TITUS
Ramayana
Part No. 44
Previous part

Chapter: 44 
Adhyāya 44


Verse: 1 
Halfverse: a    viśvāmitravacaḥ śrutvā   rāgʰavaḥ sahalakṣmaṇaḥ
   viśvāmitra-vacaḥ śrutvā   rāgʰavaḥ saha-lakṣmaṇaḥ /
Halfverse: c    vismayaṃ paramaṃ gatvā   viśvāmitram atʰābravīt
   vismayaṃ paramaṃ gatvā   viśvāmitram atʰa_abravīt /1/

Verse: 2 
Halfverse: a    atyadbʰutam idaṃ brahman   katʰitaṃ paramaṃ tvayā
   atyadbʰutam idaṃ brahman   katʰitaṃ paramaṃ tvayā /
Halfverse: c    gaṅgāvataraṇaṃ puṇyaṃ   sāgarasya ca pūraṇam
   gaṅgā_avataraṇaṃ puṇyaṃ   sāgarasya ca pūraṇam /2/

Verse: 3 
Halfverse: a    tasya sā śarvarī sarvā   saha saumitriṇā tadā
   tasya sā śarvarī sarvā   saha saumitriṇā tadā /
Halfverse: c    jagāma cintayānasya   viśvāmitrakatʰāṃ śubʰām
   jagāma cintayānasya   viśvāmitra-katʰāṃ śubʰām /3/

Verse: 4 
Halfverse: a    tataḥ prabʰāte vimale   viśvāmitraṃ mahāmunim
   tataḥ prabʰāte vimale   viśvāmitraṃ mahā-munim /
Halfverse: c    uvāca rāgʰavo vākyaṃ   kr̥tāhnikam ariṃdamaḥ
   uvāca rāgʰavo vākyaṃ   kr̥ta_āhnikam ariṃ-damaḥ /4/

Verse: 5 
Halfverse: a    gatā bʰagavatī rātriḥ   śrotavyaṃ paramaṃ śrutam
   gatā bʰagavatī rātriḥ   śrotavyaṃ paramaṃ śrutam /
Halfverse: c    kṣaṇabʰūteva sā rātriḥ   saṃvr̥tteyaṃ mahātapaḥ
   kṣaṇa-bʰūtā_iva sā rātriḥ   saṃvr̥ttā_iyaṃ mahā-tapaḥ /
Halfverse: e    imāṃ cintayataḥ sarvāṃ   nikʰilena katʰāṃ tava
   imāṃ cintayataḥ sarvāṃ   nikʰilena katʰāṃ tava /5/

Verse: 6 
Halfverse: a    tarāma saritāṃ śreṣṭʰāṃ   puṇyāṃ tripatʰagāṃ nadīm
   tarāma saritāṃ śreṣṭʰāṃ   puṇyāṃ tripatʰagāṃ nadīm /
Halfverse: c    naur eṣā hi sukʰāstīrṇā   r̥ṣīṇāṃ puṇyakarmaṇām
   naur eṣā hi sukʰa_āstīrṇā   r̥ṣīṇāṃ puṇya-karmaṇām /
Halfverse: e    bʰagavantam iha prāptaṃ   jñātvā tvaritam āgatā
   bʰagavantam iha prāptaṃ   jñātvā tvaritam āgatā /6/

Verse: 7 
Halfverse: a    tasya tad vacanaṃ śrutvā   rāgʰavasya mahātmanaḥ
   tasya tad vacanaṃ śrutvā   rāgʰavasya mahātmanaḥ /
Halfverse: c    saṃtāraṃ kārayām āsa   sarṣisaṃgʰaḥ sarāgʰavaḥ
   saṃtāraṃ kārayām āsa   sarṣi-saṃgʰaḥ sarāgʰavaḥ /7/

Verse: 8 
Halfverse: a    uttaraṃ tīram āsādya   saṃpūjyarṣigaṇaṃ tatʰa
   uttaraṃ tīram āsādya   saṃpūjya-r̥ṣi-gaṇaṃ tatʰa /
Halfverse: c    gaṅgākūle niviṣṭās te   viśālāṃ dadr̥śuḥ purīm
   gaṅgā-kūle niviṣṭās te   viśālāṃ dadr̥śuḥ purīm /8/

Verse: 9 
Halfverse: a    tato munivaras tūrṇaṃ   jagāma saharāgʰavaḥ
   tato muni-varas tūrṇaṃ   jagāma saha-rāgʰavaḥ /
Halfverse: c    viśālāṃ nagarīṃ ramyāṃ   divyāṃ svargopamāṃ tadā
   viśālāṃ nagarīṃ ramyāṃ   divyāṃ svarga_upamāṃ tadā /9/

Verse: 10 
Halfverse: a    atʰa rāmo mahāprājño   viśvāmitraṃ mahāmunim
   atʰa rāmo mahā-prājño   viśvāmitraṃ mahā-munim /
Halfverse: c    papraccʰa prāñjalir bʰūtvā   viśālām uttamāṃ purīm
   papraccʰa prāñjalir bʰūtvā   viśālām uttamāṃ purīm /10/

Verse: 11 
Halfverse: a    kataro rājavaṃśo 'yaṃ   viśālāyāṃ mahāmune
   kataro rāja-vaṃśo_ayaṃ   viśālāyāṃ mahā-mune /
Halfverse: c    śrotum iccʰāmi bʰadraṃ te   paraṃ kautūhalaṃ hi me
   śrotum iccʰāmi bʰadraṃ te   paraṃ kautūhalaṃ hi me /11/

Verse: 12 
Halfverse: a    tasya tad vacanaṃ śrutvā   rāmasya munipuṃgavaḥ
   tasya tad vacanaṃ śrutvā   rāmasya muni-puṃgavaḥ /
Halfverse: c    ākʰyātuṃ tat samārebʰe   viśālasya purātanam
   ākʰyātuṃ tat samārebʰe   viśālasya purātanam /12/

Verse: 13 
Halfverse: a    śrūyatāṃ rāma śakrasya   katʰāṃ katʰayataḥ śubʰām
   śrūyatāṃ rāma śakrasya   katʰāṃ katʰayataḥ śubʰām /
Halfverse: c    asmin deśe hi yad vr̥ttaṃ   śr̥ṇu tattvena rāgʰava
   asmin deśe hi yad vr̥ttaṃ   śr̥ṇu tattvena rāgʰava /13/

Verse: 14 
Halfverse: a    pūrvaṃ kr̥tayuge rāma   diteḥ putrā mahābalāḥ
   pūrvaṃ kr̥ta-yuge rāma   diteḥ putrā mahā-balāḥ /
Halfverse: c    aditeś ca mahābʰāgā   vīryavantaḥ sudʰārmikāḥ
   aditeś ca mahā-bʰāgā   vīryavantaḥ sudʰārmikāḥ /14/

Verse: 15 
Halfverse: a    tatas teṣāṃ naraśreṣṭʰa   buddʰir āsīn mahātmanām
   tatas teṣāṃ nara-śreṣṭʰa   buddʰir āsīn mahātmanām /
Halfverse: c    amarā nirjarāś caiva   katʰaṃ syāma nirāmayāḥ
   amarā nirjarāś caiva   katʰaṃ syāma nirāmayāḥ /15/

Verse: 16 
Halfverse: a    teṣāṃ cintayatāṃ rāma   buddʰir āsīd vipaścitām
   teṣāṃ cintayatāṃ rāma   buddʰir āsīd vipaścitām /
Halfverse: c    kṣīrodamatʰanaṃ kr̥tvā   rasaṃ prāpsyāma tatra vai
   kṣīra_uda-matʰanaṃ kr̥tvā   rasaṃ prāpsyāma tatra vai /16/

Verse: 17 
Halfverse: a    tato niścitya matʰanaṃ   yoktraṃ kr̥tvā ca vāsukim
   tato niścitya matʰanaṃ   yoktraṃ kr̥tvā ca vāsukim /
Halfverse: c    mantʰānaṃ mandaraṃ kr̥tvā   mamantʰur amitaujasaḥ
   mantʰānaṃ mandaraṃ kr̥tvā   mamantʰur amita_ojasaḥ /17/

Verse: 18 
Halfverse: a    atʰa dʰanvantarir nāma   apsarāś ca suvarcasaḥ
   atʰa dʰanvantarir nāma   apsarāś ca suvarcasaḥ /
Halfverse: c    apsu nirmatʰanād eva   rasāt tasmād varastriyaḥ
   apsu nirmatʰanād eva   rasāt tasmād vara-striyaḥ /
Halfverse: e    utpetur manujaśreṣṭʰa   tasmād apsaraso 'bʰavan
   utpetur manuja-śreṣṭʰa   tasmād apsaraso_abʰavan /18/

Verse: 19 
Halfverse: a    ṣaṣṭiḥ koṭyo 'bʰavaṃs tāsām   apsarāṇāṃ suvarcasām
   ṣaṣṭiḥ koṭyo_abʰavaṃs tāsām   apsarāṇāṃ suvarcasām /
Halfverse: c    asaṃkʰyeyās tu kākutstʰa   yās tāsāṃ paricārikāḥ
   asaṃkʰyeyās tu kākutstʰa   yās tāsāṃ paricārikāḥ /19/

Verse: 20 
Halfverse: a    na tāḥ sma pratigr̥hṇanti   sarve te devadānavāḥ
   na tāḥ sma pratigr̥hṇanti   sarve te deva-dānavāḥ /
Halfverse: c    apratigrahaṇāc caiva   tena sādʰāraṇāḥ smr̥tāḥ
   apratigrahaṇāc caiva   tena sādʰāraṇāḥ smr̥tāḥ /20/

Verse: 21 
Halfverse: a    varuṇasya tataḥ kanyā   vāruṇī ragʰunandana
   varuṇasya tataḥ kanyā   vāruṇī ragʰu-nandana /
Halfverse: c    utpapāta mahābʰāgā   mārgamāṇā parigraham
   utpapāta mahā-bʰāgā   mārgamāṇā parigraham /21/

Verse: 22 
Halfverse: a    diteḥ putrā na tāṃ rāma   jagr̥hur varuṇātmajām
   diteḥ putrā na tāṃ rāma   jagr̥hur varuṇa_ātmajām /
Halfverse: c    adites tu sutā vīra   jagr̥hus tām aninditām
   adites tu sutā vīra   jagr̥hus tām aninditām /22/

Verse: 23 
Halfverse: a    asurās tena daiteyāḥ   surās tenāditeḥ sutāḥ
   asurās tena daiteyāḥ   surās tena_aditeḥ sutāḥ /
Halfverse: c    hr̥ṣṭāḥ pramuditāś cāsan   vāruṇī grahaṇāt surāḥ
   hr̥ṣṭāḥ pramuditāś ca_āsan   vāruṇī grahaṇāt surāḥ /23/

Verse: 24 
Halfverse: a    uccaiḥśravā hayaśreṣṭʰo   maṇiratnaṃ ca kaustubʰam
   uccaiḥ-śravā haya-śreṣṭʰo   maṇi-ratnaṃ ca kaustubʰam /
Halfverse: c    udatiṣṭʰan naraśreṣṭʰa   tatʰaivāmr̥tam uttamam
   udatiṣṭʰan nara-śreṣṭʰa   tatʰaiva_amr̥tam uttamam /24/

Verse: 25 
Halfverse: a    atʰa tasya kr̥te rāma   mahān āsīt kulakṣayaḥ
   atʰa tasya kr̥te rāma   mahān āsīt kula-kṣayaḥ /
Halfverse: c    adites tu tataḥ putrā   diteḥ putrāna sūdayan {!}
   adites tu tataḥ putrā   diteḥ putrāna sūdayan /25/ {!}

Verse: 26 
Halfverse: a    aditer ātmajā vīrā   diteḥ putrān nijagʰnire
   aditer ātmajā vīrā   diteḥ putrān nijagʰnire /
Halfverse: c    tasmin gʰore mahāyuddʰe   daiteyādityayor bʰr̥śam
   tasmin gʰore mahā-yuddʰe   daiteya_ādityayor bʰr̥śam /26/

Verse: 27 
Halfverse: a    nihatya ditiputrāṃs tu   rājyaṃ prāpya puraṃdaraḥ
   nihatya diti-putrāṃs tu   rājyaṃ prāpya puraṃ-daraḥ /
Halfverse: c    śaśāsa mudito lokān   sarṣisaṃgʰān sacāraṇān
   śaśāsa mudito lokān   sarṣi-saṃgʰān sacāraṇān /27/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.