TITUS
Ramayana
Part No. 425
Previous part

Chapter: 34 
Adhyāya 34


Verse: 1 
Halfverse: a    yudʰyatām eva teṣāṃ tu   tadā vānararakṣasām
   yudʰyatām eva teṣāṃ tu   tadā vānara-rakṣasām /
Halfverse: c    ravir astaṃ gato rātriḥ   pravr̥ttā prāṇahāriṇī
   ravir astaṃ gato rātriḥ   pravr̥ttā prāṇa-hāriṇī /1/

Verse: 2 
Halfverse: a    anyonyaṃ baddʰavairāṇāṃ   gʰorāṇāṃ jayam iccʰatām
   anyonyaṃ baddʰa-vairāṇāṃ   gʰorāṇāṃ jayam iccʰatām /
Halfverse: c    saṃpravr̥ttaṃ niśāyuddʰaṃ   tadā vāraṇarakṣasām
   saṃpravr̥ttaṃ niśā-yuddʰaṃ   tadā vāraṇa-rakṣasām /2/

Verse: 3 
Halfverse: a    rākṣaso 'sīti harayo   hariś cāsīti rākṣasāḥ
   rākṣaso_asi_iti harayo   hariś ca_asi_iti rākṣasāḥ /
Halfverse: c    anyonyaṃ samare jagʰnus   tasmiṃs tamasi dāruṇe
   anyonyaṃ samare jagʰnus   tasmiṃs tamasi dāruṇe /3/

Verse: 4 
Halfverse: a    jahi dāraya caitīti   katʰaṃ vidravasīti ca
   jahi dāraya ca_eti_iti   katʰaṃ vidravasi_iti ca /
Halfverse: c    evaṃ sutumulaḥ śabdas   tasmiṃs tamasi śuśruve
   evaṃ sutumulaḥ śabdas   tasmiṃs tamasi śuśruve /4/

Verse: 5 
Halfverse: a    kālāḥ kāñcanasaṃnāhās   tasmiṃs tamasi rākṣasāḥ
   kālāḥ kāñcana-saṃnāhās   tasmiṃs tamasi rākṣasāḥ /
Halfverse: c    saṃprādr̥śyanta śailendrā   dīptauṣadʰivanā iva
   saṃprādr̥śyanta śaila_indrā   dīpta_oṣadʰi-vanā iva /5/

Verse: 6 
Halfverse: a    tasmiṃs tamasi duṣpāre   rākṣasāḥ krodʰamūrcʰitāḥ
   tasmiṃs tamasi duṣpāre   rākṣasāḥ krodʰa-mūrcʰitāḥ /
Halfverse: c    paripetur mahāvegā   bʰakṣayantaḥ plavaṃgamān
   paripetur mahā-vegā   bʰakṣayantaḥ plavaṃ-gamān /6/

Verse: 7 
Halfverse: a    te hayān kāñcanāpīḍan   dʰvajāṃś cāgniśikʰopamān
   te hayān kāñcana_āpīḍan   dʰvajāṃś ca_agni-śikʰā_upamān /
Halfverse: c    āplutya daśanais tīkṣṇair   bʰīmakopā vyadārayan
   āplutya daśanais tīkṣṇair   bʰīma-kopā vyadārayan /7/

Verse: 8 
Halfverse: a    kuñjarān kuñjarārohān   patākādʰvajino ratʰān
   kuñjarān kuñjara_ārohān   patākā-dʰvajino ratʰān /
Halfverse: c    cakarṣuś ca dadaṃśuś ca   daśanaiḥ krodʰamūrcʰitāḥ
   cakarṣuś ca dadaṃśuś ca   daśanaiḥ krodʰa-mūrcʰitāḥ /8/

Verse: 9 
Halfverse: a    lakṣmaṇaś cāpi rāmaś ca   śarair āśīviṣomapaiḥ
   lakṣmaṇaś ca_api rāmaś ca   śarair āśī-viṣa_umapaiḥ /
Halfverse: c    dr̥śyādr̥śyāni rakṣāṃsi   pravarāṇi nijagʰnatuḥ
   dr̥śya_adr̥śyāni rakṣāṃsi   pravarāṇi nijagʰnatuḥ /9/

Verse: 10 
Halfverse: a    turaṃgakʰuravidʰvastaṃ   ratʰanemisamuddʰatam
   turaṃga-kʰura-vidʰvastaṃ   ratʰa-nemi-samuddʰatam /
Halfverse: c    rurodʰa karṇanetrāṇiṇyudʰyatāṃ   dʰaraṇīrajaḥ
   rurodʰa karṇa-netrāṇiṇyudʰyatāṃ   dʰaraṇī-rajaḥ /10/

Verse: 11 
Halfverse: a    vartamāne tatʰā gʰore   saṃgrāme lomaharṣaṇe
   vartamāne tatʰā gʰore   saṃgrāme loma-harṣaṇe /
Halfverse: c    rudʰirodā mahāvegā   nadyas tatra prasusruvuḥ
   rudʰira_udā mahā-vegā   nadyas tatra prasusruvuḥ /11/

Verse: 12 
Halfverse: a    tato bʰerīmr̥daṅgānāṃ   paṇavānāṃ ca nisvanaḥ
   tato bʰerī-mr̥daṅgānāṃ   paṇavānāṃ ca nisvanaḥ /
Halfverse: c    śaṅkʰaveṇusvanonmiśraḥ   saṃbabʰūvādbʰutopamaḥ
   śaṅkʰa-veṇu-svana_unmiśraḥ   saṃbabʰūva_adbʰuta_upamaḥ /12/

Verse: 13 
Halfverse: a    hatānāṃ stanamānānāṃ   rākṣasānāṃ ca nisvanaḥ
   hatānāṃ stanamānānāṃ   rākṣasānāṃ ca nisvanaḥ /
Halfverse: c    śastrāṇāṃ vānarāṇāṃ ca   saṃbabʰūvātidāruṇaḥ
   śastrāṇāṃ vānarāṇāṃ ca   saṃbabʰūva_atidāruṇaḥ /13/

Verse: 14 
Halfverse: a    śastrapuṣpopahārā ca   tatrāsīd yuddʰamedinī
   śastra-puṣpa_upahārā ca   tatra_āsīd yuddʰa-medinī /
Halfverse: c    durjñeyā durniveśā ca   śoṇitāsravakardamā
   durjñeyā durniveśā ca   śoṇita_āsrava-kardamā /14/

Verse: 15 
Halfverse: a    sā babʰūva niśā gʰorā   harirākṣasahāriṇī
   sā babʰūva niśā gʰorā   hari-rākṣasa-hāriṇī /
Halfverse: c    kālarātrīva bʰūtānāṃ   sarveṣāṃ duratikramā
   kāla-rātrī_iva bʰūtānāṃ   sarveṣāṃ duratikramā /15/

Verse: 16 
Halfverse: a    tatas te rākṣasās tatra   tasmiṃs tamasi dāruṇe
   tatas te rākṣasās tatra   tasmiṃs tamasi dāruṇe /
Halfverse: c    rāmam evābʰyadʰāvanta   saṃhr̥ṣṭā śaravr̥ṣṭibʰiḥ
   rāmam eva_abʰyadʰāvanta   saṃhr̥ṣṭā śara-vr̥ṣṭibʰiḥ /16/

Verse: 17 
Halfverse: a    teṣām āpatatāṃ śabdaḥ   kruddʰānām abʰigarjatām
   teṣām āpatatāṃ śabdaḥ   kruddʰānām abʰigarjatām /
Halfverse: c    udvarta iva saptānāṃ   samudrāṇām abʰūt svanaḥ
   udvarta iva saptānāṃ   samudrāṇām abʰūt svanaḥ /17/

Verse: 18 
Halfverse: a    teṣāṃ rāmaḥ śaraiḥ ṣaḍbʰiḥ   ṣaḍ jagʰāna niśācarān
   teṣāṃ rāmaḥ śaraiḥ ṣaḍbʰiḥ   ṣaḍ jagʰāna niśā-carān /
Halfverse: c    nimeṣāntaramātreṇa   śitair agniśikʰopamaiḥ
   nimeṣa_antara-mātreṇa   śitair agni-śikʰa_upamaiḥ /18/

Verse: 19 
Halfverse: a    yajñaśatruś ca durdʰarṣo   mahāpārśvamahodarau
   yajña-śatruś ca durdʰarṣo   mahā-pārśva-mahā_udarau /
Halfverse: c    vajradaṃṣṭro mahākāyas   tau cobʰau śukasāraṇau
   vajra-daṃṣṭro mahā-kāyas   tau ca_ubʰau śuka-sāraṇau /19/

Verse: 20 
Halfverse: a    te tu rāmeṇa bāṇaugʰaḥ   sarvamarmasu tāḍitāḥ
   te tu rāmeṇa bāṇa_ogʰaḥ   sarva-marmasu tāḍitāḥ /
Halfverse: c    yuddʰād apasr̥tās tatra   sāvaśeṣāyuṣo 'bʰavan
   yuddʰād apasr̥tās tatra   sāvaśeṣa_āyuṣo_abʰavan /20/

Verse: 21 
Halfverse: a    tataḥ kāñcanacitrāṅgaiḥ   śarair agniśikʰopamaiḥ
   tataḥ kāñcana-citra_aṅgaiḥ   śarair agni-śikʰa_upamaiḥ /
Halfverse: c    diśaś cakāra vimalāḥ   pradiśaś ca mahābalaḥ
   diśaś cakāra vimalāḥ   pradiśaś ca mahā-balaḥ /21/

Verse: 22 
Halfverse: a    ye tv anye rākṣasā vīrā   rāmasyābʰimukʰe stʰitāḥ
   ye tv anye rākṣasā vīrā   rāmasya_abʰimukʰe stʰitāḥ /
Halfverse: c    te 'pi naṣṭāḥ samāsādya   pataṃgā iva pāvakam
   te_api naṣṭāḥ samāsādya   pataṃgā iva pāvakam /22/

Verse: 23 
Halfverse: a    suvarṇapuṅkʰair viśikʰaiḥ   saṃpatadbʰiḥ sahasraśaḥ
   suvarṇa-puṅkʰair viśikʰaiḥ   saṃpatadbʰiḥ sahasraśaḥ /
Halfverse: c    babʰūva rajanī citrā   kʰadyotair iva śāradī
   babʰūva rajanī citrā   kʰa-dyotair iva śāradī /23/

Verse: 24 
Halfverse: a    rākṣasānāṃ ca ninadair   harīṇāṃ cāpi garjitaiḥ
   rākṣasānāṃ ca ninadair   harīṇāṃ ca_api garjitaiḥ /
Halfverse: c    sā babʰūva niśā gʰorā   bʰūyo gʰoratarā tadā
   sā babʰūva niśā gʰorā   bʰūyo gʰoratarā tadā /24/

Verse: 25 
Halfverse: a    tena śabdena mahatā   pravr̥ddʰena samantataḥ
   tena śabdena mahatā   pravr̥ddʰena samantataḥ /
Halfverse: c    trikūṭaḥ kandarākīrṇaḥ   pravyāharad ivācalaḥ
   trikūṭaḥ kandara_ākīrṇaḥ   pravyāharad iva_acalaḥ /25/

Verse: 26 
Halfverse: a    golāṅgūlā mahākāyās   tamasā tulyavarcasaḥ
   go-lāṅgūlā mahā-kāyās   tamasā tulya-varcasaḥ /
Halfverse: c    saṃpariṣvajya bāhubʰyāṃ   bʰakṣayan rajanīcarān
   saṃpariṣvajya bāhubʰyāṃ   bʰakṣayan rajanī-carān /26/

Verse: 27 
Halfverse: a    aṅgadas tu raṇe śatruṃ   nihantuṃ samupastʰitaḥ
   aṅgadas tu raṇe śatruṃ   nihantuṃ samupastʰitaḥ /
Halfverse: c    rāvaṇer nijagʰānāśu   sāratʰiṃ ca hayān api
   rāvaṇer nijagʰāna_āśu   sāratʰiṃ ca hayān api /27/

Verse: 28 
Halfverse: a    indrajit tu ratʰaṃ tyaktvā   hatāśvo hatasāratʰiḥ
   indrajit tu ratʰaṃ tyaktvā   hata_aśvo hata-sāratʰiḥ /
Halfverse: c    aṅgadena mahāmāyas   tatraivāntaradʰīyata
   aṅgadena mahā-māyas   tatra_eva_antar-adʰīyata /28/

Verse: 29 
Halfverse: a    so 'ntardʰāna gataḥ pāpo   rāvaṇī raṇakarkaśaḥ
   so_antardʰāna gataḥ pāpo   rāvaṇī raṇa-karkaśaḥ /
Halfverse: c    brahmadattavaro vīro   rāvaṇiḥ krodʰamūrcʰitaḥ
   brahma-datta-varo vīro   rāvaṇiḥ krodʰa-mūrcʰitaḥ /
Halfverse: e    adr̥śyo niśitān bāṇān   mumocāśanivarcasaḥ
   adr̥śyo niśitān bāṇān   mumoca_aśani-varcasaḥ /29/

Verse: 30 
Halfverse: a    sa rāmaṃ lakṣmaṇaṃ caiva   gʰorair nāgamayaiḥ śaraiḥ
   sa rāmaṃ lakṣmaṇaṃ caiva   gʰorair nāgamayaiḥ śaraiḥ /
Halfverse: c    bibʰeda samare kruddʰaḥ   sarvagātreṣu rākṣasaḥ
   bibʰeda samare kruddʰaḥ   sarva-gātreṣu rākṣasaḥ /30/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.