TITUS
Mahabharata
Part No. 640
Previous part

Chapter: 44 
Adhyāya 44


Verse: 1  {Kr̥pa uvāca}
Halfverse: a    sadaiva tava rādʰeya   yuddʰe krūratarā matiḥ
   sadā_eva tava rādʰeya   yuddʰe krūratarā matiḥ /
Halfverse: c    nārtʰānāṃ prakr̥tiṃ vettʰa   nānubandʰam avekṣase
   na_artʰānāṃ prakr̥tiṃ vettʰa   na_anubandʰam avekṣase /1/

Verse: 2 
Halfverse: a    nayā hi bahavaḥ santi   śāstrāṇy āśritya cintitāḥ
   nayā hi bahavaḥ santi   śāstrāṇy āśritya cintitāḥ /
Halfverse: c    teṣāṃ yuddʰaṃ tu pāpiṣṭʰaṃ   vedayanti purā vidaḥ
   teṣāṃ yuddʰaṃ tu pāpiṣṭʰaṃ   vedayanti purā vidaḥ /2/

Verse: 3 
Halfverse: a    deśakālena saṃyuktaṃ   yuddʰaṃ vijayadaṃ bʰavet
   deśa-kālena saṃyuktaṃ   yuddʰaṃ vijaya-daṃ bʰavet /
Halfverse: c    hīnakālaṃ tad eveha   pʰalavan na bʰavaty uta
   hīna-kālaṃ tad eva_iha   pʰalavat na bʰavaty uta / ՙ
Halfverse: e    deśe kāle ca vikrāntaṃ   kalyāṇāya vidʰīyate
   deśe kāle ca vikrāntaṃ   kalyāṇāya vidʰīyate /3/

Verse: 4 
Halfverse: a    ānukūlyena kāryāṇām   antaraṃ saṃvidʰīyatām
   ānukūlyena kāryāṇām   antaraṃ saṃvidʰīyatām /
Halfverse: c    bʰāraṃ hi ratʰakārasya   na vyavasyanti paṇḍitāḥ
   bʰāraṃ hi ratʰa-kārasya   na vyavasyanti paṇḍitāḥ /4/

Verse: 5 
Halfverse: a    paricintya tu pārtʰena   saṃnipāto na naḥ kṣamaḥ
   paricintya tu pārtʰena   saṃnipātas na naḥ kṣamaḥ /
Halfverse: c    ekaḥ kurūn abʰyarakṣad   ekaś cāgnim atarpayat
   ekaḥ kurūn abʰyarakṣat   ekaś ca_agnim atarpayat /5/

Verse: 6 
Halfverse: a    ekaś ca pañcavarṣāṇi   brahmacaryam adʰārayat
   ekaś ca pañca-varṣāṇi   brahma-caryam adʰārayat /
Halfverse: c    ekaḥ subʰadrām āropya   dvairatʰe kr̥ṣṇam āhvayat
   ekaḥ subʰadrām āropya   dvairatʰe kr̥ṣṇam āhvayat /
Halfverse: e    asminn eva vane kr̥ṣṇo   hr̥tāṃ kr̥ṣṇām avājayat
   asminn eva vane kr̥ṣṇo   hr̥tāṃ kr̥ṣṇām avājayat /6/

Verse: 7 
Halfverse: a    ekaś ca pañcavarṣāṇi   śakrād astrāṇy aśikṣata
   ekaś ca pañca-varṣāṇi   śakrād astrāṇy aśikṣata /
Halfverse: c    ekaḥ sāmyaminīṃ jitvā   kurūṇām akarod yaśaḥ
   ekaḥ sāmyaminīṃ jitvā   kurūṇām akarot yaśaḥ /7/

Verse: 8 
Halfverse: a    eko gandʰarvarājānaṃ   citrasenam ariṃdamaḥ
   eko gandʰarva-rājānaṃ   citrasenam ariṃdamaḥ /
Halfverse: c    vijigye tarasā saṃkʰye   senāṃ cāsya sudurjayām
   vijigye tarasā saṃkʰye   senāṃ ca_asya su-durjayām /8/

Verse: 9 
Halfverse: a    tatʰā nivātakavacāḥ   kālakʰañjāś ca dānavāḥ
   tatʰā nivāta-kavacāḥ   kālakʰañjāś ca dānavāḥ /
Halfverse: c    daivatair apy avadʰyās te   ekena yudʰi pātitāḥ
   daivatair apy avadʰyās te ekena yudʰi pātitāḥ /9/ ՙ

Verse: 10 
Halfverse: a    ekena hi tvayā karṇa   kiṃnāmeha kr̥taṃ purā
   ekena hi tvayā karṇa   kiṃ-nāma_iha kr̥taṃ purā /
Halfverse: c    ekaikena yatʰā teṣāṃ   bʰūmipālā vaśīkr̥tāḥ
   eka_ekena yatʰā teṣāṃ   bʰūmi-pālā vaśī-kr̥tāḥ /10/ 10

Verse: 11 
Halfverse: a    indro 'pi hi na pārtʰena   saṃyuge yoddʰum arhati
   indro_api hi na pārtʰena   saṃyuge yoddʰum arhati /
Halfverse: c    yas tenāśaṃsate yoddʰuṃ   kartavyaṃ tasya bʰeṣajam
   yas tena_āśaṃsate yoddʰuṃ   kartavyaṃ tasya bʰeṣajam /11/

Verse: 12 
Halfverse: a    āśīviṣasya kruddʰasya   pāṇim udyamya dakṣiṇam
   āśīviṣasya kruddʰasya   pāṇim udyamya dakṣiṇam /
Halfverse: c    avimr̥śya pradeśiṇyā   daṃṣṭrām ādātum iccʰasi
   avimr̥śya pradeśiṇyā   daṃṣṭrām ādātum iccʰasi /12/

Verse: 13 
Halfverse: a    atʰa vā kuñjaraṃ mattam   eka eva caran vane
   atʰa vā kuñjaraṃ mattam   eka\ eva caran vane / ՙ
Halfverse: c    anaṅkuśaṃ samāruhya   nagaraṃ gantum iccʰasi
   anaṅkuśaṃ samāruhya   nagaraṃ gantum iccʰasi /13/

Verse: 14 
Halfverse: a    samiddʰaṃ pāvakaṃ vāpi   gʰr̥tamedo vasā hutam
   samiddʰaṃ pāvakaṃ vā_api   gʰr̥ta-medas vasā hutam /
Halfverse: c    gʰr̥tāktaś cīravāsās tvaṃ   madʰyenottartum iccʰasi
   gʰr̥ta_aktaś cīra-vāsās tvaṃ   madʰyena_uttartum iccʰasi /14/

Verse: 15 
Halfverse: a    ātmānaṃ yaḥ samudbadʰya   kaṇḍʰe baddʰvā mahāśilām
   ātmānaṃ yaḥ samudbadʰya   kaṇḍʰe baddʰvā mahā-śilām /
Halfverse: c    samudraṃ pratared dorbʰyāṃ   tatra kiṃnāma pauruṣam
   samudraṃ prataret dorbʰyāṃ   tatra kiṃ-nāma pauruṣam /15/

Verse: 16 
Halfverse: a    akr̥tāstraḥ kr̥tāstraṃ vai   balavantaṃ sudurbalaḥ
   akr̥ta_astraḥ kr̥ta_astraṃ vai   balavantaṃ su-durbalaḥ /
Halfverse: c    tādr̥śaṃ karṇa yaḥ pārtʰaṃ   yoddʰum iccʰet sa durmatiḥ
   tādr̥śaṃ karṇa yaḥ pārtʰaṃ   yoddʰum iccʰet sa durmatiḥ /16/

Verse: 17 
Halfverse: a    asmābʰir eṣa nikr̥to   varṣāṇīha trayodaśa
   asmābʰir eṣa nikr̥to   varṣāṇi_iha trayodaśa /
Halfverse: c    siṃhaḥ pāśavinirmukto   na naḥ śeṣaṃ kariṣyati
   siṃhaḥ pāśa-vinirmuktas   na naḥ śeṣaṃ kariṣyati /17/

Verse: 18 
Halfverse: a    ekānte pārtʰam āsīnaṃ   kūpe 'gnim iva saṃvr̥tam
   ekānte pārtʰam āsīnaṃ   kūpe_agnim iva saṃvr̥tam /
Halfverse: c    ajñānād abʰyavaskandya   prāptāḥ smo bʰayam uttamam
   ajñānād abʰyavaskandya   prāptāḥ smo bʰayam uttamam /18/

Verse: 19 
Halfverse: a    saha yudʰyāmahe pārtʰam   āgataṃ yuddʰadurmadam
   saha yudʰyāmahe pārtʰam   āgataṃ yuddʰa-durmadam /
Halfverse: c    sainyās tiṣṭʰantu saṃnaddʰā   vyūḍʰānīkāḥ prahāriṇaḥ
   sainyās tiṣṭʰantu saṃnaddʰā   vyūḍʰa_anīkāḥ prahāriṇaḥ /19/

Verse: 20 
Halfverse: a    droṇo duryodʰano bʰīṣmo   bʰavān drauṇis tatʰā vayam
   droṇo duryodʰanas bʰīṣmo   bʰavān drauṇis tatʰā vayam /
Halfverse: c    sarve yudʰyāmahe pārtʰaṃ   karṇa mā sāhasaṃ kr̥tʰāḥ
   sarve yudʰyāmahe pārtʰaṃ   karṇa mā sāhasaṃ kr̥tʰāḥ /20/ 20

Verse: 21 
Halfverse: a    vayaṃ vyavasitaṃ pārtʰaṃ   vajrapāṇim ivodyatam
   vayaṃ vyavasitaṃ pārtʰaṃ   vajra-pāṇim iva_udyatam /
Halfverse: c    ṣaḍ ratʰāḥ pratiyudʰyema   tiṣṭʰema yadi saṃhatāḥ
   ṣaḍ ratʰāḥ pratiyudʰyema   tiṣṭʰema yadi saṃhatāḥ /21/

Verse: 22 
Halfverse: a    vyūḍʰānīkāni sainyāni   yattāḥ paramadʰanvinaḥ
   vyūḍʰa_anīkāni sainyāni   yattāḥ parama-dʰanvinaḥ /
Halfverse: c    yudʰyāmahe 'rjunaṃ saṃkʰye   dānavā vāsavaṃ yatʰā
   yudʰyāmahe_arjunaṃ saṃkʰye   dānavā vāsavaṃ yatʰā /22/ (E)22



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.