa pañca ca
   kaccid aṣṭā daśa_anyeṣu   sva-pakṣe daśa pañca ca /
Halfverse: c    tribʰis tribʰir avijñātair   vetsi tīrtʰāni cārakaiḥ
   tribʰis tribʰir avijñātair   vetsi tīrtʰāni cārakaiḥ /27/

Verse: 28 
Halfverse: a    kac cid dviṣām aviditaḥ   pratiyattaś ca sarvadā
   kaccid dviṣām aviditaḥ   pratiyattaś ca sarvadā /
Halfverse: c    nityayukto ripūn sarvān   vīkṣase ripusūdana
   nitya-yukto ripūn sarvān   vīkṣase ripu-sūdana /28/

Verse: 29 
Halfverse: a    kac cid vinayasaṃpannaḥ   kulaputro bahuśrutaḥ
   kaccit vinaya-saṃpannaḥ   kula-putro bahu-śrutaḥ /
Halfverse: c    anasūyur anupraṣṭā   satkr̥tas te purohitaḥ
   anasūyur anupraṣṭā   satkr̥tas te puro-hitaḥ /29/

Verse: 30 
Halfverse: a    kac cid agniṣu te yukto   vidʰijño matimān r̥juḥ
   kaccid agniṣu te yukto   vidʰijño matimān r̥juḥ /
Halfverse: c    hutaṃ ca hoṣyamānaṃ ca   kāle vedayate sadā {!}
   hutaṃ ca hoṣyamānaṃ ca   kāle vedayate sadā /30/ {!}

Verse: 31 
Halfverse: a    kac cid aṅgeṣu niṣṇāto   jyotiṣāṃ pratipādakaḥ
   kaccid aṅgeṣu niṣṇāto   jyotiṣāṃ pratipādakaḥ /
Halfverse: c    utpāteṣu ca sarveṣu   daivajñaḥ kuśalas tava
   utpāteṣu ca sarveṣu   daivajñaḥ kuśalas tava /31/

Verse: 32 
Halfverse: a    kac cin mukʰyā mahatsv eva   madʰyameṣu ca madʰyamāḥ
   kaccin mukʰyā mahatsv eva   madʰyameṣu ca madʰyamāḥ /
Halfverse: c    jagʰanyāś ca jagʰanyeṣu   bʰr̥tyāḥ karmasu yojitāḥ
   jagʰanyāś ca jagʰanyeṣu   bʰr̥tyāḥ karmasu yojitāḥ /32/

Verse: 33 
Halfverse: a    amātyān upadʰātītān   pitr̥paitāmahāñ śucīn
   amātyān upadʰā_atītān   pitr̥-paitāmahān śucīn /
Halfverse: c    śreṣṭʰāñ śreṣṭʰeṣu kac cit tvaṃ   niyojayasi karmasu
   śreṣṭʰān śreṣṭʰeṣu kaccit tvaṃ   niyojayasi karmasu /33/

Verse: 34 
Halfverse: a    kac cin nogreṇa daṇḍena   bʰr̥śam udvejita prajāḥ
   kaccin na_ugreṇa daṇḍena   bʰr̥śam udvejita prajāḥ /
Halfverse: c    rāṣṭraṃ tavānuśāsanti   mantriṇo bʰaratarṣabʰa
   rāṣṭraṃ tava_anuśāsanti   mantriṇo bʰarata-r̥ṣabʰa /34/

Verse: 35 
Halfverse: a    kac cit tvāṃ nāvajānanti   yājakāḥ patitaṃ yatʰā
   kaccit tvāṃ na_avajānanti   yājakāḥ patitaṃ yatʰā /
Halfverse: c    ugrapratigrahītāraṃ   kāmayānam iva striyaḥ
   ugra-pratigrahītāraṃ   kāmayānam iva striyaḥ /35/

Verse: 36 
Halfverse: a    kac cid dʰr̥ṣṭaś ca śūraś ca   matimān dʰr̥timāñ śuciḥ
   kaccid dʰr̥ṣṭaś ca śūraś ca   matimān dʰr̥timān śuciḥ /
Halfverse: c    kulīnaś cānuraktaś ca   dakṣaḥ senāpatis tava
   kulīnaś ca_anuraktaś ca   dakṣaḥ senā-patis tava /36/

Verse: 37 
Halfverse: a    kac cid balasya te mukʰyāḥ   sarve yuddʰaviśāradāḥ
   kaccid balasya te mukʰyāḥ   sarve yuddʰa-viśāradāḥ /
Halfverse: c    dr̥ṣṭāpadānā vikrāntās   tvayā satkr̥tya mānitāḥ
   dr̥ṣṭa_apadānā vikrāntās   tvayā satkr̥tya mānitāḥ /37/

Verse: 38 
Halfverse: a    kac cid balasya bʰaktaṃ ca   vetanaṃ ca yatʰocitam
   kaccid balasya bʰaktaṃ ca   vetanaṃ ca yatʰā_ucitam /
Halfverse: c    saṃprāptakālaṃ dātavyaṃ   dadāsi na vikarṣasi
   saṃprāpta-kālaṃ dātavyaṃ   dadāsi na vikarṣasi /38/

Verse: 39 
Halfverse: a    kālātikramaṇād dʰyete   bʰakta vetanayor bʰr̥tāḥ
   kāla_atikramaṇādd^hy-ete   bʰakta vetanayor bʰr̥tāḥ /
Halfverse: c    bʰartuḥ kupyanti daurgatyāt   so 'nartʰaḥ sumahān smr̥taḥ
   bʰartuḥ kupyanti daurgatyāt   so_anartʰaḥ sumahān smr̥taḥ /39/

Verse: 40 
Halfverse: a    kac cit sarve 'nuraktās tvāṃ   kulaputrāḥ pradʰānataḥ
   kaccit sarve_anuraktās tvāṃ   kula-putrāḥ pradʰānataḥ /
Halfverse: c    kac cit prāṇāṃs tavārtʰeṣu   saṃtyajanti sadā yudʰi
   kaccit prāṇāṃs tava_artʰeṣu   saṃtyajanti sadā yudʰi /40/

Verse: 41 
Halfverse: a    kac cin naiko bahūn artʰān   sarvaśaḥ sāmparāyikān
   kaccin na_eko bahūn artʰān   sarvaśaḥ sāmparāyikān /
Halfverse: c    anuśāssi yatʰākāmaṃ   kāmātmā śāsanātigaḥ
   anuśāssi yatʰā-kāmaṃ   kāma_ātmā śāsana_atigaḥ /41/

Verse: 42 
Halfverse: a    kac cit puruṣakāreṇa   puruṣaḥ karmaśobʰayan
   kaccit puruṣa-kāreṇa   puruṣaḥ karma-śobʰayan /
Halfverse: c    labʰate mānam adʰikaṃ   bʰūyo vā bʰakta vetanam
   labʰate mānam adʰikaṃ   bʰūyo vā bʰakta vetanam /42/

Verse: 43 
Halfverse: a    kac cid vidyāvinītāṃś ca   narāñ jñānaviśāradān
   kaccid vidyā-vinītāṃś ca   narān jñāna-viśāradān /
Halfverse: c    yatʰārhaṃ guṇataś caiva   dānenābʰyavapadyase
   yatʰā_arhaṃ guṇataś caiva   dānena_abʰyavapadyase /43/

Verse: 44 
Halfverse: a    kac cid dārān manuṣyāṇāṃ   tavārtʰe mr̥tyum eyuṣām
   kaccid dārān manuṣyāṇāṃ   tava_artʰe mr̥tyum eyuṣām /
Halfverse: c    vyasanaṃ cābʰyupetānāṃ   bibʰarṣi bʰaratarṣabʰa
   vyasanaṃ ca_abʰyupetānāṃ   bibʰarṣi bʰarata-r̥ṣabʰa /44/

Verse: 45 
Halfverse: a    kac cid bʰayād upanataṃ   klībaṃ vā ripum āgatam
   kaccid bʰayād upanataṃ   klībaṃ vā ripum āgatam /
Halfverse: c    yuddʰe vā vijitaṃ pārtʰa   putravat parirakṣasi
   yuddʰe vā vijitaṃ pārtʰa   putravat parirakṣasi /45/

Verse: 46 
Halfverse: a    kac cit tvam eva sarvasyāḥ   pr̥tʰivyāḥ pr̥tʰivīpate
   kaccit tvam eva sarvasyāḥ   pr̥tʰivyāḥ pr̥tʰivī-pate /
Halfverse: c    samaś ca nābʰiśaṅkyaś ca   yatʰā mātā yatʰā pitā
   samaś ca na_abʰiśaṅkyaś ca   yatʰā mātā yatʰā pitā /46/

Verse: 47 
Halfverse: a    kac cid vyasaninaṃ śatruṃ   niśamya bʰaratarṣabʰa
   kaccid vyasaninaṃ śatruṃ   niśamya bʰarata-r̥ṣabʰa /
Halfverse: c    abʰiyāsi javenaiva   samīkṣya trividʰaṃ balam
   abʰiyāsi javena_eva   samīkṣya tri-vidʰaṃ balam /47/

Verse: 48 
Halfverse: a    pārṣṇimūlaṃ ca vijñāya   vyavasāyaṃ parājayam
   pārṣṇi-mūlaṃ ca vijñāya   vyavasāyaṃ parājayam /
Halfverse: c    balasya ca mahārāja   dattvā vetanam agrataḥ
   balasya ca mahā-rāja   dattvā vetanam agrataḥ /48/

Verse: 49 
Halfverse: a    kac cic ca balamukʰyebʰyaḥ   pararāṣṭre paraṃtapa
   kaccic ca bala-mukʰyebʰyaḥ   para-rāṣṭre paraṃ-tapa /
Halfverse: c    upaccʰannāni ratnāni   prayaccʰasi yatʰārhataḥ
   upaccʰannāni ratnāni   prayaccʰasi yatʰā_arhataḥ /49/

Verse: 50 
Halfverse: a    kac cid ātmānam evāgre   vijitya vijitendriyaḥ
   kaccid ātmānam eva_agre   vijitya vijita_indriyaḥ / [r̥̂]
Halfverse: c    parāñ jigīṣase pārtʰa   pramattān ajitendriyān
   parān jigīṣase pārtʰa   pramattān ajita_indriyān /50/

Verse: 51 
Halfverse: a    kac cit te yāsyataḥ śatrūn   pūrvaṃ yānti svanuṣṭʰitāḥ
   kaccit te yāsyataḥ śatrūn   pūrvaṃ yānti svanuṣṭʰitāḥ /
Halfverse: c    sāmaṃ dānaṃ ca bʰedaś ca   daṇḍaś ca vidʰivad guṇāḥ
   sāmaṃ dānaṃ ca bʰedaś ca   daṇḍaś ca vidʰivad guṇāḥ /51/

Verse: 52 
Halfverse: a    kac cin mūlaṃ dr̥ḍʰaṃ kr̥tvā   yātrāṃ yāsi viśāṃ pate
   kaccin mūlaṃ dr̥ḍʰaṃ kr̥tvā   yātrāṃ yāsi viśāṃ pate /
Halfverse: c    tāṃś ca vikramase jetuṃ   jitvā ca parirakṣasi
   tāṃś ca vikramase jetuṃ   jitvā ca parirakṣasi /52/

Verse: 53 
Halfverse: a    kac cid aṣṭāṅgasaṃyuktā   caturvidʰa balā camūḥ
   kaccid aṣṭa_aṅga-saṃyuktā   catur-vidʰa balā camūḥ /
Halfverse: c    balamukʰyaiḥ sunītā te   dviṣatāṃ pratibādʰanī
   bala-mukʰyaiḥ sunītā te   dviṣatāṃ pratibādʰanī /53/

Verse: 54 
Halfverse: a    kac cil lavaṃ ca muṣṭiṃ ca   pararāṣṭre paraṃtapa
   kaccil lavaṃ ca muṣṭiṃ ca   para-rāṣṭre paraṃ-tapa /
Halfverse: c    avihāya mahārāja   vihaṃsi samare ripūn
   avihāya mahā-rāja   vihaṃsi samare ripūn /54/

Verse: 55 
Halfverse: a    kac cit svapararāṣṭreṣu   bahavo 'dʰikr̥tās tava
   kaccit sva-para-rāṣṭreṣu   bahavo_adʰikr̥tās tava /
Halfverse: c    artʰān samanutiṣṭʰanti   rakṣanti ca paraḥ param
   artʰān samanutiṣṭʰanti   rakṣanti ca paraḥ param /55/

Verse: 56 
Halfverse: a    kac cid abʰyavahāryāṇi   gātrasaṃsparśakāni ca
   kaccid abʰyavahāryāṇi   gātra-saṃsparśakāni ca /
Halfverse: c    gʰreyāṇi ca mahārāja   rakṣanty anumatās tava
   gʰreyāṇi ca mahā-rāja   rakṣanty anumatās tava /56/

Verse: 57 
Halfverse: a    kac cit kośaṃ ca koṣṭtʰaṃ ca   vāhanaṃ dvāram āyudʰam
   kaccit kośaṃ ca koṣṭtʰaṃ ca   vāhanaṃ dvāram āyudʰam /
Halfverse: c    āyaś ca kr̥takalyāṇais   tava bʰaktair anuṣṭʰitaḥ
   āyaś ca kr̥ta-kalyāṇais   tava bʰaktair anuṣṭʰitaḥ /57/

Verse: 58 
Halfverse: a    kac cid ābʰyantarebʰyaś ca   bāhyebʰyaś ca viśāṃ pate
   kaccid ābʰyantarebʰyaś ca   bāhyebʰyaś ca viśāṃ pate /
Halfverse: c    rakṣasy ātmānam evāgre   tāṃś ca svebʰyo mitʰaś ca tān
   rakṣasy ātmānam eva_agre   tāṃś ca svebʰyo mitʰaś ca tān /58/

Verse: 59 
Halfverse: a    kac cin na pāne dyūte vā   krīḍāsu pramadāsu ca
   kaccin na pāne dyūte vā   krīḍāsu pramadāsu ca /
Halfverse: c    pratijānanti pūrvāhṇe   vyayaṃ vyasanajaṃ tava
   pratijānanti pūrva_ahṇe   vyayaṃ vyasanajaṃ tava /59/

Verse: 60 
Halfverse: a    kac cid āyasya cārdʰena   caturbʰāgena vā punaḥ
   kaccid āyasya ca_ardʰena   catur-bʰāgena vā punaḥ /
Halfverse: c    pādabʰāgais tribʰir vāpi   vyayaḥ saṃśodʰyate tava
   pāda-bʰāgais tribʰir vā_api   vyayaḥ saṃśodʰyate tava /60/

Verse: 61 
Halfverse: a    kac cij jñātīn gurūn vr̥ddʰān   vaṇijaḥ śilpinaḥ śritān
   kaccij jñātīn gurūn vr̥ddʰān   vaṇijaḥ śilpinaḥ śritān /
Halfverse: c    abʰīkṣṇam anugr̥hṇāsi   dʰanadʰānyena durgatān
   abʰīkṣṇam anugr̥hṇāsi   dʰana-dʰānyena durgatān /61/

Verse: 62 
Halfverse: a    kac cid āyavyaye yuktāḥ   sarve gaṇaka lekʰakāḥ
   kaccid āya-vyaye yuktāḥ   sarve gaṇaka lekʰakāḥ /
Halfverse: c    anutiṣṭʰanti pūrvāhṇe   nityam āyavyayaṃ tava
   anutiṣṭʰanti pūrva_ahṇe   nityam āya-vyayaṃ tava /62/

Verse: 63 
Halfverse: a    kac cid artʰeṣu saṃprauḍʰān   hitakāmān anupriyān
   kaccid artʰeṣu saṃprauḍʰān   hita-kāmān anupriyān /
Halfverse: c    nāpakarṣasi karmabʰyaḥ   pūrvam aprāpya kilbiṣam
   na_apakarṣasi karmabʰyaḥ   pūrvam aprāpya kilbiṣam /63/

Verse: 64 
Halfverse: a    kac cid viditvā puruṣān   uttamādʰamamadʰyamān
   kaccid viditvā puruṣān   uttama_adʰama-madʰyamān /
Halfverse: c    tvaṃ karmasv anurūpeṣu   niyojayasi bʰārata
   tvaṃ karmasv anurūpeṣu   niyojayasi bʰārata /64/

Verse: 65 
Halfverse: a    kac cin na lubdʰāś caurā vā   vairiṇo vā viśāṃ pate
   kaccin na lubdʰāś caurā vā   vairiṇo vā viśāṃ pate /
Halfverse: c    aprāptavyavahārā vā   tava karmasv anuṣṭʰitāḥ
   aprāpta-vyavahārā vā   tava karmasv anuṣṭʰitāḥ /65/

Verse: 66 
Halfverse: a    kac cin na lubdʰaiś caurair vā   kumāraiḥ strī balena vā
   kaccin na lubdʰaiś caurair vā   kumāraiḥ strī balena vā /
Halfverse: c    tvayā vā pīḍyate rāṣṭraṃ   kac cit puṣṭāḥ kr̥ṣī valāḥ
   tvayā vā pīḍyate rāṣṭraṃ   kaccit puṣṭāḥ kr̥ṣī valāḥ /66/

Verse: 67 
Halfverse: a    kac cid rāṣṭre taḍāgāni   pūrṇāni ca mahānti ca
   kaccid rāṣṭre taḍāgāni   pūrṇāni ca mahānti ca /
Halfverse: c    bʰāgaśo viniviṣṭāni   na kr̥ṣir deva mātr̥kā
   bʰāgaśo viniviṣṭāni   na kr̥ṣir deva mātr̥kā /67/

Verse: 68 
Halfverse: a    kac cid bījaṃ ca bʰaktaṃ ca   karṣakāyāvasīdate
   kaccid bījaṃ ca bʰaktaṃ ca   karṣakāya_avasīdate /
Halfverse: c    pratikaṃ ca śataṃ vr̥ddʰyā   dadāsy r̥ṇam anugraham
   pratikaṃ ca śataṃ vr̥ddʰyā   dadāsy r̥ṇam anugraham /68/

Verse: 69 
Halfverse: a    kac cit svanuṣṭʰitā tāta   vārttā te sādʰubʰir janaiḥ
   kaccit svanuṣṭʰitā tāta   vārttā te sādʰubʰir janaiḥ /
Halfverse: c    vārttāyāṃ saṃśritas tāta   loko 'yaṃ sukʰam edʰate
   vārttāyāṃ saṃśritas tāta   loko_ayaṃ sukʰam edʰate /69/

Verse: 70 
Halfverse: a    kac cic cʰucikr̥taḥ prājñāḥ   pañca pañca svanuṣṭʰitāḥ
   kaccit śucikr̥taḥ prājñāḥ   pañca pañca svanuṣṭʰitāḥ /
Halfverse: c    kṣemaṃ kurvanti saṃhatya   rājañ janapade tava
   kṣemaṃ kurvanti saṃhatya   rājan jana-pade tava /70/

Verse: 71 
Halfverse: a    kac cin nagaragupty artʰaṃ   grāmā nagaravat kr̥tāḥ
   kaccin nagara-gupty artʰaṃ   grāmā nagaravat kr̥tāḥ /
Halfverse: c    grāmavac ca kr̥tā rakṣā   te ca sarve tad arpaṇāḥ
   grāmavac ca kr̥tā rakṣā   te ca sarve tad arpaṇāḥ /71/

Verse: 72 
Halfverse: a    kac cid balenānugatāḥ   samāni viṣamāṇi ca
   kaccid balena_anugatāḥ   samāni viṣamāṇi ca /
Halfverse: c    purāṇacaurāḥ sādʰyakṣāś   caranti viṣaye tava
   purāṇa-caurāḥ sa_adʰyakṣāś   caranti viṣaye tava /72/

Verse: 73 
Halfverse: a    kac cit striyaḥ sāntvayasi   kac cit tāś ca surakṣitāḥ
   kaccit striyaḥ sāntvayasi   kaccit tāś ca surakṣitāḥ /
Halfverse: c    kac cin na śraddadʰāsy āsāṃ   kac cid guhyaṃ na bʰāṣase
   kaccin na śraddadʰāsy āsāṃ   kaccid guhyaṃ na bʰāṣase /73/

Verse: 74 
Halfverse: a    kac cic cārān niśi śrutvā   tat kāryam anucintya ca
   kaccic cārān niśi śrutvā   tat kāryam anucintya ca /
Halfverse: c    priyāṇy anubʰavañ śeṣe   viditvābʰyantaraṃ janam
   priyāṇy anubʰavan śeṣe   viditvā_ābʰyantaraṃ janam /74/

Verse: 75 
Halfverse: a    kac cid dvau pratʰamau yāmau   rātryāṃ suptvā viśāṃ pate
   kaccid dvau pratʰamau yāmau   rātryāṃ suptvā viśāṃ pate /
Halfverse: c    saṃcintayasi dʰarmārtʰau   yāma uttʰāya paścime
   saṃcintayasi dʰarma_artʰau   yāma\ uttʰāya paścime /75/

Verse: 76 
Halfverse: a    kac cid darśayase nityaṃ   manuṣyān samalaṃkr̥tān
   kaccid darśayase nityaṃ   manuṣyān samalaṃkr̥tān /
Halfverse: c    uttʰāya kāle kālajñaḥ   saha pāṇḍava mantribʰiḥ
   uttʰāya kāle kālajñaḥ   saha pāṇḍava mantribʰiḥ /76/

Verse: 77 
Halfverse: a    kac cid raktāmbaradʰarāḥ   kʰaḍgahastāḥ svalaṃ kr̥tāḥ
   kaccid rakta_ambara-dʰarāḥ   kʰaḍga-hastāḥ svalaṃ kr̥tāḥ /
Halfverse: c    abʰitas tvām upāsante   rakṣaṇārtʰam ariṃdama
   abʰitas tvām upāsante   rakṣaṇa_artʰam ariṃ-dama /77/

Verse: 78 
Halfverse: a    kac cid daṇḍyeṣu yamavat   pūjyeṣu ca viśāṃ pate
   kaccid daṇḍyeṣu yamavat   pūjyeṣu ca viśāṃ pate /
Halfverse: c    parīkṣya vartase samyag   apriyeṣu priyeṣu ca
   parīkṣya vartase samyag   apriyeṣu priyeṣu ca /78/

Verse: 79 
Halfverse: a    kac cic cʰārīram ābādʰam   auṣadʰair niyamena vā
   kaccit śārīram ābādʰam   auṣadʰair niyamena vā /
Halfverse: c    mānasaṃ vr̥ddʰasevābʰiḥ   sadā pārtʰāpakarṣasi
   mānasaṃ vr̥ddʰa-sevābʰiḥ   sadā pārtʰa_apakarṣasi /79/

Verse: 80 
Halfverse: a    kac cid vaidyāś cikitsāyām   aṣṭāṅgāyāṃ viśāradāḥ
   kaccid vaidyāś cikitsāyām   aṣṭa_aṅgāyāṃ viśāradāḥ /
Halfverse: c    suhr̥daś cānuraktāś ca   śarīre te hitāḥ sadā
   suhr̥daś ca_anuraktāś ca   śarīre te hitāḥ sadā /80/

Verse: 81 
Halfverse: a    kac cin na mānān mohād vā   kāmād vāpi viśāṃ pate
   kaccin na mānān mohād vā   kāmād vā_api viśāṃ pate /
Halfverse: c    artʰi pratyartʰinaḥ prāptān   apāsyasi katʰaṃ cana
   artʰi pratyartʰinaḥ prāptān   apāsyasi katʰaṃ cana /81/

Verse: 82 
Halfverse: a    kac cin na lobʰān mohād vā   viśrambʰāt praṇayena vā
   kaccin na lobʰān mohād vā   viśrambʰāt praṇayena vā /
Halfverse: c    āśritānāṃ manuṣyāṇāṃ   vr̥ttiṃ tvaṃ saṃruṇatsi ca
   āśritānāṃ manuṣyāṇāṃ   vr̥ttiṃ tvaṃ saṃruṇatsi ca /82/

Verse: 83 
Halfverse: a    kac cit paurā na sahitā   ye ca te rāṣṭravāsinaḥ
   kaccit paurā na sahitā   ye ca te rāṣṭra-vāsinaḥ /
Halfverse: c    tvayā saha virudʰyante   paraiḥ krītāḥ katʰaṃ cana
   tvayā saha virudʰyante   paraiḥ krītāḥ katʰaṃ cana /83/

Verse: 84 
Halfverse: a    kac cit te durbalaḥ śatrur   balenopanipīḍitaḥ
   kaccit te durbalaḥ śatrur   balena_upanipīḍitaḥ /
Halfverse: c    mantreṇa balavān kaś cid   ubʰābʰyāṃ vā yudʰiṣṭʰira
   mantreṇa balavān kaścid   ubʰābʰyāṃ vā yudʰiṣṭʰira /84/

Verse: 85 
Halfverse: a    kac cit sarve 'nuraktās tvāṃ   bʰūmipālāḥ pradʰānataḥ
   kaccit sarve_anuraktās tvāṃ   bʰūmi-pālāḥ pradʰānataḥ /
Halfverse: c    kac cit prāṇāṃs tvadartʰeṣu   saṃtyajanti tvayā hr̥tāḥ
   kaccit prāṇāṃs tvad-artʰeṣu   saṃtyajanti tvayā hr̥tāḥ /85/

Verse: 86 
Halfverse: a    kac cit te sarvavidyāsu   guṇato 'rcā pravartate
   kaccit te sarva-vidyāsu   guṇato_arcā pravartate /
Halfverse: c    brāhmaṇānāṃ ca sādʰūnāṃ   tava niḥśreyase śubʰā
   brāhmaṇānāṃ ca sādʰūnāṃ   tava niḥśreyase śubʰā /86/

Verse: 87 
Halfverse: a    kac cid dʰarme trayī mūle   pūrvair ācarite janaiḥ
   kaccid dʰarme trayī mūle   pūrvair ācarite janaiḥ /
Halfverse: c    vartamānas tatʰā kartuṃ   tasmin karmaṇi vartase
   vartamānas tatʰā kartuṃ   tasmin karmaṇi vartase /87/

Verse: 88 
Halfverse: a    kac cit tava gr̥he 'nnāni   svādūny aśnanti vai dvijāḥ
   kaccit tava gr̥he_annāni   svādūny aśnanti vai dvijāḥ /
Halfverse: c    guṇavanti guṇopetās   tavādʰyakṣaṃ sadakṣiṇam
   guṇavanti guṇa_upetās   tava_adʰyakṣaṃ sadakṣiṇam /88/

Verse: 89 
Halfverse: a    kac cit kratūn ekacitto   vājapeyāṃś ca sarvaśaḥ
   kaccit kratūn eka-citto   vājapeyāṃś ca sarvaśaḥ /
Halfverse: c    puṇḍarīkāṃś ca kārtsnyena   yatase kartum ātmavān
   puṇḍarīkāṃś ca kārtsnyena   yatase kartum ātmavān /89/

Verse: 90 
Halfverse: a    kac cij jñātīn gurūn vr̥ddʰān   daivatāṃs tāpasān api
   kaccit jñātīn gurūn vr̥ddʰān   daivatāṃs tāpasān api /
Halfverse: c    caityāṃś ca vr̥kṣān kalyāṇān   brāhmaṇāṃś ca namasyasi
   caityāṃś ca vr̥kṣān kalyāṇān   brāhmaṇāṃś ca namasyasi /90/

Verse: 91 
Halfverse: a    kac cid eṣā ca te buddʰir   vr̥ttir eṣā ca te 'nagʰa
   kaccid eṣā ca te buddʰir   vr̥ttir eṣā ca te_anagʰa /
Halfverse: c    āyuṣyā ca yaśasyā ca   dʰarmakāmārtʰa darśinī
   āyuṣyā ca yaśasyā ca   dʰarma-kāma_artʰa darśinī /91/

Verse: 92 
Halfverse: a    etayā vartamānasya   buddʰyā rāṣṭraṃ na sīdati
   etayā vartamānasya   buddʰyā rāṣṭraṃ na sīdati /
Halfverse: c    vijitya ca mahīṃ rājā   so 'tyantaṃ sukʰam edʰate
   vijitya ca mahīṃ rājā   so_atyantaṃ sukʰam edʰate /92/

Verse: 93 
Halfverse: a    kac cid āryo viśuddʰātmā   kṣāritaś caura karmaṇi
   kaccid āryo viśuddʰa_ātmā   kṣāritaś caura karmaṇi /
Halfverse: c    adr̥ṣṭaśāstrakuśalair   na lobʰād vadʰyate śuciḥ
   adr̥ṣṭa-śāstra-kuśalair   na lobʰād vadʰyate śuciḥ /93/

Verse: 94 
Halfverse: a    pr̥ṣṭo gr̥hītas tatkārī   tajjñair dr̥ṣṭaḥ sa kāraṇaḥ
   pr̥ṣṭo gr̥hītas tatkārī   tajjñair dr̥ṣṭaḥ sa kāraṇaḥ /
Halfverse: c    kac cin na mucyate steno   dravyalobʰān nararṣabʰa
   kaccin na mucyate steno   dravya-lobʰān nara-r̥ṣabʰa /94/

Verse: 95 
Halfverse: a    vyutpanne kac cid āḍʰyasya   daridrasya ca bʰārata
   vyutpanne kaccid āḍʰyasya   daridrasya ca bʰārata /
Halfverse: c    artʰān na mitʰyā paśyanti   tavāmātyā hr̥tā dʰanaiḥ
   artʰān na mitʰyā paśyanti   tava_amātyā hr̥tā dʰanaiḥ /95/

Verse: 96 
Halfverse: a    nāstikyam anr̥taṃ krodʰaṃ   pramādaṃ dīrgʰasūtratām
   nāstikyam anr̥taṃ krodʰaṃ   pramādaṃ dīrgʰa-sūtratām /
Halfverse: c    adarśanaṃ jñānavatām   ālasyaṃ kṣiptacittatām
   adarśanaṃ jñānavatām   ālasyaṃ kṣipta-cittatām /96/

Verse: 97 
Halfverse: a    ekacintanam artʰānām   anartʰajñaiś ca cintanam
   eka-cintanam artʰānām   anartʰajñaiś ca cintanam /
Halfverse: c    niścitānām anārambʰaṃ   mantrasyāparirakṣaṇam
   niścitānām anārambʰaṃ   mantrasya_aparirakṣaṇam /97/

Verse: 98 
Halfverse: a    maṅgalyasyāprayogaṃ ca   prasaṅgaṃ viṣayeṣu ca
   maṅgalyasya_aprayogaṃ ca   prasaṅgaṃ viṣayeṣu ca /
Halfverse: c    kac cit tvaṃ varjayasy etān   rājadoṣāṃś caturdaśa
   kaccit tvaṃ varjayasy etān   rāja-doṣāṃś catur-daśa /98/

Verse: 99 
Halfverse: a    kac cit te sapʰalā vedāḥ   kac cit te sapʰalaṃ dʰanam
   kaccit te sapʰalā vedāḥ   kaccit te sapʰalaṃ dʰanam /
Halfverse: c    kac cit te sapʰalā dārāḥ   kac cit te sapʰalaṃ śrutam
   kaccit te sapʰalā dārāḥ   kaccit te sapʰalaṃ śrutam /99/

Verse: 100  {Yudʰiṣṭʰira uvāca}
Halfverse: a    katʰaṃ vai sapʰalā vedāḥ   katʰaṃ vai sapʰalaṃ dʰanam
   katʰaṃ vai sapʰalā vedāḥ   katʰaṃ vai sapʰalaṃ dʰanam /
Halfverse: c    katʰaṃ vai sapʰalā dārāḥ   katʰaṃ vai sapʰalaṃ śrutam
   katʰaṃ vai sapʰalā dārāḥ   katʰaṃ vai sapʰalaṃ śrutam /100/

Verse: 101  {Nārada uvāca}
Halfverse: a    agnihotrapʰalā vedā   dattabʰukta pʰalaṃ dʰanam
   agni-hotra-pʰalā vedā   datta-bʰukta pʰalaṃ dʰanam /
Halfverse: c    ratiputra pʰalā dārāḥ   śīlavr̥ttapʰalaṃ śrutam
   rati-putra pʰalā dārāḥ   śīla-vr̥tta-pʰalaṃ śrutam /101/

Verse: 102  {Vaiśaṃpāyana uvāca}
Halfverse: a    etad ākʰyāya sa munir   nāradaḥ sumahātapāḥ
   etad ākʰyāya sa munir   nāradaḥ sumahā-tapāḥ /
Halfverse: c    papraccʰānantaram idaṃ   dʰarmātmānaṃ yudʰiṣṭʰiram
   papraccʰa_anantaram idaṃ   dʰarma_ātmānaṃ yudʰiṣṭʰiram /102/

Verse: 103  {Nārada uvāca}
Halfverse: a    kac cid abʰyāgatā dūrād   vaṇijo lābʰakāraṇāt
   kaccid abʰyāgatā dūrād   vaṇijo lābʰa-kāraṇāt /
Halfverse: c    yatʰoktam avahāryante   śulkaṃ śulkopajīvibʰiḥ
   yatʰā_uktam avahāryante   śulkaṃ śulka_upajīvibʰiḥ /103/

Verse: 104 
Halfverse: a    kac cit te puruṣā rājan   pure rāṣṭre ca mānitāḥ
   kaccit te puruṣā rājan   pure rāṣṭre ca mānitāḥ /
Halfverse: c    upānayanti paṇyāni   upadʰābʰir avañcitāḥ
   upānayanti paṇyāni upadʰābʰir avañcitāḥ /104/

Verse: 105 
Halfverse: a    kac cic cʰr̥ṇoṣi vr̥ddʰānāṃ   dʰarmārtʰasahitā giraḥ
   kaccit śr̥ṇoṣi vr̥ddʰānāṃ   dʰarma_artʰa-sahitā giraḥ /
Halfverse: c    nityam artʰavidāṃ tāta   tatʰā dʰarmānudarśinām
   nityam artʰavidāṃ tāta   tatʰā dʰarma_anudarśinām /105/

Verse: 106 
Halfverse: a    kac cit te kr̥ṣitantreṣu   goṣu puṣpapʰaleṣu ca
   kaccit te kr̥ṣi-tantreṣu   goṣu puṣpa-pʰaleṣu ca /
Halfverse: c    dʰarmārtʰaṃ ca dvijātibʰyo   dīyate madʰusarpiṣī
   dʰarma_artʰaṃ ca dvijātibʰyo   dīyate madʰu-sarpiṣī /106/

Verse: 107 
Halfverse: a    dravyopakaraṇaṃ kac cit   sarvadā sarvaśilpinām
   dravya_upakaraṇaṃ kaccit   sarvadā sarva-śilpinām /
Halfverse: c    cāturmāsyāvaraṃ saṃyan   niyataṃ saṃprayaccʰasi
   cāturmāsya_avaraṃ saṃyan   niyataṃ saṃprayaccʰasi /107/

Verse: 108 
Halfverse: a    kac cit kr̥taṃ vijānīṣe   kartāraṃ ca praśaṃsasi
   kaccit kr̥taṃ vijānīṣe   kartāraṃ ca praśaṃsasi /
Halfverse: c    satāṃ madʰye mahārāja   sat karoṣi ca pūjayan
   satāṃ madʰye mahā-rāja   sat karoṣi ca pūjayan / q

Verse: 109 
Halfverse: a    kac cit sūtrāṇi sarvāṇi   gr̥hṇāsi bʰaratarṣabʰa
   kaccit sūtrāṇi sarvāṇi   gr̥hṇāsi bʰarata-r̥ṣabʰa /
Halfverse: c    hastisūtrāśvasūtrāṇi   ratʰasūtrāṇi cābʰibʰo
   hasti-sūtra_aśva-sūtrāṇi   ratʰa-sūtrāṇi ca_abʰibʰo /109/

Verse: 110 
Halfverse: a    kac cid abʰyasyate śaśvad   gr̥he te bʰaratarṣabʰa
   kaccid abʰyasyate śaśvad   gr̥he te bʰarata-r̥ṣabʰa /
Halfverse: c    dʰanurvedasya sūtraṃ ca   yantrasūtraṃ ca nāgaram
   dʰanur-vedasya sūtraṃ ca   yantra-sūtraṃ ca nāgaram /110/

Verse: 111 
Halfverse: a    kac cid astrāṇi sarvāṇi   brahmadaṇḍaś ca te 'nagʰa
   kaccid astrāṇi sarvāṇi   brahma-daṇḍaś ca te_anagʰa /
Halfverse: c    viṣayogāś ca te sarve   viditāḥ śatrunāśanāḥ
   viṣa-yogāś ca te sarve   viditāḥ śatru-nāśanāḥ /111/

Verse: 112 
Halfverse: a    kac cid agnibʰayāc caiva   sarpavyāla bʰayāt tatʰā
   kaccid agni-bʰayāc caiva   sarpa-vyāla bʰayāt tatʰā /
Halfverse: c    rogarakṣobʰayāc caiva   rāṣṭraṃ svaṃ parirakṣasi
   roga-rakṣo-bʰayāc caiva   rāṣṭraṃ svaṃ parirakṣasi /112/

Verse: 113 
Halfverse: a    kac cid andʰāṃś ca mūkāṃś ca   paṅgūn vyaṅgān abāndʰavān
   kaccit andʰāṃś ca mūkāṃś ca   paṅgūn vyaṅgān abāndʰavān /
Halfverse: c    piteva pāsi dʰarmajña   tatʰā pravrajitān api
   pitā_iva pāsi dʰarmajña   tatʰā pravrajitān api /113/


Verse: 114  {Vaiśaṃpāyana uvāca}
Halfverse: a    etāḥ kurūṇām r̥ṣabʰo mahātmā; śrutvā giro brāhmaṇasattamasya
   etāḥ kurūṇām r̥ṣabʰo mahātmā   śrutvā giro brāhmaṇa-sattamasya /
Halfverse: c    praṇamya pādāv abʰivādya hr̥ṣṭo; rājābravīn nāradaṃ devarūpam
   praṇamya pādāv abʰivādya hr̥ṣṭo   rājā_abravīn nāradaṃ deva-rūpam /114/

Verse: 115 
Halfverse: a    evaṃ kariṣyāmi yatʰā tvayoktaṃ; prajñā hi me bʰūya evābʰivr̥ddʰā
   evaṃ kariṣyāmi yatʰā tvayā_uktaṃ   prajñā hi me bʰūya\ eva_abʰivr̥ddʰā /
Halfverse: c    uktvā tatʰā caiva cakāra rājā; lebʰe mahīṃ sāgaramekʰalāṃ ca
   uktvā tatʰā caiva cakāra rājā   lebʰe mahīṃ sāgara-mekʰalāṃ ca /115/


Verse: 116  {Nārada uvāca}
Halfverse: a    evaṃ yo vartate rājā   cāturvarṇyasya rakṣaṇe
   evaṃ yo vartate rājā   cāturvarṇyasya rakṣaṇe /
Halfverse: c    sa vihr̥tyeha susukʰī   śakrasyaiti salokatām
   sa vihr̥tya_iha susukʰī   śakrasya_eti salokatām /116/ (E)116



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.