TITUS
Mahabharata
Part No. 488
Previous part

Chapter: 191 
Adhyāya 191


Verse: 1  {Vaiśaṃpāyana uvāca}
Halfverse: A    mārkaṇḍeyam r̥ṣayaḥ pāṇḍavāś ca paryapr̥ccʰan
   mārkaṇḍeyam r̥ṣayaḥ pāṇḍavāś ca paryapr̥ccʰan /
Halfverse: B    asti kaś cid bʰavataś cirajātatareti
   asti kaścid bʰavataś cira-jātatara_iti /1/ q

Verse: 2 
Halfverse: A    sa tān uvāca
   sa tān uvāca /
Halfverse: B    asti kʰalu rājarṣir indradyumno nāma kṣīṇapuṇyas tridivāt pracyutaḥ
   asti kʰalu rājarṣir indradyumno nāma kṣīṇa-puṇyas tridivāt pracyutaḥ /
Halfverse: C    kīrtis te vyuccʰinneti
   kīrtis te vyuccʰinnā_iti /
Halfverse: D    sa mām upātiṣṭʰat
   sa mām upātiṣṭʰat /
Halfverse: E    atʰa pratyabʰijānāti māṃ bʰavān iti
   atʰa pratyabʰijānāti māṃ bʰavān iti /2/ q

Verse: 3 
Halfverse: A    tam aham abruvam
   tam aham abruvam /
Halfverse: B    na vayaṃ rāsāyanikāḥ śarīropatāpenātmanaḥ samārabʰāmahe 'rtʰānām anuṣṭʰānam
   na vayaṃ rāsāyanikāḥ śarīra_upatāpena_ātmanaḥ samārabʰāmahe_artʰānām anuṣṭʰānam /3/ q

Verse: 4 
Halfverse: A    asti kʰalu himavati prākārakarṇo nāmolūkaḥ
   asti kʰalu himavati prākārakarṇo nāma_ulūkaḥ /
Halfverse: B    sa bʰavantaṃ yadi jānīyāt
   sa bʰavantaṃ yadi jānīyāt /
Halfverse: C    prakr̥ṣṭe cādʰvani himavān
   prakr̥ṣṭe ca_adʰvani himavān / q
Halfverse: D    tatrāsau prativasatīti
   tatra_asau prativasati_iti //q

Verse: 5 
Halfverse: A    sa mām aśvo bʰūtvā tatrāvahad yatra babʰūvolūkaḥ
   sa mām aśvo bʰūtvā tatra_avahad yatra babʰūva_ulūkaḥ /5/ q

Verse: 6 
Halfverse: A    atʰainaṃ sa rājarṣiḥ paryapr̥ccʰat
   atʰa_enaṃ sa rājarṣiḥ paryapr̥ccʰat /
Halfverse: B    pratyabʰijānāti māṃ bʰavān iti
   pratyabʰijānāti māṃ bʰavān iti /6/ q

Verse: 7 
Halfverse: A    sa muhūrtaṃ dʰyātvābravīd enam
   sa muhūrtaṃ dʰyātvā_abravīd enam /
Halfverse: B    nābʰijāne bʰavantam iti
   na_abʰijāne bʰavantam iti /7/ q

Verse: 8 
Halfverse: A    saivam ukto rājarṣir indradyumaḥ punas tam ulūkam abravīt
   sa_evam ukto rājarṣir indradyumaḥ punas tam ulūkam abravīt /
Halfverse: B    asti kaś cid bʰavataś cirajātatareti
   asti kaścid bʰavataś cira-jātatara_iti /8/ q

Verse: 9 
Halfverse: A    saivam ukto 'bravīd enam
   sa_evam ukto_abravīd enam /
Halfverse: B    asti kʰalv indradyumnasaro nāma
   asti kʰalv indradyumnasaro nāma /
Halfverse: C    tasmin nāḍījaṅgʰo nāma bakaḥ prativasati
   tasmin nāḍījaṅgʰo nāma bakaḥ prativasati /
Halfverse: D    so 'smattaś cirajātataraḥ
   so_asmattaś cira-jātataraḥ /
Halfverse: E    taṃ pr̥ccʰeti
   taṃ pr̥ccʰa_iti /9/ q

Verse: 10 
Halfverse: A    tatendradyumno māṃ colūkaṃ cādāya tat saro 'gaccʰad yatrāsau nāḍījaṅgʰo nāma bako babʰūva
   tata_indradyumno māṃ ca_ulūkaṃ ca_ādāya tat saro_agaccʰad yatra_asau nāḍījaṅgʰo nāma bako babʰūva /10/ 10q

Verse: 11 
Halfverse: A    so 'smābʰiḥ pr̥ṣṭaḥ
   so_asmābʰiḥ pr̥ṣṭaḥ /
Halfverse: B    bʰavān indradyunaṃ rājānaṃ pratyabʰijānātīti
   bʰavān indradyunaṃ rājānaṃ pratyabʰijānāti_iti /11/ q

Verse: 12 
Halfverse: A    saivam ukto 'bravīn muhūrtaṃ dʰyātvā
   sa_evam ukto_abravīn muhūrtaṃ dʰyātvā /
Halfverse: B    nābʰijānāmy aham indradyumnaṃ rājānam iti
   na_abʰijānāmy aham indradyumnaṃ rājānam iti /12/ q

Verse: 13 
Halfverse: A    tataḥ so 'smābʰiḥ pr̥ṣṭaḥ
   tataḥ so_asmābʰiḥ pr̥ṣṭaḥ /
Halfverse: B    asti kaś cid anyo bʰavataś cirajātatareti
   asti kaścid anyo bʰavataś cira-jātatara_iti /13/ q

Verse: 14 
Halfverse: A    sa no 'bravīd asti kʰalv ihaiva sarasy akūpāro nāma kaccʰapaḥ prativasati
   sa no_abravīd asti kʰalv iha_eva sarasy akūpāro nāma kaccʰapaḥ prativasati /
Halfverse: B    sa mattaś cirajātatareti
   sa mattaś cira-jātatara_iti /
Halfverse: C    sa yadi katʰaṃ cid abʰijānīyād imaṃ rājānaṃ tam akūpāraṃ pr̥ccʰāmeti
   sa yadi katʰaṃcid abʰijānīyād imaṃ rājānaṃ tam akūpāraṃ pr̥ccʰāma_iti /14/ q

Verse: 15 
Halfverse: A    tataḥ sa bakas tam akūpāraṃ kaccʰapaṃ vijñāpayām āsa
   tataḥ sa bakas tam akūpāraṃ kaccʰapaṃ vijñāpayāmāsa /
Halfverse: B    asty asmākam abʰipretaṃ bʰavantaṃ kaṃ cid artʰam abʰipraṣṭum
   asty asmākam abʰipretaṃ bʰavantaṃ kaṃcid artʰam abʰipraṣṭum /
Halfverse: C    sādʰv āgamyatāṃ tāvad iti
   sādʰv āgamyatāṃ tāvad iti /15/ q

Verse: 16 
Halfverse: A    etac cʰrutvā sa kaccʰapas tasmāt sarasottʰāyābʰyagaccʰad yatra tiṣṭʰāmo vayaṃ tasya sarasas tīre
   etat śrutvā sa kaccʰapas tasmāt sarasa_uttʰāya_abʰyagaccʰad yatra tiṣṭʰāmo vayaṃ tasya sarasas tīre /16/ q

Verse: 17 
Halfverse: A    āgataṃ cainaṃ vayam apr̥ccʰāma
   āgataṃ ca_enaṃ vayam apr̥ccʰāma /
Halfverse: B    bʰavān indradyumnaṃ rājānam abʰijānātīti
   bʰavān indradyumnaṃ rājānam abʰijānāti_iti /17/ q

Verse: 18 
Halfverse: A    sa muhūrtaṃ dʰyātvā bāṣpapūrṇanayan udvignahr̥dayo vepamāno visaṃjñakalpaḥ prāñjalir abravīt
   sa muhūrtaṃ dʰyātvā bāṣpa-pūrṇa-nayan udvigna-hr̥dayo vepamāno visaṃjña-kalpaḥ prāñjalir abravīt /
Halfverse: B    kim aham enaṃ na pratyabʰijānāmi
   kim aham enaṃ na pratyabʰijānāmi /
Halfverse: C    ahaṃ hy anena sahasrakr̥tvaḥ pūrvam agnicitiṣūpahita pūrvaḥ
   ahaṃ hy anena sahasra-kr̥tvaḥ pūrvam agnicitiṣu_upahita pūrvaḥ /
Halfverse: D    saraś cedam asya dakṣiṇādattābʰir gobʰir atikramamāṇābʰiḥ kr̥tam {!}
   saraś ca_idam asya dakṣiṇa_ādattābʰir gobʰir atikramamāṇābʰiḥ kr̥tam / {!}
Halfverse: E    atra cāhaṃ prativasāmīti
   atra ca_ahaṃ prativasāmi_iti /18/ q

Verse: 19 
Halfverse: A    atʰaitat kaccʰapenodāhr̥taṃ śrutvā samanantaraṃ devalokād deva ratʰaḥ prādurāsīt
   atʰa_etat kaccʰapena_udāhr̥taṃ śrutvā samanantaraṃ deva-lokād deva ratʰaḥ prādurāsīt /19/ q

Verse: 20 
Halfverse: A    vāco cāśrūyantendradyumnaṃ prati
   vāco ca_aśrūyanta_indradyumnaṃ prati /
Halfverse: B    prastutas te svargaḥ
   prastutas te svargaḥ /
Halfverse: C    yatʰocitaṃ stʰānam abʰipadyasva
   yatʰā_ucitaṃ stʰānam abʰipadyasva /
Halfverse: D    kīrtimān asi
   kīrtimān asi /
Halfverse: E    avyagro yāhīti
   avyagro yāhi_iti /20/ 20q


Verse: 21 
Halfverse: a    divaṃ spr̥śati bʰūmiṃ ca   śabdaḥ puṇyasya karmaṇaḥ
   divaṃ spr̥śati bʰūmiṃ ca   śabdaḥ puṇyasya karmaṇaḥ /
Halfverse: c    yāvat sa śabdo bʰavati   tāvat puruṣa ucyate
   yāvat sa śabdo bʰavati   tāvat puruṣa\ ucyate /21/

Verse: 22 
Halfverse: a    akīrtiḥ kīrtyate yasya   loke bʰūtasya kasya cit
   akīrtiḥ kīrtyate yasya   loke bʰūtasya kasyacit /
Halfverse: c    pataty evādʰamām̐l lokān   yāvac cʰabdaḥ sa kīrtyate
   pataty eva_adʰamām̐l lokān   yāvat śabdaḥ sa kīrtyate /22/

Verse: 23 
Halfverse: a    tasmāt kalyāṇa vr̥ttaḥ syād   atyantāya naro bʰuvi
   tasmāt kalyāṇa vr̥ttaḥ syād   atyantāya naro bʰuvi /
Halfverse: c    vihāya vr̥ttaṃ pāpiṣṭʰaṃ   dʰarmam evābʰisaṃśrayet
   vihāya vr̥ttaṃ pāpiṣṭʰaṃ   dʰarmam eva_abʰisaṃśrayet /23/


Verse: 24 
Halfverse: A    ity etac cʰrutvā sa rājābravīt
   ity etat śrutvā sa rājā_abravīt /
Halfverse: B    tiṣṭʰa tāvad yāvad idānīm imau vr̥ddʰau yatʰāstʰānaṃ pratipādayāmīti
   tiṣṭʰa tāvad yāvad idānīm imau vr̥ddʰau yatʰā-stʰānaṃ pratipādayāmi_iti /24/ q

Verse: 25 
Halfverse: A    sa māṃ prākārakarṇaṃ colūkaṃ yatʰocite stʰāne pratipādya tenaiva yānena saṃsiddʰo yatʰocitaṃ stʰānaṃ pratipannaḥ
   sa māṃ prākāra-karṇaṃ ca_ulūkaṃ yatʰā_ucite stʰāne pratipādya tena_eva yānena saṃsiddʰo yatʰā_ucitaṃ stʰānaṃ pratipannaḥ /25/ q

Verse: 26 
Halfverse: A    etan mayānubʰūtaṃ cirajīvinā dr̥ṣṭam iti pāṇḍavān uvāca mārkaṇḍeyaḥ
   etan mayā_anubʰūtaṃ cira-jīvinā dr̥ṣṭam iti pāṇḍavān uvāca mārkaṇḍeyaḥ /26/ q

Verse: 27 
Halfverse: A    pāṇḍavāś cocuḥ prītāḥ
   pāṇḍavāś ca_ūcuḥ prītāḥ /
Halfverse: B    sādʰu
   sādʰu /
Halfverse: C    śobʰanaṃ kr̥taṃ bʰavatā rājānam indradyumnaṃ svargalokāc cyutaṃ sve stʰāne svarge punaḥ pratipādayateti
   śobʰanaṃ kr̥taṃ bʰavatā rājānam indradyumnaṃ svarga-lokāc cyutaṃ sve stʰāne svarge punaḥ pratipādayata_iti /27/ q

Verse: 28 
Halfverse: A    atʰainām abravīd asau
   atʰa_enām abravīd asau /
Halfverse: B    nanu devakī putreṇāpi kr̥ṣṇena narake majjamāno rājarṣir nr̥gas tasmāt kr̥ccʰrāt samuddʰr̥tya punaḥ svargaṃ pratipāditeti
   nanu devakī putreṇa_api kr̥ṣṇena narake majjamāno rājarṣir nr̥gas tasmāt kr̥ccʰrāt samuddʰr̥tya punaḥ svargaṃ pratipādita_iti /28/ (E)28q



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.