TITUS
Ramayana
Part No. 15
Previous part

Chapter: 15 
Adhyāya 15


Verse: 1 
Halfverse: a    tato nārāyaṇo viṣṇur   niyuktaḥ surasattamaiḥ
   tato nārāyaṇo viṣṇur   niyuktaḥ sura-sattamaiḥ /
Halfverse: c    jānann api surān evaṃ   ślakṣṇaṃ vacanam abravīt
   jānann api surān evaṃ   ślakṣṇaṃ vacanam abravīt /1/

Verse: 2 
Halfverse: a    upāyaḥ ko vadʰe tasya   rākṣasādʰipateḥ surāḥ
   upāyaḥ ko vadʰe tasya   rākṣasa_adʰipateḥ surāḥ /
Halfverse: c    yam ahaṃ taṃ samāstʰāya   nihanyām r̥ṣikaṇṭakam
   yam ahaṃ taṃ samāstʰāya   nihanyām r̥ṣi-kaṇṭakam /2/

Verse: 3 
Halfverse: a    evam uktāḥ surāḥ sarve   pratyūcur viṣṇum avyayam
   evam uktāḥ surāḥ sarve   pratyūcur viṣṇum avyayam /
Halfverse: c    mānuṣīṃ tanum āstʰāya   rāvaṇaṃ jahi saṃyuge
   mānuṣīṃ tanum āstʰāya   rāvaṇaṃ jahi saṃyuge /3/

Verse: 4 
Halfverse: a    sa hi tepe tapas tīvraṃ   dīrgʰakālam ariṃdama
   sa hi tepe tapas tīvraṃ   dīrgʰa-kālam ariṃdama /
Halfverse: c    yena tuṣṭo 'bʰavad brahmā   lokakr̥l lokapūjitaḥ
   yena tuṣṭo_abʰavad brahmā   lokakr̥l loka-pūjitaḥ /4/

Verse: 5 
Halfverse: a    saṃtuṣṭaḥ pradadau tasmai   rākṣasāya varaṃ prabʰuḥ
   saṃtuṣṭaḥ pradadau tasmai   rākṣasāya varaṃ prabʰuḥ /
Halfverse: c    nānāvidʰebʰyo bʰūtebʰyo   bʰayaṃ nānyatra mānuṣāt
   nānā-vidʰebʰyo bʰūtebʰyo   bʰayaṃ na_anyatra mānuṣāt /5/

Verse: 6 
Halfverse: a    avajñātāḥ purā tena   varadānena mānavāḥ
   avajñātāḥ purā tena   vara-dānena mānavāḥ /
Halfverse: c    tasmāt tasya vadʰo dr̥ṣṭo   mānuṣebʰyaḥ paraṃtapa
   tasmāt tasya vadʰo dr̥ṣṭo   mānuṣebʰyaḥ paraṃtapa /6/

Verse: 7 
Halfverse: a    ity etad vacanaṃ śrutvā   surāṇāṃ viṣṇur ātmavān
   ity etad vacanaṃ śrutvā   surāṇāṃ viṣṇur ātmavān /
Halfverse: c    pitaraṃ rocayām āsa   tadā daśaratʰaṃ nr̥pam
   pitaraṃ rocayām āsa   tadā daśaratʰaṃ nr̥pam /7/

Verse: 8 
Halfverse: a    sa cāpy aputro nr̥patis   tasmin kāle mahādyutiḥ
   sa ca_apy aputro nr̥-patis   tasmin kāle mahā-dyutiḥ /
Halfverse: c    ayajat putriyām iṣṭiṃ   putrepsur arisūdanaḥ
   ayajat putriyām iṣṭiṃ   putra_īpsur ari-sūdanaḥ /8/

Verse: 9 
Halfverse: a    tato vai yajamānasya   pāvakād atulaprabʰam
   tato vai yajamānasya   pāvakād atula-prabʰam /
Halfverse: c    prādurbʰūtaṃ mahad bʰūtaṃ   mahāvīryaṃ mahābalam
   prādur-bʰūtaṃ mahad bʰūtaṃ   mahā-vīryaṃ mahā-balam /9/

Verse: 10 
Halfverse: a    kr̥ṣṇaṃ raktāmbaradʰaraṃ   raktāsyaṃ dundubʰisvanam
   kr̥ṣṇaṃ rakta_ambara-dʰaraṃ   rakta_āsyaṃ dundubʰi-svanam /
Halfverse: c    snigdʰaharyakṣatanujaśmaśrupravaramūrdʰajam
   snigdʰa-hary-akṣa-tanuja-śmaśru-pravara-mūrdʰajam /10/

Verse: 11 
Halfverse: a    śubʰalakṣaṇasaṃpannaṃ   divyābʰaraṇabʰūṣitam
   śubʰa-lakṣaṇa-saṃpannaṃ   divya_ābʰaraṇa-bʰūṣitam /
Halfverse: c    śailaśr̥ṅgasamutsedʰaṃ   dr̥ptaśārdūlavikramam
   śaila-śr̥ṅga-samutsedʰaṃ   dr̥pta-śārdūla-vikramam /11/

Verse: 12 
Halfverse: a    divākarasamākāraṃ   dīptānalaśikʰopamam
   divā-kara-sama_ākāraṃ   dīpta_anala-śikʰa_upamam /
Halfverse: c    taptajāmbūnadamayīṃ   rājatāntapariccʰadām
   tapta-jāmbūnadamayīṃ   rājata_anta-pariccʰadām /12/ {!}

Verse: 13 
Halfverse: a    divyapāyasasaṃpūrṇāṃ   pātrīṃ patnīm iva priyām
   divya-pāyasa-saṃpūrṇāṃ   pātrīṃ patnīm iva priyām /
Halfverse: c    pragr̥hya vipulāṃ dorbʰyāṃ   svayaṃ māyāmayīm iva
   pragr̥hya vipulāṃ dorbʰyāṃ   svayaṃ māyāmayīm iva /13/

Verse: 14 
Halfverse: a    samavekṣyābravīd vākyam   idaṃ daśaratʰaṃ nr̥pam
   samavekṣya_abravīd vākyam   idaṃ daśaratʰaṃ nr̥pam /
Halfverse: c    prājāpatyaṃ naraṃ viddʰi   mām ihābʰyāgataṃ nr̥pa
   prājāpatyaṃ naraṃ viddʰi   mām iha_abʰyāgataṃ nr̥pa /14/

Verse: 15 
Halfverse: a    tataḥ paraṃ tadā rājā   pratyuvāca kr̥tāñjaliḥ
   tataḥ paraṃ tadā rājā   pratyuvāca kr̥ta_añjaliḥ /
Halfverse: c    bʰagavan svāgataṃ te 'stu   kim ahaṃ karavāṇi te
   bʰagavan svāgataṃ te_astu   kim ahaṃ karavāṇi te /15/

Verse: 16 
Halfverse: a    atʰo punar idaṃ vākyaṃ   prājāpatyo naro 'bravīt
   atʰo punar idaṃ vākyaṃ   prājāpatyo naro_abravīt /
Halfverse: c    rājann arcayatā devān   adya prāptam idaṃ tvayā
   rājann arcayatā devān   adya prāptam idaṃ tvayā /16/

Verse: 17 
Halfverse: a    idaṃ tu naraśārdūla   pāyasaṃ devanirmitam
   idaṃ tu nara-śārdūla   pāyasaṃ deva-nirmitam /
Halfverse: c    prajākaraṃ gr̥hāṇa tvaṃ   dʰanyam ārogyavardʰanam
   prajā-karaṃ gr̥hāṇa tvaṃ   dʰanyam ārogya-vardʰanam /17/

Verse: 18 
Halfverse: a    bʰāryāṇām anurūpāṇām   aśnīteti prayaccʰa vai
   bʰāryāṇām anurūpāṇām   aśnīta_iti prayaccʰa vai /
Halfverse: c    tāsu tvaṃ lapsyase putrān   yadartʰaṃ yajase nr̥pa
   tāsu tvaṃ lapsyase putrān   yad-artʰaṃ yajase nr̥pa /18/

Verse: 19 
Halfverse: a    tatʰeti nr̥patiḥ prītaḥ   śirasā pratigr̥hyatām
   tatʰā_iti nr̥patiḥ prītaḥ   śirasā pratigr̥hyatām /
Halfverse: c    pātrīṃ devānnasaṃpūrṇāṃ   devadattāṃ hiraṇmayīm
   pātrīṃ deva_anna-saṃpūrṇāṃ   deva-dattāṃ hiraṇmayīm /19/

Verse: 20 
Halfverse: a    abʰivādya ca tad bʰūtam   adbʰutaṃ priyadarśanam
   abʰivādya ca tad bʰūtam   adbʰutaṃ priya-darśanam /
Halfverse: c    mudā paramayā yuktaś   cakārābʰipradakṣiṇam
   mudā paramayā yuktaś   cakāra_abʰipradakṣiṇam /20/

Verse: 21 
Halfverse: a    tato daśaratʰaḥ prāpya   pāyasaṃ devanirmitam
   tato daśaratʰaḥ prāpya   pāyasaṃ deva-nirmitam /
Halfverse: c    babʰūva paramaprītaḥ   prāpya vittam ivādʰanaḥ
   babʰūva parama-prītaḥ   prāpya vittam iva_adʰanaḥ /21/

Verse: 22 
Halfverse: a    tatas tad adbʰutaprakʰyaṃ   bʰūtaṃ paramabʰāsvaram
   tatas tad adbʰuta-prakʰyaṃ   bʰūtaṃ parama-bʰāsvaram /
Halfverse: c    saṃvartayitvā tat karma   tatraivāntaradʰīyata
   saṃvartayitvā tat karma   tatra_eva_antar-adʰīyata /22/

Verse: 23 
Halfverse: a    harṣaraśmibʰir udyotaṃ   tasyāntaḥpuram ābabʰau
   harṣa-raśmibʰir udyotaṃ   tasya_antaḥ-puram ābabʰau / {uddyotam?}
Halfverse: c    śāradasyābʰirāmasya   candrasyeva nabʰo'ṃśubʰiḥ
   śāradasya_abʰirāmasya   candrasya_iva nabʰo_aṃśubʰiḥ /23/

Verse: 24 
Halfverse: a    so 'ntaḥpuraṃ praviśyaiva   kausalyām idam abravīt
   so_antaḥ-puraṃ praviśya_eva   kausalyām idam abravīt /
Halfverse: c    pāyasaṃ pratigr̥hṇīṣva   putrīyaṃ tv idam ātmanaḥ
   pāyasaṃ pratigr̥hṇīṣva   putrīyaṃ tv idam ātmanaḥ /24/

Verse: 25 
Halfverse: a    kausalyāyai narapatiḥ   pāyasārdʰaṃ dadau tadā
   kausalyāyai nara-patiḥ   pāyasa_ardʰaṃ dadau tadā /
Halfverse: c    ardʰād ardʰaṃ dadau cāpi   sumitrāyai narādʰipaḥ
   ardʰād ardʰaṃ dadau ca_api   sumitrāyai nara_adʰipaḥ /25/

Verse: 26 
Halfverse: a    kaikeyyai cāvaśiṣṭārdʰaṃ   dadau putrārtʰakāraṇāt
   kaikeyyai ca_avaśiṣṭa_ardʰaṃ   dadau putra_artʰa-kāraṇāt /
Halfverse: c    pradadau cāvaśiṣṭārdʰaṃ   pāyasasyāmr̥topamam
   pradadau ca_avaśiṣṭa_ardʰaṃ   pāyasasya_amr̥ta_upamam /26/

Verse: 27 
Halfverse: a    anucintya sumitrāyai   punar eva mahīpatiḥ
   anucintya sumitrāyai   punar eva mahī-patiḥ /
Halfverse: c    evaṃ tāsāṃ dadau rājā   bʰāryāṇāṃ pāyasaṃ pr̥tʰak
   evaṃ tāsāṃ dadau rājā   bʰāryāṇāṃ pāyasaṃ pr̥tʰak /27/

Verse: 28 
Halfverse: a    tās tv etat pāyasaṃ prāpya   narendrasyottamāḥ striyaḥ
   tās tv etat pāyasaṃ prāpya   nara_indrasya_uttamāḥ striyaḥ /
Halfverse: c    saṃmānaṃ menire sarvāḥ   praharṣoditacetasaḥ
   saṃmānaṃ menire sarvāḥ   praharṣa_udita-cetasaḥ /28/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.