TITUS
Ramayana
Part No. 38
Previous part

Chapter: 38 
Adhyāya 38


Verse: 1 
Halfverse: a    viśvāmitravacaḥ śrutvā   katʰānte ragʰunandana
   viśvāmitra-vacaḥ śrutvā   katʰā_ante ragʰu-nandana /
Halfverse: c    uvāca paramaprīto   muniṃ dīptam ivānalam
   uvāca parama-prīto   muniṃ dīptam iva_analam /1/

Verse: 2 
Halfverse: a    śrotum icʰāmi bʰadraṃ te   vistareṇa katʰām imām
   śrotum icʰāmi bʰadraṃ te   vistareṇa katʰām imām /
Halfverse: c    pūrvako me katʰaṃ brahman   yajñaṃ vai samupāharat
   pūrvako me katʰaṃ brahman   yajñaṃ vai samupāharat /2/

Verse: 3 
Halfverse: a    viśvāmitras tu kākutstʰam   uvāca prahasann iva
   viśvāmitras tu kākutstʰam   uvāca prahasann iva /
Halfverse: c    śrūyatāṃ vistaro rāma   sagarasya mahātmanaḥ
   śrūyatāṃ vistaro rāma   sagarasya mahātmanaḥ /3/

Verse: 4 
Halfverse: a    śaṃkaraśvaśuro nāma   himavān acalottamaḥ
   śaṃkara-śvaśuro nāma   himavān acala_uttamaḥ /
Halfverse: c    vindʰyaparvatam āsādya   nirīkṣete parasparam
   vindʰya-parvatam āsādya   nirīkṣete parasparam /4/

Verse: 5 
Halfverse: a    tayor madʰye pravr̥tto 'bʰūd   yajñaḥ sa puruṣottama
   tayor madʰye pravr̥tto_abʰūd   yajñaḥ sa puruṣa_uttama /
Halfverse: c    sa hi deśo naravyāgʰra   praśasto yajñakarmaṇi
   sa hi deśo nara-vyāgʰra   praśasto yajña-karmaṇi /5/

Verse: 6 
Halfverse: a    tasyāśvacaryāṃ kākutstʰa   dr̥ḍʰadʰanvā mahāratʰaḥ
   tasya_aśva-caryāṃ kākutstʰa   dr̥ḍʰa-dʰanvā mahā-ratʰaḥ /
Halfverse: c    aṃśumān akarot tāta   sagarasya mate stʰitaḥ
   aṃśumān akarot tāta   sagarasya mate stʰitaḥ /6/

Verse: 7 
Halfverse: a    tasya parvaṇi taṃ yajñaṃ   yajamānasya vāsavaḥ
   tasya parvaṇi taṃ yajñaṃ   yajamānasya vāsavaḥ /
Halfverse: c    rākṣasīṃ tanum āstʰāya   yajñiyāśvam apāharat
   rākṣasīṃ tanum āstʰāya   yajñiya_aśvam apāharat /7/

Verse: 8 
Halfverse: a    hriyamāṇe tu kākutstʰa   tasminn aśve mahātmanaḥ
   hriyamāṇe tu kākutstʰa   tasminn aśve mahātmanaḥ /
Halfverse: c    upādʰyāya gaṇāḥ sarve   yajamānam atʰābruvan
   upādʰyāya gaṇāḥ sarve   yajamānam atʰa_abruvan /8/

Verse: 9 
Halfverse: a    ayaṃ parvaṇi vegena   yajñiyāśvo 'panīyate
   ayaṃ parvaṇi vegena   yajñiya_aśvo_apanīyate /
Halfverse: c    hartāraṃ jahi kākutstʰa   hayaś caivopanīyatām
   hartāraṃ jahi kākutstʰa   hayaś ca_eva_upanīyatām /9/

Verse: 10 
Halfverse: a    yajñac cʰidraṃ bʰavaty etat   sarveṣām aśivāya naḥ
   yajñac cʰidraṃ bʰavaty etat   sarveṣām aśivāya naḥ /
Halfverse: c    tat tatʰā kriyatāṃ rājan   yatʰācʰidraḥ kratur bʰavet
   tat tatʰā kriyatāṃ rājan   yatʰā_acʰidraḥ kratur bʰavet /10/

Verse: 11 
Halfverse: a    upādʰyāya vacaḥ śrutvā   tasmin sadasi pārtʰivaḥ
   upādʰyāya vacaḥ śrutvā   tasmin sadasi pārtʰivaḥ /
Halfverse: c    ṣaṣṭiṃ putrasahasrāṇi   vākyam etad uvāca ha
   ṣaṣṭiṃ putra-sahasrāṇi   vākyam etad uvāca ha /11/

Verse: 12 
Halfverse: a    gatiṃ putrā na paśyāmi   rakṣasāṃ puruṣarṣabʰāḥ
   gatiṃ putrā na paśyāmi   rakṣasāṃ puruṣa-r̥ṣabʰāḥ /
Halfverse: c    mantrapūtair mahābʰāgair   āstʰito hi mahākratuḥ
   mantra-pūtair mahā-bʰāgair   āstʰito hi mahā-kratuḥ /12/

Verse: 13 
Halfverse: a    tad gaccʰata vicinvadʰvaṃ   putrakā bʰadram astu vaḥ
   tad gaccʰata vicinvadʰvaṃ   putrakā bʰadram astu vaḥ /
Halfverse: c    samudramālinīṃ sarvāṃ   pr̥tʰivīm anugaccʰata
   samudra-mālinīṃ sarvāṃ   pr̥tʰivīm anugaccʰata /13/

Verse: 14 
Halfverse: a    ekaikaṃ yojanaṃ putrā   vistāram abʰigaccʰata
   eka_ekaṃ yojanaṃ putrā   vistāram abʰigaccʰata /14/ {ab only}

Verse: 15 
Halfverse: a    yāvat turagasaṃdarśas   tāvat kʰanata medinīm
   yāvat turaga-saṃdarśas   tāvat kʰanata medinīm /
Halfverse: c    tam eva hayahartāraṃ   mārgamāṇā mamājñayā
   tam eva haya-hartāraṃ   mārgamāṇā mama_ājñayā /15/

Verse: 16 
Halfverse: a    dīkṣitaḥ pautrasahitaḥ   sopādʰyāyagaṇo hy aham
   dīkṣitaḥ pautra-sahitaḥ   sa_upādʰyāya-gaṇo hy aham /
Halfverse: c    iha stʰāsyāmi bʰadraṃ vo   yāvat turagadarśanam
   iha stʰāsyāmi bʰadraṃ vo   yāvat turaga-darśanam /16/

Verse: 17 
Halfverse: a    ity uktvā hr̥ṣṭamanaso   rājaputrā mahābalāḥ
   ity uktvā hr̥ṣṭa-manaso   rāja-putrā mahā-balāḥ /
Halfverse: c    jagmur mahītalaṃ rāma   pitur vacanayantritāḥ
   jagmur mahī-talaṃ rāma   pitur vacana-yantritāḥ /17/

Verse: 18 
Halfverse: a    yojanāyām avistāram   ekaiko dʰaraṇītalam
   yojanāyām avistāram   ekaiko dʰaraṇī-talam /
Halfverse: c    bibʰiduḥ puruṣavyāgʰra   vajrasparśasamair bʰujaiḥ
   bibʰiduḥ puruṣa-vyāgʰra   vajra-sparśa-samair bʰujaiḥ /18/

Verse: 19 
Halfverse: a    śūlair aśanikalpaiś ca   halaiś cāpi sudāruṇaiḥ
   śūlair aśani-kalpaiś ca   halaiś ca_api sudāruṇaiḥ /
Halfverse: c    bʰidyamānā vasumatī   nanāda ragʰunandana
   bʰidyamānā vasumatī   nanāda ragʰu-nandana /19/

Verse: 20 
Halfverse: a    nāgānāṃ vadʰyamānānām   asurāṇāṃ ca rāgʰava
   nāgānāṃ vadʰyamānānām   asurāṇāṃ ca rāgʰava /
Halfverse: c    rākṣasānāṃ ca durdʰarṣaḥ   sattvānāṃ ninado 'bʰavat
   rākṣasānāṃ ca durdʰarṣaḥ   sattvānāṃ ninado_abʰavat /20/

Verse: 21 
Halfverse: a    yojanānāṃ sahasrāṇi   ṣaṣṭiṃ tu ragʰunandana
   yojanānāṃ sahasrāṇi   ṣaṣṭiṃ tu ragʰu-nandana /
Halfverse: c    bibʰidur dʰaraṇīṃ vīrā   rasātalam anuttamam
   bibʰidur dʰaraṇīṃ vīrā   rasā-talam anuttamam /21/

Verse: 22 
Halfverse: a    evaṃ parvatasaṃbādʰaṃ   jambūdvīpaṃ nr̥pātmajāḥ
   evaṃ parvata-saṃbādʰaṃ   jambū-dvīpaṃ nr̥pa_ātmajāḥ /
Halfverse: c    kʰananto nr̥paśārdūla   sarvataḥ paricakramuḥ
   kʰananto nr̥pa-śārdūla   sarvataḥ paricakramuḥ /22/

Verse: 23 
Halfverse: a    tato devāḥ sagandʰarvāḥ   sāsurāḥ sahapannagāḥ
   tato devāḥ sagandʰarvāḥ   sāsurāḥ saha-pannagāḥ /
Halfverse: c    saṃbʰrāntamanasaḥ sarve   pitāmaham upāgaman
   saṃbʰrānta-manasaḥ sarve   pitāmaham upāgaman /23/

Verse: 24 
Halfverse: a    te prasādya mahātmānaṃ   viṣaṇṇavadanās tadā
   te prasādya mahātmānaṃ   viṣaṇṇa-vadanās tadā /
Halfverse: c    ūcuḥ paramasaṃtrastāḥ   pitāmaham idaṃ vacaḥ
   ūcuḥ parama-saṃtrastāḥ   pitāmaham idaṃ vacaḥ /24/

Verse: 25 
Halfverse: a    bʰagavan pr̥tʰivī sarvā   kʰanyate sagarātmajaiḥ
   bʰagavan pr̥tʰivī sarvā   kʰanyate sagara_ātmajaiḥ /
Halfverse: c    bahavaś ca mahātmāno   vadʰyante jalacāriṇaḥ
   bahavaś ca mahātmāno   vadʰyante jala-cāriṇaḥ /25/

Verse: 26 
Halfverse: a    ayaṃ yajñahano 'smākam   anenāśvo 'panīyate
   ayaṃ yajña-hano_asmākam   anena_aśvo_apanīyate /
Halfverse: c    iti te sarvabʰūtāni   nigʰnanti sagarātmajaḥ
   iti te sarva-bʰūtāni   nigʰnanti sagara_ātmajaḥ /26/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.