TITUS
Ramayana
Part No. 10
Previous part

Chapter: 10 
Adhyāya 10


Verse: 1 
Halfverse: a    bʰūya eva ca rājendra   śr̥ṇu me vacanaṃ hitam
   bʰūya eva ca rāja_indra   śr̥ṇu me vacanaṃ hitam /
Halfverse: c    yatʰā sa devapravaraḥ   katʰayām āsa buddʰimān
   yatʰā sa deva-pravaraḥ   katʰayām āsa buddʰimān /1/

Verse: 2 
Halfverse: a    ikṣvākūṇāṃ kule jāto   bʰaviṣyati sudʰārmikaḥ
   ikṣvākūṇāṃ kule jāto   bʰaviṣyati sudʰārmikaḥ /
Halfverse: c    rājā daśaratʰo nāmnā   śrīmān satyapratiśravaḥ
   rājā daśaratʰo nāmnā   śrīmān satya-pratiśravaḥ /2/

Verse: 3 
Halfverse: a    aṅgarājena sakʰyaṃ ca   tasya rājño bʰaviṣyati
   aṅga-rājena sakʰyaṃ ca   tasya rājño bʰaviṣyati /
Halfverse: c    kanyā cāsya mahābʰāgā   śāntā nāma bʰaviṣyati
   kanyā ca_asya mahā-bʰāgā   śāntā nāma bʰaviṣyati /3/

Verse: 4 
Halfverse: a    putras tv aṅgasya rājñas tu   romapāda iti śrutaḥ
   putras tv aṅgasya rājñas tu   roma-pāda iti śrutaḥ /
Halfverse: c    taṃ sa rājā daśaratʰo   gamiṣyati mahāyaśāḥ
   taṃ sa rājā daśaratʰo   gamiṣyati mahā-yaśāḥ /4/

Verse: 5 
Halfverse: a    anapatyo 'smi dʰarmātmañ   śāntā bʰāryā mama kratum
   anapatyo_asmi dʰarma_ātman   śāntā bʰāryā mama kratum /
Halfverse: c    āhareta tvayājñaptaḥ   saṃtānārtʰaṃ kulasya ca
   āhareta tvayā_ājñaptaḥ   saṃtāna_artʰaṃ kulasya ca /5/

Verse: 6 
Halfverse: a    śrutvā rājño 'tʰa tad vākyaṃ   manasā sa vicintya ca
   śrutvā rājño_atʰa tad vākyaṃ   manasā sa vicintya ca /
Halfverse: c    pradāsyate putravantaṃ   śāntā bʰartāram ātmavān
   pradāsyate putravantaṃ   śāntā bʰartāram ātmavān /6/

Verse: 7 
Halfverse: a    pratigr̥hya ca taṃ vipraṃ   sa rājā vigatajvaraḥ
   pratigr̥hya ca taṃ vipraṃ   sa rājā vigata-jvaraḥ /
Halfverse: c    āhariṣyati taṃ yajñaṃ   prahr̥ṣṭenāntarātmanā
   āhariṣyati taṃ yajñaṃ   prahr̥ṣṭena_antar-ātmanā /7/

Verse: 8 
Halfverse: a    taṃ ca rājā daśaratʰo   yaṣṭukāmaḥ kr̥tāñjaliḥ
   taṃ ca rājā daśaratʰo   yaṣṭu-kāmaḥ kr̥ta_añjaliḥ /
Halfverse: c    r̥ṣyaśr̥ṅgaṃ dvijaśreṣṭʰaṃ   varayiṣyati dʰarmavit
   r̥ṣyaśr̥ṅgaṃ dvija-śreṣṭʰaṃ   varayiṣyati dʰarmavit /8/

Verse: 9 
Halfverse: a    yajñārtʰaṃ prasavārtʰaṃ ca   svargārtʰaṃ ca nareśvaraḥ
   yajña_artʰaṃ prasava_artʰaṃ ca   svarga_artʰaṃ ca nara_īśvaraḥ /
Halfverse: c    labʰate ca sa taṃ kāmaṃ   dvija mukʰyād viśāṃ patiḥ
   labʰate ca sa taṃ kāmaṃ   dvija mukʰyād viśāṃ patiḥ /9/

Verse: 10 
Halfverse: a    putrāś cāsya bʰaviṣyanti   catvāro 'mitavikramāḥ
   putrāś ca_asya bʰaviṣyanti   catvāro_amita-vikramāḥ /
Halfverse: c    vaṃśapratiṣṭʰānakarāḥ   sarvalokeṣu viśrutāḥ
   vaṃśa-pratiṣṭʰāna-karāḥ   sarva-lokeṣu viśrutāḥ /10/

Verse: 11 
Halfverse: a    evaṃ sa devapravaraḥ   pūrvaṃ katʰitavān katʰām
   evaṃ sa deva-pravaraḥ   pūrvaṃ katʰitavān katʰām /
Halfverse: c    sanatkumāro bʰagavān   purā devayuge prabʰuḥ
   sanatkumāro bʰagavān   purā deva-yuge prabʰuḥ /11/

Verse: 12 
Halfverse: a    sa tvaṃ puruṣaśārdūla   tam ānaya susatkr̥tam
   sa tvaṃ puruṣa-śārdūla   tam ānaya susatkr̥tam /
Halfverse: c    svayam eva mahārāja   gatvā sabalavāhanaḥ
   svayam eva mahā-rāja   gatvā sabala-vāhanaḥ /12/

Verse: 13 
Halfverse: a    anumānya vasiṣṭʰaṃ ca   sūtavākyaṃ niśamya ca
   anumānya vasiṣṭʰaṃ ca   sūta-vākyaṃ niśamya ca /
Halfverse: c    sāntaḥpuraḥ sahāmātyaḥ   prayayau yatra sa dvijaḥ
   sāntaḥ-puraḥ saha_amātyaḥ   prayayau yatra sa dvijaḥ /13/

Verse: 14 
Halfverse: a    vanāni saritaś caiva   vyatikramya śanaiḥ śanaiḥ
   vanāni saritaś caiva   vyatikramya śanaiḥ śanaiḥ /
Halfverse: c    abʰicakrāma taṃ deśaṃ   yatra vai munipuṃgavaḥ
   abʰicakrāma taṃ deśaṃ   yatra vai muni-puṃgavaḥ /14/

Verse: 15 
Halfverse: a    āsādya taṃ dvijaśreṣṭʰaṃ   romapādasamīpagam
   āsādya taṃ dvija-śreṣṭʰaṃ   romapāda-samīpagam /
Halfverse: c    r̥ṣiputraṃ dadarśādau   dīpyamānam ivānalam
   r̥ṣi-putraṃ dadarśa_ādau   dīpyamānam iva_analam /15/

Verse: 16 
Halfverse: a    tato rājā yatʰānyāyaṃ   pūjāṃ cakre viśeṣataḥ
   tato rājā yatʰā-nyāyaṃ   pūjāṃ cakre viśeṣataḥ /
Halfverse: c    sakʰitvāt tasya vai rājñaḥ   prahr̥ṣṭenāntarātmanā
   sakʰitvāt tasya vai rājñaḥ   prahr̥ṣṭena_antar-ātmanā /16/

Verse: 17 
Halfverse: a    romapādena cākʰyātam   r̥ṣiputrāya dʰīmate
   romapādena ca_ākʰyātam   r̥ṣi-putrāya dʰīmate /
Halfverse: c    sakʰyaṃ saṃbandʰakaṃ caiva   tadā taṃ pratyapūjayat
   sakʰyaṃ saṃbandʰakaṃ caiva   tadā taṃ pratyapūjayat /17/

Verse: 18 
Halfverse: a    evaṃ susatkr̥tas tena   sahoṣitvā nararṣabʰaḥ
   evaṃ susatkr̥tas tena   saha_uṣitvā nara-r̥ṣabʰaḥ /
Halfverse: c    saptāṣṭadivasān rājā   rājānam idam abravīt
   sapta_aṣṭa-divasān rājā   rājānam idam abravīt /18/

Verse: 19 
Halfverse: a    śāntā tava sutā rājan   saha bʰartrā viśāmpate
   śāntā tava sutā rājan   saha bʰartrā viśāmpate /
Halfverse: c    madīyaṃ nagaraṃ yātu   kāryaṃ hi mahad udyatam
   madīyaṃ nagaraṃ yātu   kāryaṃ hi mahad udyatam /19/

Verse: 20 
Halfverse: a    tatʰeti rājā saṃśrutya   gamanaṃ tasya dʰīmataḥ
   tatʰā_iti rājā saṃśrutya   gamanaṃ tasya dʰīmataḥ /
Halfverse: c    uvāca vacanaṃ vipraṃ   gaccʰa tvaṃ saha bʰāryayā
   uvāca vacanaṃ vipraṃ   gaccʰa tvaṃ saha bʰāryayā /20/

Verse: 21 
Halfverse: a    r̥ṣiputraḥ pratiśrutya   tatʰety āha nr̥paṃ tadā
   r̥ṣi-putraḥ pratiśrutya   tatʰā_ity āha nr̥paṃ tadā /
Halfverse: c    sa nr̥peṇābʰyanujñātaḥ   prayayau saha bʰāryayā
   sa nr̥peṇa_abʰyanujñātaḥ   prayayau saha bʰāryayā /21/

Verse: 22 
Halfverse: a    tāv anyonyāñjaliṃ kr̥tvā   snehāt saṃśliṣya corasā
   tāv anyonya_añjaliṃ kr̥tvā   snehāt saṃśliṣya ca_urasā /
Halfverse: c    nanandatur daśaratʰo   romapādaś ca vīryavān
   nanandatur daśaratʰo   romapādaś ca vīryavān /22/

Verse: 23 
Halfverse: a    tataḥ suhr̥dam āpr̥ccʰya   prastʰito ragʰunandanaḥ
   tataḥ suhr̥dam āpr̥ccʰya   prastʰito ragʰu-nandanaḥ /
Halfverse: c    paurebʰyaḥ preṣayām āsa   dūtān vai śīgʰragāminaḥ
   paurebʰyaḥ preṣayām āsa   dūtān vai śīgʰra-gāminaḥ /
Halfverse: e    kriyatāṃ nagaraṃ sarvaṃ   kṣipram eva svalaṃkr̥tam
   kriyatāṃ nagaraṃ sarvaṃ   kṣipram eva svalaṃkr̥tam /23/

Verse: 24 
Halfverse: a    tataḥ prahr̥ṣṭāḥ paurās te   śrutvā rājānam āgatam
   tataḥ prahr̥ṣṭāḥ paurās te   śrutvā rājānam āgatam /
Halfverse: c    tatʰā pracakrus tat sarvaṃ   rājñā yat preṣitaṃ tadā
   tatʰā pracakrus tat sarvaṃ   rājñā yat preṣitaṃ tadā /24/

Verse: 25 
Halfverse: a    tataḥ svalaṃkr̥taṃ rājā   nagaraṃ praviveśa ha
   tataḥ svalaṃkr̥taṃ rājā   nagaraṃ praviveśa ha /
Halfverse: c    śaṅkʰadundubʰinirgʰoṣaiḥ   puraskr̥tya dvijarṣabʰam
   śaṅkʰa-dundubʰi-nirgʰoṣaiḥ   puras-kr̥tya dvija-r̥ṣabʰam /25/

Verse: 26 
Halfverse: a    tataḥ pramuditāḥ sarve   dr̥ṣṭvā vai nāgarā dvijam
   tataḥ pramuditāḥ sarve   dr̥ṣṭvā vai nāgarā dvijam /
Halfverse: c    praveśyamānaṃ satkr̥tya   narendreṇendrakarmaṇā
   praveśyamānaṃ satkr̥tya   nara_indreṇa_indra-karmaṇā /26/

Verse: 27 
Halfverse: a    antaḥpuraṃ praveśyainaṃ   pūjāṃ kr̥tvā tu śāstrataḥ
   antaḥ-puraṃ praveśya_enaṃ   pūjāṃ kr̥tvā tu śāstrataḥ /
Halfverse: c    kr̥takr̥tyaṃ tadātmānaṃ   mene tasyopavāhanāt
   kr̥ta-kr̥tyaṃ tadā_ātmānaṃ   mene tasya_upavāhanāt /27/

Verse: 28 
Halfverse: a    antaḥpurāṇi sarvāṇi   śāntāṃ dr̥ṣṭvā tatʰāgatām
   antaḥ-purāṇi sarvāṇi   śāntāṃ dr̥ṣṭvā tatʰā_āgatām /
Halfverse: c    saha bʰartrā viśālākṣīṃ   prītyānandam upāgaman
   saha bʰartrā viśāla_akṣīṃ   prītyā_ānandam upāgaman /28/

Verse: 29 
Halfverse: a    pūjyamānā ca tābʰiḥ sā   rājñā caiva viśeṣataḥ
   pūjyamānā ca tābʰiḥ sā   rājñā caiva viśeṣataḥ /
Halfverse: c    uvāsa tatra sukʰitā   kaṃ cit kālaṃ saha dvijā
   uvāsa tatra sukʰitā   kaṃcit kālaṃ saha dvijā /29/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.