TITUS
Ramayana
Part No. 408
Previous part

Chapter: 17 
Adhyāya 17


Verse: 1 
Halfverse: a    tad vacaḥ patʰyam aklībaṃ   sāraṇenābʰibʰāṣitam
   tad vacaḥ patʰyam aklībaṃ   sāraṇena_abʰibʰāṣitam /
Halfverse: c    niśamya rāvaṇo rājā   pratyabʰāṣata sāraṇam
   niśamya rāvaṇo rājā   pratyabʰāṣata sāraṇam /1/

Verse: 2 
Halfverse: a    yadi mām abʰiyuñjīran   devagandʰarvadānavāḥ
   yadi mām abʰiyuñjīran   deva-gandʰarva-dānavāḥ /
Halfverse: c    naiva sītāṃ pradāsyāmi   sarvalokabʰayād api
   na_eva sītāṃ pradāsyāmi   sarva-loka-bʰayād api /2/

Verse: 3 
Halfverse: a    tvaṃ tu saumya paritrasto   haribʰir nirjito bʰr̥śam
   tvaṃ tu saumya paritrasto   haribʰir nirjito bʰr̥śam /
Halfverse: c    pratipradānam adyaiva   sītāyāḥ sādʰu manyase
   pratipradānam adya_eva   sītāyāḥ sādʰu manyase /
Halfverse: e    ko hi nāma sapatno māṃ   samare jetum arhati
   ko hi nāma sapatno māṃ   samare jetum arhati /3/

Verse: 4 
Halfverse: a    ity uktvā paruṣaṃ vākyaṃ   rāvaṇo rākṣasādʰipaḥ
   ity uktvā paruṣaṃ vākyaṃ   rāvaṇo rākṣasa_adʰipaḥ /
Halfverse: c    āruroha tataḥ śrīmān   prāsādaṃ himapāṇḍuram
   āruroha tataḥ śrīmān   prāsādaṃ hima-pāṇḍuram /
Halfverse: e    bahutālasamutsedʰaṃ   rāvaṇo 'tʰa didr̥kṣayā
   bahu-tāla-samutsedʰaṃ   rāvaṇo_atʰa didr̥kṣayā /4/

Verse: 5 
Halfverse: a    tābʰyāṃ carābʰyāṃ sahito   rāvaṇaḥ krodʰamūrcʰitaḥ
   tābʰyāṃ carābʰyāṃ sahito   rāvaṇaḥ krodʰa-mūrcʰitaḥ /
Halfverse: c    paśyamānaḥ samudraṃ ca   parvatāṃś ca vanāni ca
   paśyamānaḥ samudraṃ ca   parvatāṃś ca vanāni ca /
Halfverse: e    dadarśa pr̥tʰivīdeśaṃ   susaṃpūrṇaṃ plavaṃgamaiḥ
   dadarśa pr̥tʰivī-deśaṃ   susaṃpūrṇaṃ plavaṃ-gamaiḥ /5/

Verse: 6 
Halfverse: a    tad apāram asaṃkʰyeyaṃ   vānarāṇāṃ mahad balam
   tad apāram asaṃkʰyeyaṃ   vānarāṇāṃ mahad balam /
Halfverse: c    ālokya rāvaṇo rājā   paripapraccʰa sāraṇam
   ālokya rāvaṇo rājā   paripapraccʰa sāraṇam /6/

Verse: 7 
Halfverse: a    eṣāṃ vānaramukʰyānāṃ   ke śūrāḥ ke mahābalāḥ
   eṣāṃ vānara-mukʰyānāṃ   ke śūrāḥ ke mahā-balāḥ /
Halfverse: c    ke pūrvam abʰivartante   mahotsāhāḥ samantataḥ
   ke pūrvam abʰivartante   mahā_utsāhāḥ samantataḥ /7/

Verse: 8 
Halfverse: a    keṣāṃ śr̥ṇoti sugrīvaḥ   ke vā yūtʰapayūtʰapāḥ
   keṣāṃ śr̥ṇoti sugrīvaḥ   ke vā yūtʰapa-yūtʰapāḥ /
Halfverse: c    sāraṇācakṣva me sarvaṃ   ke pradʰānāḥ plavaṃgamāḥ
   sāraṇa_ācakṣva me sarvaṃ   ke pradʰānāḥ plavaṃ-gamāḥ /8/

Verse: 9 
Halfverse: a    sāraṇo rākṣasendrasya   vacanaṃ paripr̥ccʰataḥ
   sāraṇo rākṣasa_indrasya   vacanaṃ paripr̥ccʰataḥ /
Halfverse: c    ācacakṣe 'tʰa mukʰyajño   mukʰyāṃs tāṃs tu vanaukasaḥ
   ācacakṣe_atʰa mukʰyajño   mukʰyāṃs tāṃs tu vana_okasaḥ /9/

Verse: 10 
Halfverse: a    eṣa yo 'bʰimukʰo laṅkāṃ   nardaṃs tiṣṭʰati vānaraḥ
   eṣa yo_abʰimukʰo laṅkāṃ   nardaṃs tiṣṭʰati vānaraḥ /
Halfverse: c    yūtʰapānāṃ sahasrāṇāṃ   śatena parivāritaḥ
   yūtʰapānāṃ sahasrāṇāṃ   śatena parivāritaḥ /10/

Verse: 11 
Halfverse: a    yasya gʰoṣeṇa mahatā   saprākārā satoraṇā
   yasya gʰoṣeṇa mahatā   saprākārā satoraṇā /
Halfverse: c    laṅkā pravepate sarvā   saśailavanakānanā
   laṅkā pravepate sarvā   saśaila-vana-kānanā /11/

Verse: 12 
Halfverse: a    sarvaśākʰāmr̥gendrasya   sugrīvasya mahātmanaḥ
   sarva-śākʰā-mr̥ga_indrasya   sugrīvasya mahātmanaḥ /
Halfverse: c    balāgre tiṣṭʰate vīro   nīlo nāmaiṣa yūtʰapaḥ
   bala_agre tiṣṭʰate vīro   nīlo nāma_eṣa yūtʰapaḥ /12/

Verse: 13 
Halfverse: a    bāhū pragr̥hya yaḥ padbʰyāṃ   mahīṃ gaccʰati vīryavān
   bāhū pragr̥hya yaḥ padbʰyāṃ   mahīṃ gaccʰati vīryavān /
Halfverse: c    laṅkām abʰimukʰaḥ kopād   abʰīkṣṇaṃ ca vijr̥mbʰate
   laṅkām abʰimukʰaḥ kopād   abʰīkṣṇaṃ ca vijr̥mbʰate /13/

Verse: 14 
Halfverse: a    giriśr̥ṅgapratīkāśaḥ   padmakiñjalkasaṃnibʰaḥ
   giri-śr̥ṅga-pratīkāśaḥ   padma-kiñjalka-saṃnibʰaḥ /
Halfverse: c    spʰoṭayaty abʰisaṃrabdʰo   lāṅgūlaṃ ca punaḥ punaḥ
   spʰoṭayaty abʰisaṃrabdʰo   lāṅgūlaṃ ca punaḥ punaḥ /14/

Verse: 15 
Halfverse: a    yasya lāṅgūlaśabdena   svanantīva diśo daśa
   yasya lāṅgūla-śabdena   svananti_iva diśo daśa /
Halfverse: c    eṣa vānararājena   surgrīveṇābʰiṣecitaḥ
   eṣa vānara-rājena   surgrīveṇa_abʰiṣecitaḥ /
Halfverse: e    yauvarājye 'ṅgado nāma   tvām āhvayati saṃyuge
   yauvarājye_aṅgado nāma   tvām āhvayati saṃyuge /15/

Verse: 16 
Halfverse: a    ye tu viṣṭabʰya gātrāṇi   kṣveḍayanti nadanti ca
   ye tu viṣṭabʰya gātrāṇi   kṣveḍayanti nadanti ca /
Halfverse: c    uttʰāya ca vijr̥mbʰante   krodʰena haripuṃgavāḥ
   uttʰāya ca vijr̥mbʰante   krodʰena hari-puṃgavāḥ /16/

Verse: 17 
Halfverse: a    ete duṣprasahā gʰorāś   caṇḍāś caṇḍaparākramāḥ
   ete duṣprasahā gʰorāś   caṇḍāś caṇḍa-parākramāḥ /
Halfverse: c    aṣṭau śatasahasrāṇi   daśakoṭiśatāni ca
   aṣṭau śata-sahasrāṇi   daśa-koṭi-śatāni ca /17/

Verse: 18 
Halfverse: a    ya enam anugaccʰanti   vīrāś candanavāsinaḥ
   ya enam anugaccʰanti   vīrāś candana-vāsinaḥ /
Halfverse: c    eṣa āśaṃsate laṅkāṃ   svenānīkena marditum
   eṣa āśaṃsate laṅkāṃ   svena_anīkena marditum /18/

Verse: 19 
Halfverse: a    śveto rajatasaṃkāśaḥ   sabalo bʰīmavikramaḥ
   śveto rajata-saṃkāśaḥ   sabalo bʰīma-vikramaḥ /
Halfverse: c    buddʰimān vānaraḥ śūras   triṣu lokeṣu viśrutaḥ
   buddʰimān vānaraḥ śūras   triṣu lokeṣu viśrutaḥ /19/

Verse: 20 
Halfverse: a    tūrṇaṃ sugrīvam āgamya   punar gaccʰati vānaraḥ
   tūrṇaṃ sugrīvam āgamya   punar gaccʰati vānaraḥ /
Halfverse: c    vibʰajan vānarīṃ senām   anīkāni praharṣayan
   vibʰajan vānarīṃ senām   anīkāni praharṣayan /20/

Verse: 21 
Halfverse: a    yaḥ purā gomatītīre   ramyaṃ paryeti parvatam
   yaḥ purā gomatī-tīre   ramyaṃ paryeti parvatam /
Halfverse: c    nāmnā saṃkocano nāma   nānānagayuto giriḥ
   nāmnā saṃkocano nāma   nānā-naga-yuto giriḥ /21/

Verse: 22 
Halfverse: a    tatra rājyaṃ praśāsty eṣa   kumudo nāma yūtʰapaḥ
   tatra rājyaṃ praśāsty eṣa   kumudo nāma yūtʰapaḥ /
Halfverse: c    yo 'sau śatasahasrāṇāṃ   sahasraṃ parikarṣati
   yo_asau śata-sahasrāṇāṃ   sahasraṃ parikarṣati /22/

Verse: 23 
Halfverse: a    yasya vālā bahuvyāmā   dīrgʰalāṅgūlam āśritāḥ
   yasya vālā bahu-vyāmā   dīrgʰa-lāṅgūlam āśritāḥ /
Halfverse: c    tāmrāḥ pītāḥ sitāḥ śvetāḥ   prakīrṇā gʰorakarmaṇaḥ
   tāmrāḥ pītāḥ sitāḥ śvetāḥ   prakīrṇā gʰora-karmaṇaḥ /23/

Verse: 24 
Halfverse: a    adīno roṣaṇaś caṇḍaḥ   saṃgrāmam abʰikāṅkṣati
   adīno roṣaṇaś caṇḍaḥ   saṃgrāmam abʰikāṅkṣati /
Halfverse: c    eṣaivāśaṃsate laṅkāṃ   svenānīkena marditum
   eṣa_eva_āśaṃsate laṅkāṃ   svena_anīkena marditum /24/ {Hyper-saṃdhi}

Verse: 25 
Halfverse: a    yas tv eṣa siṃhasaṃkāśaḥ   kapilo dīrgʰakesaraḥ
   yas tv eṣa siṃha-saṃkāśaḥ   kapilo dīrgʰa-kesaraḥ /
Halfverse: c    nibʰr̥taḥ prekṣate laṅkāṃ   didʰakṣann iva cakṣuṣā
   nibʰr̥taḥ prekṣate laṅkāṃ   didʰakṣann iva cakṣuṣā /25/

Verse: 26 
Halfverse: a    vindʰyaṃ kr̥ṣṇagiriṃ sahyaṃ   parvataṃ ca sudarśanam
   vindʰyaṃ kr̥ṣṇa-giriṃ sahyaṃ   parvataṃ ca sudarśanam /
Halfverse: c    rājan satatam adʰyāste   rambʰo nāmaiṣa yūtʰapaḥ
   rājan satatam adʰyāste   rambʰo nāma_eṣa yūtʰapaḥ /26/

Verse: 27 
Halfverse: a    śataṃ śatasahasrāṇāṃ   triṃśac ca hariyūtʰapāḥ
   śataṃ śata-sahasrāṇāṃ   triṃśac ca hari-yūtʰapāḥ /
Halfverse: c    parivāryānugaccʰanti   laṅkāṃ marditum ojasā
   parivārya_anugaccʰanti   laṅkāṃ marditum ojasā /27/

Verse: 28 
Halfverse: a    yas tu karṇau vivr̥ṇute   jr̥mbʰate ca punaḥ punaḥ
   yas tu karṇau vivr̥ṇute   jr̥mbʰate ca punaḥ punaḥ /
Halfverse: c    na ca saṃvijate mr̥tyor   na ca yūtʰād vidʰāvati
   na ca saṃvijate mr̥tyor   na ca yūtʰād vidʰāvati /28/

Verse: 29 
Halfverse: a    mahābalo vītabʰayo   ramyaṃ sālveya parvatam
   mahā-balo vīta-bʰayo   ramyaṃ sālveya parvatam /
Halfverse: c    rājan satatam adʰyāste   śarabʰo nāma yūtʰapaḥ
   rājan satatam adʰyāste   śarabʰo nāma yūtʰapaḥ /29/

Verse: 30 
Halfverse: a    etasya balinaḥ sarve   vihārā nāma yūtʰapāḥ
   etasya balinaḥ sarve   vihārā nāma yūtʰapāḥ /
Halfverse: c    rājañ śatasahasrāṇi   catvāriṃśat tatʰaiva ca
   rājan śata-sahasrāṇi   catvāriṃśat tatʰaiva ca /30/

Verse: 31 
Halfverse: a    yas tu megʰa ivākāśaṃ   mahān āvr̥tya tiṣṭʰati
   yas tu megʰa iva_ākāśaṃ   mahān āvr̥tya tiṣṭʰati /
Halfverse: c    madʰye vānaravīrāṇāṃ   surāṇām iva vāsavaḥ
   madʰye vānara-vīrāṇāṃ   surāṇām iva vāsavaḥ /31/

Verse: 32 
Halfverse: a    bʰerīṇām iva saṃnādo   yasyaiṣa śrūyate mahān
   bʰerīṇām iva saṃnādo   yasya_eṣa śrūyate mahān /
Halfverse: c    gʰoraḥ śākʰāmr̥gendrāṇāṃ   saṃgrāmam abʰikāṅkṣatām
   gʰoraḥ śākʰā-mr̥ga_indrāṇāṃ   saṃgrāmam abʰikāṅkṣatām /32/

Verse: 33 
Halfverse: a    eṣa parvatam adʰyāste   pāriyātram anuttamam
   eṣa parvatam adʰyāste   pāriyātram anuttamam /
Halfverse: c    yuddʰe duṣprasaho nityaṃ   panaso nāma yūtʰapaḥ
   yuddʰe duṣprasaho nityaṃ   panaso nāma yūtʰapaḥ /33/

Verse: 34 
Halfverse: a    enaṃ śatasahasrāṇāṃ   śatārdʰaṃ paryupāsate
   enaṃ śata-sahasrāṇāṃ   śata_ardʰaṃ paryupāsate /
Halfverse: c    yūtʰapā yūtʰapaśreṣṭʰaṃ   yeṣāṃ yūtʰāni bʰāgaśaḥ
   yūtʰapā yūtʰapa-śreṣṭʰaṃ   yeṣāṃ yūtʰāni bʰāgaśaḥ /34/

Verse: 35 
Halfverse: a    yas tu bʰīmāṃ pravalgantīṃ   camūṃ tiṣṭʰati śobʰayan
   yas tu bʰīmāṃ pravalgantīṃ   camūṃ tiṣṭʰati śobʰayan /
Halfverse: c    stʰitāṃ tīre samudrasya   dvitīya iva sāgaraḥ
   stʰitāṃ tīre samudrasya   dvitīya iva sāgaraḥ /35/

Verse: 36 
Halfverse: a    eṣa dardarasaṃkāśo   vinato nāma yūtʰapaḥ
   eṣa dardara-saṃkāśo   vinato nāma yūtʰapaḥ /
Halfverse: c    pibaṃś carati parṇāśāṃ   nadīnām uttamāṃ nadīm
   pibaṃś carati parṇāśāṃ   nadīnām uttamāṃ nadīm /36/

Verse: 37 
Halfverse: a    ṣaṣṭiḥ śatasahasrāṇi   balam asya plavaṃgamāḥ
   ṣaṣṭiḥ śata-sahasrāṇi   balam asya plavaṃ-gamāḥ /
Halfverse: c    tvām āhvayati yuddʰāya   kratʰano nāma yūtʰapaḥ
   tvām āhvayati yuddʰāya   kratʰano nāma yūtʰapaḥ /37/

Verse: 38 
Halfverse: a    yas tu gairikavarṇābʰaṃ   vapuḥ puṣyati vānaraḥ
   yas tu gairika-varṇa_ābʰaṃ   vapuḥ puṣyati vānaraḥ /
Halfverse: c    gavayo nāma tejasvī   tvāṃ krodʰād abʰivartate
   gavayo nāma tejasvī   tvāṃ krodʰād abʰivartate /38/

Verse: 39 
Halfverse: a    enaṃ śatasahasrāṇi   saptatiḥ paryupāsate
   enaṃ śata-sahasrāṇi   saptatiḥ paryupāsate /
Halfverse: c    eṣa āśaṃsate laṅkāṃ   svenānīkena marditum
   eṣa āśaṃsate laṅkāṃ   svena_anīkena marditum /39/

Verse: 40 
Halfverse: a    ete duṣprasahā gʰorā   balinaḥ kāmarūpiṇaḥ
   ete duṣprasahā gʰorā   balinaḥ kāma-rūpiṇaḥ /
Halfverse: c    yūtʰapā yūtʰapaśreṣṭʰā   yeṣāṃ saṃkʰyā na vidyate
   yūtʰapā yūtʰapa-śreṣṭʰā   yeṣāṃ saṃkʰyā na vidyate /40/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.