TITUS
Mahabharata
Part No. 249
Previous part

Chapter: 24 
Adhyāya 24


Verse: 1  {Vaiśaṃpāyana uvāca}
Halfverse: a    taṃ vijitya mahābāhuḥ   kuntīputro dʰanaṃjayaḥ
   taṃ vijitya mahā-bāhuḥ   kuntī-putro dʰanaṃ-jayaḥ /
Halfverse: c    prayayāv uttarāṃ tasmād   diśaṃ dʰanada pālitam
   prayayāv uttarāṃ tasmād   diśaṃ dʰanada pālitam /1/

Verse: 2 
Halfverse: a    antar giriṃ ca kaunteyas   tatʰaiva ca bahir girim
   antar giriṃ ca kaunteyas   tatʰaiva ca bahir girim /
Halfverse: c    tatʰopari giriṃ caiva   vijigye puruṣarṣabʰaḥ
   tatʰā_upari giriṃ caiva   vijigye puruṣa-r̥ṣabʰaḥ /2/

Verse: 3 
Halfverse: a    vijitya parvatān sarvān   ye ca tatra narādʰipāḥ
   vijitya parvatān sarvān   ye ca tatra nara_adʰipāḥ /
Halfverse: c    tān vaśe stʰāpayitvā sa   ratnāny ādāya sarvaśaḥ
   tān vaśe stʰāpayitvā sa   ratnāny ādāya sarvaśaḥ /3/

Verse: 4 
Halfverse: a    tair eva sahitaḥ sarvair   anurajya ca tān nr̥pān
   tair eva sahitaḥ sarvair   anurajya ca tān nr̥pān /
Halfverse: c    kulūtavāsinaṃ rājan   br̥hantam upajagmivān
   kulūta-vāsinaṃ rājan   br̥hantam upajagmivān /4/

Verse: 5 
Halfverse: a    mr̥daṅgavaranādena   ratʰanemi svanena ca
   mr̥daṅga-vara-nādena   ratʰa-nemi svanena ca /
Halfverse: c    hastināṃ ca ninādena   kampayan vasudʰām imām
   hastināṃ ca ninādena   kampayan vasudʰām imām /5/

Verse: 6 
Halfverse: a    tato br̥hantas taruṇo   balena caturaṅginā
   tato br̥hantas taruṇo   balena catur-aṅginā /
Halfverse: c    niṣkramya nagarāt tasmād   yodʰayām āsa pāṇḍavam
   niṣkramya nagarāt tasmād   yodʰayām āsa pāṇḍavam /6/

Verse: 7 
Halfverse: a    sumahān saṃnipāto 'bʰūd   dʰanaṃjaya br̥hantayoḥ
   sumahān saṃnipāto_abʰūd   dʰanaṃ-jaya br̥hantayoḥ /
Halfverse: c    na śaśāka br̥hantas tu   soḍʰuṃ pāṇḍava vikramam
   na śaśāka br̥hantas tu   soḍʰuṃ pāṇḍava vikramam /7/

Verse: 8 
Halfverse: a    so 'viṣahyatamaṃ jñātvā   kaunteyaṃ parvateśvaraḥ
   so_aviṣahyatamaṃ jñātvā   kaunteyaṃ parvata_īśvaraḥ /
Halfverse: c    upāvartata durmedʰā   ratnāny ādāya sarvaśaḥ
   upāvartata durmedʰā   ratnāny ādāya sarvaśaḥ /8/

Verse: 9 
Halfverse: a    sa tad rājyam avastʰāpya   kulūta sahito yayau
   sa tad rājyam avastʰāpya   kulūta sahito yayau /
Halfverse: c    senā bindum atʰo rājan   rājyād āśu samākṣipat
   senā bindum atʰo rājan   rājyād āśu samākṣipat /9/

Verse: 10 
Halfverse: a    modā puraṃ vāmadevaṃ   sudāmānaṃ susaṃkulam
   modā puraṃ vāma-devaṃ   sudāmānaṃ susaṃkulam /
Halfverse: c    kulūtān uttarāṃś caiva   tāṃś ca rājñaḥ samānayat
   kulūtān uttarāṃś caiva   tāṃś ca rājñaḥ samānayat /10/

Verse: 11 
Halfverse: a    tatrastʰaḥ puruṣair eva   dʰarmarājasya śāsanāt
   tatrastʰaḥ puruṣair eva   dʰarma-rājasya śāsanāt /
Halfverse: c    vyajayad dʰanaṃjayo rājan   deśān pañca pramāṇataḥ
   vyajayad dʰanaṃ-jayo rājan   deśān pañca pramāṇataḥ /11/ q

Verse: 12 
Halfverse: a    sa divaḥ prastʰam āsādya   senā bindoḥ puraṃ mahat
   sa divaḥ prastʰam āsādya   senā bindoḥ puraṃ mahat /
Halfverse: c    balena caturaṅgeṇa   niveśam akarot prabʰuḥ
   balena catur-aṅgeṇa   niveśam akarot prabʰuḥ /12/

Verse: 13 
Halfverse: a    sa taiḥ parivr̥taḥ sarvair   viṣvag aśvaṃ narādʰipam
   sa taiḥ parivr̥taḥ sarvair   viṣvag aśvaṃ nara_adʰipam /
Halfverse: c    abʰyagaccʰan mahātejāḥ   pauravaṃ puruṣarṣabʰaḥ
   abʰyagaccʰan mahā-tejāḥ   pauravaṃ puruṣa-r̥ṣabʰaḥ /13/

Verse: 14 
Halfverse: a    vijitya cāhave śūrān   pārvatīyān mahāratʰān
   vijitya ca_āhave śūrān   pārvatīyān mahā-ratʰān /
Halfverse: c    dʰvajinyā vyajayad rājan   puraṃ pauravarakṣitam
   dʰvajinyā vyajayad rājan   puraṃ paurava-rakṣitam /14/

Verse: 15 
Halfverse: a    pauravaṃ tu vinirjitya   dasyūn parvatavāsinaḥ
   pauravaṃ tu vinirjitya   dasyūn parvata-vāsinaḥ /
Halfverse: c    gaṇān utsava saṃketān   ajayat sapta pāṇḍavaḥ
   gaṇān utsava saṃketān   ajayat sapta pāṇḍavaḥ /15/

Verse: 16 
Halfverse: a    tataḥ kāśmīrakān vīrān   kṣatriyān kṣatriyarṣabʰaḥ
   tataḥ kāśmīrakān vīrān   kṣatriyān kṣatriya-r̥ṣabʰaḥ /
Halfverse: c    vyajayal lohitaṃ caiva   maṇḍalair daśabʰiḥ saha
   vyajayal lohitaṃ caiva   maṇḍalair daśabʰiḥ saha /16/

Verse: 17 
Halfverse: a    tatas trigartān kaunteyo   dārvān koka nadāś ca ye
   tatas tri-gartān kaunteyo   dārvān koka nadāś ca ye /
Halfverse: c    kṣatriyā bahavo rājann   upāvartanta sarvaśaḥ
   kṣatriyā bahavo rājann   upāvartanta sarvaśaḥ /17/

Verse: 18 
Halfverse: a    abʰisārīṃ tato ramyāṃ   vijigye kurunandanaḥ
   abʰisārīṃ tato ramyāṃ   vijigye kuru-nandanaḥ /
Halfverse: c    uragāvāsinaṃ caiva   rocamānaṃ raṇe 'jayat
   uraga_āvāsinaṃ caiva   rocamānaṃ raṇe_ajayat /18/

Verse: 19 
Halfverse: a    tataḥ siṃhapuraṃ ramyaṃ   citrāyudʰasurakṣitam
   tataḥ siṃha-puraṃ ramyaṃ   citra_āyudʰa-surakṣitam /
Halfverse: c    prāmatʰad balam āstʰāya   pākaśāsanir āhave
   prāmatʰad balam āstʰāya   pāka-śāsanir āhave /19/

Verse: 20 
Halfverse: a    tataḥ suhmāṃś ca colāṃś ca   kirīṭī pāṇḍavarṣabʰaḥ
   tataḥ suhmāṃś ca colāṃś ca   kirīṭī pāṇḍava-r̥ṣabʰaḥ /
Halfverse: c    sahitaḥ sarvasainyena   prāmatʰat kurunandanaḥ
   sahitaḥ sarva-sainyena   prāmatʰat kuru-nandanaḥ /20/

Verse: 21 
Halfverse: a    tataḥ paramavikrānto   bāhlīkān kurunandanaḥ
   tataḥ parama-vikrānto   bāhlīkān kuru-nandanaḥ /
Halfverse: c    mahatā parimardena   vaśe cakre durāsadān
   mahatā parimardena   vaśe cakre durāsadān /21/

Verse: 22 
Halfverse: a    gr̥hītvā tu balaṃ sāraṃ   pʰalgu cotsr̥jya pāṇḍavaḥ
   gr̥hītvā tu balaṃ sāraṃ   pʰalgu ca_utsr̥jya pāṇḍavaḥ /
Halfverse: c    daradān saha kāmbojair   ajayat pākaśāsaniḥ
   daradān saha kāmbojair   ajayat pāka-śāsaniḥ /22/

Verse: 23 
Halfverse: a    prāguttarāṃ diśaṃ ye ca   vasanty āśritya dasyavaḥ
   prāg-uttarāṃ diśaṃ ye ca   vasanty āśritya dasyavaḥ /
Halfverse: c    nivasanti vane ye ca   tān sarvān ajayat prabʰuḥ
   nivasanti vane ye ca   tān sarvān ajayat prabʰuḥ /23/

Verse: 24 
Halfverse: a    lohān paramakāmbojān   r̥ṣikān uttarān api
   lohān parama-kāmbojān   r̥ṣikān uttarān api /
Halfverse: c    sahitāṃs tān mahārāja   vyajayat pākaśāsaniḥ
   sahitāṃs tān mahā-rāja   vyajayat pāka-śāsaniḥ /24/

Verse: 25 
Halfverse: a    r̥ṣikeṣu tu saṃgrāmo   babʰūvātibʰayaṃ karaḥ
   r̥ṣikeṣu tu saṃgrāmo   babʰūva_atibʰayaṃ karaḥ /
Halfverse: c    tārakā maya saṃkāśaḥ   paramarṣika pārtʰayoḥ
   tārakā maya saṃkāśaḥ   parama-r̥ṣika pārtʰayoḥ /25/

Verse: 26 
Halfverse: a    sa vijitya tato rājann   r̥ṣikān raṇamūrdʰani
   sa vijitya tato rājann   r̥ṣikān raṇa-mūrdʰani /
Halfverse: c    śukodara samaprakʰyān   hayān aṣṭau samānayat
   śuka_udara sama-prakʰyān   hayān aṣṭau samānayat /
Halfverse: e    mayūrasadr̥śān anyān   ubʰayān eva cāparān
   mayūra-sadr̥śān anyān   ubʰayān eva ca_aparān /26/

Verse: 27 
Halfverse: a    sa vinirjitya saṃgrāme   himavantaṃ sa niṣkuṭam
   sa vinirjitya saṃgrāme   himavantaṃ sa niṣkuṭam /
Halfverse: c    śvetaparvatam āsādya   nyavasat puruṣarṣabʰaḥ
   śveta-parvatam āsādya   nyavasat puruṣa-r̥ṣabʰaḥ /27/ (E)27



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.