TITUS
Ramayana
Part No. 40
Previous part

Chapter: 40 
Adhyāya 40


Verse: 1 
Halfverse: a    putrāṃś ciragatāñ jñātvā   sagaro ragʰunandana
   putrāṃś cira-gatān jñātvā   sagaro ragʰu-nandana /
Halfverse: c    naptāram abravīd rājā   dīpyamānaṃ svatejasā
   naptāram abravīd rājā   dīpyamānaṃ sva-tejasā /1/

Verse: 2 
Halfverse: a    śūraś ca kr̥tavidyaś ca   pūrvais tulyo 'si tejasā
   śūraś ca kr̥ta-vidyaś ca   pūrvais tulyo_asi tejasā /
Halfverse: c    pitr̥̄ṇāṃ gatim anviccʰa   yena cāśvo 'pahāritaḥ
   pitr̥̄ṇāṃ gatim anviccʰa   yena ca_aśvo_apahāritaḥ /2/

Verse: 3 
Halfverse: a    antarbʰaumāni sattvāni   vīryavanti mahānti ca
   antar-bʰaumāni sattvāni   vīryavanti mahānti ca /
Halfverse: c    teṣāṃ tvaṃ pratigʰātārtʰaṃ   sāsiṃ gr̥hṇīṣva kārmukam
   teṣāṃ tvaṃ pratigʰāta_artʰaṃ   sāsiṃ gr̥hṇīṣva kārmukam /3/

Verse: 4 
Halfverse: a    abʰivādyābʰivādyāṃs tvaṃ   hatvā vigʰnakarān api
   abʰivādya_abʰivādyāṃs tvaṃ   hatvā vigʰna-karān api /
Halfverse: c    siddʰārtʰaḥ saṃnivartasva   mama yajñasya pāragaḥ
   siddʰa_artʰaḥ saṃnivartasva   mama yajñasya pāragaḥ /4/

Verse: 5 
Halfverse: a    evam ukto 'ṃśumān samyak   sagareṇa mahātmanā
   evam ukto_aṃśumān samyak   sagareṇa mahātmanā /
Halfverse: c    dʰanur ādāya kʰaḍgaṃ ca   jagāma lagʰuvikramaḥ
   dʰanur ādāya kʰaḍgaṃ ca   jagāma lagʰu-vikramaḥ /5/

Verse: 6 
Halfverse: a    sa kʰātaṃ pitr̥bʰir mārgam   antarbʰaumaṃ mahātmabʰiḥ
   sa kʰātaṃ pitr̥bʰir mārgam   antar-bʰaumaṃ mahātmabʰiḥ /
Halfverse: c    prāpadyata naraśreṣṭʰa   tena rājñābʰicoditaḥ
   prāpadyata nara-śreṣṭʰa   tena rājñā_abʰicoditaḥ /6/

Verse: 7 
Halfverse: a    daityadānavarakṣobʰiḥ   piśācapatagoragaiḥ
   daitya-dānava-rakṣobʰiḥ   piśāca-pataga_uragaiḥ /
Halfverse: c    pūjyamānaṃ mahātejā   diśāgajam apaśyata
   pūjyamānaṃ mahā-tejā   diśā-gajam apaśyata /7/

Verse: 8 
Halfverse: a    sa taṃ pradakṣiṇaṃ kr̥tvā   pr̥ṣṭvā caiva nirāmayam
   sa taṃ pradakṣiṇaṃ kr̥tvā   pr̥ṣṭvā caiva nirāmayam /
Halfverse: c    pitr̥̄n sa paripapraccʰa   vājihartāram eva ca
   pitr̥̄n sa paripapraccʰa   vāji-hartāram eva ca /8/

Verse: 9 
Halfverse: a    diśāgajas tu tac cʰrutvā   prītyāhāṃśumato vacaḥ
   diśā-gajas tu tat śrutvā   prītyā_āha_aṃśumato vacaḥ /
Halfverse: c    āsamañjakr̥tārtʰas tvaṃ   sahāśvaḥ śīgʰram eṣyasi
   āsamañja-kr̥ta_artʰas tvaṃ   saha_aśvaḥ śīgʰram eṣyasi /9/

Verse: 10 
Halfverse: a    tasya tad vacanaṃ śrutvā   sarvān eva diśāgajān
   tasya tad vacanaṃ śrutvā   sarvān eva diśā-gajān /
Halfverse: c    yatʰākramaṃ yatʰānyāyaṃ   praṣṭuṃ samupacakrame
   yatʰā-kramaṃ yatʰā-nyāyaṃ   praṣṭuṃ samupacakrame /10/

Verse: 11 
Halfverse: a    taiś ca sarvair diśāpālair   vākyajñair vākyakovidaiḥ
   taiś ca sarvair diśā-pālair   vākyajñair vākya-kovidaiḥ /
Halfverse: c    pūjitaḥ sahayaś caiva   gantāsīty abʰicoditaḥ
   pūjitaḥ sahayaś caiva   gantā_asi_ity abʰicoditaḥ /11/

Verse: 12 
Halfverse: a    teṣāṃ tad vacanaṃ śrutvā   jagāma lagʰuvikramaḥ
   teṣāṃ tad vacanaṃ śrutvā   jagāma lagʰu-vikramaḥ /
Halfverse: c    bʰasmarāśīkr̥tā yatra   pitaras tasya sāgarāḥ
   bʰasma-rāśī-kr̥tā yatra   pitaras tasya sāgarāḥ /12/

Verse: 13 
Halfverse: a    sa duḥkʰavaśam āpannas   tv asamañjasutas tadā
   sa duḥkʰa-vaśam āpannas   tv asamañja-sutas tadā /
Halfverse: c    cukrośa paramārtas tu   vadʰāt teṣāṃ suduḥkʰitaḥ
   cukrośa parama_ārtas tu   vadʰāt teṣāṃ suduḥkʰitaḥ /13/

Verse: 14 
Halfverse: a    yajñiyaṃ ca hayaṃ tatra   carantam avidūrataḥ
   yajñiyaṃ ca hayaṃ tatra   carantam avidūrataḥ /
Halfverse: c    dadarśa puruṣavyāgʰro   duḥkʰaśokasamanvitaḥ
   dadarśa puruṣa-vyāgʰro   duḥkʰa-śoka-samanvitaḥ /

Verse: 15 
Halfverse: a    dadarśa puruṣavyāgʰro   kartukāmo jalakriyām
   dadarśa puruṣa-vyāgʰro   kartu-kāmo jala-kriyām /
Halfverse: c    salilārtʰī mahātejā   na cāpaśyaj jalāśayam
   salila_artʰī mahā-tejā   na ca_apaśyaj jala_āśayam /15/

Verse: 16 
Halfverse: a    visārya nipuṇāṃ dr̥ṣṭiṃ   tato 'paśyat kʰagādʰipam
   visārya nipuṇāṃ dr̥ṣṭiṃ   tato_apaśyat kʰaga_adʰipam /
Halfverse: c    pitr̥̄ṇāṃ mātulaṃ rāma   suparṇam anilopamam
   pitr̥̄ṇāṃ mātulaṃ rāma   suparṇam anila_upamam /16/

Verse: 17 
Halfverse: a    sa cainam abravīd vākyaṃ   vainateyo mahābalaḥ
   sa ca_enam abravīd vākyaṃ   vainateyo mahā-balaḥ /
Halfverse: c    mā śucaḥ puruṣavyāgʰra   vadʰo 'yaṃ lokasaṃmataḥ
   mā śucaḥ puruṣa-vyāgʰra   vadʰo_ayaṃ loka-saṃmataḥ /17/

Verse: 18 
Halfverse: a    kapilenāprameyena   dagdʰā hīme mahābalāḥ
   kapilena_aprameyena   dagdʰā hi_ime mahā-balāḥ /
Halfverse: c    salilaṃ nārhasi prājña   dātum eṣāṃ hi laukikam
   salilaṃ na_arhasi prājña   dātum eṣāṃ hi laukikam /18/

Verse: 19 
Halfverse: a    gaṅgā himavato jyeṣṭʰā   duhitā puruṣarṣabʰa
   gaṅgā himavato jyeṣṭʰā   duhitā puruṣa-r̥ṣabʰa /
Halfverse: c    bʰasmarāśīkr̥tān etān   pāvayel lokapāvanī
   bʰasma-rāśī-kr̥tān etān   pāvayel loka-pāvanī /19/

Verse: 20 
Halfverse: a    tayā klinnam idaṃ bʰasma   gaṅgayā lokakāntayā
   tayā klinnam idaṃ bʰasma   gaṅgayā loka-kāntayā /
Halfverse: c    ṣaṣṭiṃ putrasahasrāṇi   svargalokaṃ nayiṣyati
   ṣaṣṭiṃ putra-sahasrāṇi   svarga-lokaṃ nayiṣyati /20/

Verse: 21 
Halfverse: a    gaccʰa cāśvaṃ mahābʰāga   saṃgr̥hya puruṣarṣabʰa
   gaccʰa ca_aśvaṃ mahā-bʰāga   saṃgr̥hya puruṣa-r̥ṣabʰa /
Halfverse: c    yajñaṃ paitāmahaṃ vīra   nirvartayitum arhasi
   yajñaṃ paitāmahaṃ vīra   nirvartayitum arhasi /21/

Verse: 22 
Halfverse: a    suparṇavacanaṃ śrutvā   so 'ṃśumān ativīryavān
   suparṇa-vacanaṃ śrutvā   so_aṃśumān ativīryavān /
Halfverse: c    tvaritaṃ hayam ādāya   punar āyān mahāyaśāḥ
   tvaritaṃ hayam ādāya   punar āyān mahā-yaśāḥ /22/

Verse: 23 
Halfverse: a    tato rājānam āsādya   dīkṣitaṃ ragʰunandana
   tato rājānam āsādya   dīkṣitaṃ ragʰu-nandana /
Halfverse: c    nyavedayad yatʰāvr̥ttaṃ   suparṇavacanaṃ tatʰā
   nyavedayad yatʰā-vr̥ttaṃ   suparṇa-vacanaṃ tatʰā /23/

Verse: 24 
Halfverse: a    tac cʰrutvā gʰorasaṃkāśaṃ   vākyam aṃśumato nr̥paḥ
   tat śrutvā gʰora-saṃkāśaṃ   vākyam aṃśumato nr̥paḥ /
Halfverse: c    yajñaṃ nirvartayām āsa   yatʰākalpaṃ yatʰāvidʰi
   yajñaṃ nirvartayām āsa   yatʰā-kalpaṃ yatʰā-vidʰi /24/

Verse: 25 
Halfverse: a    svapuraṃ cāgamac cʰrīmān   iṣṭayajño mahīpatiḥ
   sva-puraṃ ca_agamat śrīmān   iṣṭa-yajño mahī-patiḥ /
Halfverse: c    gaṅgāyāś cāgame rājā   niścayaṃ nādʰyagaccʰata
   gaṅgāyāś ca_āgame rājā   niścayaṃ na_adʰyagaccʰata /25/

Verse: 26 
Halfverse: a    agatvā niścayaṃ rājā   kālena mahatā mahān
   agatvā niścayaṃ rājā   kālena mahatā mahān /
Halfverse: c    triṃśadvarṣasahasrāṇi   rājyaṃ kr̥tvā divaṃ gataḥ
   triṃśad-varṣa-sahasrāṇi   rājyaṃ kr̥tvā divaṃ gataḥ /26/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.