TITUS
Ramayana
Part No. 394
Previous part

Chapter: 3 
Adhyāya 3


Verse: 1 
Halfverse: a    sugrīvasya vacaḥ śrutvā   hetumat paramārtʰavit
   sugrīvasya vacaḥ śrutvā   hetumat parama_artʰavit /
Halfverse: c    pratijagrāha kākutstʰo   hanūmantam atʰābravīt
   pratijagrāha kākutstʰo   hanūmantam atʰa_abravīt /1/

Verse: 2 
Halfverse: a    tarasā setubandʰena   sāgaroccʰoṣaṇena vā
   tarasā setu-bandʰena   sāgara_uccʰoṣaṇena vā /
Halfverse: c    sarvatʰā susamartʰo 'smi   sāgarasyāsya laṅgʰane
   sarvatʰā susamartʰo_asmi   sāgarasya_asya laṅgʰane /2/

Verse: 3 
Halfverse: a    kati durgāṇi durgāyā   laṅkāyās tad bravīhi me
   kati durgāṇi durgāyā   laṅkāyās tad bravīhi me /
Halfverse: c    jñātum iccʰāmi tat sarvaṃ   darśanād iva vānara
   jñātum iccʰāmi tat sarvaṃ   darśanād iva vānara /3/

Verse: 4 
Halfverse: a    balasya parimāṇaṃ ca   dvāradurgakriyām api
   balasya parimāṇaṃ ca   dvāra-durga-kriyām api /
Halfverse: c    gupti karma ca laṅkāyā   rakṣasāṃ sadanāni ca
   gupti karma ca laṅkāyā   rakṣasāṃ sadanāni ca /4/

Verse: 5 
Halfverse: a    yatʰāsukʰaṃ yatʰāvac ca   laṅkāyām asi dr̥ṣṭavān
   yatʰā-sukʰaṃ yatʰāvac ca   laṅkāyām asi dr̥ṣṭavān /
Halfverse: c    saram ācakṣva tattvena   sarvatʰā kuśalo hy asi
   saram ācakṣva tattvena   sarvatʰā kuśalo hy asi /5/

Verse: 6 
Halfverse: a    śrutvā rāmasya vacanaṃ   hanūmān mārutātmajaḥ
   śrutvā rāmasya vacanaṃ   hanūmān māruta_ātmajaḥ /
Halfverse: c    vākyaṃ vākyavidāṃ śreṣṭʰo   rāmaṃ punar atʰābravīt
   vākyaṃ vākyavidāṃ śreṣṭʰo   rāmaṃ punar atʰa_abravīt /6/

Verse: 7 
Halfverse: a    śrūyatāṃ sarvam ākʰyāsye   durgakarmavidʰānataḥ
   śrūyatāṃ sarvam ākʰyāsye   durga-karma-vidʰānataḥ /
Halfverse: c    guptā purī yatʰā laṅkā   rakṣitā ca yatʰā balaiḥ
   guptā purī yatʰā laṅkā   rakṣitā ca yatʰā balaiḥ /7/

Verse: 8 
Halfverse: a    parāṃ samr̥ddʰiṃ laṅkāyāḥ   sāgarasya ca bʰīmatām
   parāṃ samr̥ddʰiṃ laṅkāyāḥ   sāgarasya ca bʰīmatām /
Halfverse: c    vibʰāgaṃ ca balaugʰasya   nirdeśaṃ vāhanasya ca
   vibʰāgaṃ ca bala_ogʰasya   nirdeśaṃ vāhanasya ca /8/

Verse: 9 
Halfverse: a    prahr̥ṣṭā muditā laṅkā   mattadvipasamākulā
   prahr̥ṣṭā muditā laṅkā   matta-dvipa-samākulā /
Halfverse: c    mahatī ratʰasaṃpūrṇā   rakṣogaṇasamākulā
   mahatī ratʰa-saṃpūrṇā   rakṣo-gaṇa-samākulā /9/

Verse: 10 
Halfverse: a    dr̥ḍʰabaddʰakavāṭāni   mahāparigʰavanti ca
   dr̥ḍʰa-baddʰa-kavāṭāni   mahā-parigʰavanti ca /
Halfverse: c    dvārāṇi vipulāny asyāś   catvāri sumahānti ca
   dvārāṇi vipulāny asyās   catvāri sumahānti ca /10/

Verse: 11 
Halfverse: a    vapreṣūpalayantrāṇi   balavanti mahānti ca
   vapra_iṣu_upala-yantrāṇi   balavanti mahānti ca /
Halfverse: c    āgataṃ parasainyaṃ tais   tatra pratinivāryate
   āgataṃ para-sainyaṃ tais   tatra pratinivāryate /11/

Verse: 12 
Halfverse: a    dvāreṣu saṃskr̥tā bʰīmāḥ   kālāyasamayāḥ śitāḥ
   dvāreṣu saṃskr̥tā bʰīmāḥ   kāla_āyasa-mayāḥ śitāḥ /
Halfverse: c    śataśo rocitā vīraiḥ   śatagʰnyo rakṣasāṃ gaṇaiḥ
   śataśo rocitā vīraiḥ   śatagʰnyo rakṣasāṃ gaṇaiḥ /12/

Verse: 13 
Halfverse: a    sauvarṇaś ca mahāṃs tasyāḥ   prākāro duṣpradʰarṣaṇaḥ
   sauvarṇaś ca mahāṃs tasyāḥ   prākāro duṣpradʰarṣaṇaḥ /
Halfverse: c    maṇividrumavaidūryamuktāvicaritāntaraḥ
   maṇi-vidruma-vaidūrya-muktā-vicarita_antaraḥ /13/ {Pāda}

Verse: 14 
Halfverse: a    sarvataś ca mahābʰīmāḥ   śītatoyā mahāśubʰāḥ
   sarvataś ca mahā-bʰīmāḥ   śīta-toyā mahā-śubʰāḥ /
Halfverse: c    agādʰā grāhavatyaś ca   parikʰā mīnasevitāḥ
   agādʰā grāhavatyaś ca   parikʰā mīna-sevitāḥ /14/

Verse: 15 
Halfverse: a    dvāreṣu tāsāṃ catvāraḥ   saṃkramāḥ paramāyatāḥ
   dvāreṣu tāsāṃ catvāraḥ   saṃkramāḥ parama_āyatāḥ /
Halfverse: c    yantrair upetā bahubʰir   mahadbʰir dr̥ḍʰasaṃdʰibʰiḥ
   yantrair upetā bahubʰir   mahadbʰir dr̥ḍʰa-saṃdʰibʰiḥ /15/

Verse: 16 
Halfverse: a    trāyante saṃkramās tatra   parasainyāgame sati
   trāyante saṃkramās tatra   para-sainya_āgame sati /
Halfverse: c    yantrais tair avakīryante   parikʰāsu samantataḥ
   yantrais tair avakīryante   parikʰāsu samantataḥ /16/

Verse: 17 
Halfverse: a    ekas tv akampyo balavān   saṃkramaḥ sumahādr̥ḍʰaḥ
   ekas tv akampyo balavān   saṃkramaḥ sumahā-dr̥ḍʰaḥ /
Halfverse: c    kāñcanair bahubʰiḥ stambʰair   vedikābʰiś ca śobʰitaḥ
   kāñcanair bahubʰiḥ stambʰair   vedikābʰiś ca śobʰitaḥ /17/

Verse: 18 
Halfverse: a    svayaṃ prakr̥tisaṃpanno   yuyutsū rāma rāvaṇaḥ
   svayaṃ prakr̥ti-saṃpanno   yuyutsū rāma rāvaṇaḥ /
Halfverse: c    uttʰitaś cāpramattaś ca   balānām anudarśane
   uttʰitaś ca_apramattaś ca   balānām anudarśane /18/

Verse: 19 
Halfverse: a    laṅkā purī nirālambā   devadurgā bʰayāvahā
   laṅkā purī nirālambā   deva-durgā bʰaya_āvahā /
Halfverse: c    nādeyaṃ pārvataṃ vanyaṃ   kr̥trimaṃ ca caturvidʰam
   na_adeyaṃ pārvataṃ vanyaṃ   kr̥trimaṃ ca catur-vidʰam /19/

Verse: 20 
Halfverse: a    stʰitā pāre samudrasya   dūrapārasya rāgʰava
   stʰitā pāre samudrasya   dūra-pārasya rāgʰava /
Halfverse: c    naupatʰaś cāpi nāsty atra   nirādeśaś ca sarvataḥ
   nau-patʰaś ca_api na_asty atra   nirādeśaś ca sarvataḥ /20/

Verse: 21 
Halfverse: a    śailāgre racitā durgā   sā pūr devapuropamā
   śaila_agre racitā durgā   sā pūr deva-pura_upamā /
Halfverse: c    vājivāraṇasaṃpūrṇā   laṅkā paramadurjayā
   vāji-vāraṇa-saṃpūrṇā   laṅkā parama-durjayā /21/

Verse: 22 
Halfverse: a    parigʰāś ca śatagʰnyaś ca   yantrāṇi vividʰāni ca
   parigʰāś ca śatagʰnyaś ca   yantrāṇi vividʰāni ca /
Halfverse: c    śobʰayanti purīṃ laṅkāṃ   rāvaṇasya durātmanaḥ
   śobʰayanti purīṃ laṅkāṃ   rāvaṇasya durātmanaḥ /22/

Verse: 23 
Halfverse: a    ayutaṃ rakṣasām atra   paścimadvāram āśritam
   ayutaṃ rakṣasām atra   paścima-dvāram āśritam /
Halfverse: c    śūlahastā durādʰarṣāḥ   sarve kʰaḍgāgrayodʰinaḥ
   śūla-hastā durādʰarṣāḥ   sarve kʰaḍga_agra-yodʰinaḥ /23/

Verse: 24 
Halfverse: a    niyutaṃ rakṣasām atra   dakṣiṇadvāram āśritam
   niyutaṃ rakṣasām atra   dakṣiṇa-dvāram āśritam /
Halfverse: c    caturaṅgeṇa sainyena   yodʰās tatrāpy anuttamāḥ
   catur-aṅgeṇa sainyena   yodʰās tatra_apy anuttamāḥ /24/

Verse: 25 
Halfverse: a    prayutaṃ rakṣasām atra   pūrvadvāraṃ samāśritam
   prayutaṃ rakṣasām atra   pūrva-dvāraṃ samāśritam /
Halfverse: c    carmakʰaḍgadʰarāḥ sarve   tatʰā sarvāstrakovidāḥ
   carma-kʰaḍga-dʰarāḥ sarve   tatʰā sarva_astra-kovidāḥ /25/

Verse: 26 
Halfverse: a    arbudaṃ rakṣasām atra   uttaradvāram āśritam
   arbudaṃ rakṣasām atra   uttara-dvāram āśritam /
Halfverse: c    ratʰinaś cāśvavāhāś ca   kulaputrāḥ supūjitāḥ
   ratʰinaś ca_aśva-vāhāś ca   kula-putrāḥ supūjitāḥ /26/

Verse: 27 
Halfverse: a    śataṃ śatasahasrāṇāṃ   madʰyamaṃ gulmam āśritam
   śataṃ śata-sahasrāṇāṃ   madʰyamaṃ gulmam āśritam /
Halfverse: c    yātudʰānā durādʰarṣāḥ   sāgrakoṭiś ca rakṣasām
   yātu-dʰānā durādʰarṣāḥ   sāgra-koṭiś ca rakṣasām /27/

Verse: 28 
Halfverse: a    te mayā saṃkramā bʰagnāḥ   parikʰāś cāvapūritāḥ
   te mayā saṃkramā bʰagnāḥ   parikʰāś ca_avapūritāḥ /
Halfverse: c    dagdʰā ca nagarī laṅkā   prākārāś cāvasāditāḥ
   dagdʰā ca nagarī laṅkā   prākārāś ca_avasāditāḥ /28/

Verse: 29 
Halfverse: a    yena kena tu mārgeṇa   tarāma varuṇālayam
   yena kena tu mārgeṇa   tarāma varuṇa_ālayam /
Halfverse: c    hateti nagarī laṅkāṃ   vānarair avadʰāryatām
   hatā_iti nagarī laṅkāṃ   vānarair avadʰāryatām /29/

Verse: 30 
Halfverse: a    aṅgado dvivido maindo   jāmbavān panaso nalaḥ
   aṅgado dvivido maindo   jāmbavān panaso nalaḥ /
Halfverse: c    nīlaḥ senāpatiś caiva   balaśeṣeṇa kiṃ tava
   nīlaḥ senā-patiś caiva   bala-śeṣeṇa kiṃ tava /30/

Verse: 31 
Halfverse: a    plavamānā hi gatvā tāṃ   rāvaṇasya mahāpurīm
   plavamānā hi gatvā tāṃ   rāvaṇasya mahā-purīm /
Halfverse: c    saprakārāṃ sabʰavanām   ānayiṣyanti maitʰilīm
   saprakārāṃ sabʰavanām   ānayiṣyanti maitʰilīm /31/

Verse: 32 
Halfverse: a    evam ājñāpaya kṣipraṃ   balānāṃ sarvasaṃgraham
   evam ājñāpaya kṣipraṃ   balānāṃ sarva-saṃgraham /
Halfverse: c    muhūrtena tu yuktena   prastʰānam abʰirocaya
   muhūrtena tu yuktena   prastʰānam abʰirocaya /32/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.