TITUS
Ramayana
Part No. 399
Previous part

Chapter: 8 
Adhyāya 8


Verse: 1 
Halfverse: a    tato nīlāmbudanibʰaḥ   prahasto nāma rākṣasaḥ
   tato nīla_ambuda-nibʰaḥ   prahasto nāma rākṣasaḥ /
Halfverse: c    abravīt prāñjalir vākyaṃ   śūraḥ senāpatis tadā
   abravīt prāñjalir vākyaṃ   śūraḥ senā-patis tadā /1/

Verse: 2 
Halfverse: a    devadānavagandʰarvāḥ   piśācapatagoragāḥ
   deva-dānava-gandʰarvāḥ   piśāca-pataga_uragāḥ /
Halfverse: c    na tvāṃ dʰarṣayituṃ śaktāḥ   kiṃ punar vānarā raṇe
   na tvāṃ dʰarṣayituṃ śaktāḥ   kiṃ punar vānarā raṇe /2/

Verse: 3 
Halfverse: a    sarve pramattā viśvastā   vañcitāḥ sma hanūmatā
   sarve pramattā viśvastā   vañcitāḥ sma hanūmatā /
Halfverse: c    na hi me jīvato gaccʰej   jīvan sa vanagocaraḥ
   na hi me jīvato gaccʰej   jīvan sa vana-gocaraḥ /3/

Verse: 4 
Halfverse: a    sarvāṃ sāgaraparyantāṃ   saśailavanakānanām
   sarvāṃ sāgara-paryantāṃ   saśaila-vana-kānanām /
Halfverse: c    karomy avānarāṃ bʰūmim   ājñāpayatu māṃ bʰavān
   karomy avānarāṃ bʰūmim   ājñāpayatu māṃ bʰavān /4/

Verse: 5 
Halfverse: a    rakṣāṃ caiva vidʰāsyāmi   vānarād rajanīcara
   rakṣāṃ caiva vidʰāsyāmi   vānarād rajanī-cara /
Halfverse: c    nāgamiṣyati te duḥkʰaṃ   kiṃ cid ātmāparādʰajam
   na_āgamiṣyati te duḥkʰaṃ   kiṃcid ātma_aparādʰajam /5/

Verse: 6 
Halfverse: a    abravīc ca susaṃkruddʰo   durmukʰo nāma rākṣasaḥ
   abravīc ca susaṃkruddʰo   durmukʰo nāma rākṣasaḥ /
Halfverse: c    idaṃ na kṣamaṇīyaṃ hi   sarveṣāṃ naḥ pradʰarṣaṇam
   idaṃ na kṣamaṇīyaṃ hi   sarveṣāṃ naḥ pradʰarṣaṇam /6/

Verse: 7 
Halfverse: a    ayaṃ paribʰavo bʰūyaḥ   purasyāntaḥpurasya ca
   ayaṃ paribʰavo bʰūyaḥ   purasya_antaḥ-purasya ca /
Halfverse: c    śrīmato rākṣasendrasya   vānarendrapradʰarṣaṇam
   śrīmato rākṣasa_indrasya   vānara_indra-pradʰarṣaṇam /7/

Verse: 8 
Halfverse: a    asmin muhūrte hatvaiko   nivartiṣyāmi vānarān
   asmin muhūrte hatvā_eko   nivartiṣyāmi vānarān /
Halfverse: c    praviṣṭān sāgaraṃ bʰīmam   ambaraṃ vā rasātalam
   praviṣṭān sāgaraṃ bʰīmam   ambaraṃ vā rasā-talam /8/

Verse: 9 
Halfverse: a    tato 'bravīt susaṃkruddʰo   vajradaṃṣṭro mahābalaḥ
   tato_abravīt susaṃkruddʰo   vajra-daṃṣṭro mahā-balaḥ /
Halfverse: c    pragr̥hya parigʰaṃ gʰoraṃ   māṃsaśoṇitarūpitam
   pragr̥hya parigʰaṃ gʰoraṃ   māṃsa-śoṇita-rūpitam /9/

Verse: 10 
Halfverse: a    kiṃ vo hanumatā kāryaṃ   kr̥paṇena tapasvinā
   kiṃ vo hanumatā kāryaṃ   kr̥paṇena tapasvinā /
Halfverse: c    rāme tiṣṭʰati durdʰarṣe   sugrīve sahalakṣmaṇe
   rāme tiṣṭʰati durdʰarṣe   sugrīve saha-lakṣmaṇe /10/

Verse: 11 
Halfverse: a    adya rāmaṃ sasugrīvaṃ   parigʰeṇa salakṣmaṇam
   adya rāmaṃ sasugrīvaṃ   parigʰeṇa salakṣmaṇam /
Halfverse: c    āgamiṣyāmi hatvaiko   vikṣobʰya harivāhinīm
   āgamiṣyāmi hatvā_eko   vikṣobʰya hari-vāhinīm /11/

Verse: 12 
Halfverse: a    kaumbʰakarṇis tato vīro   nikumbʰo nāma vīryavān
   kaumbʰakarṇis tato vīro   nikumbʰo nāma vīryavān /
Halfverse: c    abravīt paramakurddʰo   rāvaṇaṃ lokarāvaṇam
   abravīt parama-kurddʰo   rāvaṇaṃ loka-rāvaṇam /12/

Verse: 13 
Halfverse: a    sarve bʰavantas tiṣṭʰantu   mahārājena saṃgatāḥ
   sarve bʰavantas tiṣṭʰantu   mahā-rājena saṃgatāḥ /
Halfverse: c    aham eko haniṣyāmi   rāgʰavaṃ sahalakṣmaṇam
   aham eko haniṣyāmi   rāgʰavaṃ saha-lakṣmaṇam /13/

Verse: 14 
Halfverse: a    tato vajrahanur nāma   rākṣasaḥ parvatopamaḥ
   tato vajra-hanur nāma   rākṣasaḥ parvata_upamaḥ /
Halfverse: c    kruddʰaḥ parilihan vaktraṃ   jihvayā vākyam abravīt
   kruddʰaḥ parilihan vaktraṃ   jihvayā vākyam abravīt /14/

Verse: 15 
Halfverse: a    svairaṃ kurvantu kāryāṇi   bʰavanto vigatajvarāḥ
   svairaṃ kurvantu kāryāṇi   bʰavanto vigata-jvarāḥ /
Halfverse: c    eko 'haṃ bʰakṣayiṣyāmi   tān sarvān hariyūtʰapān
   eko_ahaṃ bʰakṣayiṣyāmi   tān sarvān hari-yūtʰapān /15/

Verse: 16 
Halfverse: a    svastʰāḥ krīḍantu niścintāḥ   pibantu madʰuvāruṇīm
   svastʰāḥ krīḍantu niścintāḥ   pibantu madʰu-vāruṇīm /
Halfverse: c    aham eko haniṣyāmi   sugrīvaṃ sahalakṣmaṇam
   aham eko haniṣyāmi   sugrīvaṃ saha-lakṣmaṇam /
Halfverse: e    sāṅgadaṃ ca hanūmantaṃ   rāmaṃ ca raṇakuñjaram
   sa_aṅgadaṃ ca hanūmantaṃ   rāmaṃ ca raṇa-kuñjaram /16/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.