TITUS
Ramayana
Part No. 54
Previous part

Chapter: 54 
Adhyāya 54


Verse: 1 
Halfverse: a    tatas tān ākulān dr̥ṣṭvā   viśvāmitrāstramohitān
   tatas tān ākulān dr̥ṣṭvā   viśvāmitra_astra-mohitān /
Halfverse: c    vasiṣṭʰaś codayām āsa   kāmadʰuk sr̥ja yogataḥ
   vasiṣṭʰaś codayām āsa   kāma-dʰuk sr̥ja yogataḥ /1/

Verse: 2 
Halfverse: a    tasyā humbʰāravāj jātāḥ   kāmbojā ravisaṃnibʰāḥ
   tasyā humbʰā-ravāj jātāḥ   kāmbojā ravi-saṃnibʰāḥ /
Halfverse: c    ūdʰasas tv atʰa saṃjātāḥ   pahlavāḥ śastrapāṇayaḥ
   ūdʰasas tv atʰa saṃjātāḥ   pahlavāḥ śastra-pāṇayaḥ /2/

Verse: 3 
Halfverse: a    yonideśāc ca yavanaḥ   śakr̥ddeśāc cʰakās tatʰā
   yoni-deśāc ca yavanaḥ   śakr̥d-deśāt śakās tatʰā /
Halfverse: c    romakūpeṣu meccʰāś ca   harītāḥ sakirātakāḥ
   roma-kūpeṣu meccʰāś ca   harītāḥ sakirātakāḥ /3/

Verse: 4 
Halfverse: a    tais tan niṣūditaṃ sainyaṃ   viśvamitrasya tatkṣaṇāt
   tais tan niṣūditaṃ sainyaṃ   viśvamitrasya tat-kṣaṇāt /
Halfverse: c    sapadātigajaṃ sāśvaṃ   saratʰaṃ ragʰunandana
   sapadāti-gajaṃ sāśvaṃ   saratʰaṃ ragʰu-nandana /4/

Verse: 5 
Halfverse: a    dr̥ṣṭvā niṣūditaṃ sainyaṃ   vasiṣṭʰena mahātmanā
   dr̥ṣṭvā niṣūditaṃ sainyaṃ   vasiṣṭʰena mahātmanā /
Halfverse: c    viśvāmitrasutānāṃ tu   śataṃ nānāvidʰāyudʰam
   viśvāmitra-sutānāṃ tu   śataṃ nānā-vidʰa_āyudʰam /5/

Verse: 6 
Halfverse: a    abʰyadʰāvat susaṃkruddʰaṃ   vasiṣṭʰaṃ japatāṃ varam
   abʰyadʰāvat susaṃkruddʰaṃ   vasiṣṭʰaṃ japatāṃ varam /
Halfverse: c    huṃkāreṇaiva tān sarvān   nirdadāha mahān r̥ṣiḥ
   huṃ-kāreṇa_eva tān sarvān   nirdadāha mahān r̥ṣiḥ /6/

Verse: 7 
Halfverse: a    te sāśvaratʰapādātā   vasiṣṭʰena mahātmanā
   te sāśva-ratʰa-pādātā   vasiṣṭʰena mahātmanā /
Halfverse: c    bʰasmīkr̥tā muhūrtena   viśvāmitrasutās tadā
   bʰasmī-kr̥tā muhūrtena   viśvāmitra-sutās tadā /7/

Verse: 8 
Halfverse: a    dr̥ṣṭvā vināśitān putrān   balaṃ ca sumahāyaśāḥ
   dr̥ṣṭvā vināśitān putrān   balaṃ ca sumahā-yaśāḥ /
Halfverse: c    savrīḍaś cintayāviṣṭo   viśvāmitro 'bʰavat tadā
   savrīḍaś cintayā_āviṣṭo   viśvāmitro_abʰavat tadā /8/

Verse: 9 
Halfverse: a    saṃdura iva nirvego   bʰagnadaṃṣṭra ivoragaḥ
   saṃdura iva nirvego   bʰagna-daṃṣṭra iva_uragaḥ /
Halfverse: c    uparakta ivādityaḥ   sadyo niṣprabʰatāṃ gataḥ
   uparakta iva_ādityaḥ   sadyo niṣprabʰatāṃ gataḥ /9/

Verse: 10 
Halfverse: a    hataputrabalo dīno   lūnapakṣa iva dvijaḥ
   hata-putra-balo dīno   lūna-pakṣa iva dvijaḥ /
Halfverse: c    hatadarpo hatotsāho   nirvedaṃ samapadyata
   hata-darpo hata_utsāho   nirvedaṃ samapadyata /10/

Verse: 11 
Halfverse: a    sa putram ekaṃ rājyāya   pālayeti niyujya ca
   sa putram ekaṃ rājyāya   pālaya_iti niyujya ca /
Halfverse: c    pr̥tʰivīṃ kṣatradʰarmeṇa   vanam evānvapadyata
   pr̥tʰivīṃ kṣatra-dʰarmeṇa   vanam eva_anvapadyata /11/

Verse: 12 
Halfverse: a    sa gatvā himavatpārśvaṃ   kiṃnaroragasevitam
   sa gatvā himavat-pārśvaṃ   kiṃnara_uraga-sevitam /
Halfverse: c    mahādevaprasādārtʰaṃ   tapas tepe mahātapāḥ
   mahā-deva-prasāda_artʰaṃ   tapas tepe mahā-tapāḥ /12/

Verse: 13 
Halfverse: a    kena cit tv atʰa kālena   deveśo vr̥ṣabʰadʰvajaḥ
   kenacit tv atʰa kālena   deva_īśo vr̥ṣabʰa-dʰvajaḥ /
Halfverse: c    darśayām āsa varado   viśvāmitraṃ mahāmunim
   darśayām āsa varado   viśvāmitraṃ mahā-munim /13/

Verse: 14 
Halfverse: a    kimartʰaṃ tapyase rājan   brūhi yat te vivakṣitam
   kim-artʰaṃ tapyase rājan   brūhi yat te vivakṣitam /
Halfverse: c    varado 'smi varo yas te   kāṅkṣitaḥ so 'bʰidʰīyatām
   varado_asmi varo yas te   kāṅkṣitaḥ so_abʰidʰīyatām /14/

Verse: 15 
Halfverse: a    evam uktas tu devena   viśvāmitro mahātapāḥ
   evam uktas tu devena   viśvāmitro mahā-tapāḥ /
Halfverse: c    praṇipatya mahādevam   idaṃ vacanam abravīt
   praṇipatya mahā-devam   idaṃ vacanam abravīt /15/

Verse: 16 
Halfverse: a    yadi tuṣṭo mahādeva   dʰanurvedo mamānagʰa
   yadi tuṣṭo mahā-deva   dʰanur-vedo mama_anagʰa /
Halfverse: c    sāṅgopāṅgopaniṣadaḥ   sarahasyaḥ pradīyatām
   sāṅga_upāṅga_upaniṣadaḥ   sarahasyaḥ pradīyatām /16/

Verse: 17 
Halfverse: a    yāni deveṣu cāstrāṇi   dānaveṣu maharṣiṣu
   yāni deveṣu ca_astrāṇi   dānaveṣu maharṣiṣu /
Halfverse: c    gandʰarvayakṣarakṣaḥsu   pratibʰāntu mamānagʰa
   gandʰarva-yakṣa-rakṣaḥsu   pratibʰāntu mama_anagʰa /17/

Verse: 18 
Halfverse: a    tava prasādād bʰavatu   devadeva mamepsitam
   tava prasādād bʰavatu   deva-deva mama_īpsitam /
Halfverse: c    evam astv iti deveśo   vākyam uktvā divaṃ gataḥ
   evam astv iti deva_īśo   vākyam uktvā divaṃ gataḥ /18/

Verse: 19 
Halfverse: a    prāpya cāstrāṇi rājarṣir   viśvāmitro mahābalaḥ
   prāpya ca_astrāṇi rājarṣir   viśvāmitro mahā-balaḥ /
Halfverse: c    darpeṇa mahatā yukto   darpapūrṇo 'bʰavat tadā
   darpeṇa mahatā yukto   darpa-pūrṇo_abʰavat tadā /19/

Verse: 20 
Halfverse: a    vivardʰamāno vīryeṇa   samudra iva parvaṇi
   vivardʰamāno vīryeṇa   samudra iva parvaṇi /
Halfverse: c    hatam eva tadā mene   vasiṣṭʰam r̥ṣisattamam
   hatam eva tadā mene   vasiṣṭʰam r̥ṣi-sattamam /20/

Verse: 21 
Halfverse: a    tato gatvāśramapadaṃ   mumocāstrāṇi pārtʰivaḥ
   tato gatvā_āśrama-padaṃ   mumoca_astrāṇi pārtʰivaḥ /
Halfverse: c    yais tat tapovanaṃ sarvaṃ   nirdagdʰaṃ cāstratejasā
   yais tat tapo-vanaṃ sarvaṃ   nirdagdʰaṃ ca_astra-tejasā /21/

Verse: 22 
Halfverse: a    udīryamāṇam astraṃ tad   viśvāmitrasya dʰīmataḥ
   udīryamāṇam astraṃ tad   viśvāmitrasya dʰīmataḥ /
Halfverse: c    dr̥ṣṭvā vipradrutā bʰītā   munayaḥ śataśo diśaḥ
   dr̥ṣṭvā vipradrutā bʰītā   munayaḥ śataśo diśaḥ /22/

Verse: 23 
Halfverse: a    vasiṣṭʰasya ca ye śiṣyās   tatʰaiva mr̥gapakṣiṇaḥ
   vasiṣṭʰasya ca ye śiṣyās   tatʰaiva mr̥ga-pakṣiṇaḥ /
Halfverse: c    vidravanti bʰayād bʰītā   nānādigbʰyaḥ sahasraśaḥ
   vidravanti bʰayād bʰītā   nānā-digbʰyaḥ sahasraśaḥ /23/

Verse: 24 
Halfverse: a    vasiṣṭʰasyāśramapadaṃ   śūnyam āsīn mahātmanaḥ
   vasiṣṭʰasya_āśrama-padaṃ   śūnyam āsīn mahātmanaḥ /
Halfverse: c    muhūrtam iva niḥśabdam   āsīd īriṇasaṃnibʰam
   muhūrtam iva niḥśabdam   āsīd īriṇa-saṃnibʰam /24/

Verse: 25 
Halfverse: a    vadato vai vasiṣṭʰasya   mā bʰaiṣṭeti muhur muhuḥ
   vadato vai vasiṣṭʰasya   mā bʰaiṣṭa_iti muhur muhuḥ /
Halfverse: c    nāśayāmy adya gādʰeyaṃ   nīhāram iva bʰāskaraḥ
   nāśayāmy adya gādʰeyaṃ   nīhāram iva bʰāskaraḥ /25/

Verse: 26 
Halfverse: a    evam uktvā mahātejā   vasiṣṭʰo japatāṃ varaḥ
   evam uktvā mahā-tejā   vasiṣṭʰo japatāṃ varaḥ /
Halfverse: c    viśvāmitraṃ tadā vākyaṃ   saroṣam idam abravīt
   viśvāmitraṃ tadā vākyaṃ   saroṣam idam abravīt /26/

Verse: 27 
Halfverse: a    āśramaṃ cirasaṃvr̥ddʰaṃ   yad vināśitavān asi
   āśramaṃ cira-saṃvr̥ddʰaṃ   yad vināśitavān asi /
Halfverse: c    durācāro 'si yan mūḍʰa   tasmāt tvaṃ na bʰaviṣyasi
   durācāro_asi yan mūḍʰa   tasmāt tvaṃ na bʰaviṣyasi /27/

Verse: 28 
Halfverse: a    ity uktvā paramakruddʰo   daṇḍam udyamya satvaraḥ
   ity uktvā parama-kruddʰo   daṇḍam udyamya satvaraḥ /
Halfverse: c    vidʰūma iva kālāgnir   yamadaṇḍam ivāparam
   vidʰūma iva kāla_agnir   yama-daṇḍam iva_aparam /28/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.