TITUS
Mahabharata
Part No. 656
Previous part

Chapter: 60 
Adhyāya 60


Verse: 1  {Vaiśaṃpāyana uvāca}
Halfverse: a    bʰīṣme tu saṃgrāmaśiro vihāya; palāyamāne dʰetarāṣṭra putraḥ
   bʰīṣme tu saṃgrāma-śiras vihāya   palāyamāne dʰetarāṣṭra putraḥ /
Halfverse: c    uccʰritya ketuṃ vinadan mahātmā; svayaṃ vigr̥hyārjunam āsasāda
   uccʰritya ketuṃ vinadan mahā_ātmā   svayaṃ vigr̥hya_arjunam āsasāda /1/

Verse: 2 
Halfverse: a    sa bʰīmadʰanvānam udagravīryaṃ; dʰanaṃjayaṃ śatrugaṇe carantam
   sa bʰīma-dʰanvānam udagra-vīryaṃ   dʰanaṃjayaṃ śatru-gaṇe carantam /
Halfverse: c    ā karṇa pūrṇāyatacoditena; bʰallena vivyādʰa lalāṭamadʰye
   ā karṇa pūrṇa_āyata-coditena   bʰallena vivyādʰa lalāṭa-madʰye /2/

Verse: 3 
Halfverse: a    sa tena bāṇena samarpitena; jāmbūnadābʰena susaṃśitena
   sa tena bāṇena samarpitena   jāmbūnada_ābʰena su-saṃśitena /
Halfverse: c    rarāja rājan mahanīya karmā; yatʰaika parvā ruciraika śr̥ṅgaḥ
   rarāja rājan mahanīya karmā   yatʰā_eka parvā rucira_eka śr̥ṅgaḥ /3/

Verse: 4 
Halfverse: a    atʰāsya bāṇena vidāritasya; prādurbabʰūvāsr̥g ajasram uṣṇam {!}
   atʰa_asya bāṇena vidāritasya   prādus-babʰūva_asr̥g ajasram uṣṇam / {!}
Halfverse: c    sā tasya jāmbūnadapuṣpacitrā; māleva citrābʰivirājate sma
   sā tasya jāmbūnada-puṣpa-citrā   mālā_iva citrā_abʰivirājate sma /4/

Verse: 5 
Halfverse: a    sa tena bāṇābʰihatas tarasvī; duryodʰanenoddʰata manyuvegaḥ
   sa tena bāṇa_abʰihatas tarasvī   duryodʰanena_uddʰata manyu-vegaḥ /
Halfverse: c    śarān upādāya viṣāgnikalpān; vivyādʰa rājānam adīnasattvaḥ
   śarān upādāya viṣa_agni-kalpān   vivyādʰa rājānam adīna-sattvaḥ /5/

Verse: 6 
Halfverse: a    duryodʰanaś cāpi tam ugratejāḥ; pārtʰaś ca duryodʰanam ekavīraḥ
   duryodʰanaś ca_api tam ugra-tejāḥ   pārtʰaś ca duryodʰanam eka-vīraḥ /
Halfverse: c    anyonyam ājau puruṣapravīrau; samaṃ samājagʰnatur ājamīḍʰau
   anyonyam ājau puruṣa-pravīrau   samaṃ samājagʰnatur ājamīḍʰau /6/

Verse: 7 
Halfverse: a    tataḥ prabʰinnena mahāgajena; mahīdʰarābʰena punar vikarṇaḥ
   tataḥ prabʰinnena mahā-gajena   mahī-dʰara_ābʰena punar vikarṇaḥ /
Halfverse: c    ratʰaiś caturbʰir gajapādarakṣaiḥ; kuntīsutaṃ jiṣṇum atʰābʰyadʰāvat
   ratʰaiś caturbʰir gaja-pāda-rakṣaiḥ   kuntī-sutaṃ jiṣṇum atʰa_abʰyadʰāvat /7/ ՙ

Verse: 8 
Halfverse: a    tam āpatantaṃ tvaritaṃ gajendraṃ; dʰanaṃjayaḥ kumbʰavibʰāgamadʰye
   tam āpatantaṃ tvaritaṃ gaja_indraṃ   dʰanaṃjayaḥ kumbʰa-vibʰāga-madʰye /
Halfverse: c    ā karṇa pūrṇena dr̥ḍʰāyasena; bāṇena vivyādʰa mahājavena
   ā karṇa pūrṇena dr̥ḍʰa_āyasena   bāṇena vivyādʰa mahā-javena /8/

Verse: 9 
Halfverse: a    pārtʰena sr̥ṣṭaḥ sa tu gārdʰra patra; ā puṅkʰadeśāt praviveśa nāgam
   pārtʰena sr̥ṣṭaḥ sa tu gārdʰra patra   ā puṅkʰa-deśāt praviveśa nāgam /
Halfverse: c    vidārya śailapravara prakāśaṃ; yatʰāśaniḥ parvatam indra sr̥ṣṭaḥ
   vidārya śaila-pravara prakāśaṃ   yatʰā_aśaniḥ parvatam indra sr̥ṣṭaḥ /9/

Verse: 10 
Halfverse: a    śaraprataptaḥ sa tu nāgarājaḥ; pravepitāṅgo vyatʰitāntar ātmā
   śara-prataptaḥ sa tu nāga-rājaḥ   pravepita_aṅgas vyatʰita_antar ātmā / ՙ
Halfverse: c    saṃsīdamāno nipapāta mahyāṃ; vajrāhataṃ śr̥ṅgam ivācalasya
   saṃsīdamānas nipapāta mahyāṃ   vajra_āhataṃ śr̥ṅgam iva_acalasya /10/ 10

Verse: 11 
Halfverse: a    nipātite dantivare pr̥tʰivyāṃ; trāsād vikarṇaḥ sahasāvatīrya
   nipātite danti-vare pr̥tʰivyāṃ   trāsād vikarṇaḥ sahasā_avatīrya / ՙ
Halfverse: c    tūrṇaṃ padāny aṣṭa śatāni gatvā; viviṃśateḥ syandanam āruroha
   tūrṇaṃ padāny aṣṭa śatāni gatvā   viviṃśateḥ syandanam āruroha /11/

Verse: 12 
Halfverse: a    nihatya nāgaṃ tu śareṇa tena; vajropamenādrivarāmbudābʰam
   nihatya nāgaṃ tu śareṇa tena   vajra_upamena_adri-vara_ambuda_ābʰam /
Halfverse: c    tatʰāvidʰenaiva śareṇa pārtʰo; duryodʰanaṃ vakṣasi nirbibʰeda
   tatʰā-vidʰena_eva śareṇa pārtʰo   duryodʰanaṃ vakṣasi nirbibʰeda /12/

Verse: 13 
Halfverse: a    tato gaje rājani caiva bʰinne; bʰagne vikarṇe ca sa pādarakṣe
   tato gaje rājani caiva bʰinne   bʰagne vikarṇe ca sa pāda-rakṣe /
Halfverse: c    gāṇḍīva muktair viśikʰaiḥ praṇunnās; te yudʰa mukʰyāḥ sahasāpajagmuḥ
   gāṇḍīva muktair viśikʰaiḥ praṇunnās   te yudʰa mukʰyāḥ sahasā_apajagmuḥ /13/

Verse: 14 
Halfverse: a    dr̥ṣṭvaiva bāṇena hataṃ tu nāgaṃ; yodʰāṃś ca sarvān dravato niśamya
   dr̥ṣṭvā_eva bāṇena hataṃ tu nāgaṃ   yodʰāṃś ca sarvān dravato niśamya /
Halfverse: c    ratʰaṃ samāvr̥tya kurupravīro; raṇāt pradudrāva yato na pārtʰaḥ
   ratʰaṃ samāvr̥tya kuru-pravīro   raṇāt pradudrāva yato na pārtʰaḥ /14/

Verse: 15 
Halfverse: a    taṃ bʰīmarūpaṃ tvaritaṃ dravantaṃ; duryodʰanaṃ śatrusaho niṣaṅgī
   taṃ bʰīma-rūpaṃ tvaritaṃ dravantaṃ   duryodʰanaṃ śatru-sahas niṣaṅgī /
Halfverse: c    prākṣveḍayad yoddʰumanāḥ kirīṭī; bāṇena viddʰaṃ rudʰiraṃ vamantam
   prākṣveḍayat yoddʰu-manāḥ kirīṭī   bāṇena viddʰaṃ rudʰiraṃ vamantam /15/

Verse: 16  {Arjuna uvāca}
Halfverse: a    vihāya kīrtiṃ vipulaṃ yaśaś ca; yuddʰāt parāvr̥tya palāyase kim
   vihāya kīrtiṃ vipulaṃ yaśas ca   yuddʰāt parāvr̥tya palāyase kim /
Halfverse: c    na te 'dya tūryāṇi samāhatāni; yatʰāvad udyānti gatasya yuddʰe
   na te_adya tūryāṇi samāhatāni   yatʰāvat udyānti gatasya yuddʰe /16/

Verse: 17 
Halfverse: a    yudʰiṣṭʰirasyāsmi nideśakārī; pārtʰas tr̥tīyo yudʰi ca stʰiro 'smi
   yudʰiṣṭʰirasya_asmi nideśa-kārī   pārtʰas tr̥tīyas yudʰi ca stʰiro_asmi /
Halfverse: c    tadartʰam āvr̥tya mukʰaṃ prayaccʰa; narendra vr̥ttaṃ smara dʰārtarāṣṭra
   tad-artʰam āvr̥tya mukʰaṃ prayaccʰa   nara_indra vr̥ttaṃ smara dʰārtarāṣṭra /17/

Verse: 18 
Halfverse: a    mogʰaṃ tavedaṃ bʰuvi nāmadʰeyaṃ; duryodʰanetīha kr̥taṃ purastāt
   mogʰaṃ tava_idaṃ bʰuvi nāmadʰeyaṃ   duryodʰana_iti_iha kr̥taṃ purastāt / (checked)
Halfverse: c    na hīha duryodʰanatā tavāsti; palāyamānasya raṇaṃ vihāya
   na hi_iha duryodʰanatā tava_asti   palāyamānasya raṇaṃ vihāya /18/ ՙ

Verse: 19 
Halfverse: a    na te purastād atʰa pr̥ṣṭʰato vā; paśyāmi duryodʰana rakṣitāram
   na te purastāt atʰa pr̥ṣṭʰatas vā   paśyāmi duryodʰana rakṣitāram /
Halfverse: c    paraihi yuddʰena kurupravīra; prāṇān priyān pāṇḍavato 'dya rakṣa
   paraihi yuddʰena kuru-pravīra   prāṇān priyān pāṇḍavato_adya rakṣa /19/ (E)19



Next part


This text is part of the TITUS edition of Mahabharata.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.