TITUS
Ramayana
Part No. 24
Previous part

Chapter: 24 
Adhyāya 24


Verse: 1 
Halfverse: a    atʰa tasyāprameyasya   muner vacanam uttamam
   atʰa tasya_aprameyasya   muner vacanam uttamam /
Halfverse: c    śrutvā puruṣaśārdūlaḥ   pratyuvāca śubʰāṃ giram
   śrutvā puruṣa-śārdūlaḥ   pratyuvāca śubʰāṃ giram /1/

Verse: 2 
Halfverse: a    alpavīryā yadā yakṣāḥ   śrūyante munipuṃgava
   alpa-vīryā yadā yakṣāḥ   śrūyante muni-puṃgava /
Halfverse: c    katʰaṃ nāgasahasrasya   dʰārayaty abalā balam
   katʰaṃ nāga-sahasrasya   dʰārayaty abalā balam /2/

Verse: 3 
Halfverse: a    viśvāmitro 'bravīd vākyaṃ   śr̥ṇu yena balottarā
   viśvāmitro_abravīd vākyaṃ   śr̥ṇu yena bala_uttarā /
Halfverse: c    varadānakr̥taṃ vīryaṃ   dʰārayaty abalā balam
   vara-dāna-kr̥taṃ vīryaṃ   dʰārayaty abalā balam /3/

Verse: 4 
Halfverse: a    pūrvam āsīn mahāyakṣaḥ   suketur nāma vīryavān
   pūrvam āsīn mahā-yakṣaḥ   suketur nāma vīryavān /
Halfverse: c    anapatyaḥ śubʰācāraḥ   sa ca tepe mahat tapaḥ
   anapatyaḥ śubʰa_ācāraḥ   sa ca tepe mahat tapaḥ /4/

Verse: 5 
Halfverse: a    pitāmahas tu suprītas   tasya yakṣapates tadā
   pitāmahas tu suprītas   tasya yakṣa-pates tadā /
Halfverse: c    kanyāratnaṃ dadau rāma   tāṭakāṃ nāma nāmataḥ
   kanyā-ratnaṃ dadau rāma   tāṭakāṃ nāma nāmataḥ /5/

Verse: 6 
Halfverse: a    dadau nāgasahasrasya   balaṃ cāsyāḥ pitāmahaḥ
   dadau nāga-sahasrasya   balaṃ ca_asyāḥ pitāmahaḥ /
Halfverse: c    na tv eva putraṃ yakṣāya   dadau brahmā mahāyaśāḥ
   na tv eva putraṃ yakṣāya   dadau brahmā mahā-yaśāḥ /6/

Verse: 7 
Halfverse: a    tāṃ tu jātāṃ vivardʰantīṃ   rūpayauvanaśālinīm
   tāṃ tu jātāṃ vivardʰantīṃ   rūpa-yauvana-śālinīm /
Halfverse: c    jambʰaputrāya sundāya   dadau bʰāryāṃ yaśasvinīm
   jambʰa-putrāya sundāya   dadau bʰāryāṃ yaśasvinīm /7/

Verse: 8 
Halfverse: a    kasya cit tv atʰa kālalsya   yakṣī putraṃ vyajāyata
   kasyacit tv atʰa kālalsya   yakṣī putraṃ vyajāyata /
Halfverse: c    mārīcaṃ nāma durdʰarṣaṃ   yaḥ śāpād rākṣaso 'bʰavat
   mārīcaṃ nāma durdʰarṣaṃ   yaḥ śāpād rākṣaso_abʰavat /8/

Verse: 9 
Halfverse: a    sunde tu nihate rāma   agastyam r̥ṣisattamam
   sunde tu nihate rāma   agastyam r̥ṣi-sattamam /
Halfverse: c    tāṭakā saha putreṇa   pradʰarṣayitum iccʰati
   tāṭakā saha putreṇa   pradʰarṣayitum iccʰati /9/

Verse: 10 
Halfverse: a    rākṣasatvaṃ bʰajasveti   mārīcaṃ vyājahāra saḥ
   rākṣasatvaṃ bʰajasva_iti   mārīcaṃ vyājahāra saḥ /
Halfverse: c    agastyaḥ paramakruddʰas   tāṭakām api śaptavān
   agastyaḥ parama-kruddʰas   tāṭakām api śaptavān /10/

Verse: 11 
Halfverse: a    puruṣādī mahāyakṣī   virūpā vikr̥tānanā
   puruṣa_adī mahā-yakṣī   virūpā vikr̥ta_ānanā /
Halfverse: c    idaṃ rūpam apahāya   dāruṇaṃ rūpam astu te
   idaṃ rūpam apahāya   dāruṇaṃ rūpam astu te /11/

Verse: 12 
Halfverse: a    saiṣā śāpakr̥tāmarṣā   tāṭakā krodʰamūrcʰitā
   sā_eṣā śāpa-kr̥ta_amarṣā   tāṭakā krodʰa-mūrcʰitā /
Halfverse: c    deśam utsādayaty enam   agastyacaritaṃ śubʰam
   deśam utsādayaty enam   agastya-caritaṃ śubʰam /12/

Verse: 13 
Halfverse: a    enāṃ rāgʰava durvr̥ttāṃ   yakṣīṃ paramadāruṇām
   enāṃ rāgʰava durvr̥ttāṃ   yakṣīṃ parama-dāruṇām /
Halfverse: c    gobrāhmaṇahitārtʰāya   jahi duṣṭaparākramām
   go-brāhmaṇa-hita_artʰāya   jahi duṣṭa-parākramām /13/

Verse: 14 
Halfverse: a    na hy enāṃ śāpasaṃsr̥ṣṭāṃ   kaś cid utsahate pumān
   na hy enāṃ śāpa-saṃsr̥ṣṭāṃ   kaścid utsahate pumān /
Halfverse: c    nihantuṃ triṣu lokeṣu   tvām r̥te ragʰunandana
   nihantuṃ triṣu lokeṣu   tvām r̥te ragʰu-nandana /14/

Verse: 15 
Halfverse: a    na hi te strīvadʰakr̥te   gʰr̥ṇā kāryā narottama
   na hi te strī-vadʰa-kr̥te   gʰr̥ṇā kāryā nara_uttama /
Halfverse: c    cāturvarṇyahitārtʰāya   kartavyaṃ rājasūnunā
   cāturvarṇya-hita_artʰāya   kartavyaṃ rāja-sūnunā /15/

Verse: 16 
Halfverse: a    rājyabʰāraniyuktānām   eṣa dʰarmaḥ sanātanaḥ
   rājya-bʰāra-niyuktānām   eṣa dʰarmaḥ sanātanaḥ /
Halfverse: c    adʰarmyāṃ jahi kākutsha   dʰarmo hy asyā na vidyate
   adʰarmyāṃ jahi kākutsha   dʰarmo hy asyā na vidyate /16/

Verse: 17 
Halfverse: a    śrūyate hi purā śakro   virocanasutāṃ nr̥pa
   śrūyate hi purā śakro   virocana-sutāṃ nr̥pa /
Halfverse: c    pr̥tʰivīṃ hantum iccʰantīṃ   mantʰarām abʰyasūdayat
   pr̥tʰivīṃ hantum iccʰantīṃ   mantʰarām abʰyasūdayat /17/

Verse: 18 
Halfverse: a    viṣṇunā ca purā rāma   bʰr̥gupatnī dr̥ḍʰavratā
   viṣṇunā ca purā rāma   bʰr̥gu-patnī dr̥ḍʰa-vratā /
Halfverse: c    anindraṃ lokam iccʰantī   kāvyamātā niṣūditā
   anindraṃ lokam iccʰantī   kāvya-mātā niṣūditā /18/

Verse: 19 
Halfverse: a    etaiś cānyaiś ca bahubʰī   rājaputramahātmabʰiḥ
   etaiś ca_anyaiś ca bahubʰī   rāja-putra-mahātmabʰiḥ /
Halfverse: c    adʰarmaniratā nāryo   hatāḥ puruṣasattamaiḥ
   adʰarma-niratā nāryo   hatāḥ puruṣa-sattamaiḥ /19/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.