TITUS
Mahabharata
Part No. 652
Previous part

Chapter: 56 
Adhyāya 56


Verse: 1  {Vaiśaṃpāyana uvāca}
Halfverse: a    tato vaikartanaṃ jitvā   pārtʰo vairāṭim abravīt
   tato vaikartanaṃ jitvā   pārtʰas vairāṭim abravīt /
Halfverse: c    etan māṃ prāpayānīkaṃ   yatra tālo hiraṇmayaḥ {!}
   etat māṃ prāpaya_anīkaṃ   yatra tālo hiraṇmayaḥ /1/ {!}

Verse: 2 
Halfverse: a    atra śāṃtanavo bʰīṣmo   ratʰe 'smākaṃ pitāmahaḥ
   atra śāṃtanavo bʰīṣmo   ratʰe_asmākaṃ pitāmahaḥ /
Halfverse: c    kāṅkṣamāṇo mayā yuddʰaṃ   tiṣṭʰaty amara darśanaḥ
   kāṅkṣamāṇas mayā yuddʰaṃ   tiṣṭʰaty amara darśanaḥ /
Halfverse: e    ādāsyāmy aham etasya   dʰanurjyām api cāhave
   ādāsyāmy aham etasya   dʰanus-jyām api ca_āhave /2/

Verse: 3 
Halfverse: a    asyantaṃ divyam astraṃ māṃ   citram adya niśāmaya
   asyantaṃ divyam astraṃ māṃ   citram adya niśāmaya /
Halfverse: c    śatahradām ivāyāntīṃ   stanayitnor ivāmbare
   śata-hradām iva_āyāntīṃ   stanayitnor iva_ambare /3/

Verse: 4 
Halfverse: a    suvarṇapr̥ṣṭʰaṃ gāṇḍīvaṃ   drakṣyanti kuravo mama
   suvarṇa-pr̥ṣṭʰaṃ gāṇḍīvaṃ   drakṣyanti kuravas mama /
Halfverse: c    dakṣiṇenātʰa vāmena   katareṇa svid asyati
   dakṣiṇena_atʰa vāmena   katareṇa svit asyati /
Halfverse: e    iti māṃ saṃgatāḥ sarve   tarkayiṣyanti śatravaḥ
   iti māṃ saṃgatāḥ sarve   tarkayiṣyanti śatravaḥ /4/

Verse: 5 
Halfverse: a    śoṇitodāṃ ratʰāvartāṃ   nāganakrāṃ duratyayām
   śoṇita_udāṃ ratʰa_āvartāṃ   nāga-nakrāṃ duratyayām /
Halfverse: c    nadīṃ prasyandayiṣyāmi   paralokapravāhinīm
   nadīṃ prasyandayiṣyāmi   para-loka-pravāhinīm /5/

Verse: 6 
Halfverse: a    pāṇipādaśiraḥ pr̥ṣṭʰabāhuśākʰā   nirantaram
   pāṇi-pāda-śiraḥ pr̥ṣṭʰa-bāhu-śākʰā   nirantaram /
Halfverse: c    vanaṃ kurūṇāṃ cʰetsyāmi   bʰallaiḥ saṃnataparvabʰiḥ
   vanaṃ kurūṇāṃ cʰetsyāmi   bʰallaiḥ saṃnata-parvabʰiḥ /6/

Verse: 7 
Halfverse: a    jayataḥ kauravīṃ senām   ekasya mama dʰanvinaḥ
   jayataḥ kauravīṃ senām   ekasya mama dʰanvinaḥ /
Halfverse: c    śataṃ mārgā bʰaviṣyanti   pāvakasyeva kānane
   śataṃ mārgā bʰaviṣyanti   pāvakasya_iva kānane /
Halfverse: e    mayā cakram ivāviddʰaṃ   sainyaṃ drakṣyasi kevalam
   mayā cakram iva_āviddʰaṃ   sainyaṃ drakṣyasi kevalam /7/

Verse: 8 
Halfverse: a    asaṃbʰrānto ratʰe tiṣṭʰa   sameṣu viṣameṣu ca
   asaṃbʰrānto ratʰe tiṣṭʰa   sameṣu viṣameṣu ca /
Halfverse: c    divām āvr̥tya tiṣṭʰantaṃ   giriṃ bʰetsyāmi dʰāribʰiḥ
   divām āvr̥tya tiṣṭʰantaṃ   giriṃ bʰetsyāmi dʰāribʰiḥ /8/

Verse: 9 
Halfverse: a    aham indrasya vacanāt   saṃgrāme 'bʰyahanaṃ purā
   aham indrasya vacanāt   saṃgrāme_abʰyahanaṃ purā /
Halfverse: c    paulomān kālakʰañjāṃś ca   sahasrāṇi śatāni ca
   paulomān kālakʰañjāṃś ca   sahasrāṇi śatāni ca /9/

Verse: 10 
Halfverse: a    aham indrād dr̥ḍʰāṃ muṣṭiṃ   brahmaṇaḥ kr̥tahastatām
   aham indrād dr̥ḍʰāṃ muṣṭiṃ   brahmaṇaḥ kr̥ta-hastatām /
Halfverse: c    pragāḍʰaṃ tumulaṃ citram   atividdʰaṃ prajāpateḥ
   pragāḍʰaṃ tumulaṃ citram   atividdʰaṃ prajāpateḥ /10/ 10

Verse: 11 
Halfverse: a    ahaṃ pāre samudrasya   hiraṇyapuram ārujam
   ahaṃ pāre samudrasya   hiraṇya-puram ārujam /
Halfverse: c    jitvā ṣaṣṭisahasrāṇi   ratʰinām ugradʰanvinām
   jitvā ṣaṣṭi-sahasrāṇi   ratʰinām ugra-dʰanvinām /11/

Verse: 12 
Halfverse: a    dʰvajavr̥kṣaṃ pattitr̥ṇaṃ   ratʰasiṃhagaṇāyutam
   dʰvaja-vr̥kṣaṃ patti-tr̥ṇaṃ   ratʰa-siṃha-gaṇa_āyutam /
Halfverse: c    vanam ādīpayiṣyāmi   kurūṇām astratejasā
   vanam ādīpayiṣyāmi   kurūṇām astra-tejasā /12/

Verse: 13 
Halfverse: a    tān ahaṃ ratʰanīḍebʰyaḥ   śaraiḥ saṃnataparvabʰiḥ
   tān ahaṃ ratʰa-nīḍebʰyaḥ   śaraiḥ saṃnata-parvabʰiḥ /
Halfverse: c    ekaḥ saṃkālayiṣyāmi   vajrapāṇir ivāsurān
   ekaḥ saṃkālayiṣyāmi   vajra-pāṇir iva_asurān /13/

Verse: 14 
Halfverse: a    raudraṃ rudrād ahaṃ hy astraṃ   vāruṇaṃ varuṇād api
   raudraṃ rudrād ahaṃ hy astraṃ   vāruṇaṃ varuṇād api /
Halfverse: c    astram āgneyam agneś ca   vāyavyaṃ mātariśvanaḥ
   astram āgneyam agneś ca   vāyavyaṃ mātariśvanaḥ /
Halfverse: e    vajrādīni tatʰāstrāṇi   śakrād aham avāptavān
   vajra_ādīni tatʰā_astrāṇi   śakrād aham avāptavān /14/ ՙ

Verse: 15 
Halfverse: a    dʰārtarāṣṭra vanaṃ gʰoraṃ   narasiṃhābʰirakṣitam
   dʰārtarāṣṭra vanaṃ gʰoraṃ   nara-siṃha_abʰirakṣitam /
Halfverse: c    aham utpāṭayiṣyāmi   vairāṭe vyetu te bʰayam
   aham utpāṭayiṣyāmi   vairāṭe vyetu te bʰayam /15/

Verse: 16 
Halfverse: a    evam āśvāsitas tena   vairāṭiḥ savyasācinā
   evam āśvāsitas tena   vairāṭiḥ savya-sācinā /
Halfverse: c    vyagāhata ratʰānīkaṃ   bʰīmaṃ bʰīṣmasya dʰīmataḥ
   vyagāhata ratʰa_anīkaṃ   bʰīmaṃ bʰīṣmasya dʰīmataḥ /16/

Verse: 17 
Halfverse: a    tam āyāntaṃ mahābāhuṃ   jigīṣantaṃ raṇe parān
   tam āyāntaṃ mahā-bāhuṃ   jigīṣantaṃ raṇe parān /
Halfverse: c    abʰyavārayad avyagraḥ   krūrakarmā dʰanaṃjayam
   abʰyavārayat avyagraḥ   krūra-karmā dʰanaṃjayam /17/

Verse: 18 
Halfverse: a    taṃ citramālyābʰaraṇāḥ   kr̥tavidyā manasvinaḥ
   taṃ citra-mālya_ābʰaraṇāḥ   kr̥ta-vidyā manasvinaḥ /
Halfverse: c    āgaccʰan bʰīmadʰanvānaṃ   maurvīṃ paryasya bāhubʰiḥ
   āgaccʰan bʰīma-dʰanvānaṃ   maurvīṃ paryasya bāhubʰiḥ /18/

Verse: 19 
Halfverse: a    duḥśāsano vikarṇaś ca   duḥsaho 'tʰa viviṃśatiḥ
   duḥśāsanas vikarṇaś ca   duḥsaho_atʰa viviṃśatiḥ /
Halfverse: c    āgatya bʰīmadʰanvānaṃ   bībʰatsuṃ paryavārayan
   āgatya bʰīma-dʰanvānaṃ   bībʰatsuṃ paryavārayan /19/

Verse: 20 
Halfverse: a    duḥśāsanas tu bʰallena   viddʰvā vairāṭim uttaram
   duḥśāsanas tu bʰallena   viddʰvā vairāṭim uttaram /
Halfverse: c    dvitīyenārjunaṃ vīraḥ   pratyavidʰyat stanāntare
   dvitīyena_arjunaṃ vīraḥ   pratyavidʰyat stana_antare /20/ 20

Verse: 21 
Halfverse: a    tasya jiṣṇur upāvr̥tya   pr̥tʰu dʰāreṇa kārmukam
   tasya jiṣṇur upāvr̥tya   pr̥tʰu dʰāreṇa kārmukam /
Halfverse: c    cakarta gārdʰra patreṇa   jātarūpapariṣkr̥tam
   cakarta gārdʰra patreṇa   jāta-rūpa-pariṣkr̥tam /21/

Verse: 22 
Halfverse: a    atʰainaṃ pañcabʰiḥ paścāt   pratyavidʰyat stanāntare
   atʰa_enaṃ pañcabʰiḥ paścāt   pratyavidʰyat stana_antare /
Halfverse: c    so 'payāto raṇaṃ hitvā   pārtʰa bāṇaprapīḍitaḥ
   so_apayāto raṇaṃ hitvā   pārtʰa bāṇa-prapīḍitaḥ /22/

Verse: 23 
Halfverse: a    taṃ vikarṇaḥ śarais tīkṣṇair   gārdʰra patrair ajihma gaiḥ
   taṃ vikarṇaḥ śarais tīkṣṇair   gārdʰra patrair ajihma gaiḥ /
Halfverse: c    vivyādʰa paravīra gʰnam   arjunaṃ dʰr̥tarāṣṭra jaḥ
   vivyādʰa para-vīra gʰnam   arjunaṃ dʰr̥ta-rāṣṭra jaḥ /23/

Verse: 24 
Halfverse: a    tatas tam api kaunteyaḥ   śareṇānataparvaṇā
   tatas tam api kaunteyaḥ   śareṇa_ānata-parvaṇā /
Halfverse: c    lalāṭe 'bʰyahanat tūrṇaṃ   sa viddʰaḥ prāpatad ratʰāt
   lalāṭe_abʰyahanat tūrṇaṃ   sa viddʰaḥ prāpatat ratʰāt /24/

Verse: 25 
Halfverse: a    tataḥ pārtʰam abʰidrutya   duḥsahaḥ sa viviṃśatiḥ
   tataḥ pārtʰam abʰidrutya   duḥsahaḥ sa viviṃśatiḥ /
Halfverse: c    avākirac cʰarais tīkṣṇaiḥ   parīpsan bʰrātaraṃ raṇe
   avākirat śarais tīkṣṇaiḥ   parīpsan bʰrātaraṃ raṇe /25/

Verse: 26 
Halfverse: a    tāv ubʰau gārdʰra patrābʰyāṃ   niśitābʰyāṃ dʰanaṃjayaḥ
   tāv ubʰau gārdʰra patrābʰyāṃ   niśitābʰyāṃ dʰanaṃjayaḥ /
Halfverse: c    viddʰvā yugapad avyagras   tayor vāhān asūdayat
   viddʰvā yugapad avyagras   tayor vāhān asūdayat /26/

Verse: 27 
Halfverse: a    tau hatāśvau vividdʰāṅgau   dʰr̥tarāṣṭrātma jāv ubʰau
   tau hata_aśvau vividdʰa_aṅgau   dʰr̥tarāṣṭra_ātma jāv ubʰau /
Halfverse: c    abʰipatya ratʰair anyair   apanītau padānugaiḥ
   abʰipatya ratʰair anyair   apanītau pada_anugaiḥ /27/

Verse: 28 
Halfverse: a    sarvā diśaś cābʰyapatad   bībʰatsur aparājitaḥ
   sarvā diśaś ca_abʰyapatat   bībʰatsur aparājitaḥ /
Halfverse: c    kirīṭamālī kaunteyo   labdʰalakṣo mahābalaḥ
   kirīṭa-mālī kaunteyas   labdʰa-lakṣas mahā-balaḥ /28/ (E)28



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.