TITUS
Ramayana
Part No. 60
Previous part

Chapter: 60 
Adhyāya 60


Verse: 1 
Halfverse: a    viśvāmitro mahātmātʰa   prastʰitān prekṣya tān r̥ṣīn
   viśvāmitro mahātmā_atʰa   prastʰitān prekṣya tān r̥ṣīn /
Halfverse: c    abravīn naraśārdūla   sarvāṃs tān vanavāsinaḥ
   abravīn nara-śārdūla   sarvāṃs tān vana-vāsinaḥ /1/

Verse: 2 
Halfverse: a    mahāvigʰnaḥ pravr̥tto 'yaṃ   dakṣiṇām āstʰito diśam
   mahā-vigʰnaḥ pravr̥tto_ayaṃ   dakṣiṇām āstʰito diśam /
Halfverse: c    diśam anyāṃ prapatsyāmas   tatra tapsyāmahe tapaḥ
   diśam anyāṃ prapatsyāmas   tatra tapsyāmahe tapaḥ /2/

Verse: 3 
Halfverse: a    paścimāyāṃ viśālāyāṃ   puṣkareṣu mahātmanaḥ
   paścimāyāṃ viśālāyāṃ   puṣkareṣu mahātmanaḥ /
Halfverse: c    sukʰaṃ tapaś cariṣyāmaḥ   paraṃ tad dʰi tapovanam
   sukʰaṃ tapaś cariṣyāmaḥ   paraṃ tadd^hi tapo-vanam /3/

Verse: 4 
Halfverse: a    evam uktvā mahātejāḥ   puṣkareṣu mahāmuniḥ
   evam uktvā mahā-tejāḥ   puṣkareṣu mahā-muniḥ /
Halfverse: c    tapa ugraṃ durādʰarṣaṃ   tepe mūlapʰalāśanaḥ
   tapa ugraṃ durādʰarṣaṃ   tepe mūla-pʰala_aśanaḥ /4/

Verse: 5 
Halfverse: a    etasminn eva kāle tu   ayodʰyādʰipatir nr̥paḥ
   etasminn eva kāle tu   ayodʰyā_adʰipatir nr̥paḥ /
Halfverse: c    ambarīṣa iti kʰyāto   yaṣṭuṃ samupacakrame
   ambarīṣa iti kʰyāto   yaṣṭuṃ samupacakrame /5/

Verse: 6 
Halfverse: a    tasya vai yajamānasya   paśum indro jahāra ha
   tasya vai yajamānasya   paśum indro jahāra ha /
Halfverse: c    pranaṣṭe tu paśau vipro   rājānam idam abravīt
   pranaṣṭe tu paśau vipro   rājānam idam abravīt /6/

Verse: 7 
Halfverse: a    paśur adya hr̥to rājan   pranaṣṭas tava durnayāt
   paśur adya hr̥to rājan   pranaṣṭas tava durnayāt /
Halfverse: c    arakṣitāraṃ rājānaṃ   gʰnanti doṣā nareśvara
   arakṣitāraṃ rājānaṃ   gʰnanti doṣā nara_īśvara /7/

Verse: 8 
Halfverse: a    prāyaścittaṃ mahad dʰy etan   naraṃ vā puruṣarṣabʰa
   prāyaś-cittaṃ mahadd^hy etan   naraṃ vā puruṣa-r̥ṣabʰa /
Halfverse: c    ānayasva paśuṃ śīgʰraṃ   yāvat karma pravartate
   ānayasva paśuṃ śīgʰraṃ   yāvat karma pravartate /8/

Verse: 9 
Halfverse: a    upādʰyāya vacaḥ śrutvā   sa rājā puruṣarṣabʰa
   upādʰyāya vacaḥ śrutvā   sa rājā puruṣa-r̥ṣabʰa /
Halfverse: c    anviyeṣa mahābuddʰiḥ   paśuṃ gobʰiḥ sahasraśaḥ
   anviyeṣa mahā-buddʰiḥ   paśuṃ gobʰiḥ sahasraśaḥ /9/

Verse: 10 
Halfverse: a    deśāñ janapadāṃs tāṃs tān   nagarāṇi vanāni ca
   deśān janapadāṃs tāṃs tān   nagarāṇi vanāni ca /
Halfverse: c    āśramāṇi ca puṇyāni   mārgamāṇo mahīpatiḥ
   āśramāṇi ca puṇyāni   mārgamāṇo mahī-patiḥ /10/

Verse: 11 
Halfverse: a    sa putrasahitaṃ tāta   sabʰāryaṃ ragʰunandana
   sa putra-sahitaṃ tāta   sabʰāryaṃ ragʰu-nandana /
Halfverse: c    bʰr̥gutunde samāsīnam   r̥cīkaṃ saṃdadarśa ha
   bʰr̥gu-tunde samāsīnam   r̥cīkaṃ saṃdadarśa ha /11/

Verse: 12 
Halfverse: a    tam uvāca mahātejāḥ   praṇamyābʰiprasādya ca
   tam uvāca mahā-tejāḥ   praṇamya_abʰiprasādya ca /
Halfverse: c    brahmarṣiṃ tapasā dīptaṃ   rājarṣir amitaprabʰaḥ
   brahma-r̥ṣiṃ tapasā dīptaṃ   rāja-r̥ṣir amita-prabʰaḥ /
Halfverse: e    pr̥ṣṭvā sarvatra kuśalam   r̥cīkaṃ tam idaṃ vacaḥ
   pr̥ṣṭvā sarvatra kuśalam   r̥cīkaṃ tam idaṃ vacaḥ /12/

Verse: 13 
Halfverse: a    gavāṃ śatasahasreṇa   vikriṇīṣe sutaṃ yadi
   gavāṃ śata-sahasreṇa   vikriṇīṣe sutaṃ yadi /
Halfverse: c    paśor artʰe mahābʰāga   kr̥takr̥tyo 'smi bʰārgava
   paśor artʰe mahā-bʰāga   kr̥ta-kr̥tyo_asmi bʰārgava /13/

Verse: 14 
Halfverse: a    sarve parisr̥tā deśā   yajñiyaṃ na labʰe paśum
   sarve parisr̥tā deśā   yajñiyaṃ na labʰe paśum /
Halfverse: c    dātum arhasi mūlyena   sutam ekam ito mama
   dātum arhasi mūlyena   sutam ekam ito mama /14/

Verse: 15 
Halfverse: a    evam ukto mahātejā   r̥cīkas tv abravīd vacaḥ
   evam ukto mahā-tejā   r̥cīkas tv abravīd vacaḥ /
Halfverse: c    nāhaṃ jyeṣṭʰaṃ naraśreṣṭʰaṃ   vikrīṇīyāṃ katʰaṃ cana
   na_ahaṃ jyeṣṭʰaṃ nara-śreṣṭʰaṃ   vikrīṇīyāṃ katʰaṃcana /15/

Verse: 16 
Halfverse: a    r̥cīkasya vacaḥ śrutvā   teṣāṃ mātā mahātmanām
   r̥cīkasya vacaḥ śrutvā   teṣāṃ mātā mahātmanām /
Halfverse: c    uvāca naraśārdūlam   ambarīṣaṃ tapasvinī
   uvāca nara-śārdūlam   ambarīṣaṃ tapasvinī /16/

Verse: 17 
Halfverse: a    mamāpi dayitaṃ viddʰi   kaniṣṭʰaṃ śunakaṃ nr̥pa
   mama_api dayitaṃ viddʰi   kaniṣṭʰaṃ śunakaṃ nr̥pa /17/ {ab only}

Verse: 18 
Halfverse: a    prāyeṇa hi naraśreṣṭʰa   jyeṣṭʰāḥ pitr̥ṣu vallabʰāḥ
   prāyeṇa hi nara-śreṣṭʰa   jyeṣṭʰāḥ pitr̥ṣu vallabʰāḥ /
Halfverse: c    mātr̥̄ṇāṃ ca kanīyāṃsas   tasmād rakṣe kanīyasaṃ
   mātr̥̄ṇāṃ ca kanīyāṃsas   tasmād rakṣe kanīyasaṃ /18/

Verse: 19 
Halfverse: a    uktavākye munau tasmin   munipatnyāṃ tatʰaiva ca
   ukta-vākye munau tasmin   muni-patnyāṃ tatʰaiva ca /
Halfverse: c    śunaḥśepaḥ svayaṃ rāma   madʰyamo vākyam abravīt
   śunaḥ-śepaḥ svayaṃ rāma   madʰyamo vākyam abravīt /19/

Verse: 20 
Halfverse: a    pitā jyeṣṭʰam avikreyaṃ   mātā cāha kanīyasaṃ
   pitā jyeṣṭʰam avikreyaṃ   mātā ca_āha kanīyasaṃ /
Halfverse: c    vikrītaṃ madʰyamaṃ manye   rājan putraṃ nayasva mām
   vikrītaṃ madʰyamaṃ manye   rājan putraṃ nayasva mām /20/

Verse: 21 
Halfverse: a    gavāṃ śatasahasreṇa   śunaḥśepaṃ nareśvaraḥ
   gavāṃ śata-sahasreṇa   śunaḥ-śepaṃ nara_īśvaraḥ /
Halfverse: c    gr̥hītvā paramaprīto   jagāma ragʰunandana
   gr̥hītvā parama-prīto   jagāma ragʰu-nandana /21/

Verse: 22 
Halfverse: a    ambarīṣas tu rājarṣī   ratʰam āropya satvaraḥ
   ambarīṣas tu rājarṣī   ratʰam āropya satvaraḥ /
Halfverse: c    śunaḥśepaṃ mahātejā   jagāmāśu mahāyaśāḥ
   śunaḥ-śepaṃ mahā-tejā   jagāma_āśu mahā-yaśāḥ /22/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.