TITUS
Ramayana
Part No. 430
Previous part

Chapter: 39 
Adhyāya 39


Verse: 1 
Halfverse: a    gʰoreṇa śarabandʰena   baddʰau daśaratʰātmajau
   gʰoreṇa śara-bandʰena   baddʰau daśaratʰa_ātmajau /
Halfverse: c    niśvasantau yatʰā nāgau   śayānau rudʰirokṣitau
   niśvasantau yatʰā nāgau   śayānau rudʰira_ukṣitau /1/

Verse: 2 
Halfverse: a    sarve te vānaraśreṣṭʰāḥ   sasugrīvā mahābalāḥ
   sarve te vānara-śreṣṭʰāḥ   sasugrīvā mahā-balāḥ /
Halfverse: c    parivārya mahātmānau   tastʰuḥ śokapariplutāḥ
   parivārya mahātmānau   tastʰuḥ śoka-pariplutāḥ /2/

Verse: 3 
Halfverse: a    etasminn antere rāmaḥ   pratyabudʰyata vīryavān
   etasminn antere rāmaḥ   pratyabudʰyata vīryavān /
Halfverse: c    stʰiratvāt sattvayogāc ca   śaraiḥ saṃdānito 'pi san
   stʰiratvāt sattva-yogāc ca   śaraiḥ saṃdānito_api san /3/

Verse: 4 
Halfverse: a    tato dr̥ṣṭvā sarudʰiraṃ   viṣaṇṇaṃ gāḍʰam arpitam
   tato dr̥ṣṭvā sarudʰiraṃ   viṣaṇṇaṃ gāḍʰam arpitam /
Halfverse: c    bʰrātaraṃ dīnavadanaṃ   paryadevayad āturaḥ
   bʰrātaraṃ dīna-vadanaṃ   paryadevayad āturaḥ /4/

Verse: 5 
Halfverse: a    kiṃ nu me sītayā kāryaṃ   kiṃ kāryaṃ jīvitena vā
   kiṃ nu me sītayā kāryaṃ   kiṃ kāryaṃ jīvitena vā /
Halfverse: c    śayānaṃ yo 'dya paśyāmi   bʰrātaraṃ yudʰi nirjitam
   śayānaṃ yo_adya paśyāmi   bʰrātaraṃ yudʰi nirjitam /5/

Verse: 6 
Halfverse: a    śakyā sītā samā nārī   prāptuṃ loke vicinvatā
   śakyā sītā samā nārī   prāptuṃ loke vicinvatā /
Halfverse: c    na lakṣmaṇasamo bʰrātā   sacivaḥ sāmparāyikaḥ
   na lakṣmaṇa-samo bʰrātā   sacivaḥ sāmparāyikaḥ /6/

Verse: 7 
Halfverse: a    parityakṣyāmy ahaṃ prāṇān   vānarāṇāṃ tu paśyatām
   parityakṣyāmy ahaṃ prāṇān   vānarāṇāṃ tu paśyatām /
Halfverse: c    yadi pañcatvam āpannaḥ   sumitrānandavardʰanaḥ
   yadi pañcatvam āpannaḥ   sumitra_ānanda-vardʰanaḥ /7/

Verse: 8 
Halfverse: a    kiṃ nu vakṣyāmi kausalyāṃ   mātaraṃ kiṃ nu kaikayīm
   kiṃ nu vakṣyāmi kausalyāṃ   mātaraṃ kiṃ nu kaikayīm /
Halfverse: c    katʰam ambāṃ sumitrāṃca   putradarśanalālasām
   katʰam ambāṃ sumitrāṃca   putra-darśana-lālasām /8/

Verse: 9 
Halfverse: a    vivatsāṃ vepamānāṃ ca   krośantīṃ kurarīm iva
   vivatsāṃ vepamānāṃ ca   krośantīṃ kurarīm iva /
Halfverse: c    katʰam āśvāsayiṣyāmi   yadi yāsyāmi taṃ vinā
   katʰam āśvāsayiṣyāmi   yadi yāsyāmi taṃ vinā /9/

Verse: 10 
Halfverse: a    katʰaṃ vakṣyāmi śatrugʰnaṃ   bʰarataṃ ca yaśasvinam
   katʰaṃ vakṣyāmi śatrugʰnaṃ   bʰarataṃ ca yaśasvinam /
Halfverse: c    mayā saha vanaṃ yāto   vinā tenāgataḥ punaḥ
   mayā saha vanaṃ yāto   vinā tena_āgataḥ punaḥ /10/

Verse: 11 
Halfverse: a    upālambʰaṃ na śakṣyāmi   soḍʰuṃ bata sumitrayā
   upālambʰaṃ na śakṣyāmi   soḍʰuṃ bata sumitrayā /
Halfverse: c    ihaiva dehaṃ tyakṣyāmi   na hi jīvitum utsahe
   iha_eva dehaṃ tyakṣyāmi   na hi jīvitum utsahe /11/

Verse: 12 
Halfverse: a    dʰiṅ māṃ duṣkr̥takarmāṇam   anāryaṃ yatkr̥te hy asau
   dʰiṅ māṃ duṣkr̥ta-karmāṇam   anāryaṃ yat-kr̥te hy asau / {!}
Halfverse: c    lakṣmaṇaḥ patitaḥ śete   śaratalpe gatāsuvat
   lakṣmaṇaḥ patitaḥ śete   śara-talpe gata_asuvat /12/

Verse: 13 
Halfverse: a    tvaṃ nityaṃ suviṣaṇṇaṃ mām   āśvāsayasi lakṣmaṇa
   tvaṃ nityaṃ suviṣaṇṇaṃ mām   āśvāsayasi lakṣmaṇa /
Halfverse: c    gatāsur nādya śaknoṣi   mām ārtam abʰibʰāṣitum
   gata_asur na_adya śaknoṣi   mām ārtam abʰibʰāṣitum /13/

Verse: 14 
Halfverse: a    yenādya bahavo yuddʰe   rākṣasā nihatāḥ kṣitau
   yena_adya bahavo yuddʰe   rākṣasā nihatāḥ kṣitau /
Halfverse: c    tasyām eva kṣitau vīraḥ   sa śete nihataḥ paraiḥ
   tasyām eva kṣitau vīraḥ   sa śete nihataḥ paraiḥ /14/

Verse: 15 
Halfverse: a    śayānaḥ śaratalpe 'smin   svaśoṇitapariplutaḥ
   śayānaḥ śara-talpe_asmin   sva-śoṇita-pariplutaḥ /
Halfverse: c    śarajālaiś cito bʰāti   bʰāskaro 'stam iva vrajan
   śara-jālaiś cito bʰāti   bʰāskaro_astam iva vrajan /15/

Verse: 16 
Halfverse: a    bāṇābʰihatamarmatvān   na śaknoty abʰivīkṣitum
   bāṇa_abʰihata-marmatvān   na śaknoty abʰivīkṣitum /
Halfverse: c    rujā cābruvato hy asya   dr̥ṣṭirāgeṇa sūcyate
   rujā ca_abruvato hy asya   dr̥ṣṭi-rāgeṇa sūcyate /16/

Verse: 17 
Halfverse: a    yatʰaiva māṃ vanaṃ yāntam   anuyāto mahādyutiḥ
   yatʰā_eva māṃ vanaṃ yāntam   anuyāto mahā-dyutiḥ /
Halfverse: c    aham apy anuyāsyāmi   tatʰaivainaṃ yamakṣayam
   aham apy anuyāsyāmi   tatʰaiva_enaṃ yama-kṣayam /17/

Verse: 18 
Halfverse: a    iṣṭabandʰujano nityaṃ   māṃ ca nityam anuvrataḥ
   iṣṭa-bandʰu-jano nityaṃ   māṃ ca nityam anuvrataḥ /
Halfverse: c    imām adya gato 'vastʰāṃ   mamānāryasya durnayaiḥ
   imām adya gato_avastʰāṃ   mama_anāryasya durnayaiḥ /18/

Verse: 19 
Halfverse: a    suruṣṭenāpi vīreṇa   lakṣmaṇenā na saṃsmare
   suruṣṭena_api vīreṇa   lakṣmaṇenā na saṃsmare /
Halfverse: c    paruṣaṃ vipriyaṃ vāpi   śrāvitaṃ na kadā cana
   paruṣaṃ vipriyaṃ vā_api   śrāvitaṃ na kadācana /19/

Verse: 20 
Halfverse: a    visasarjaikavegena   pañcabāṇaśatāni yaḥ
   visasarja_eka-vegena   pañca-bāṇa-śatāni yaḥ /
Halfverse: c    iṣvastreṣv adʰikas tasmāt   kārtavīryāc ca lakṣmaṇaḥ
   iṣv-astreṣv adʰikas tasmāt   kārtavīryāc ca lakṣmaṇaḥ /20/

Verse: 21 
Halfverse: a    astrair astrāṇi yo hanyāc   cʰakrasyāpi mahātmanaḥ
   astrair astrāṇi yo hanyāt   śakrasya_api mahātmanaḥ /
Halfverse: c    so 'yam urvyāṃhataḥ śete   mahārhaśayanocitaḥ
   so_ayam urvyāṃhataḥ śete   mahā_arha-śayana_ucitaḥ /21/

Verse: 22 
Halfverse: a    tac ca mitʰyā pralaptaṃ māṃ   pradʰakṣyati na saṃśayaḥ
   tac ca mitʰyā pralaptaṃ māṃ   pradʰakṣyati na saṃśayaḥ /
Halfverse: c    yan mayā na kr̥to rājā   rākṣasānāṃ vibʰīṣaṇaḥ
   yan mayā na kr̥to rājā   rākṣasānāṃ vibʰīṣaṇaḥ /22/

Verse: 23 
Halfverse: a    asmin muhūrte sugrīva   pratiyātum ito 'rhasi
   asmin muhūrte sugrīva   pratiyātum ito_arhasi /
Halfverse: c    matvā hīnaṃ mayā rājan   rāvaṇo 'bʰidraved balī
   matvā hīnaṃ mayā rājan   rāvaṇo_abʰidraved balī /23/

Verse: 24 
Halfverse: a    aṅgadaṃ tu puraskr̥tya   sasainyaḥ sasuhr̥jjanaḥ
   aṅgadaṃ tu puras-kr̥tya   sasainyaḥ sasuhr̥j-janaḥ /
Halfverse: c    sāgaraṃ tara sugrīva   punas tenaiva setunā
   sāgaraṃ tara sugrīva   punas tena_eva setunā /24/

Verse: 25 
Halfverse: a    kr̥taṃ hanumatā kāryaṃ   yad anyair duṣkaraṃ raṇe
   kr̥taṃ hanumatā kāryaṃ   yad anyair duṣkaraṃ raṇe /
Halfverse: c    r̥kṣarājena tuṣyāmi   golāṅgūlādʰipena ca
   r̥kṣa-rājena tuṣyāmi   go-lāṅgūla_adʰipena ca /25/

Verse: 26 
Halfverse: a    aṅgadena kr̥taṃ karma   maindena dvividena ca
   aṅgadena kr̥taṃ karma   maindena dvividena ca /
Halfverse: c    yuddʰaṃ kesariṇā saṃkʰye   gʰoraṃ saṃpātinā kr̥tam
   yuddʰaṃ kesariṇā saṃkʰye   gʰoraṃ saṃpātinā kr̥tam /26/

Verse: 27 
Halfverse: a    gavayena gavākṣeṇa   śarabʰeṇa gajena ca
   gavayena gava_akṣeṇa   śarabʰeṇa gajena ca /
Halfverse: c    anyaiś ca haribʰir yuddʰaṃ   madārtʰe tyaktajīvitaiḥ
   anyaiś ca haribʰir yuddʰaṃ   mad-ārtʰe tyakta-jīvitaiḥ /27/

Verse: 28 
Halfverse: a    na cātikramituṃ śakyaṃ   daivaṃ sugrīva mānuṣaiḥ
   na ca_atikramituṃ śakyaṃ   daivaṃ sugrīva mānuṣaiḥ /
Halfverse: c    yat tu śakyaṃ vayasyena   suhr̥dā vā paraṃtapa
   yat tu śakyaṃ vayasyena   suhr̥dā vā paraṃ-tapa /
Halfverse: e    kr̥taṃ sugrīva tat sarvaṃ   bʰavatādʰarmabʰīruṇā
   kr̥taṃ sugrīva tat sarvaṃ   bʰavatā_adʰarma-bʰīruṇā /28/

Verse: 29 
Halfverse: a    mitrakāryaṃ kr̥tam idaṃ   bʰavadbʰir vānararṣabʰāḥ
   mitra-kāryaṃ kr̥tam idaṃ   bʰavadbʰir vānara-r̥ṣabʰāḥ /
Halfverse: c    anujñātā mayā sarve   yatʰeṣṭaṃ gantum arhatʰa
   anujñātā mayā sarve   yatʰā_iṣṭaṃ gantum arhatʰa /29/

Verse: 30 
Halfverse: a    śuśruvus tasya te sarve   vānarāḥ paridevitam
   śuśruvus tasya te sarve   vānarāḥ paridevitam /
Halfverse: c    vartayāṃ cakrur aśrūṇi   netraiḥ kr̥ṣṇetarekṣaṇāḥ
   vartayāṃ cakrur aśrūṇi   netraiḥ kr̥ṣṇa_itara_īkṣaṇāḥ /30/

Verse: 31 
Halfverse: a    tataḥ sarvāṇy anīkāni   stʰāpayitvā vibʰīṣaṇaḥ
   tataḥ sarvāṇy anīkāni   stʰāpayitvā vibʰīṣaṇaḥ /
Halfverse: c    ājagāma gadāpāṇis   tvarito yatra rāgʰavaḥ
   ājagāma gadā-pāṇis   tvarito yatra rāgʰavaḥ /31/

Verse: 32 
Halfverse: a    taṃ dr̥ṣṭvā tvaritaṃ yāntaṃ   nīlāñjanacayopamam
   taṃ dr̥ṣṭvā tvaritaṃ yāntaṃ   nīla_añjana-caya_upamam /
Halfverse: c    vānarā dudruvuḥ sarve   manyamānās tu rāvaṇim
   vānarā dudruvuḥ sarve   manyamānās tu rāvaṇim /32/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.