TITUS
Ramayana
Part No. 48
Previous part

Chapter: 48 
Adhyāya 48


Verse: 1 
Halfverse: a    apʰalas tu tataḥ śakro   devān agnipurogamān
   apʰalas tu tataḥ śakro   devān agni-purogamān /
Halfverse: c    abravīt trastavadanaḥ   sarṣisaṃgʰān sacāraṇān
   abravīt trasta-vadanaḥ   sarṣi-saṃgʰān sacāraṇān /1/

Verse: 2 
Halfverse: a    kurvatā tapaso vigʰnaṃ   gautamasya mahātmanaḥ
   kurvatā tapaso vigʰnaṃ   gautamasya mahātmanaḥ /
Halfverse: c    krodʰam utpādya hi mayā   surakāryam idaṃ kr̥tam
   krodʰam utpādya hi mayā   sura-kāryam idaṃ kr̥tam /2/

Verse: 3 
Halfverse: a    apʰalo 'smi kr̥tas tena   krodʰāt sā ca nirākr̥tā
   apʰalo_asmi kr̥tas tena   krodʰāt sā ca nirākr̥tā /
Halfverse: c    śāpamokṣeṇa mahatā   tapo 'syāpahr̥taṃ mayā
   śāpa-mokṣeṇa mahatā   tapo_asya_apahr̥taṃ mayā /3/

Verse: 4 
Halfverse: a    tan māṃ suravarāḥ sarve   sarṣisaṃgʰāḥ sacāraṇāḥ
   tan māṃ sura-varāḥ sarve   sarṣi-saṃgʰāḥ sacāraṇāḥ /
Halfverse: c    surasāhyakaraṃ sarve   sapʰalaṃ kartum arhatʰa
   sura-sāhya-karaṃ sarve   sapʰalaṃ kartum arhatʰa /4/

Verse: 5 
Halfverse: a    śatakrator vacaḥ śrutvā   devāḥ sāgnipurogamāḥ
   śata-krator vacaḥ śrutvā   devāḥ sāgni-purogamāḥ /
Halfverse: c    pitr̥devān upetyāhuḥ   saha sarvair marudgaṇaiḥ
   pitr̥-devān upetya_āhuḥ   saha sarvair marud-gaṇaiḥ /5/

Verse: 6 
Halfverse: a    ayaṃ meṣaḥ savr̥ṣaṇaḥ   śakro hy avr̥ṣaṇaḥ kr̥taḥ
   ayaṃ meṣaḥ savr̥ṣaṇaḥ   śakro hy avr̥ṣaṇaḥ kr̥taḥ /
Halfverse: c    meṣasya vr̥ṣaṇau gr̥hya   śakrāyāśu prayaccʰata
   meṣasya vr̥ṣaṇau gr̥hya   śakrāya_āśu prayaccʰata /6/

Verse: 7 
Halfverse: a    apʰalas tu kr̥to meṣaḥ   parāṃ tuṣṭiṃ pradāsyati
   apʰalas tu kr̥to meṣaḥ   parāṃ tuṣṭiṃ pradāsyati /
Halfverse: c    bʰavatāṃ harṣaṇārtʰāya   ye ca dāsyanti mānavāḥ
   bʰavatāṃ harṣaṇa_artʰāya   ye ca dāsyanti mānavāḥ /7/

Verse: 8 
Halfverse: a    agnes tu vacanaṃ śrutvā   pitr̥devāḥ samāgatāḥ
   agnes tu vacanaṃ śrutvā   pitr̥-devāḥ samāgatāḥ /
Halfverse: c    utpāṭya meṣavr̥ṣaṇau   sahasrākṣe nyavedayan
   utpāṭya meṣa-vr̥ṣaṇau   sahasra_akṣe nyavedayan /8/

Verse: 9 
Halfverse: a    tadā prabʰr̥ti kākutstʰa   pitr̥devāḥ samāgatāḥ
   tadā prabʰr̥ti kākutstʰa   pitr̥-devāḥ samāgatāḥ / {!}
Halfverse: c    apʰalān bʰuñjate meṣān   pʰalais teṣām ayojayan
   apʰalān bʰuñjate meṣān   pʰalais teṣām ayojayan /9/

Verse: 10 
Halfverse: a    indras tu meṣavr̥ṣaṇas   tadā prabʰr̥ti rāgʰava
   indras tu meṣa-vr̥ṣaṇas   tadā prabʰr̥ti rāgʰava /
Halfverse: c    gautamasya prabʰāvena   tapasaś ca mahātmanaḥ
   gautamasya prabʰāvena   tapasaś ca mahātmanaḥ /10/

Verse: 11 
Halfverse: a    tadāgaccʰa mahāteja   āśramaṃ puṇyakarmaṇaḥ
   tadā_āgaccʰa mahā-teja   āśramaṃ puṇya-karmaṇaḥ /
Halfverse: c    tārayaināṃ mahābʰāgām   ahalyāṃ devarūpiṇīm
   tāraya_enāṃ mahā-bʰāgām   ahalyāṃ deva-rūpiṇīm /11/

Verse: 12 
Halfverse: a    viśvāmitravacaḥ śrutvā   rāgʰavaḥ sahalakṣmaṇaḥ
   viśvāmitra-vacaḥ śrutvā   rāgʰavaḥ saha-lakṣmaṇaḥ /
Halfverse: c    viśvāmitraṃ puraskr̥tya   āśramaṃ praviveśa ha
   viśvāmitraṃ puras-kr̥tya   āśramaṃ praviveśa ha /12/

Verse: 13 
Halfverse: a    dadarśa ca mahābʰāgāṃ   tapasā dyotitaprabʰām
   dadarśa ca mahā-bʰāgāṃ   tapasā dyotita-prabʰām /
Halfverse: c    lokair api samāgamya   durnirīkṣyāṃ surāsuraiḥ
   lokair api samāgamya   durnirīkṣyāṃ sura_asuraiḥ /13/

Verse: 14 
Halfverse: a    prayatnān nirmitāṃ dʰātrā   divyāṃ māyāmayīm iva
   prayatnān nirmitāṃ dʰātrā   divyāṃ māyāmayīm iva /
Halfverse: c    dʰūmenābʰiparītāṅgīṃ   pūrṇacandraprabʰām iva
   dʰūmena_abʰiparīta_aṅgīṃ   pūrṇa-candra-prabʰām iva /14/

Verse: 15 
Halfverse: a    satuṣārāvr̥tāṃ sābʰrāṃ   pūrṇacandraprabʰām iva
   satuṣāra_āvr̥tāṃ sābʰrāṃ   pūrṇa-candra-prabʰām iva /
Halfverse: c    madʰye 'mbʰaso durādʰarṣāṃ   dīptāṃ sūryaprabʰām iva
   madʰye_ambʰaso durādʰarṣāṃ   dīptāṃ sūrya-prabʰām iva /15/

Verse: 16 
Halfverse: a    sa hi gautamavākyena   durnirīkṣyā babʰūva ha
   sa hi gautama-vākyena   durnirīkṣyā babʰūva ha /
Halfverse: c    trayāṇām api lokānāṃ   yāvad rāmasya darśanam
   trayāṇām api lokānāṃ   yāvad rāmasya darśanam /16/

Verse: 17 
Halfverse: a    rāgʰavau tu tatas tasyāḥ   pādau jagr̥hatus tadā
   rāgʰavau tu tatas tasyāḥ   pādau jagr̥hatus tadā /
Halfverse: c    smarantī gautamavacaḥ   pratijagrāha sā ca tau
   smarantī gautama-vacaḥ   pratijagrāha sā ca tau /17/

Verse: 18 
Halfverse: a    pādyam argʰyaṃ tatʰātitʰyaṃ   cakāra susamāhitā
   pādyam argʰyaṃ tatʰā_ātitʰyaṃ   cakāra susamāhitā /
Halfverse: c    pratijagrāha kākutstʰo   vidʰidr̥ṣṭena karmaṇā
   pratijagrāha kākutstʰo   vidʰi-dr̥ṣṭena karmaṇā /18/

Verse: 19 
Halfverse: a    puṣpavr̥ṣṭir mahaty āsīd   devadundubʰinisvanaiḥ
   puṣpa-vr̥ṣṭir mahaty āsīd   deva-dundubʰi-nisvanaiḥ /
Halfverse: c    gandʰarvāpsarasāṃ cāpi   mahān āsīt samāgamaḥ
   gandʰarva_apsarasāṃ ca_api   mahān āsīt samāgamaḥ /19/

Verse: 20 
Halfverse: a    sādʰu sādʰv iti devās tām   ahalyāṃ samapūjayan
   sādʰu sādʰv iti devās tām   ahalyāṃ samapūjayan /
Halfverse: c    tapobalaviśuddʰāṅgīṃ   gautamasya vaśānugām
   tapo-bala-viśuddʰa_aṅgīṃ   gautamasya vaśa_anugām /20/

Verse: 21 
Halfverse: a    gautamo 'pi mahātejā   ahalyāsahitaḥ sukʰī
   gautamo_api mahā-tejā   ahalyā-sahitaḥ sukʰī /
Halfverse: c    rāmaṃ saṃpūjya vidʰivat   tapas tepe mahātapāḥ
   rāmaṃ saṃpūjya vidʰivat   tapas tepe mahā-tapāḥ /21/

Verse: 22 
Halfverse: a    rāmo 'pi paramāṃ pūjāṃ   gautamasya mahāmuneḥ
   rāmo_api paramāṃ pūjāṃ   gautamasya mahā-muneḥ /
Halfverse: c    sakāśād vidʰivat prāpya   jagāma mitʰilāṃ tataḥ
   sakāśād vidʰivat prāpya   jagāma mitʰilāṃ tataḥ /22/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.