TITUS
Mahabharata
Part No. 546
Previous part

Chapter: 249 
Adhyāya 249


Verse: 1  {Koṭikāśya uvāca}
Halfverse: a    kā tvaṃ kadambasya vinamya śākʰām; ekāśrame tiṣṭʰasi śobʰamānā
   kā tvaṃ kadambasya vinamya śākʰām   eka_āśrame tiṣṭʰasi śobʰamānā /
Halfverse: c    dedīpyamānāgniśikʰeva naktaṃ; dodʰūyamānā pavanena subʰrūḥ
   dedīpyamānā_agni-śikʰā_iva naktaṃ   dodʰūyamānā pavanena subʰrūḥ / ՚

Verse: 2 
Halfverse: a    atīva rūpeṇa samanvitā tvaṃ; na cāpy araṇyeṣu bibʰeṣi kiṃ nu
   atīva rūpeṇa samanvitā tvaṃ   na ca_apy araṇyeṣu bibʰeṣi kiṃ nu /
Halfverse: c    devī nu yakṣī yadi dānavī vā; varāpsarā daitya varāṅganā vā
   devī nu yakṣī yadi dānavī vā   vara_apsarā daitya vara_aṅganā vā / ՚

Verse: 3 
Halfverse: a    vapuṣmatī voraga rājakanyā; vanecarī vā kṣaṇadācara strī
   vapuṣmatī vā_uraga rāja-kanyā   vanecarī vā kṣaṇadā-cara strī / ՙ
Halfverse: c    yady eva rājño varuṇasya patnī; yamasya somasya dʰaneśvarasya
   yady eva rājño varuṇasya patnī   yamasya somasya dʰana_īśvarasya / ՚

Verse: 4 
Halfverse: a    dʰātur vidʰātuḥ savitur vibʰor vā; śakrasya vā tvaṃ sadanāt prapannā
   dʰātuḥ vidʰātuḥ savituḥ vibʰor vā   śakrasya vā tvaṃ sadanāt prapannā / ՙ
Halfverse: c    na hy eva naḥ pr̥ccʰasi ye vayaṃ sma; na cāpi jānīma taveha nātʰam
   na hy eva naḥ pr̥ccʰasi ye vayaṃ sma   na ca_api jānīma tava_iha nātʰam / ՚

Verse: 5 
Halfverse: a    vayaṃ hi mānaṃ tava vardʰayantaḥ; pr̥ccʰāma bʰadre prabʰavaṃ prabʰuṃ ca
   vayaṃ hi mānaṃ tava vardʰayantaḥ   pr̥ccʰāma bʰadre prabʰavaṃ prabʰuṃ ca /
Halfverse: c    ācakṣva bandʰūṃś ca patiṃ kulaṃ ca; tattvena yac ceha karoṣi kāryam
   ācakṣva bandʰūṃś ca patiṃ kulaṃ ca   tattvena yac ca_iha karoṣi kāryam / ՚

Verse: 6 
Halfverse: a    ahaṃ tu rājñaḥ suratʰasya putro; yaṃ koṭikāśyeti vidur manuṣyāḥ
   ahaṃ tu rājñaḥ suratʰasya putro   yaṃ koṭikāśya_iti vidur manuṣyāḥ / ՙ
Halfverse: c    asau tu yas tiṣṭʰati kāñcanāṅge; ratʰe huto 'gniś cayane yatʰaiva
   asau tu yas tiṣṭʰati kāñcana_aṅge   ratʰe huto_agniś cayane yatʰaiva /
Halfverse: e    trigartarājaḥ kamalāyatākṣi; kṣemaṃkaro nāma sa eṣa vīraḥ
   trigarta-rājaḥ kamala_āyata_akṣi   kṣemaṃkaro nāma sa\ eṣa vīraḥ / ՚ՙ

Verse: 7 
Halfverse: a    asmāt paras tv eṣa mahādʰanuṣmān; putraḥ kuṇindādʰipater variṣṭʰaḥ
   asmāt paras tv eṣa mahā-dʰanuṣmān   putraḥ kuṇinda_adʰipater variṣṭʰaḥ / ՙ
Halfverse: c    nirīkṣate tvāṃ vipulāyatāṃsaḥ; suvismitaḥ parvatavāsanityaḥ
   nirīkṣate tvāṃ vipula_āyata_aṃsaḥ   suvismitaḥ parvata-vāsa-nityaḥ / ՚

Verse: 8 
Halfverse: a    asau tu yaḥ puṣkariṇī samīpe; śyāmo yuvā tiṣṭʰati darśanīyaḥ
   asau tu yaḥ puṣkariṇī samīpe   śyāmo yuvā tiṣṭʰati darśanīyaḥ /
Halfverse: c    ikṣvākurājñaḥ subalasya putraḥ; sa eṣa hantā dviṣatāṃ sugātri
   ikṣvāku-rājñaḥ subalasya putraḥ   sa\ eṣa hantā dviṣatāṃ sugātri / ՚ՙ

Verse: 9 
Halfverse: a    yasyānuyātraṃ dʰvajinaḥ prayānti; sauvīrakā dvādaśa rājaputrāḥ
   yasya_anuyātraṃ dʰvajinaḥ prayānti   sauvīrakā dvādaśa rāja-putrāḥ /
Halfverse: c    śoṇāśvayukteṣu ratʰeṣu sarve; makʰeṣu dīptā iva havyavāhāḥ
   śoṇa_aśva-yukteṣu ratʰeṣu sarve   makʰeṣu dīptā\ iva havya-vāhāḥ / ՚ՙ

Verse: 10 
Halfverse: a    aṅgārakaḥ kuñjaraguptakaś ca; śatruṃjayaḥ saṃjaya supravr̥ddʰau
   aṅgārakaḥ kuñjara-guptakaś ca   śatruṃjayaḥ saṃjaya supravr̥ddʰau /
Halfverse: c    prabʰaṃkaro 'tʰa bʰramaro raviś ca; śūraḥ pratāpaḥ kuharaś ca nāma
   prabʰaṃkaro_atʰa bʰramaro raviś ca   śūraḥ pratāpaḥ kuharaś ca nāma / ՚10

Verse: 11 
Halfverse: a    yaṃ ṣaṭ sahasrā ratʰino 'nuyānti; nāgā hayāś caiva padātinaś ca
   yaṃ ṣaṭ sahasrā ratʰino_anuyānti   nāgā hayāś caiva padātinaś ca /
Halfverse: c    jayadratʰo nāma yadi śrutas te; sauvīrarājaḥ subʰage sa eṣaḥ
   jayadratʰo nāma yadi śrutas te   sauvīra-rājaḥ subʰage sa\ eṣaḥ / ՚ՙ

Verse: 12 
Halfverse: a    tasyāpare bʰrātaro 'dīnasattvā; balāhakānīka vidāraṇādʰyāḥ
   tasya_apare bʰrātaro_adīna-sattvā   balāhaka_anīka vidāraṇa_ādʰyāḥ /
Halfverse: c    sauvīravīrāḥ pravarā yuvāno; rājānam ete balino 'nuyānti
   sauvīra-vīrāḥ pravarā yuvāno   rājānam ete balino_anuyānti / ՚

Verse: 13 
Halfverse: a    etaiḥ sahāyair upayāti rājā; marudgaṇair indra ivābʰiguptaḥ
   etaiḥ sahāyair upayāti rājā   marut-gaṇair indra\ iva_abʰiguptaḥ / ՙ
Halfverse: c    ajānatāṃ kʰyāpaya naḥ sukeśi; kasyāsi bʰāryā duhitā ca kasya
   ajānatāṃ kʰyāpaya naḥ sukeśi   kasya_asi bʰāryā duhitā ca kasya / ՚E13ՙ



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.