TITUS
Ramayana
Part No. 36
Previous part

Chapter: 36 
Adhyāya 36


Verse: 1 
Halfverse: a    tapyamāne tapo deve   devāḥ sarṣigaṇāḥ purā
   tapyamāne tapo deve   devāḥ sarṣi-gaṇāḥ purā /
Halfverse: c    senāpatim abʰīpsantaḥ   pitāmaham upāgaman
   senā-patim abʰīpsantaḥ   pitāmaham upāgaman /1/

Verse: 2 
Halfverse: a    tato 'bruvan surāḥ sarve   bʰagavantaṃ pitāmaham
   tato_abruvan surāḥ sarve   bʰagavantaṃ pitāmaham /
Halfverse: c    praṇipatya śubʰaṃ vākyaṃ   sendrāḥ sāgnipurogamāḥ
   praṇipatya śubʰaṃ vākyaṃ   sa_indrāḥ sa_agni-purogamāḥ /2/

Verse: 3 
Halfverse: a    yo naḥ senāpatir deva   datto bʰagavatā purā
   yo naḥ senā-patir deva   datto bʰagavatā purā /
Halfverse: c    sa tapaḥ param āstʰāya   tapyate sma sahomayā
   sa tapaḥ param āstʰāya   tapyate sma saha_umayā /3/

Verse: 4 
Halfverse: a    yad atrānantaraṃ kāryaṃ   lokānāṃ hitakāmyayā
   yad atra_anantaraṃ kāryaṃ   lokānāṃ hita-kāmyayā /
Halfverse: c    saṃvidʰatsva vidʰānajña   tvaṃ hi naḥ paramā gatiḥ
   saṃvidʰatsva vidʰānajña   tvaṃ hi naḥ paramā gatiḥ /4/

Verse: 5 
Halfverse: a    devatānāṃ vacaḥ śrutvā   sarvalokapitāmahaḥ
   devatānāṃ vacaḥ śrutvā   sarva-loka-pitāmahaḥ /
Halfverse: c    sāntvayan madʰurair vākyais   tridaśān idam abravīt
   sāntvayan madʰurair vākyais   tridaśān idam abravīt /5/

Verse: 6 
Halfverse: a    śailaputryā yad uktaṃ tan   na prajāsyatʰa patniṣu
   śaila-putryā yad uktaṃ tan   na prajāsyatʰa patniṣu /
Halfverse: c    tasyā vacanam akliṣṭaṃ   satyam eva na saṃśayaḥ
   tasyā vacanam akliṣṭaṃ   satyam eva na saṃśayaḥ /6/

Verse: 7 
Halfverse: a    iyam ākāśagā gaṅgā   yasyāṃ putraṃ hutāśanaḥ
   iyam ākāśagā gaṅgā   yasyāṃ putraṃ huta_aśanaḥ /
Halfverse: c    janayiṣyati devānāṃ   senāpatim ariṃdamam
   janayiṣyati devānāṃ   senā-patim ariṃ-damam /7/

Verse: 8 
Halfverse: a    jyeṣṭʰā śailendraduhitā   mānayiṣyati taṃ sutam
   jyeṣṭʰā śaila_indra-duhitā   mānayiṣyati taṃ sutam /
Halfverse: c    umāyās tad bahumataṃ   bʰaviṣyati na saṃśayaḥ
   umāyās tad bahu-mataṃ   bʰaviṣyati na saṃśayaḥ /8/

Verse: 9 
Halfverse: a    tac cʰrutvā vacanaṃ tasya   kr̥tārtʰā ragʰunandana
   tat śrutvā vacanaṃ tasya   kr̥ta_artʰā ragʰu-nandana /
Halfverse: c    praṇipatya surāḥ sarve   pitāmaham apūjayan
   praṇipatya surāḥ sarve   pitāmaham apūjayan /9/

Verse: 10 
Halfverse: a    te gatvā parvataṃ rāma   kailāsaṃ dʰātumaṇḍitam
   te gatvā parvataṃ rāma   kailāsaṃ dʰātu-maṇḍitam /
Halfverse: c    agniṃ niyojayām āsuḥ   putrārtʰaṃ sarvadevatāḥ
   agniṃ niyojayām āsuḥ   putra_artʰaṃ sarva-devatāḥ /10/

Verse: 11 
Halfverse: a    devakāryam idaṃ deva   samādʰatsva hutāśana
   deva-kāryam idaṃ deva   samādʰatsva huta_aśana /
Halfverse: c    śailaputryāṃ mahātejo   gaṅgāyāṃ teja utsr̥ja
   śaila-putryāṃ mahā-tejo   gaṅgāyāṃ teja utsr̥ja /11/

Verse: 12 
Halfverse: a    devatānāṃ pratijñāya   gaṅgām abʰyetya pāvakaḥ
   devatānāṃ pratijñāya   gaṅgām abʰyetya pāvakaḥ /
Halfverse: c    garbʰaṃ dʰāraya vai devi   devatānām idaṃ priyam
   garbʰaṃ dʰāraya vai devi   devatānām idaṃ priyam /12/

Verse: 13 
Halfverse: a    ity etad vacanaṃ śrutvā   divyaṃ rūpam adʰārayat
   ity etad vacanaṃ śrutvā   divyaṃ rūpam adʰārayat /
Halfverse: c    sa tasyā mahimāṃ dr̥ṣṭvā   samantād avakīryata
   sa tasyā mahimāṃ dr̥ṣṭvā   samantād avakīryata /13/

Verse: 14 
Halfverse: a    samantatas tadā devīm   abʰyaṣiñcata pāvakaḥ
   samantatas tadā devīm   abʰyaṣiñcata pāvakaḥ /
Halfverse: c    sarvasrotāṃsi pūrṇāni   gaṅgāyā ragʰunandana
   sarva-srotāṃsi pūrṇāni   gaṅgāyā ragʰu-nandana /14/

Verse: 15 
Halfverse: a    tam uvāca tato gaṅgā   sarvadevapurohitam
   tam uvāca tato gaṅgā   sarva-deva-purohitam /
Halfverse: c    aśaktā dʰāraṇe deva   tava tejaḥ samuddʰatam
   aśaktā dʰāraṇe deva   tava tejaḥ samuddʰatam /
Halfverse: e    dahyamānāgninā tena   saṃpravyatʰitacetanā
   dahyamānā_agninā tena   saṃpravyatʰita-cetanā /15/

Verse: 16 
Halfverse: a    atʰābravīd idaṃ gaṅgāṃ   sarvadevahutāśanaḥ
   atʰa_abravīd idaṃ gaṅgāṃ   sarva-deva-huta_aśanaḥ /
Halfverse: c    iha haimavate pāde   garbʰo 'yaṃ saṃniveśyatām
   iha haimavate pāde   garbʰo_ayaṃ saṃniveśyatām /16/

Verse: 17 
Halfverse: a    śrutvā tv agnivaco gaṅgā   taṃ garbʰam atibʰāsvaram
   śrutvā tv agni-vaco gaṅgā   taṃ garbʰam atibʰāsvaram /
Halfverse: c    utsasarja mahātejāḥ   srotobʰyo hi tadānagʰa
   utsasarja mahā-tejāḥ   srotobʰyo hi tadā_anagʰa /17/

Verse: 18 
Halfverse: a    yad asyā nirgataṃ tasmāt   taptajāmbūnadaprabʰam
   yad asyā nirgataṃ tasmāt   tapta-jāmbūnada-prabʰam /
Halfverse: c    kāñcanaṃ dʰaraṇīṃ prāptaṃ   hiraṇyam amalaṃ śubʰam
   kāñcanaṃ dʰaraṇīṃ prāptaṃ   hiraṇyam amalaṃ śubʰam /18/

Verse: 19 
Halfverse: a    tāmraṃ kārṣṇāyasaṃ caiva   taikṣṇyād evābʰijāyata
   tāmraṃ kārṣṇāyasaṃ caiva   taikṣṇyād eva_abʰijāyata /
Halfverse: c    malaṃ tasyābʰavat tatra   trapusīsakam eva ca
   malaṃ tasya_abʰavat tatra   trapu-sīsakam eva ca /19/

Verse: 20 
Halfverse: a    tad etad dʰaraṇīṃ prāpya   nānādʰātur avardʰata
   tad etad dʰaraṇīṃ prāpya   nānā-dʰātur avardʰata /20/ {ab only}

Verse: 21 
Halfverse: a    nikṣiptamātre garbʰe tu   tejobʰir abʰirañjitam
   nikṣipta-mātre garbʰe tu   tejobʰir abʰirañjitam /
Halfverse: c    sarvaṃ parvatasaṃnaddʰaṃ   sauvarṇam abʰavad vanam
   sarvaṃ parvata-saṃnaddʰaṃ   sauvarṇam abʰavad vanam /21/

Verse: 22 
Halfverse: a    jātarūpam iti kʰyātaṃ   tadā prabʰr̥ti rāgʰava
   jāta-rūpam iti kʰyātaṃ   tadā prabʰr̥ti rāgʰava /
Halfverse: c    suvarṇaṃ puruṣavyāgʰra   hutāśanasamaprabʰam
   suvarṇaṃ puruṣa-vyāgʰra   huta_aśana-sama-prabʰam /22/

Verse: 23 
Halfverse: a    taṃ kumāraṃ tato jātaṃ   sendrāḥ sahamarudgaṇāḥ
   taṃ kumāraṃ tato jātaṃ   sa_indrāḥ saha-marud-gaṇāḥ /
Halfverse: c    kṣīrasaṃbʰāvanārtʰāya   kr̥ttikāḥ samayojayan
   kṣīra-saṃbʰāvana_artʰāya   kr̥ttikāḥ samayojayan /23/

Verse: 24 
Halfverse: a    tāḥ kṣīraṃ jātamātrasya   kr̥tvā samayam uttamam
   tāḥ kṣīraṃ jāta-mātrasya   kr̥tvā samayam uttamam /
Halfverse: c    daduḥ putro 'yam asmākaṃ   sarvāsām iti niścitāḥ
   daduḥ putro_ayam asmākaṃ   sarvāsām iti niścitāḥ /24/

Verse: 25 
Halfverse: a    tatas tu devatāḥ sarvāḥ   kārtikeya iti bruvan
   tatas tu devatāḥ sarvāḥ   kārtikeya iti bruvan /
Halfverse: c    putras trailokya vikʰyāto   bʰaviṣyati na saṃśayaḥ
   putras trailokya vikʰyāto   bʰaviṣyati na saṃśayaḥ /25/

Verse: 26 
Halfverse: a    teṣāṃ tad vacanaṃ śrutvā   skannaṃ garbʰaparisrave
   teṣāṃ tad vacanaṃ śrutvā   skannaṃ garbʰa-parisrave /
Halfverse: c    snāpayan parayā lakṣmyā   dīpyamānam ivānalam
   snāpayan parayā lakṣmyā   dīpyamānam iva_analam /26/

Verse: 27 
Halfverse: a    skanda ity abruvan devāḥ   skannaṃ garbʰaparisravāt
   skanda ity abruvan devāḥ   skannaṃ garbʰa-parisravāt /
Halfverse: c    kārtikeyaṃ mahābʰāgaṃ   kākutstʰajvalanopamam
   kārtikeyaṃ mahā-bʰāgaṃ   kākutstʰa-jvalana_upamam /27/

Verse: 28 
Halfverse: a    prādurbʰūtaṃ tataḥ kṣīraṃ   kr̥ttikānām anuttamam
   prādur-bʰūtaṃ tataḥ kṣīraṃ   kr̥ttikānām anuttamam /
Halfverse: c    ṣaṇṇāṃ ṣaḍānano bʰūtvā   jagrāha stanajaṃ payaḥ
   ṣaṇṇāṃ ṣaḍ-ānano bʰūtvā   jagrāha stanajaṃ payaḥ /28/

Verse: 29 
Halfverse: a    gr̥hītvā kṣīram ekāhnā   sukumāra vapus tadā
   gr̥hītvā kṣīram eka_ahnā   sukumāra vapus tadā /
Halfverse: c    ajayat svena vīryeṇa   daityasainyagaṇān vibʰuḥ
   ajayat svena vīryeṇa   daitya-sainya-gaṇān vibʰuḥ /29/

Verse: 30 
Halfverse: a    surasenāgaṇapatiṃ   tatas tam amaladyutim
   sura-senā-gaṇa-patiṃ   tatas tam amala-dyutim /
Halfverse: c    abʰyaṣiñcan suragaṇāḥ   sametyāgnipurogamāḥ
   abʰyaṣiñcan sura-gaṇāḥ   sametya_agni-purogamāḥ /30/

Verse: 31 
Halfverse: a    eṣa te rāma gaṅgāyā   vistaro 'bʰihito mayā
   eṣa te rāma gaṅgāyā   vistaro_abʰihito mayā /
Halfverse: c    kumārasaṃbʰavaś caiva   dʰanyaḥ puṇyas tatʰaiva ca
   kumāra-saṃbʰavaś caiva   dʰanyaḥ puṇyaḥ tatʰaiva ca /31/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.