TITUS
Mahabharata
Part No. 246
Previous part

Chapter: 21 
Adhyāya 21


Verse: 1  {Vaiśaṃpāyana uvāca}
Halfverse: a    tatas taṃ niścitātmānaṃ   yuddʰāya yadunandanaḥ
   tatas taṃ niścita_ātmānaṃ   yuddʰāya yadu-nandanaḥ /
Halfverse: c    uvāca vāgmī rājānaṃ   jarāsaṃdʰam adʰokṣajaḥ
   uvāca vāgmī rājānaṃ   jarā-saṃdʰam adʰokṣajaḥ /1/

Verse: 2 
Halfverse: a    trayāṇāṃ kena te rājan   yoddʰuṃ vitarate manaḥ
   trayāṇāṃ kena te rājan   yoddʰuṃ vitarate manaḥ /
Halfverse: c    asmad anyatameneha   sajjībʰavatu ko yudʰi
   asmad anyatamena_iha   sajjī-bʰavatu ko yudʰi /2/

Verse: 3 
Halfverse: a    evam uktaḥ sa kr̥ṣṇena   yuddʰaṃ vavre mahādyutiḥ
   evam uktaḥ sa kr̥ṣṇena   yuddʰaṃ vavre mahā-dyutiḥ /
Halfverse: c    jarāsaṃdʰas tato rājan   bʰīmasenena māgadʰaḥ
   jarā-saṃdʰas tato rājan   bʰīma-senena māgadʰaḥ /3/

Verse: 4 
Halfverse: a    dʰārayann agadān mukʰyān   nirvr̥tīr vedanāni ca
   dʰārayann agadān mukʰyān   nirvr̥tīr vedanāni ca /
Halfverse: c    upatastʰe jarāsaṃdʰaṃ   yuyutsuṃ vai purohitaḥ
   upatastʰe jarā-saṃdʰaṃ   yuyutsuṃ vai puro-hitaḥ /4/

Verse: 5 
Halfverse: a    kr̥tasvastyayano vidvān   brāhmaṇena yaśasvinā
   kr̥ta-svastyayano vidvān   brāhmaṇena yaśasvinā /
Halfverse: c    samanahyaj jarāsaṃdʰaḥ   kṣatradʰarmam anuvrataḥ
   samanahyaj jarā-saṃdʰaḥ   kṣatra-dʰarmam anuvrataḥ /5/

Verse: 6 
Halfverse: a    avamucya kirīṭaṃ sa   keśān samanumr̥jya ca
   avamucya kirīṭaṃ sa   keśān samanumr̥jya ca /
Halfverse: c    udatiṣṭʰaj jarāsaṃdʰo   velātiga ivārṇavaḥ
   udatiṣṭʰaj jarā-saṃdʰo   velā_atiga\ iva_arṇavaḥ /6/

Verse: 7 
Halfverse: a    uvāca matimān rājā   bʰīmaṃ bʰīmaparākramam
   uvāca matimān rājā   bʰīmaṃ bʰīma-parākramam /
Halfverse: c    bʰīma yotsye tvayā sārdʰaṃ   śreyasā nirjitaṃ varam
   bʰīma yotsye tvayā sārdʰaṃ   śreyasā nirjitaṃ varam /7/

Verse: 8 
Halfverse: a    evam uktvā jarāsaṃdʰo   bʰīmasenam ariṃdamaḥ
   evam uktvā jarā-saṃdʰo   bʰīma-senam ariṃ-damaḥ /
Halfverse: c    pratyudyayau mahātejāḥ   śakraṃ balir ivāsuraḥ
   pratyudyayau mahā-tejāḥ   śakraṃ balir iva_asuraḥ /8/

Verse: 9 
Halfverse: a    tataḥ saṃmantrya kr̥ṣṇena   kr̥tasvastyayano balī
   tataḥ saṃmantrya kr̥ṣṇena   kr̥ta-svastyayano balī /
Halfverse: c    bʰīmaseno jarāsaṃdʰam   āsasāda yuyutsayā
   bʰīma-seno jarā-saṃdʰam   āsasāda yuyutsayā /9/

Verse: 10 
Halfverse: a    tatas tau naraśārdūlau   bāhuśastrau samīyatuḥ
   tatas tau nara-śārdūlau   bāhu-śastrau samīyatuḥ /
Halfverse: c    vīrau paramasaṃhr̥ṣṭāv   anyonyajaya kāṅkṣiṇau
   vīrau parama-saṃhr̥ṣṭāv   anyonya-jaya kāṅkṣiṇau /10/

Verse: 11 
Halfverse: a    tayor atʰa bʰujāgʰātān   nigrahapragrahāt tatʰā
   tayor atʰa bʰuja_āgʰātān   nigraha-pragrahāt tatʰā /
Halfverse: c    āsīt subʰīma saṃhrādo   vajraparvatayor iva
   āsīt subʰīma saṃhrādo   vajra-parvatayor iva /11/

Verse: 12 
Halfverse: a    ubʰau paramasaṃhr̥ṣṭau   balenātibalāv ubʰau
   ubʰau parama-saṃhr̥ṣṭau   balena_atibalāv ubʰau /
Halfverse: c    anyonyasyāntaraṃ prepsū   parasparajayaiṣiṇau
   anyonyasya_antaraṃ prepsū   paraspara-jaya_eṣiṇau /12/

Verse: 13 
Halfverse: a    tad bʰīmam utsārya janaṃ   yuddʰam āsīd upahvare
   tad bʰīmam utsārya janaṃ   yuddʰam āsīd upahvare /
Halfverse: c    balinoḥ saṃyuge rājan   vr̥travāsavayor iva
   balinoḥ saṃyuge rājan   vr̥tra-vāsavayor iva /13/

Verse: 14 
Halfverse: a    prakarṣaṇākarṣaṇābʰyām   abʰyākarṣa vikarṣaṇaiḥ
   prakarṣaṇa_ākarṣaṇābʰyām   abʰyākarṣa vikarṣaṇaiḥ /
Halfverse: c    ākarṣetāṃ tatʰānyonyaṃ   jānubʰiś cābʰijagʰnatuḥ
   ākarṣetāṃ tatʰā_anyonyaṃ   jānubʰiś ca_abʰijagʰnatuḥ /14/

Verse: 15 
Halfverse: a    tataḥ śabdena mahatā   bʰartsayantau parasparam
   tataḥ śabdena mahatā   bʰartsayantau parasparam /
Halfverse: c    pāṣāṇa saṃgʰātanibʰaiḥ   prahārair abʰijagʰnatuḥ
   pāṣāṇa saṃgʰāta-nibʰaiḥ   prahārair abʰijagʰnatuḥ /15/

Verse: 16 
Halfverse: a    vyūḍʰoraskau dīrgʰabʰujau   niyuddʰa kuśalāv ubʰau
   vyūḍʰa_uraskau dīrgʰa-bʰujau   niyuddʰa kuśalāv ubʰau /
Halfverse: c    bāhubʰiḥ samasajjetām   āyasaiḥ parigʰair iva
   bāhubʰiḥ samasajjetām   āyasaiḥ parigʰair iva /16/

Verse: 17 
Halfverse: a    kārttikasya tu māsasya   pravr̥ttaṃ pratʰame 'hani
   kārttikasya tu māsasya   pravr̥ttaṃ pratʰame_ahani /
Halfverse: c    anārataṃ divārātram   aviśrāntam avartata
   anārataṃ divā-rātram   aviśrāntam avartata /17/

Verse: 18 
Halfverse: a    tadvr̥ttaṃ tu trayodaśyāṃ   samavetaṃ mahātmanoḥ
   tad-vr̥ttaṃ tu trayodaśyāṃ   samavetaṃ mahātmanoḥ /
Halfverse: c    caturdaśyāṃ niśāyāṃ tu   nivr̥tto māgadʰaḥ klamāt
   caturdaśyāṃ niśāyāṃ tu   nivr̥tto māgadʰaḥ klamāt /18/

Verse: 19 
Halfverse: a    taṃ rājānaṃ tatʰā klāntaṃ   dr̥ṣṭvā rājañ janārdanaḥ
   taṃ rājānaṃ tatʰā klāntaṃ   dr̥ṣṭvā rājan jana_ardanaḥ /
Halfverse: c    uvāca bʰīmakarmāṇaṃ   bʰīmaṃ saṃbodʰayann iva
   uvāca bʰīma-karmāṇaṃ   bʰīmaṃ saṃbodʰayann iva /19/

Verse: 20 
Halfverse: a    klāntaḥ śatrur na kaunteya   labʰyaḥ pīḍayituṃ raṇe
   klāntaḥ śatrur na kaunteya   labʰyaḥ pīḍayituṃ raṇe /
Halfverse: c    pīḍyamāno hi kārtsnyena   jahyāj jīvitam ātmanaḥ
   pīḍyamāno hi kārtsnyena   jahyāt jīvitam ātmanaḥ /20/

Verse: 21 
Halfverse: a    tasmāt te naiva kaunteya   pīḍanīyo narādʰipaḥ
   tasmāt te na_eva kaunteya   pīḍanīyo nara_adʰipaḥ /
Halfverse: c    samam etena yudʰyasva   bāhubʰyāṃ bʰaratarṣabʰa
   samam etena yudʰyasva   bāhubʰyāṃ bʰarata-r̥ṣabʰa /21/

Verse: 22 
Halfverse: a    evam uktaḥ sa kr̥ṣṇena   pāṇḍavaḥ paravīrahā
   evam uktaḥ sa kr̥ṣṇena   pāṇḍavaḥ para-vīrahā /
Halfverse: c    jarāsaṃdʰasya tad randʰraṃ   jñātvā cakre matiṃ vadʰe
   jarā-saṃdʰasya tad randʰraṃ   jñātvā cakre matiṃ vadʰe /22/

Verse: 23 
Halfverse: a    tatas tam ajitaṃ jetuṃ   jarāsaṃdʰaṃ vr̥kodaraḥ
   tatas tam ajitaṃ jetuṃ   jarā-saṃdʰaṃ vr̥kodaraḥ /
Halfverse: c    saṃrabʰya balināṃ mukʰyo   jagrāha kurunandanaḥ
   saṃrabʰya balināṃ mukʰyo   jagrāha kuru-nandanaḥ /23/ (E)23



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.