TITUS
Mahabharata
Part No. 264
Previous part

Chapter: 39 
Adhyāya 39


Verse: 1  {Śiśupāla uvāca}
Halfverse: a    sa me bahumato rājā   jarāsaṃdʰo mahābalaḥ
   sa me bahu-mato rājā   jarā-saṃdʰo mahā-balaḥ /
Halfverse: c    yo 'nena yuddʰaṃ neyeṣa   dāso 'yam iti saṃyuge
   yo_anena yuddʰaṃ na_iyeṣa   dāso_ayam iti saṃyuge /1/

Verse: 2 
Halfverse: a    keśavena kr̥taṃ yat tu   jarāsaṃdʰa vadʰe tadā
   keśavena kr̥taṃ yat tu   jarā-saṃdʰa vadʰe tadā /
Halfverse: c    bʰīmasenārjunābʰyāṃ ca   kas tat sādʰv iti manyate
   bʰīma-sena_arjunābʰyāṃ ca   kas tat sādʰv iti manyate /2/

Verse: 3 
Halfverse: a    advāreṇa praviṣṭena   cʰadmanā brahmavādinā
   advāreṇa praviṣṭena   cʰadmanā brahma-vādinā /
Halfverse: c    dr̥ṣṭaḥ prabʰāvaḥ kr̥ṣṇena   jarāsaṃdʰasya dʰīmataḥ
   dr̥ṣṭaḥ prabʰāvaḥ kr̥ṣṇena   jarā-saṃdʰasya dʰīmataḥ /3/

Verse: 4 
Halfverse: a    yena dʰarmātmanātmānaṃ   brahmaṇyam abʰijānatā
   yena dʰarma_ātmanā_ātmānaṃ   brahmaṇyam abʰijānatā /
Halfverse: c    naiṣitaṃ pādyam asmai tad   dātum agre durātmane
   na_eṣitaṃ pādyam asmai tad   dātum agre durātmane /4/

Verse: 5 
Halfverse: a    bʰujyatām iti tenoktāḥ   kr̥ṣṇa bʰīma dʰanaṃjayāḥ
   bʰujyatām iti tena_uktāḥ   kr̥ṣṇa bʰīma dʰanaṃ-jayāḥ /
Halfverse: c    jarāsaṃdʰena kauravya   kr̥ṣṇena vikr̥taṃ kr̥tam
   jarā-saṃdʰena kauravya   kr̥ṣṇena vikr̥taṃ kr̥tam /5/

Verse: 6 
Halfverse: a    yady ayaṃ jagataḥ kartā   yatʰainaṃ mūrkʰa manyase
   yady ayaṃ jagataḥ kartā   yatʰā_enaṃ mūrkʰa manyase /
Halfverse: c    kasmān na brāhmaṇaṃ samyag   ātmānam avagaccʰati
   kasmān na brāhmaṇaṃ samyag   ātmānam avagaccʰati /6/

Verse: 7 
Halfverse: a    idaṃ tv āścaryabʰūtaṃ me   yad ime pāṇḍavās tvayā
   idaṃ tv āścarya-bʰūtaṃ me   yad ime pāṇḍavās tvayā /
Halfverse: c    apakr̥ṣṭāḥ satāṃ mārgān   manyante tac ca sādʰv iti
   apakr̥ṣṭāḥ satāṃ mārgān   manyante tac ca sādʰv iti /7/

Verse: 8 
Halfverse: a    atʰa vā naitad āścaryaṃ   yeṣāṃ tvam asi bʰārata
   atʰa vā na_etad āścaryaṃ   yeṣāṃ tvam asi bʰārata /
Halfverse: c    strī sadʰarmā ca vr̥ddʰaś ca   sarvārtʰānāṃ pradarśakaḥ
   strī sadʰarmā ca vr̥ddʰaś ca   sarva_artʰānāṃ pradarśakaḥ /8/

Verse: 9  {Vaiśaṃpāyana uvāca}
Halfverse: a    tasya tad vacanaṃ śrutvā   rūkṣaṃ rūkṣākṣaraṃ bahu
   tasya tad vacanaṃ śrutvā   rūkṣaṃ rūkṣa_akṣaraṃ bahu /
Halfverse: c    cukopa balināṃ śreṣṭʰo   bʰīmasenaḥ pratāpavān
   cukopa balināṃ śreṣṭʰo   bʰīma-senaḥ pratāpavān /9/

Verse: 10 
Halfverse: a    tasya padmapratīkāśe   svabʰāvāyata vistr̥te
   tasya padma-pratīkāśe   svabʰāva_āyata vistr̥te /
Halfverse: c    bʰūyo krodʰābʰitāmrānte   rakte netre babʰūvatuḥ
   bʰūyo krodʰa_abʰitāmra_ante   rakte netre babʰūvatuḥ /10/

Verse: 11 
Halfverse: a    triśikʰāṃ bʰrukuṭīṃ cāsya   dadr̥śuḥ sarvapārtʰivāḥ
   tri-śikʰāṃ bʰru-kuṭīṃ ca_asya   dadr̥śuḥ sarva-pārtʰivāḥ /
Halfverse: c    lalāṭastʰāṃ trikūṭastʰāṃ   gaṅgāṃ tripatʰagām iva
   lalāṭastʰāṃ trikūṭastʰāṃ   gaṅgāṃ tripatʰagām iva /11/

Verse: 12 
Halfverse: a    dantān saṃdaśatas tasya   kopād dadr̥śur ānanam
   dantān saṃdaśatas tasya   kopād dadr̥śur ānanam /
Halfverse: c    yugānte sarvabʰūtāni   kālasyeva didʰakṣataḥ
   yuga_ante sarva-bʰūtāni   kālasya_iva didʰakṣataḥ /12/

Verse: 13 
Halfverse: a    utpatantaṃ tu vegena   jagrāhainaṃ manasvinam
   utpatantaṃ tu vegena   jagrāha_enaṃ manasvinam /
Halfverse: c    bʰīṣma eva mahābāhur   mahāsenam iveśvaraḥ
   bʰīṣma\ eva mahā-bāhur   mahā-senam iva_īśvaraḥ /13/

Verse: 14 
Halfverse: a    tasya bʰīmasya bʰīṣmeṇa   vāryamāṇasya bʰārata
   tasya bʰīmasya bʰīṣmeṇa   vāryamāṇasya bʰārata /
Halfverse: c    guruṇā vividʰair vākyaiḥ   krodʰaḥ praśamam āgataḥ
   guruṇā vividʰair vākyaiḥ   krodʰaḥ praśamam āgataḥ /14/

Verse: 15 
Halfverse: a    nāticakrāma bʰīṣmasya   sa hi vākyam ariṃdamaḥ
   na_aticakrāma bʰīṣmasya   sa hi vākyam ariṃ-damaḥ /
Halfverse: c    samuddʰūto gʰanāpāye   velām iva mahodadʰiḥ
   samuddʰūto gʰana_apāye   velām iva mahā_udadʰiḥ /15/

Verse: 16 
Halfverse: a    śiśupālas tu saṃkruddʰe   bʰīmasene narādʰipa
   śiśu-pālas tu saṃkruddʰe   bʰīma-sene nara_adʰipa /
Halfverse: c    nākampata tadā vīraḥ   pauruṣe sve vyavastʰitaḥ
   na_akampata tadā vīraḥ   pauruṣe sve vyavastʰitaḥ /16/

Verse: 17 
Halfverse: a    utpatantaṃ tu vegena   punaḥ punar ariṃdamaḥ
   utpatantaṃ tu vegena   punaḥ punar ariṃ-damaḥ /
Halfverse: c    na sa taṃ cintayām āsa   siṃhaḥ kṣudramr̥gaṃ yatʰā
   na sa taṃ cintayām āsa   siṃhaḥ kṣudra-mr̥gaṃ yatʰā /17/

Verse: 18 
Halfverse: a    prahasaṃś cābravīd vākyaṃ   cedirājaḥ pratāpavān
   prahasaṃś ca_abravīt vākyaṃ   cedi-rājaḥ pratāpavān /
Halfverse: c    bʰīmasenam atikruddʰaṃ   dr̥ṣṭvā bʰīmaparākramam
   bʰīma-senam atikruddʰaṃ   dr̥ṣṭvā bʰīma-parākramam /18/

Verse: 19 
Halfverse: a    muñcainaṃ bʰīṣma paśyantu   yāvad enaṃ narādʰipāḥ
   muñca_enaṃ bʰīṣma paśyantu   yāvad enaṃ nara_adʰipāḥ /
Halfverse: c    mat pratāpāgninirdagdʰaṃ   pataṃgam iva vahninā
   mat pratāpa_agni-nirdagdʰaṃ   pataṃgam iva vahninā /19/

Verse: 20 
Halfverse: a    tataś cedipater vākyaṃ   tac cʰrutvā kurusattamaḥ
   tataś cedi-pater vākyaṃ   tat śrutvā kuru-sattamaḥ /
Halfverse: c    bʰīmasenam uvācedaṃ   bʰīṣmo matimatāṃ varaḥ
   bʰīma-senam uvāca_idaṃ   bʰīṣmo matimatāṃ varaḥ /20/ (E)20



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.