TITUS
Ramayana
Part No. 11
Previous part

Chapter: 11 
Adhyāya 11


Verse: 1 
Halfverse: a    tataḥ kāle bahutitʰe   kasmiṃś cit sumanohare
   tataḥ kāle bahu-titʰe   kasmiṃścit sumano-hare /
Halfverse: c    vasante samanuprāpte   rājño yaṣṭuṃ mano 'bʰavat
   vasante samanuprāpte   rājño yaṣṭuṃ mano_abʰavat /1/

Verse: 2 
Halfverse: a    tataḥ prasādya śirasā   taṃ vipraṃ devavarṇinam
   tataḥ prasādya śirasā   taṃ vipraṃ deva-varṇinam /
Halfverse: c    yajñāya varayām āsa   saṃtānārtʰaṃ kulasya ca
   yajñāya varayām āsa   saṃtāna_artʰaṃ kulasya ca /2/

Verse: 3 
Halfverse: a    tatʰeti ca sa rājānam   uvāca ca susatkr̥taḥ
   tatʰā_iti ca sa rājānam   uvāca ca susatkr̥taḥ /
Halfverse: c    saṃbʰārāḥ saṃbʰriyantāṃ te   turagaś ca vimucyatām
   saṃbʰārāḥ saṃbʰriyantāṃ te   turagaś ca vimucyatām /3/

Verse: 4 
Halfverse: a    tato rājābravīd vākyaṃ   sumantraṃ mantrisattamam
   tato rājā_abravīd vākyaṃ   sumantraṃ mantri-sattamam /
Halfverse: c    sumantrāvāhaya kṣipram   r̥tvijo brahmavādinaḥ
   sumantra_āvāhaya kṣipram   r̥tvijo brahma-vādinaḥ /4/

Verse: 5 
Halfverse: a    tataḥ sumantras tvaritaṃ   gatvā tvaritavikramaḥ
   tataḥ sumantras tvaritaṃ   gatvā tvarita-vikramaḥ /
Halfverse: c    samānayat sa tān viprān   samastān vedapāragān
   samānayat sa tān viprān   samastān veda-pāragān /5/

Verse: 6 
Halfverse: a    suyajñaṃ vāmadevaṃ ca   jābālim atʰa kāśyapam
   suyajñaṃ vāmadevaṃ ca   jābālim atʰa kāśyapam /
Halfverse: c    purohitaṃ vasiṣṭʰaṃ ca   ye cānye dvijasattamāḥ
   purohitaṃ vasiṣṭʰaṃ ca   ye ca_anye dvija-sattamāḥ /6/

Verse: 7 
Halfverse: a    tān pūjayitvā dʰarmātmā   rājā daśaratʰas tadā
   tān pūjayitvā dʰarma_ātmā   rājā daśaratʰas tadā /
Halfverse: c    idaṃ dʰarmārtʰasahitaṃ   ślakṣṇaṃ vacanam abravīt
   idaṃ dʰarma_artʰa-sahitaṃ   ślakṣṇaṃ vacanam abravīt /7/

Verse: 8 
Halfverse: a    mama lālapyamānasya   putrārtʰaṃ nāsti vai sukʰam
   mama lālapyamānasya   putra_artʰaṃ na_asti vai sukʰam /
Halfverse: c    tadartʰaṃ hayamedʰena   yakṣyāmīti matir mama
   tad-artʰaṃ haya-medʰena   yakṣyāmi_iti matir mama /8/

Verse: 9 
Halfverse: a    tad ahaṃ yaṣṭum iccʰāmi   śāstradr̥ṣṭena karmaṇā
   tad ahaṃ yaṣṭum iccʰāmi   śāstra-dr̥ṣṭena karmaṇā /
Halfverse: c    r̥ṣiputraprabʰāvena   kāmān prāpsyāmi cāpy aham
   r̥ṣi-putra-prabʰāvena   kāmān prāpsyāmi ca_apy aham /9/

Verse: 10 
Halfverse: a    tataḥ sādʰv iti tad vākyaṃ   brāhmaṇāḥ pratyapūjayan
   tataḥ sādʰv iti tad vākyaṃ   brāhmaṇāḥ pratyapūjayan /
Halfverse: c    vasiṣṭʰapramukʰāḥ sarve   pārtʰivasya mukʰāc cyutam
   vasiṣṭʰa-pramukʰāḥ sarve   pārtʰivasya mukʰāc cyutam /10/

Verse: 11 
Halfverse: a    r̥ṣyaśr̥ṅgapurogāś ca   pratyūcur nr̥patiṃ tadā
   r̥ṣyaśr̥ṅga-purogāś ca   pratyūcur nr̥patiṃ tadā /
Halfverse: c    saṃbʰārāḥ saṃbʰriyantāṃ te   turagaś ca vimucyatām
   saṃbʰārāḥ saṃbʰriyantāṃ te   turagaś ca vimucyatām /11/

Verse: 12 
Halfverse: a    sarvatʰā prāpyase putrāṃś   caturo 'mitavikramān
   sarvatʰā prāpyase putrāṃś   caturo_amita-vikramān /
Halfverse: c    yasya te dʰārmikī buddʰir   iyaṃ putrārtʰam āgatāḥ
   yasya te dʰārmikī buddʰir   iyaṃ putra_artʰam āgatāḥ /12/

Verse: 13 
Halfverse: a    tataḥ prīto 'bʰavad rājā   śrutvā tad dvijabʰāṣitam
   tataḥ prīto_abʰavad rājā   śrutvā tad dvija-bʰāṣitam /
Halfverse: c    amātyāṃś cābravīd rājā   harṣeṇedaṃ śubʰākṣaram
   amātyāṃś ca_abravīd rājā   harṣeṇa_idaṃ śubʰa_akṣaram /13/

Verse: 14 
Halfverse: a    gurūṇāṃ vacanāc cʰīgʰraṃ   saṃbʰārāḥ saṃbʰriyantu me
   gurūṇāṃ vacanāt śīgʰraṃ   saṃbʰārāḥ saṃbʰriyantu me /
Halfverse: c    samartʰādʰiṣṭʰitaś cāśvaḥ   sopādʰyāyo vimucyatām
   samartʰa_adʰiṣṭʰitaś ca_aśvaḥ   sa_upādʰyāyo vimucyatām /14/

Verse: 15 
Halfverse: a    sarayvāś cottare tīre   yajñabʰūmir vidʰīyatām
   sarayvāś ca_uttare tīre   yajña-bʰūmir vidʰīyatām /
Halfverse: c    śāntayaś cābʰivardʰantāṃ   yatʰākalpaṃ yatʰāvidʰi
   śāntayaś ca_abʰivardʰantāṃ   yatʰā-kalpaṃ yatʰā-vidʰi /15/

Verse: 16 
Halfverse: a    śakyaḥ kartum ayaṃ yajñaḥ   sarveṇāpi mahīkṣitā
   śakyaḥ kartum ayaṃ yajñaḥ   sarveṇa_api mahī-kṣitā /
Halfverse: c    nāparādʰo bʰavet kaṣṭo   yady asmin kratusattame
   na_aparādʰo bʰavet kaṣṭo   yady asmin kratu-sattame /16/

Verse: 17 
Halfverse: a    cʰidraṃ hi mr̥gayante 'tra   vidvāṃso brahmarākṣasāḥ
   cʰidraṃ hi mr̥gayante_atra   vidvāṃso brahma-rākṣasāḥ /
Halfverse: c    vidʰihīnasya yajñasya   sadyaḥ kartā vinaśyati
   vidʰi-hīnasya yajñasya   sadyaḥ kartā vinaśyati /17/

Verse: 18 
Halfverse: a    tad yatʰāvidʰi pūrvaṃ me   kratur eṣa samāpyate
   tad yatʰā-vidʰi pūrvaṃ me   kratur eṣa samāpyate /
Halfverse: c    tatʰāvidʰānaṃ kriyatāṃ   samartʰāḥ karaṇeṣv iha
   tatʰā-vidʰānaṃ kriyatāṃ   samartʰāḥ karaṇeṣv iha /18/

Verse: 19 
Halfverse: a    tatʰeti ca tataḥ sarve   mantriṇaḥ pratyapūjayan
   tatʰā_iti ca tataḥ sarve   mantriṇaḥ pratyapūjayan /
Halfverse: c    pārtʰivendrasya tad vākyaṃ   yatʰājñaptam akurvata
   pārtʰiva_indrasya tad vākyaṃ   yatʰā_ājñaptam akurvata /19/

Verse: 20 
Halfverse: a    tato dvijās te dʰarmajñam   astuvan pārtʰivarṣabʰam
   tato dvijās te dʰarmajñam   astuvan pārtʰiva-r̥ṣabʰam /
Halfverse: c    anujñātās tataḥ sarve   punar jagmur yatʰāgatam
   anujñātās tataḥ sarve   punar jagmur yatʰā_āgatam /20/

Verse: 21 
Halfverse: a    gatānāṃ tu dvijātīnāṃ   mantriṇas tān narādʰipaḥ
   gatānāṃ tu dvijātīnāṃ   mantriṇas tān nara_adʰipaḥ /
Halfverse: c    visarjayitvā svaṃ veśma   praviveśa mahā dyutiḥ
   visarjayitvā svaṃ veśma   praviveśa mahā dyutiḥ /21/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.