TITUS
Ramayana
Part No. 18
Previous part

Chapter: 18 
Adhyāya 18


Verse: 1 
Halfverse: a    tac cʰrutvā rājasiṃhasya   vākyam adbʰutavistaram
   tat śrutvā rāja-siṃhasya   vākyam adbʰuta-vistaram /
Halfverse: c    hr̥ṣṭaromā mahātejā   viśvāmitro 'bʰyabʰāṣata
   hr̥ṣṭa-romā mahā-tejā   viśvāmitro_abʰyabʰāṣata /1/

Verse: 2 
Halfverse: a    sadr̥śaṃ rājaśārdūla   tavaitad bʰuvi nānyataḥ
   sadr̥śaṃ rāja-śārdūla   tava_etad bʰuvi na_anyataḥ /
Halfverse: c    mahāvaṃśaprasūtasya   vasiṣṭʰavyapadeśinaḥ
   mahā-vaṃśa-prasūtasya   vasiṣṭʰa-vyapadeśinaḥ /2/

Verse: 3 
Halfverse: a    yat tu me hr̥dgataṃ vākyaṃ   tasya kāryasya niścayam
   yat tu me hr̥d-gataṃ vākyaṃ   tasya kāryasya niścayam /
Halfverse: c    kuruṣva rājaśārdūla   bʰava satyapratiśravaḥ
   kuruṣva rāja-śārdūla   bʰava satya-pratiśravaḥ /3/

Verse: 4 
Halfverse: a    ahaṃ niyamam ātiṣṭʰa   siddʰyartʰaṃ puruṣarṣabʰa
   ahaṃ niyamam ātiṣṭʰa   siddʰy-artʰaṃ puruṣa-r̥ṣabʰa /
Halfverse: c    tasya vigʰnakarau dvau tu   rākṣasau kāmarūpiṇau
   tasya vigʰna-karau dvau tu   rākṣasau kāma-rūpiṇau /4/

Verse: 5 
Halfverse: a    vrate me bahuśaś cīrṇe   samāptyāṃ rākṣasāv imau
   vrate me bahuśaś cīrṇe   samāptyāṃ rākṣasāv imau /
Halfverse: c    mārīcaś ca subāhuś ca   vīryavantau suśikṣitau
   mārīcaś ca subāhuś ca   vīryavantau suśikṣitau /
Halfverse: e    tau māṃsarudʰiraugʰeṇa   vediṃ tām abʰyavarṣatām
   tau māṃsa-rudʰira_ogʰeṇa   vediṃ tām abʰyavarṣatām /5/

Verse: 6 
Halfverse: a    avadʰūte tatʰā bʰūte   tasmin niyamaniścaye
   avadʰūte tatʰā bʰūte   tasmin niyama-niścaye /
Halfverse: c    kr̥taśramo nirutsāhas   tasmād deśād apākrame
   kr̥ta-śramo nirutsāhas   tasmād deśād apākrame /6/

Verse: 7 
Halfverse: a    na ca me krodʰam utsraṣṭuṃ   buddʰir bʰavati pārtʰiva
   na ca me krodʰam utsraṣṭuṃ   buddʰir bʰavati pārtʰiva /
Halfverse: c    tatʰābʰūtā hi sā caryā   na śāpas tatra mucyate
   tatʰā-bʰūtā hi sā caryā   na śāpas tatra mucyate /7/

Verse: 8 
Halfverse: a    svaputraṃ rājaśārdūla   rāmaṃ satyaparākramam
   sva-putraṃ rāja-śārdūla   rāmaṃ satya-parākramam /
Halfverse: c    kākapakṣadʰaraṃ śūraṃ   jyeṣṭʰaṃ me dātum arhasi
   kāka-pakṣa-dʰaraṃ śūraṃ   jyeṣṭʰaṃ me dātum arhasi /8/

Verse: 9 
Halfverse: a    śakto hy eṣa mayā gupto   divyena svena tejasā
   śakto hy eṣa mayā gupto   divyena svena tejasā /
Halfverse: c    rākṣasā ye vikartāras   teṣām api vināśane
   rākṣasā ye vikartāras   teṣām api vināśane /9/

Verse: 10 
Halfverse: a    śreyaś cāsmai pradāsyāmi   bahurūpaṃ na saṃśayaḥ
   śreyaś ca_asmai pradāsyāmi   bahu-rūpaṃ na saṃśayaḥ /
Halfverse: c    trayāṇām api lokānāṃ   yena kʰyātiṃ gamiṣyati
   trayāṇām api lokānāṃ   yena kʰyātiṃ gamiṣyati /10/

Verse: 11 
Halfverse: a    na ca tau rāmam āsādya   śaktau stʰātuṃ katʰaṃ cana
   na ca tau rāmam āsādya   śaktau stʰātuṃ katʰaṃcana /
Halfverse: c    na ca tau rāgʰavād anyo   hantum utsahate pumān
   na ca tau rāgʰavād anyo   hantum utsahate pumān /11/

Verse: 12 
Halfverse: a    vīryotsiktau hi tau pāpau   kālapāśavaśaṃ gatau
   vīrya_utsiktau hi tau pāpau   kāla-pāśa-vaśaṃ gatau /
Halfverse: c    rāmasya rājaśārdūla   na paryāptau mahātmanaḥ
   rāmasya rāja-śārdūla   na paryāptau mahātmanaḥ /12/

Verse: 13 
Halfverse: a    na ca putrakr̥taṃ snehaṃ   kartum arhasi pārtʰiva
   na ca putra-kr̥taṃ snehaṃ   kartum arhasi pārtʰiva /
Halfverse: c    ahaṃ te pratijānāmi   hatau tau viddʰi rākṣasau
   ahaṃ te pratijānāmi   hatau tau viddʰi rākṣasau /13/

Verse: 14 
Halfverse: a    ahaṃ vedmi mahātmānaṃ   rāmaṃ satyaparākramam
   ahaṃ vedmi mahātmānaṃ   rāmaṃ satya-parākramam /
Halfverse: c    vasiṣṭʰo 'pi mahātejā   ye ceme tapasi stʰitāḥ
   vasiṣṭʰo_api mahā-tejā   ye ca_ime tapasi stʰitāḥ /14/

Verse: 15 
Halfverse: a    yadi te dʰarmalābʰaṃ ca   yaśaś ca paramaṃ bʰuvi
   yadi te dʰarma-lābʰaṃ ca   yaśaś ca paramaṃ bʰuvi /
Halfverse: c    stʰiram iccʰasi rājendra   rāmaṃ me dātum arhasi
   stʰiram iccʰasi rāja_indra   rāmaṃ me dātum arhasi /15/

Verse: 16 
Halfverse: a    yady abʰyanujñāṃ kākutstʰa   dadate tava mantriṇaḥ
   yady abʰyanujñāṃ kākutstʰa   dadate tava mantriṇaḥ /
Halfverse: c    vasiṣṭʰa pramukʰāḥ sarve   tato rāmaṃ visarjaya
   vasiṣṭʰa pramukʰāḥ sarve   tato rāmaṃ visarjaya /16/

Verse: 17 
Halfverse: a    abʰipretam asaṃsaktam   ātmajaṃ dātum arhasi
   abʰipretam asaṃsaktam   ātmajaṃ dātum arhasi /
Halfverse: c    daśarātraṃ hi yajñasya   rāmaṃ rājīvalocanam
   daśa-rātraṃ hi yajñasya   rāmaṃ rājīva-locanam /17/

Verse: 18 
Halfverse: a    nātyeti kālo yajñasya   yatʰāyaṃ mama rāgʰava
   na_atyeti kālo yajñasya   yatʰā_ayaṃ mama rāgʰava /
Halfverse: c    tatʰā kuruṣva bʰadraṃ te   mā ca śoke manaḥ kr̥tʰāḥ
   tatʰā kuruṣva bʰadraṃ te   mā ca śoke manaḥ kr̥tʰāḥ /18/

Verse: 19 
Halfverse: a    ity evam uktvā dʰarmātmā   dʰarmārtʰasahitaṃ vacaḥ
   ity evam uktvā dʰarma_ātmā   dʰarma_artʰa-sahitaṃ vacaḥ /
Halfverse: c    virarāma mahātejā   viśvāmitro mahāmuniḥ
   virarāma mahā-tejā   viśvāmitro mahā-muniḥ /19/

Verse: 20 
Halfverse: a    iti hr̥dayamanovidāraṇaṃ   munivacanaṃ tad atīva śuśruvān
   iti hr̥daya-mano-vidāraṇaṃ   muni-vacanaṃ tad atīva śuśruvān /
Halfverse: c    narapatir agamad bʰayaṃ   mahad vyatʰitamanāḥ pracacāla cāsanāt
   nara-patir agamad bʰayaṃ   mahad vyatʰita-manāḥ pracacāla ca_āsanāt /20/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.