TITUS
Ramayana
Part No. 25
Previous part

Chapter: 25 
Adhyāya 25


Verse: 1 
Halfverse: a    muner vacanam aklībaṃ   śrutvā naravarātmajaḥ
   muner vacanam aklībaṃ   śrutvā nara-vara_ātmajaḥ /
Halfverse: c    rāgʰavaḥ prāñjalir bʰūtvā   pratyuvāca dr̥ḍʰavrataḥ
   rāgʰavaḥ prāñjalir bʰūtvā   pratyuvāca dr̥ḍʰa-vrataḥ /1/

Verse: 2 
Halfverse: a    pitur vacananirdeśāt   pitur vacanagauravāt
   pitur vacana-nirdeśāt   pitur vacana-gauravāt /
Halfverse: c    vacanaṃ kauśikasyeti   kartavyam aviśaṅkayā
   vacanaṃ kauśikasya_iti   kartavyam aviśaṅkayā /2/

Verse: 3 
Halfverse: a    anuśiṣṭo 'smy ayodʰyāyāṃ   gurumadʰye mahātmanā
   anuśiṣṭo_asmy ayodʰyāyāṃ   guru-madʰye mahātmanā /
Halfverse: c    pitrā daśaratʰenāhaṃ   nāvajñeyaṃ ca tad vacaḥ
   pitrā daśaratʰena_ahaṃ   na_avajñeyaṃ ca tad vacaḥ /3/

Verse: 4 
Halfverse: a    so 'haṃ pitur vacaḥ śrutvā   śāsanād brahma vādinaḥ
   so_ahaṃ pitur vacaḥ śrutvā   śāsanād brahma vādinaḥ /
Halfverse: c    kariṣyāmi na saṃdehas   tāṭakāvadʰam uttamam
   kariṣyāmi na saṃdehas   tāṭakā-vadʰam uttamam /4/

Verse: 5 
Halfverse: a    gobrāhmaṇahitārtʰāya   deśasyāsya sukʰāya ca
   go-brāhmaṇa-hita_artʰāya   deśasya_asya sukʰāya ca /
Halfverse: c    tava caivāprameyasya   vacanaṃ kartum udyataḥ
   tava caiva_aprameyasya   vacanaṃ kartum udyataḥ /5/

Verse: 6 
Halfverse: a    evam uktvā dʰanurmadʰye   baddʰvā muṣṭim ariṃdamaḥ
   evam uktvā dʰanur-madʰye   baddʰvā muṣṭim ariṃdamaḥ /
Halfverse: c    jyāśabdam akarot tīvraṃ   diśaḥ śabdena pūrayan
   jyā-śabdam akarot tīvraṃ   diśaḥ śabdena pūrayan /6/

Verse: 7 
Halfverse: a    tena śabdena vitrastās   tāṭakā vanavāsinaḥ
   tena śabdena vitrastās   tāṭakā vana-vāsinaḥ /
Halfverse: c    tāṭakā ca susaṃkruddʰā   tena śabdena mohitā
   tāṭakā ca susaṃkruddʰā   tena śabdena mohitā /7/

Verse: 8 
Halfverse: a    taṃ śabdam abʰinidʰyāya   rākṣasī krodʰamūrcʰitā
   taṃ śabdam abʰinidʰyāya   rākṣasī krodʰa-mūrcʰitā /
Halfverse: c    śrutvā cābʰyadravad vegād   yataḥ śabdo viniḥsr̥taḥ
   śrutvā ca_abʰyadravad vegād   yataḥ śabdo viniḥsr̥taḥ /8/

Verse: 9 
Halfverse: a    tāṃ dr̥ṣṭvā rāgʰavaḥ kruddʰāṃ   vikr̥tāṃ vikr̥tānanām
   tāṃ dr̥ṣṭvā rāgʰavaḥ kruddʰāṃ   vikr̥tāṃ vikr̥ta_ānanām /
Halfverse: c    pramāṇenātivr̥ddʰāṃ ca   lakṣmaṇaṃ so 'bʰyabʰāṣata
   pramāṇena_ativr̥ddʰāṃ ca   lakṣmaṇaṃ so_abʰyabʰāṣata /9/

Verse: 10 
Halfverse: a    paśya lakṣmaṇa yakṣiṇyā   bʰairavaṃ dāruṇaṃ vapuḥ
   paśya lakṣmaṇa yakṣiṇyā   bʰairavaṃ dāruṇaṃ vapuḥ /
Halfverse: c    bʰidyeran darśanād asyā   bʰīrūṇāṃ hr̥dayāni ca
   bʰidyeran darśanād asyā   bʰīrūṇāṃ hr̥dayāni ca /10/

Verse: 11 
Halfverse: a    enāṃ paśya durādʰarṣāṃ   māyā balasamanvitām
   enāṃ paśya durādʰarṣāṃ   māyā bala-samanvitām /
Halfverse: c    vinivr̥ttāṃ karomy adya   hr̥takarṇāgranāsikām
   vinivr̥ttāṃ karomy adya   hr̥ta-karṇa_agra-nāsikām /11/

Verse: 12 
Halfverse: a    na hy enām utsahe hantuṃ   strīsvabʰāvena rakṣitām
   na hy enām utsahe hantuṃ   strī-svabʰāvena rakṣitām /
Halfverse: c    vīryaṃ cāsyā gatiṃ cāpi   haniṣyāmīti me matiḥ
   vīryaṃ ca_asyā gatiṃ ca_api   haniṣyāmi_iti me matiḥ /12/

Verse: 13 
Halfverse: a    evaṃ bruvāṇe rāme tu   tāṭakā krodʰamūrcʰitā
   evaṃ bruvāṇe rāme tu   tāṭakā krodʰa-mūrcʰitā /
Halfverse: c    udyamya bāhū garjantī   rāmam evābʰyadʰāvata
   udyamya bāhū garjantī   rāmam eva_abʰyadʰāvata /13/

Verse: 14 
Halfverse: a    tām āpatantīṃ vegena   vikrāntām aśanīm iva
   tām āpatantīṃ vegena   vikrāntām aśanīm iva /
Halfverse: c    śareṇorasi vivyādʰa   sā papāta mamāra ca
   śareṇa_urasi vivyādʰa   sā papāta mamāra ca /14/

Verse: 15 
Halfverse: a    tāṃ hatāṃ bʰīmasaṃkāśāṃ   dr̥ṣṭvā surapatis tadā
   tāṃ hatāṃ bʰīma-saṃkāśāṃ   dr̥ṣṭvā sura-patis tadā /
Halfverse: c    sādʰu sādʰv iti kākutstʰaṃ   surāś ca samapūjayan
   sādʰu sādʰv iti kākutstʰaṃ   surāś ca samapūjayan /15/

Verse: 16 
Halfverse: a    uvāca paramaprītaḥ   sahasrākṣaḥ puraṃdaraḥ
   uvāca parama-prītaḥ   sahasra_akṣaḥ puraṃdaraḥ /
Halfverse: c    surāś ca sarve saṃhr̥ṣṭā   viśvāmitram atʰābruvan
   surāś ca sarve saṃhr̥ṣṭā   viśvāmitram atʰa_abruvan /16/

Verse: 17 
Halfverse: a    mune kauśike bʰadraṃ te   sendrāḥ sarve marudgaṇāḥ
   mune kauśike bʰadraṃ te   sa_indrāḥ sarve marud-gaṇāḥ /
Halfverse: c    toṣitāḥ karmaṇānena   snehaṃ darśaya rāgʰave
   toṣitāḥ karmaṇā_anena   snehaṃ darśaya rāgʰave /17/

Verse: 18 
Halfverse: a    prajāpater bʰr̥śāśvasya   putrān satyaparākramān
   prajāpater bʰr̥śa_aśvasya   putrān satya-parākramān /
Halfverse: c    tapobalabʰr̥tān brahman   rāgʰavāya nivedaya
   tapo-balabʰr̥tān brahman   rāgʰavāya nivedaya /18/

Verse: 19 
Halfverse: a    pātrabʰūtaś ca te brahmaṃs   tavānugamane dʰr̥taḥ
   pātra-bʰūtaś ca te brahmaṃs   tava_anugamane dʰr̥taḥ /
Halfverse: c    kartavyaṃ ca mahat karma   surāṇāṃ rājasūnunā
   kartavyaṃ ca mahat karma   surāṇāṃ rāja-sūnunā /19/

Verse: 20 
Halfverse: a    evam uktvā surāḥ sarve   hr̥ṣṭā jagmur yatʰāgatam
   evam uktvā surāḥ sarve   hr̥ṣṭā jagmur yatʰā_āgatam /
Halfverse: c    viśvāmitraṃ pūjayitvā   tataḥ saṃdʰyā pravartate
   viśvāmitraṃ pūjayitvā   tataḥ saṃdʰyā pravartate /20/

Verse: 21 
Halfverse: a    tato munivaraḥ prītis   tāṭakā vadʰatoṣitaḥ
   tato muni-varaḥ prītis   tāṭakā vadʰa-toṣitaḥ /
Halfverse: c    mūrdʰni rāmam upāgʰrāya   idaṃ vacanam abravīt
   mūrdʰni rāmam upāgʰrāya   idaṃ vacanam abravīt /21/

Verse: 22 
Halfverse: a    ihādya rajanīṃ rāma   vasema śubʰadarśana
   iha_adya rajanīṃ rāma   vasema śubʰa-darśana /
Halfverse: c    śvaḥ prabʰāte gamiṣyāmas   tad āśramapadaṃ mama
   śvaḥ prabʰāte gamiṣyāmas   tad āśrama-padaṃ mama /22/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.