TITUS
Ramayana
Part No. 58
Previous part

Chapter: 58 
Adhyāya 58


Verse: 1 
Halfverse: a    uktavākyaṃ tu rājānaṃ   kr̥payā kuśikātmajaḥ
   ukta-vākyaṃ tu rājānaṃ   kr̥payā kuśika_ātmajaḥ /
Halfverse: c    abravīn madʰuraṃ vākyaṃ   sākṣāc caṇḍālarūpiṇam
   abravīn madʰuraṃ vākyaṃ   sākṣāc caṇḍāla-rūpiṇam /1/

Verse: 2 
Halfverse: a    ikṣvāko svāgataṃ vatsa   jānāmi tvāṃ sudʰārmikam
   ikṣvāko svāgataṃ vatsa   jānāmi tvāṃ sudʰārmikam /
Halfverse: c    śaraṇaṃ te bʰaviṣyāmi   mā bʰaiṣīr nr̥papuṃgava
   śaraṇaṃ te bʰaviṣyāmi   mā bʰaiṣīr nr̥pa-puṃgava /2/

Verse: 3 
Halfverse: a    aham āmantraye sarvān   maharṣīn puṇyakarmaṇaḥ
   aham āmantraye sarvān   maharṣīn puṇya-karmaṇaḥ /
Halfverse: c    yajñasāhyakarān rājaṃs   tato yakṣyasi nirvr̥taḥ
   yajña-sāhya-karān rājaṃs   tato yakṣyasi nirvr̥taḥ /3/

Verse: 4 
Halfverse: a    guruśāpakr̥taṃ rūpaṃ   yad idaṃ tvayi vartate
   guru-śāpa-kr̥taṃ rūpaṃ   yad idaṃ tvayi vartate /
Halfverse: c    anena saha rūpeṇa   saśarīro gamiṣyasi
   anena saha rūpeṇa   saśarīro gamiṣyasi /4/

Verse: 5 
Halfverse: a    hastaprāptam ahaṃ manye   svargaṃ tava nareśvara
   hasta-prāptam ahaṃ manye   svargaṃ tava nara_īśvara /
Halfverse: c    yas tvaṃ kauśikam āgamya   śaraṇyaṃ śaraṇaṃ gataḥ
   yas tvaṃ kauśikam āgamya   śaraṇyaṃ śaraṇaṃ gataḥ /5/

Verse: 6 
Halfverse: a    evam uktvā mahātejāḥ   putrān paramadʰārmikān
   evam uktvā mahā-tejāḥ   putrān parama-dʰārmikān /
Halfverse: c    vyādideśa mahāprājñān   yajñasaṃbʰārakāraṇāt
   vyādideśa mahā-prājñān   yajña-saṃbʰāra-kāraṇāt /6/

Verse: 7 
Halfverse: a    sarvāñ śiṣyān samāhūya   vākyam etad uvāca ha
   sarvān śiṣyān samāhūya   vākyam etad uvāca ha /7/ {ab only}

Verse: 8 
Halfverse: a    sarvān r̥ṣivarān vatsā   ānayadʰvaṃ mamājñayā
   sarvān r̥ṣi-varān vatsā   ānayadʰvaṃ mama_ājñayā /
Halfverse: c    saśiṣyān suhr̥daś caiva   sartvijaḥ subahuśrutān
   saśiṣyān suhr̥daś caiva   sa-r̥tvijaḥ subahu-śrutān /8/

Verse: 9 
Halfverse: a    yad anyo vacanaṃ brūyān   madvākyabalacoditaḥ
   yad anyo vacanaṃ brūyān   mad-vākya-bala-coditaḥ /
Halfverse: c    tat sarvam akʰilenoktaṃ   mamākʰyeyam anādr̥tam
   tat sarvam akʰilena_uktaṃ   mama_ākʰyeyam anādr̥tam /9/

Verse: 10 
Halfverse: a    tasya tadvacanaṃ śrutvā   diśo jagmus tadājñayā
   tasya tad-vacanaṃ śrutvā   diśo jagmus tadā_ājñayā /
Halfverse: c    ājagmur atʰa deśebʰyaḥ   sarvebʰyo brahmavādinaḥ
   ājagmur atʰa deśebʰyaḥ   sarvebʰyo brahma-vādinaḥ /10/

Verse: 11 
Halfverse: a    te ca śiṣyāḥ samāgamya   muniṃ jvalitatejasaṃ
   te ca śiṣyāḥ samāgamya   muniṃ jvalita-tejasaṃ /
Halfverse: c    ūcuś ca vacanaṃ sarve   sarveṣāṃ brahmavādinām
   ūcuś ca vacanaṃ sarve   sarveṣāṃ brahma-vādinām /11/

Verse: 12 
Halfverse: a    śrutvā te vacanaṃ sarve   samāyānti dvijātayaḥ
   śrutvā te vacanaṃ sarve   samāyānti dvijātayaḥ /
Halfverse: c    sarvadeśeṣu cāgaccʰan   varjayitvā mahodayam
   sarva-deśeṣu ca_agaccʰan   varjayitvā mahā_udayam /12/

Verse: 13 
Halfverse: a    vāsiṣṭʰaṃ tac cʰataṃ sarvaṃ   krodʰaparyākulākṣaram
   vāsiṣṭʰaṃ tat śataṃ sarvaṃ   krodʰa-paryākula_akṣaram /
Halfverse: c    yad āha vacanaṃ sarvaṃ   śr̥ṇu tvaṃ munipuṃgava
   yad āha vacanaṃ sarvaṃ   śr̥ṇu tvaṃ muni-puṃgava /13/

Verse: 14 
Halfverse: a    kṣatriyo yājako yasya   caṇḍālasya viśeṣataḥ
   kṣatriyo yājako yasya   caṇḍālasya viśeṣataḥ /
Halfverse: c    katʰaṃ sadasi bʰoktāro   havis tasya surarṣayaḥ
   katʰaṃ sadasi bʰoktāro   havis tasya sura-r̥ṣayaḥ /14/

Verse: 15 
Halfverse: a    brāhmaṇā vā mahātmāno   bʰuktvā caṇḍālabʰojanam
   brāhmaṇā vā mahātmāno   bʰuktvā caṇḍāla-bʰojanam /
Halfverse: c    katʰaṃ svargaṃ gamiṣyanti   viśvāmitreṇa pālitāḥ
   katʰaṃ svargaṃ gamiṣyanti   viśvāmitreṇa pālitāḥ /15/

Verse: 16 
Halfverse: a    etad vacanaṃ naiṣṭʰuryam   ūcuḥ saṃraktalocanāḥ
   etad vacanaṃ naiṣṭʰuryam   ūcuḥ saṃrakta-locanāḥ /
Halfverse: c    vāsiṣṭʰā muniśārdūla   sarve te samahodayāḥ
   vāsiṣṭʰā muni-śārdūla   sarve te samahā_udayāḥ /16/

Verse: 17 
Halfverse: a    teṣāṃ tadvacanaṃ śrutvā   sarveṣāṃ munipuṃgavaḥ
   teṣāṃ tad-vacanaṃ śrutvā   sarveṣāṃ muni-puṃgavaḥ /
Halfverse: c    krodʰasaṃraktanayanaḥ   saroṣam idam abravīt
   krodʰa-saṃrakta-nayanaḥ   saroṣam idam abravīt /17/

Verse: 18 
Halfverse: a    yad dūṣayanty aduṣṭaṃ māṃ   tapa ugraṃ samāstʰitam
   yad dūṣayanty aduṣṭaṃ māṃ   tapa ugraṃ samāstʰitam /
Halfverse: c    bʰasmībʰūtā durātmāno   bʰaviṣyanti na saṃśayaḥ
   bʰasmī-bʰūtā durātmāno   bʰaviṣyanti na saṃśayaḥ /18/

Verse: 19 
Halfverse: a    adya te kālapāśena   nītā vaivasvatakṣayam
   adya te kāla-pāśena   nītā vaivasvata-kṣayam / {!}
Halfverse: c    saptajātiśatāny eva   mr̥tapāḥ santu sarvaśaḥ
   sapta-jāti-śatāny eva   mr̥tapāḥ santu sarvaśaḥ /19/

Verse: 20 
Halfverse: a    śvamāṃsaniyatāhārā   muṣṭikā nāma nirgʰr̥ṇāḥ
   śva-māṃsa-niyata_āhārā   muṣṭikā nāma nirgʰr̥ṇāḥ /
Halfverse: c    vikr̥tāś ca virūpāś ca   lokān anucarantv imān
   vikr̥tāś ca virūpāś ca   lokān anucarantv imān /20/

Verse: 21 
Halfverse: a    mahodayaś ca durbuddʰir   mām adūṣyaṃ hy adūṣayat
   mahā_udayaś ca durbuddʰir   mām adūṣyaṃ hy adūṣayat /
Halfverse: c    dūṣiṭaḥ sarvalokeṣu   niṣādatvaṃ gamiṣyati
   dūṣiṭaḥ sarva-lokeṣu   niṣādatvaṃ gamiṣyati /21/

Verse: 22 
Halfverse: a    prāṇātipātanirato   niranukrośatāṃ gataḥ
   prāṇa_atipāta-nirato   niranukrośatāṃ gataḥ /
Halfverse: c    dīrgʰakālaṃ mama krodʰād   durgatiṃ vartayiṣyati
   dīrgʰa-kālaṃ mama krodʰād   durgatiṃ vartayiṣyati /22/

Verse: 23 
Halfverse: a    etāvad uktvā vacanaṃ   viśvāmitro mahātapāḥ
   etāvad uktvā vacanaṃ   viśvāmitro mahā-tapāḥ /
Halfverse: c    virarāma mahātejā   r̥ṣimadʰye mahāmuniḥ
   virarāma mahā-tejā   r̥ṣi-madʰye mahā-muniḥ /23/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.