TITUS
Ramayana
Part No. 41
Previous part

Chapter: 41 
Adhyāya 41


Verse: 1 
Halfverse: a    kāladʰarmaṃ gate rāma   sagare prakr̥tījanāḥ
   kāla-dʰarmaṃ gate rāma   sagare prakr̥tī-janāḥ /
Halfverse: c    rājānaṃ rocayām āsur   aṃśumantaṃ sudʰārmikam
   rājānaṃ rocayām āsur   aṃśumantaṃ sudʰārmikam /1/

Verse: 2 
Halfverse: a    sa rājā sumahān āsīd   aṃśumān ragʰunandana
   sa rājā sumahān āsīd   aṃśumān ragʰu-nandana /
Halfverse: c    tasya putro mahān āsīd   dilīpa iti viśrutaḥ
   tasya putro mahān āsīd   dilīpa iti viśrutaḥ /2/

Verse: 3 
Halfverse: a    tasmin rājyaṃ samāveśya   dilīpe ragʰunandana
   tasmin rājyaṃ samāveśya   dilīpe ragʰu-nandana /
Halfverse: c    himavaccʰikʰare ramye   tapas tepe sudāruṇam
   himavat-śikʰare ramye   tapas tepe sudāruṇam /3/

Verse: 4 
Halfverse: a    dvādtriṃśac ca sahasrāṇi   varṣāṇi sumahāyaśāḥ
   dvādtriṃśac ca sahasrāṇi   varṣāṇi sumahā-yaśāḥ /
Halfverse: c    tapovanagato rājā   svargaṃ lebʰe tapodʰanaḥ
   tapo-vana-gato rājā   svargaṃ lebʰe tapo-dʰanaḥ /4/

Verse: 5 
Halfverse: a    dilīpas tu mahātejāḥ   śrutvā paitāmahaṃ vadʰam
   dilīpas tu mahā-tejāḥ   śrutvā paitāmahaṃ vadʰam /
Halfverse: c    duḥkʰopahatayā buddʰyā   niścayaṃ nādʰyagaccʰata
   duḥkʰa_upahatayā buddʰyā   niścayaṃ na_adʰyagaccʰata /5/

Verse: 6 
Halfverse: a    katʰaṃ gaṅgāvataraṇaṃ   katʰaṃ teṣāṃ jalakriyā
   katʰaṃ gaṅgā_avataraṇaṃ   katʰaṃ teṣāṃ jala-kriyā /
Halfverse: c    tārayeyaṃ katʰaṃ caitān   iti cintā paro 'bʰavat
   tārayeyaṃ katʰaṃ ca_etān   iti cintā paro_abʰavat /6/

Verse: 7 
Halfverse: a    tasya cintayato nityaṃ   dʰarmeṇa viditātmanaḥ
   tasya cintayato nityaṃ   dʰarmeṇa vidita_ātmanaḥ /
Halfverse: c    putro bʰagīratʰo nāma   jajñe paramadʰārmikaḥ
   putro bʰagīratʰo nāma   jajñe parama-dʰārmikaḥ /7/

Verse: 8 
Halfverse: a    dilīpas tu mahātejā   yajñair bahubʰir iṣṭavān
   dilīpas tu mahā-tejā   yajñair bahubʰir iṣṭavān /
Halfverse: c    triṃśadvarṣasahasrāṇi   rājā rājyam akārayat
   triṃśad-varṣa-sahasrāṇi   rājā rājyam akārayat /8/

Verse: 9 
Halfverse: a    agatvā niścayaṃ rājā   teṣām uddʰaraṇaṃ prati
   agatvā niścayaṃ rājā   teṣām uddʰaraṇaṃ prati /
Halfverse: c    vyādʰinā naraśārdūla   kāladʰarmam upeyivān
   vyādʰinā nara-śārdūla   kāla-dʰarmam upeyivān /9/

Verse: 10 
Halfverse: a    indralokaṃ gato rājā   svārjitenaiva karmaṇā
   indra-lokaṃ gato rājā   sva_arjitena_eva karmaṇā /
Halfverse: c    ramye bʰagīratʰaṃ putram   abʰiṣicya nararṣabʰaḥ
   ramye bʰagīratʰaṃ putram   abʰiṣicya nara-r̥ṣabʰaḥ /10/

Verse: 11 
Halfverse: a    bʰagīratʰas tu rājarṣir   dʰārmiko ragʰunandana
   bʰagīratʰas tu rāja-r̥ṣir   dʰārmiko ragʰu-nandana /
Halfverse: c    anapatyo mahātejāḥ   prajākāmaḥ sa cāprajaḥ
   anapatyo mahā-tejāḥ   prajā-kāmaḥ sa ca_aprajaḥ /11/

Verse: 12 
Halfverse: a    sa tapo dīrgʰam ātiṣṭʰad   gokarṇe ragʰunandana
   sa tapo dīrgʰam ātiṣṭʰad   go-karṇe ragʰu-nandana /
Halfverse: c    ūrdʰvabāhuḥ pañcatapā   māsāhāro jitendriyaḥ
   ūrdʰva-bāhuḥ pañca-tapā   māsa_āhāro jita_indriyaḥ /12/

Verse: 13 
Halfverse: a    tasya varṣasahasrāṇi   gʰore tapasi tiṣṭʰataḥ
   tasya varṣa-sahasrāṇi   gʰore tapasi tiṣṭʰataḥ /
Halfverse: c    suprīto bʰagavān brahmā   prajānāṃ patir īśvaraḥ
   suprīto bʰagavān brahmā   prajānāṃ patir īśvaraḥ /13/

Verse: 14 
Halfverse: a    tataḥ suragaṇaiḥ sārdʰam   upāgamya pitāmahaḥ
   tataḥ sura-gaṇaiḥ sārdʰam   upāgamya pitāmahaḥ /
Halfverse: c    bʰagīratʰaṃ mahātmānaṃ   tapyamānam atʰābravīt
   bʰagīratʰaṃ mahātmānaṃ   tapyamānam atʰa_abravīt /14/

Verse: 15 
Halfverse: a    bʰagīratʰa mahābʰāga   prītas te 'haṃ janeśvara
   bʰagīratʰa mahā-bʰāga   prītas te_ahaṃ jana_īśvara /
Halfverse: c    tapasā ca sutaptena   varaṃ varaya suvrata
   tapasā ca sutaptena   varaṃ varaya suvrata /15/

Verse: 16 
Halfverse: a    tam uvāca mahātejāḥ   sarvalokapitāmaham
   tam uvāca mahā-tejāḥ   sarva-loka-pitāmaham /
Halfverse: c    bʰagīratʰo mahābʰāgaḥ   kr̥tāñjalir avastʰitaḥ
   bʰagīratʰo mahā-bʰāgaḥ   kr̥ta_añjalir avastʰitaḥ /16/

Verse: 17 
Halfverse: a    yr̥adi me bʰagavān prīto   yady asti tapasaḥ pʰalam
   yr̥adi me bʰagavān prīto   yady asti tapasaḥ pʰalam /
Halfverse: c    sagarasyātmajāḥ sarve   mattaḥ salilam āpnuyuḥ
   sagarasya_ātmajāḥ sarve   mattaḥ salilam āpnuyuḥ /17/

Verse: 18 
Halfverse: a    gaṅgāyāḥ salilaklinne   bʰasmany eṣāṃ mahātmanām
   gaṅgāyāḥ salila-klinne   bʰasmany eṣāṃ mahātmanām /
Halfverse: c    svargaṃ gaccʰeyur atyantaṃ   sarve me prapitāmahāḥ
   svargaṃ gaccʰeyur atyantaṃ   sarve me prapitāmahāḥ /18/

Verse: 19 
Halfverse: a    deyā ca saṃtator deva   nāvasīdet kulaṃ ca naḥ
   deyā ca saṃtator deva   na_avasīdet kulaṃ ca naḥ /
Halfverse: c    ikṣvākūṇāṃ kule deva   eṣa me 'stu varaḥ paraḥ
   ikṣvākūṇāṃ kule deva   eṣa me_astu varaḥ paraḥ /19/

Verse: 20 
Halfverse: a    uktavākyaṃ tu rājānaṃ   sarvalokapitāmahaḥ
   ukta-vākyaṃ tu rājānaṃ   sarva-loka-pitāmahaḥ /
Halfverse: c    pratyuvāca śubʰāṃ vāṇīṃ   madʰurāṃ madʰurākṣarām
   pratyuvāca śubʰāṃ vāṇīṃ   madʰurāṃ madʰura_akṣarām /20/

Verse: 21 
Halfverse: a    manoratʰo mahān eṣa   bʰagīratʰa mahāratʰa
   mano-ratʰo mahān eṣa   bʰagīratʰa mahā-ratʰa /
Halfverse: c    evaṃ bʰavatu bʰadraṃ te   ikṣvākukulavardʰana
   evaṃ bʰavatu bʰadraṃ te   ikṣvāku-kula-vardʰana /21/

Verse: 22 
Halfverse: a    iyaṃ haimavatī gaṅgā   jyeṣṭʰā himavataḥ sutā
   iyaṃ haimavatī gaṅgā   jyeṣṭʰā himavataḥ sutā /
Halfverse: c    tāṃ vai dʰārayituṃ rājan   haras tatra niyujyatām
   tāṃ vai dʰārayituṃ rājan   haras tatra niyujyatām /22/

Verse: 23 
Halfverse: a    gaṅgāyāḥ patanaṃ rājan   pr̥tʰivī na sahiṣyate
   gaṅgāyāḥ patanaṃ rājan   pr̥tʰivī na sahiṣyate /
Halfverse: c    tau vai dʰārayituṃ vīra   nānyaṃ paśyāmi śūlinaḥ
   tau vai dʰārayituṃ vīra   na_anyaṃ paśyāmi śūlinaḥ /23/

Verse: 24 
Halfverse: a    tam evam uktvā rājānaṃ   gaṅgāṃ cābʰāṣya lokakr̥t
   tam evam uktvā rājānaṃ   gaṅgāṃ ca_ābʰāṣya loka-kr̥t /
Halfverse: c    jagāma tridivaṃ devaḥ   saha sarvair marudgaṇaiḥ
   jagāma tridivaṃ devaḥ   saha sarvair marud-gaṇaiḥ /24/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.