TITUS
Ramayana
Part No. 402
Previous part

Chapter: 11 
Adhyāya 11


Verse: 1 
Halfverse: a    ity uktvā paruṣaṃ vākyaṃ   rāvaṇaṃ rāvaṇānujaḥ
   ity uktvā paruṣaṃ vākyaṃ   rāvaṇaṃ rāvaṇa_anujaḥ /
Halfverse: c    ājagāma muhūrtena   yatra rāmaḥ salakṣmaṇaḥ
   ājagāma muhūrtena   yatra rāmaḥ salakṣmaṇaḥ /1/

Verse: 2 
Halfverse: a    taṃ meruśikʰarākāraṃ   dīptām iva śatahradām
   taṃ meru-śikʰara_ākāraṃ   dīptām iva śata-hradām /
Halfverse: c    gaganastʰaṃ mahīstʰās te   dadr̥śur vānarādʰipāḥ
   gaganastʰaṃ mahīstʰās te   dadr̥śur vānara_adʰipāḥ /2/

Verse: 3 
Halfverse: a    tam ātmapañcamaṃ dr̥ṣṭvā   sugrīvo vānarādʰipaḥ
   tam ātma-pañcamaṃ dr̥ṣṭvā   sugrīvo vānara_adʰipaḥ /
Halfverse: c    vānaraiḥ saha durdʰarṣaś   cintayām āsa buddʰimān
   vānaraiḥ saha durdʰarṣaś   cintayām āsa buddʰimān /3/

Verse: 4 
Halfverse: a    cintayitvā muhūrtaṃ tu   vānarāṃs tān uvāca ha
   cintayitvā muhūrtaṃ tu   vānarāṃs tān uvāca ha /
Halfverse: c    hanūmatpramukʰān sarvān   idaṃ vacanam uttamam
   hanūmat-pramukʰān sarvān   idaṃ vacanam uttamam /4/

Verse: 5 
Halfverse: a    eṣa sarvāyudʰopetaś   caturbʰiḥ saha rākṣasaiḥ
   eṣa sarva_āyudʰa_upetaś   caturbʰiḥ saha rākṣasaiḥ /
Halfverse: c    rākṣaso 'bʰyeti paśyadʰvam   asmān hantuṃ na saṃśayaḥ
   rākṣaso_abʰyeti paśyadʰvam   asmān hantuṃ na saṃśayaḥ /5/

Verse: 6 
Halfverse: a    sugrīvasya vacaḥ śrutvā   sarve te vānarottamāḥ
   sugrīvasya vacaḥ śrutvā   sarve te vānara_uttamāḥ /
Halfverse: c    sālān udyamya śailāṃś ca   idaṃ vacanam abruvan
   sālān udyamya śailāṃś ca   idaṃ vacanam abruvan /6/

Verse: 7 
Halfverse: a    śīgʰraṃ vyādiśa no rājan   vadʰāyaiṣāṃ durātmanām
   śīgʰraṃ vyādiśa no rājan   vadʰāya_eṣāṃ durātmanām /
Halfverse: c    nipatantu hatāś caite   dʰaraṇyām alpajīvitāḥ
   nipatantu hatāś ca_ete   dʰaraṇyām alpa-jīvitāḥ /7/

Verse: 8 
Halfverse: a    teṣāṃ saṃbʰāṣamāṇānām   anyonyaṃ sa vibʰīṣaṇaḥ
   teṣāṃ saṃbʰāṣamāṇānām   anyonyaṃ sa vibʰīṣaṇaḥ /
Halfverse: c    uttaraṃ tīram āsādya   kʰastʰa eva vyatiṣṭʰata
   uttaraṃ tīram āsādya   kʰastʰa eva vyatiṣṭʰata /8/

Verse: 9 
Halfverse: a    uvāca ca mahāprājñaḥ   svareṇa mahatā mahān
   uvāca ca mahā-prājñaḥ   svareṇa mahatā mahān /
Halfverse: c    sugrīvaṃ tāṃś ca saṃprekṣya   kʰastʰa eva vibʰīṣaṇaḥ
   sugrīvaṃ tāṃś ca saṃprekṣya   kʰastʰa eva vibʰīṣaṇaḥ /9/

Verse: 10 
Halfverse: a    rāvaṇo nāma durvr̥tto   rākṣaso rākṣaseśvaraḥ
   rāvaṇo nāma durvr̥tto   rākṣaso rākṣasa_īśvaraḥ /
Halfverse: c    tasyāham anujo bʰrātā   vibʰīṣaṇa iti śrutaḥ
   tasya_aham anujo bʰrātā   vibʰīṣaṇa iti śrutaḥ /10/

Verse: 11 
Halfverse: a    tena sītā janastʰānād   dʰr̥tā hatvā jaṭāyuṣam
   tena sītā jana-stʰānādd   hr̥tā hatvā jaṭāyuṣaṃm/
Halfverse: c    ruddʰvā ca vivaśā dīnā   rākṣasībʰiḥ surakṣitā
   ruddʰvā ca vivaśā dīnā   rākṣasībʰiḥ surakṣitā /11/

Verse: 12 
Halfverse: a    tam ahaṃ hetubʰir vākyair   vividʰaiś ca nyadarśayam
   tam ahaṃ hetubʰir vākyair   vividʰaiś ca nyadarśayam /
Halfverse: c    sādʰu niryātyatāṃ sītā   rāmāyeti punaḥ punaḥ
   sādʰu niryātyatāṃ sītā   rāmāya_iti punaḥ punaḥ /12/

Verse: 13 
Halfverse: a    sa ca na pratijagrāha   rāvaṇaḥ kālacoditaḥ
   sa ca na pratijagrāha   rāvaṇaḥ kāla-coditaḥ /
Halfverse: c    ucyamāno hitaṃ vākyaṃ   viparīta ivauṣadʰam
   ucyamāno hitaṃ vākyaṃ   viparīta iva_auṣadʰam /13/

Verse: 14 
Halfverse: a    so 'haṃ paruṣitas tena   dāsavac cāvamānitaḥ
   so_ahaṃ paruṣitas tena   dāsavac ca_avamānitaḥ /
Halfverse: c    tyaktvā putrāṃś ca dārāṃś ca   rāgʰavaṃ śaraṇaṃ gataḥ
   tyaktvā putrāṃś ca dārāṃś ca   rāgʰavaṃ śaraṇaṃ gataḥ /14/

Verse: 15 
Halfverse: a    sarvalokaśaraṇyāya   rāgʰavāya mahātmane
   sarva-loka-śaraṇyāya   rāgʰavāya mahātmane /
Halfverse: c    nivedayata māṃ kṣipraṃ   vibʰīṣaṇam upastʰitam
   nivedayata māṃ kṣipraṃ   vibʰīṣaṇam upastʰitam /15/

Verse: 16 
Halfverse: a    etat tu vacanaṃ śrutvā   sugrīvo lagʰuvikramaḥ
   etat tu vacanaṃ śrutvā   sugrīvo lagʰu-vikramaḥ /
Halfverse: c    lakṣmaṇasyāgrato rāmaṃ   saṃrabdʰam idam abravīt
   lakṣmaṇasya_agrato rāmaṃ   saṃrabdʰam idam abravīt /16/

Verse: 17 
Halfverse: a    rāvaṇasyānujo bʰrātā   vibʰīṣaṇa iti śrutaḥ
   rāvaṇasya_anujo bʰrātā   vibʰīṣaṇa iti śrutaḥ /
Halfverse: c    caturbʰiḥ saha rakṣobʰir   bʰavantaṃ śaraṇaṃ gataḥ
   caturbʰiḥ saha rakṣobʰir   bʰavantaṃ śaraṇaṃ gataḥ /17/

Verse: 18 
Halfverse: a    rāvaṇena praṇihitaṃ   tam avehi vibʰīṣaṇam
   rāvaṇena praṇihitaṃ   tam avehi vibʰīṣaṇam /
Halfverse: c    tasyāhaṃ nigrahaṃ manye   kṣamaṃ kṣamavatāṃ vara
   tasya_ahaṃ nigrahaṃ manye   kṣamaṃ kṣamavatāṃ vara /18/

Verse: 19 
Halfverse: a    rākṣaso jihmayā buddʰyā   saṃdiṣṭo 'yam upastʰitaḥ
   rākṣaso jihmayā buddʰyā   saṃdiṣṭo_ayam upastʰitaḥ /
Halfverse: c    prahartuṃ māyayā cʰanno   viśvaste tvayi rāgʰava
   prahartuṃ māyayā cʰanno   viśvaste tvayi rāgʰava /19/

Verse: 20 
Halfverse: a    badʰyatām eṣa tīvreṇa   daṇḍena sacivaiḥ saha
   badʰyatām eṣa tīvreṇa   daṇḍena sacivaiḥ saha /
Halfverse: c    rāvaṇasya nr̥śaṃsasya   bʰrātā hy eṣa vibʰīṣaṇaḥ
   rāvaṇasya nr̥śaṃsasya   bʰrātā hy eṣa vibʰīṣaṇaḥ /20/

Verse: 21 
Halfverse: a    evam uktvā tu taṃ rāmaṃ   saṃrabdʰo vāhinīpatiḥ
   evam uktvā tu taṃ rāmaṃ   saṃrabdʰo vāhinī-patiḥ /
Halfverse: c    vākyajño vākyakuśalaṃ   tato maunam upāgamat
   vākyajño vākya-kuśalaṃ   tato maunam upāgamat /21/

Verse: 22 
Halfverse: a    sugrīvasya tu tad vākyaṃ   śrutvā rāmo mahābalaḥ
   sugrīvasya tu tad vākyaṃ   śrutvā rāmo mahā-balaḥ /
Halfverse: c    samīpastʰān uvācedaṃ   hanūmatpramukʰān harīn
   samīpastʰān uvāca_idaṃ   hanūmat-pramukʰān harīn /22/

Verse: 23 
Halfverse: a    yad uktaṃ kapirājena   rāvaṇāvarajaṃ prati
   yad uktaṃ kapi-rājena   rāvaṇa_avarajaṃ prati /
Halfverse: c    vākyaṃ hetumad atyartʰaṃ   bʰavadbʰir api tac cʰrutam
   vākyaṃ hetumad atyartʰaṃ   bʰavadbʰir api tat śrutam /23/

Verse: 24 
Halfverse: a    suhr̥dā hy artʰakr̥ccʰeṣu   yuktaṃ buddʰimatā satā
   suhr̥dā hy artʰa-kr̥ccʰeṣu   yuktaṃ buddʰimatā satā /
Halfverse: c    samartʰenāpi saṃdeṣṭuṃ   śāśvatīṃ bʰūtim iccʰatā
   samartʰena_api saṃdeṣṭuṃ   śāśvatīṃ bʰūtim iccʰatā /24/

Verse: 25 
Halfverse: a    ity evaṃ paripr̥ṣṭās te   svaṃ svaṃ matam atandritāḥ
   ity evaṃ paripr̥ṣṭās te   svaṃ svaṃ matam atandritāḥ /
Halfverse: c    sopacāraṃ tadā rāmam   ūcur hitacikīrṣavaḥ
   sa_upacāraṃ tadā rāmam   ūcur hita-cikīrṣavaḥ /25/

Verse: 26 
Halfverse: a    ajñātaṃ nāsti te kiṃ cit   triṣu lokeṣu rāgʰava
   ajñātaṃ na_asti te kiṃcit   triṣu lokeṣu rāgʰava /
Halfverse: c    ātmānaṃ pūjayan rāma   pr̥ccʰasy asmān suhr̥ttayā
   ātmānaṃ pūjayan rāma   pr̥ccʰasy asmān suhr̥ttayā /26/

Verse: 27 
Halfverse: a    tvaṃ hi satyavrataḥ śūro   dʰārmiko dr̥ḍʰavikramaḥ
   tvaṃ hi satya-vrataḥ śūro   dʰārmiko dr̥ḍʰa-vikramaḥ /
Halfverse: c    parīkṣya kārā smr̥timān   nisr̥ṣṭātmā suhr̥tsu ca
   parīkṣya kārā smr̥timān   nisr̥ṣṭa_ātmā suhr̥tsu ca /27/ {parākṣya txt}

Verse: 28 
Halfverse: a    tasmād ekaikaśas tāvad   bruvantu sacivās tava
   tasmād eka_ekaśas tāvad   bruvantu sacivās tava / {akakaśas txt}
Halfverse: c    hetuto matisaṃpannāḥ   samartʰāś ca punaḥ punaḥ
   hetuto mati-saṃpannāḥ   samartʰāś ca punaḥ punaḥ /28/

Verse: 29 
Halfverse: a    ity ukte rāgʰavāyātʰa   matimān aṅgado 'grataḥ
   ity ukte rāgʰavāya_atʰa   matimān aṅgado_agrataḥ /
Halfverse: c    vibʰīṣaṇaparīkṣārtʰam   uvāca vacanaṃ hariḥ
   vibʰīṣaṇa-parīkṣā_artʰam   uvāca vacanaṃ hariḥ /29/

Verse: 30 
Halfverse: a    śatroḥ sakāśāt saṃprāptaḥ   sarvatʰā śaṅkya eva hi
   śatroḥ sakāśāt saṃprāptaḥ   sarvatʰā śaṅkya eva hi /
Halfverse: c    viśvāsayogyaḥ sahasā   na kartavyo vibʰīṣaṇaḥ
   viśvāsa-yogyaḥ sahasā   na kartavyo vibʰīṣaṇaḥ /30/

Verse: 31 
Halfverse: a    cʰādayitvātmabʰāvaṃ hi   caranti śaṭʰabuddʰayaḥ
   cʰādayitvā_ātma-bʰāvaṃ hi   caranti śaṭʰa-buddʰayaḥ /
Halfverse: c    praharanti ca randʰreṣu   so 'nartʰaḥ sumahān bʰavet
   praharanti ca randʰreṣu   so_anartʰaḥ sumahān bʰavet /31/

Verse: 32 
Halfverse: a    artʰānartʰau viniścitya   vyavasāyaṃ bʰajeta ha
   artʰa_anartʰau viniścitya   vyavasāyaṃ bʰajeta ha /
Halfverse: c    guṇataḥ saṃgrahaṃ kuryād   doṣatas tu visarjayet
   guṇataḥ saṃgrahaṃ kuryād   doṣatas tu visarjayet /32/

Verse: 33 
Halfverse: a    yadi doṣo mahāṃs tasmiṃs   tyajyatām aviśaṅkitam
   yadi doṣo mahāṃs tasmiṃs   tyajyatām aviśaṅkitam /
Halfverse: c    guṇān vāpi bahūñ jñātvā   saṃgrahaḥ kriyatāṃ nr̥pa
   guṇān vā_api bahūn jñātvā   saṃgrahaḥ kriyatāṃ nr̥pa /33/

Verse: 34 
Halfverse: a    śarabʰas tv atʰa niścitya   sārtʰaṃ vacanam abravīt
   śarabʰas tv atʰa niścitya   sārtʰaṃ vacanam abravīt /
Halfverse: c    kṣipram asmin naravyāgʰra   cāraḥ pratividʰīyatām
   kṣipram asmin nara-vyāgʰra   cāraḥ pratividʰīyatām /34/

Verse: 35 
Halfverse: a    praṇidʰāya hi cāreṇa   yatʰāvat sūkṣmabuddʰinā
   praṇidʰāya hi cāreṇa   yatʰāvat sūkṣma-buddʰinā /
Halfverse: c    parīkṣya ca tataḥ kāryo   yatʰānyāyaṃ parigrahaḥ
   parīkṣya ca tataḥ kāryo   yatʰā-nyāyaṃ parigrahaḥ /35/

Verse: 36 
Halfverse: a    jāmbavāṃs tv atʰa saṃprekṣya   śāstrabuddʰyā vicakṣaṇaḥ
   jāmbavāṃs tv atʰa saṃprekṣya   śāstra-buddʰyā vicakṣaṇaḥ /
Halfverse: c    vākyaṃ vijñāpayām āsa   guṇavad doṣavarjitam
   vākyaṃ vijñāpayām āsa   guṇavad doṣa-varjitam /36/

Verse: 37 
Halfverse: a    baddʰavairāc ca pāpāc ca   rākṣasendrād vibʰīṣaṇaḥ
   baddʰa-vairāc ca pāpāc ca   rākṣasa_indrād vibʰīṣaṇaḥ /
Halfverse: c    adeśa kāle saṃprāptaḥ   sarvatʰā śaṅkyatām ayam
   adeśa kāle saṃprāptaḥ   sarvatʰā śaṅkyatām ayam /37/

Verse: 38 
Halfverse: a    tato maindas tu saṃprekṣya   nayāpanayakovidaḥ
   tato maindas tu saṃprekṣya   naya_apanaya-kovidaḥ /
Halfverse: c    vākyaṃ vacanasaṃpanno   babʰāṣe hetumattaram
   vākyaṃ vacana-saṃpanno   babʰāṣe hetumattaram /38/

Verse: 39 
Halfverse: a    vacanaṃ nāma tasyaiṣa   rāvaṇasya vibʰīṣaṇaḥ
   vacanaṃ nāma tasya_eṣa   rāvaṇasya vibʰīṣaṇaḥ /
Halfverse: c    pr̥ccʰyatāṃ madʰureṇāyaṃ   śanair naravareśvara
   pr̥ccʰyatāṃ madʰureṇa_ayaṃ   śanair nara-vara_īśvara /39/

Verse: 40 
Halfverse: a    bʰāvam asya tu vijñāya   tatas tattvaṃ kariṣyasi
   bʰāvam asya tu vijñāya   tatas tattvaṃ kariṣyasi /
Halfverse: c    yadi dr̥ṣṭo na duṣṭo vā   buddʰipūrvaṃ nararṣabʰa
   yadi dr̥ṣṭo na duṣṭo vā   buddʰi-pūrvaṃ nara-r̥ṣabʰa /40/

Verse: 41 
Halfverse: a    atʰa saṃskārasaṃpanno   hanūmān sacivottamaḥ
   atʰa saṃskāra-saṃpanno   hanūmān saciva_uttamaḥ / {tʰa txt}
Halfverse: c    uvāca vacanaṃ ślakṣṇam   artʰavan madʰuraṃ lagʰu
   uvāca vacanaṃ ślakṣṇam   artʰavan madʰuraṃ lagʰu /41/

Verse: 42 
Halfverse: a    na bʰavantaṃ matiśreṣṭʰaṃ   samartʰaṃ vadatāṃ varam
   na bʰavantaṃ mati-śreṣṭʰaṃ   samartʰaṃ vadatāṃ varam /
Halfverse: c    atiśāyayituṃ śakto   br̥haspatir api bruvan
   atiśāyayituṃ śakto   br̥haspatir api bruvan /42/

Verse: 43 
Halfverse: a    na vādān nāpi saṃgʰarṣān   nādʰikyān na ca kāmataḥ
   na vādān na_api saṃgʰarṣān   na_ādʰikyān na ca kāmataḥ /
Halfverse: c    vakṣyāmi vacanaṃ rājan   yatʰārtʰaṃ rāmagauravāt
   vakṣyāmi vacanaṃ rājan   yatʰā_artʰaṃ rāma-gauravāt /43/

Verse: 44 
Halfverse: a    artʰānartʰanimittaṃ hi   yad uktaṃ sacivais tava
   artʰa_anartʰa-nimittaṃ hi   yad uktaṃ sacivais tava /
Halfverse: c    tatra doṣaṃ prapaśyāmi   kriyā na hy upapadyate
   tatra doṣaṃ prapaśyāmi   kriyā na hy upapadyate /44/

Verse: 45 
Halfverse: a    r̥te niyogāt sāmartʰyam   avaboddʰuṃ na śakyate
   r̥te niyogāt sāmartʰyam   avaboddʰuṃ na śakyate /
Halfverse: c    sahasā viniyogo hi   doṣavān pratibʰāti me
   sahasā viniyogo hi   doṣavān pratibʰāti me /45/

Verse: 46 
Halfverse: a    cārapraṇihitaṃ yuktaṃ   yad uktaṃ sacivais tava
   cāra-praṇihitaṃ yuktaṃ   yad uktaṃ sacivais tava /
Halfverse: c    artʰasyāsaṃbʰavāt tatra   kāraṇaṃ nopapadyate
   artʰasya_asaṃbʰavāt tatra   kāraṇaṃ na_upapadyate /46/

Verse: 47 
Halfverse: a    adeśa kāle saṃprāpta   ity ayaṃ yad vibʰīṣaṇaḥ
   adeśa kāle saṃprāpta   ity ayaṃ yad vibʰīṣaṇaḥ /
Halfverse: c    vivakṣā cātra me 'stīyaṃ   tāṃ nibodʰa yatʰā mati
   vivakṣā ca_atra me_asti_iyaṃ   tāṃ nibodʰa yatʰā mati /47/

Verse: 48 
Halfverse: a    sa eṣa deśaḥ kālaś ca   bʰavatīha yatʰā tatʰā
   sa eṣa deśaḥ kālaś ca   bʰavati_iha yatʰā tatʰā /
Halfverse: c    puruṣāt puruṣaṃ prāpya   tatʰā doṣaguṇāv api
   puruṣāt puruṣaṃ prāpya   tatʰā doṣa-guṇāv api /48/

Verse: 49 
Halfverse: a    daurātmyaṃ rāvaṇe dr̥ṣṭvā   vikramaṃ ca tatʰā tvayi
   daurātmyaṃ rāvaṇe dr̥ṣṭvā   vikramaṃ ca tatʰā tvayi /
Halfverse: c    yuktam āgamanaṃ tasya   sadr̥śaṃ tasya buddʰitaḥ
   yuktam āgamanaṃ tasya   sadr̥śaṃ tasya buddʰitaḥ /49/

Verse: 50 
Halfverse: a    ajñātarūpaiḥ puruṣaiḥ   sa rājan pr̥ccʰyatām iti
   ajñāta-rūpaiḥ puruṣaiḥ   sa rājan pr̥ccʰyatām iti /
Halfverse: c    yad uktam atra me prekṣā   kā cid asti samīkṣitā
   yad uktam atra me prekṣā   kācid asti samīkṣitā /50/

Verse: 51 
Halfverse: a    pr̥ccʰyamāno viśaṅketa   sahasā buddʰimān vacaḥ
   pr̥ccʰyamāno viśaṅketa   sahasā buddʰimān vacaḥ /
Halfverse: c    tatra mitraṃ praduṣyeta   mitʰyapr̥ṣṭaṃ sukʰāgatam
   tatra mitraṃ praduṣyeta   mitʰya-pr̥ṣṭaṃ sukʰa_āgatam /51/

Verse: 52 
Halfverse: a    aśakyaḥ sahasā rājan   bʰāvo vettuṃ parasya vai
   aśakyaḥ sahasā rājan   bʰāvo vettuṃ parasya vai /
Halfverse: c    antaḥ svabʰāvair gītais tair   naipuṇyaṃ paśyatā bʰr̥śam
   antaḥ svabʰāvair gītais tair   naipuṇyaṃ paśyatā bʰr̥śam /52/

Verse: 53 
Halfverse: a    na tv asya bruvato jātu   lakṣyate duṣṭabʰāvatā
   na tv asya bruvato jātu   lakṣyate duṣṭa-bʰāvatā /
Halfverse: c    prasannaṃ vadanaṃ cāpi   tasmān me nāsti saṃśayaḥ
   prasannaṃ vadanaṃ ca_api   tasmān me na_asti saṃśayaḥ /53/

Verse: 54 
Halfverse: a    aśaṅkitamatiḥ svastʰo   na śaṭʰaḥ parisarpati
   aśaṅkita-matiḥ svastʰo   na śaṭʰaḥ parisarpati /
Halfverse: c    na cāsya duṣṭā vāk cāpi   tasmān nāstīha saṃśayaḥ
   na ca_asya duṣṭā vāk ca_api   tasmān na_asti_iha saṃśayaḥ /54/

Verse: 55 
Halfverse: a    ākāraś cʰādyamāno 'pi   na śakyo vinigūhitum
   ākāraś cʰādyamāno_api   na śakyo vinigūhitum /
Halfverse: c    balād dʰi vivr̥ṇoty eva   bʰāvam antargataṃ nr̥ṇām
   balādd^hi vivr̥ṇoty eva   bʰāvam antar-gataṃ nr̥ṇām /55/

Verse: 56 
Halfverse: a    deśakālopapannaṃ ca   kāryaṃ kāryavidāṃ vara
   deśa-kāla_upapannaṃ ca   kāryaṃ kāryavidāṃ vara /
Halfverse: c    sapʰalaṃ kurute kṣipraṃ   prayogeṇābʰisaṃhitam
   sapʰalaṃ kurute kṣipraṃ   prayogeṇa_abʰisaṃhitam /56/

Verse: 57 
Halfverse: a    udyogaṃ tava saṃprekṣya   mitʰyāvr̥ttaṃ ca rāvaṇam
   udyogaṃ tava saṃprekṣya   mitʰyā-vr̥ttaṃ ca rāvaṇam /
Halfverse: c    vālinaś ca vadʰaṃ śrutvā   sugrīvaṃ cābʰiṣecitam
   vālinaś ca vadʰaṃ śrutvā   sugrīvaṃ ca_abʰiṣecitam /57/

Verse: 58 
Halfverse: a    rājyaṃ prārtʰayamānaś ca   buddʰipūrvam ihāgataḥ
   rājyaṃ prārtʰayamānaś ca   buddʰi-pūrvam iha_āgataḥ /
Halfverse: c    etāvat tu puraskr̥tya   yujyate tv asya saṃgrahaḥ
   etāvat tu puras-kr̥tya   yujyate tv asya saṃgrahaḥ /58/

Verse: 59 
Halfverse: a    yatʰāśakti mayoktaṃ tu   rākṣasasyārjavaṃ prati
   yatʰā-śakti mayā_uktaṃ tu   rākṣasasya_ārjavaṃ prati /
Halfverse: c    tvaṃ pramāṇaṃ tu śeṣasya   śrutvā buddʰimatāṃ vara
   tvaṃ pramāṇaṃ tu śeṣasya   śrutvā buddʰimatāṃ vara /59/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.