TITUS
Ramayana
Part No. 453
Previous part

Chapter: 62 
Adhyāya 62


Verse: 1 
Halfverse: a    tato 'bravīn mahātejāḥ   sugrīvo vānarādʰipaḥ
   tato_abravīn mahā-tejāḥ   sugrīvo vānara_adʰipaḥ /
Halfverse: c    artʰyaṃ vijāpayaṃś cāpi   hanūmantaṃ mahābalam
   artʰyaṃ vijāpayaṃś ca_api   hanūmantaṃ mahā-balam /1/

Verse: 2 
Halfverse: a    yato hataḥ kumbʰakarṇaḥ   kumārāś ca niṣūditāḥ
   yato hataḥ kumbʰa-karṇaḥ   kumārāś ca niṣūditāḥ /
Halfverse: c    nedānīim upanirhāraṃ   rāvaṇo dātum arhati
   na_idānīim upanirhāraṃ   rāvaṇo dātum arhati /2/

Verse: 3 
Halfverse: a    ye ye mahābalāḥ santi   lagʰavaś ca plavaṃgamāḥ
   ye ye mahā-balāḥ santi   lagʰavaś ca plavaṃ-gamāḥ /
Halfverse: c    laṅkām abʰyutpatantv āśu   gr̥hyolkāḥ plavagarṣabʰāḥ
   laṅkām abʰyutpatantv āśu   gr̥hya_ulkāḥ plavaga-r̥ṣabʰāḥ /3/

Verse: 4 
Halfverse: a    tato 'staṃ gata āditye   raudre tasmin niśāmukʰe
   tato_astaṃ gata āditye   raudre tasmin niśā-mukʰe /
Halfverse: c    laṅkām abʰimukʰāḥ solkā   jagmus te plavagarṣabʰāḥ
   laṅkām abʰimukʰāḥ sa_ulkā   jagmus te plavaga-r̥ṣabʰāḥ /4/ {!}

Verse: 5 
Halfverse: a    ulkāhastair harigaṇaiḥ   sarvataḥ samabʰidrutāḥ
   ulkā-hastair hari-gaṇaiḥ   sarvataḥ samabʰidrutāḥ /
Halfverse: c    ārakṣastʰā virūpākṣāḥ   sahasā vipradudruvuḥ
   ārakṣastʰā virūpa_akṣāḥ   sahasā vipradudruvuḥ /5/

Verse: 6 
Halfverse: a    gopurāṭṭa pratolīṣu   caryāsu vividʰāsu ca
   gopura_aṭṭa pratolīṣu   caryāsu vividʰāsu ca /
Halfverse: c    prāsādeṣu ca saṃhr̥ṣṭāḥ   sasr̥jus te hutāśanam
   prāsādeṣu ca saṃhr̥ṣṭāḥ   sasr̥jus te huta_aśanam /6/

Verse: 7 
Halfverse: a    teṣāṃ gr̥hasahasrāṇi   dadāha hutabʰuk tadā
   teṣāṃ gr̥ha-sahasrāṇi   dadāha hutabʰuk tadā /
Halfverse: c    āvāsān rākṣasānāṃ ca   sarveṣāṃ gr̥hamedʰinām
   āvāsān rākṣasānāṃ ca   sarveṣāṃ gr̥ha-medʰinām /7/

Verse: 8 
Halfverse: a    hemacitratanutrāṇāṃ   sragdāmāmbaradʰāriṇām
   hema-citra-tanu-trāṇāṃ   srag-dāma_ambara-dʰāriṇām /
Halfverse: c    sīdʰupānacalākṣāṇāṃ   madavihvalagāminām
   sīdʰu-pāna-cala_akṣāṇāṃ   mada-vihvala-gāminām /8/

Verse: 9 
Halfverse: a    kāntālambitavastrāṇāṃ   śatrusaṃjātamanyunām
   kānta_ālambita-vastrāṇāṃ   śatru-saṃjāta-manyunām /
Halfverse: c    gadāśūlāsi hastānāṃ   kʰādatāṃ pibatām api
   gadā-śūla_asi hastānāṃ   kʰādatāṃ pibatām api /9/

Verse: 10 
Halfverse: a    śayaneṣu mahārheṣu   prasuptānāṃ priyaiḥ saha
   śayaneṣu mahā_arheṣu   prasuptānāṃ priyaiḥ saha /
Halfverse: c    trastānāṃ gaccʰatāṃ tūrṇaṃ   putrān ādāya sarvataḥ
   trastānāṃ gaccʰatāṃ tūrṇaṃ   putrān ādāya sarvataḥ /10/

Verse: 11 
Halfverse: a    teṣāṃ gr̥hasahasrāṇi   tadā laṅkānivāsinām
   teṣāṃ gr̥ha-sahasrāṇi   tadā laṅkā-nivāsinām /
Halfverse: c    adahat pāvakas tatra   jajvāla ca punaḥ punaḥ
   adahat pāvakas tatra   jajvāla ca punaḥ punaḥ /11/

Verse: 12 
Halfverse: a    sāravanti mahārhāṇi   gambʰīraguṇavanti ca
   sāravanti mahā_arhāṇi   gambʰīra-guṇavanti ca /
Halfverse: c    hemacandrārdʰacandrāṇi   candraśālonnatāni ca
   hema-candra_ardʰa-candrāṇi   candra-śāla_unnatāni ca /12/

Verse: 13 
Halfverse: a    ratnacitragavākṣāṇi   sādʰiṣṭʰānāni sarvaśaḥ
   ratna-citra-gava_akṣāṇi   sādʰiṣṭʰānāni sarvaśaḥ /
Halfverse: c    maṇividrumacitrāṇi   spr̥śantīva ca bʰāskaram
   maṇi-vidruma-citrāṇi   spr̥śanti_iva ca bʰāskaram /13/

Verse: 14 
Halfverse: a    krauñcabarhiṇavīṇānāṃ   bʰūṣaṇānāṃ ca nisvanaiḥ
   krauñca-barhiṇa-vīṇānāṃ   bʰūṣaṇānāṃ ca nisvanaiḥ /
Halfverse: c    nāditāny acalābʰāni   veśmāny agnir dadāha saḥ
   nāditāny acala_ābʰāni   veśmāny agnir dadāha saḥ /14/

Verse: 15 
Halfverse: a    jvalanena parītāni   toraṇāni cakāśire
   jvalanena parītāni   toraṇāni cakāśire /
Halfverse: c    vidyudbʰir iva naddʰāni   megʰajālāni gʰarmage
   vidyudbʰir iva naddʰāni   megʰa-jālāni gʰarmage /15/

Verse: 16 
Halfverse: a    vimāneṣu prasuptāś ca   dahyamānā varāṅganāḥ
   vimāneṣu prasuptāś ca   dahyamānā vara_aṅganāḥ /
Halfverse: c    tyaktābʰaraṇasaṃyogā   hāhety uccair vicukruśaḥ
   tyakta_ābʰaraṇa-saṃyogā   hāhā_ity uccair vicukruśaḥ /16/

Verse: 17 
Halfverse: a    tatra cāgniparītāni   nipetur bʰavanāny api
   tatra ca_agni-parītāni   nipetur bʰavanāny api /
Halfverse: c    vajrivajrahatānīva   śikʰarāṇi mahāgireḥ
   vajri-vajra-hatāni_iva   śikʰarāṇi mahā-gireḥ /17/

Verse: 18 
Halfverse: a    tāni nirdahyamānāni   dūrataḥ pracakāśire
   tāni nirdahyamānāni   dūrataḥ pracakāśire /
Halfverse: c    himavaccʰikʰarāṇīva   dīptauṣadʰivanāni ca
   himavat-śikʰarāṇi_iva   dīpta_oṣadʰi-vanāni ca /18/

Verse: 19 
Halfverse: a    harmyāgrair dahyamānaiś ca   jvālāprajvalitair api
   harmya_agrair dahyamānaiś ca   jvālā-prajvalitair api /
Halfverse: c    rātrau sā dr̥śyate laṅkā   puṣpitair iva kiṃśukaiḥ
   rātrau sā dr̥śyate laṅkā   puṣpitair iva kiṃśukaiḥ /19/

Verse: 20 
Halfverse: a    hastyadʰyakṣair gajair muktair   muktaiś ca turagair api
   hasty-adʰyakṣair gajair muktair   muktaiś ca turagair api /
Halfverse: c    babʰūva laṅkā lokānte   bʰrāntagrāha ivārṇavaḥ
   babʰūva laṅkā loka_ante   bʰrānta-grāha iva_arṇavaḥ /20/ {!}

Verse: 21 
Halfverse: a    aśvaṃ muktaṃ gajo dr̥ṣṭvā   kac cid bʰīto 'pasarpati
   aśvaṃ muktaṃ gajo dr̥ṣṭvā   kaccid bʰīto_apasarpati /
Halfverse: c    bʰīto bʰītaṃ gajaṃ dr̥ṣṭvā   kva cid aśvo nivartate
   bʰīto bʰītaṃ gajaṃ dr̥ṣṭvā   kvacid aśvo nivartate /21/

Verse: 22 
Halfverse: a    sā babʰūva muhūrtena   haribʰir dīpitā purī
   sā babʰūva muhūrtena   haribʰir dīpitā purī /
Halfverse: c    lokasyāsya kṣaye gʰore   pradīpteva vasuṃdʰarā
   lokasya_asya kṣaye gʰore   pradīptā_iva vasuṃ-dʰarā /22/

Verse: 23 
Halfverse: a    nārī janasya dʰūmena   vyāptasyoccair vineduṣaḥ
   nārī janasya dʰūmena   vyāptasya_uccair vineduṣaḥ /
Halfverse: c    svano jvalanataptasya   śuśruve daśayojanam
   svano jvalana-taptasya   śuśruve daśa-yojanam /23/

Verse: 24 
Halfverse: a    pradagdʰakāyān aparān   rākṣasān nirgatān bahiḥ
   pradagdʰa-kāyān aparān   rākṣasān nirgatān bahiḥ /
Halfverse: c    sahasābʰyutpatanti sma   harayo 'tʰa yuyutsavaḥ
   sahasā_abʰyutpatanti sma   harayo_atʰa yuyutsavaḥ /24/

Verse: 25 
Halfverse: a    udgʰuṣṭaṃ vānarāṇāṃ ca   rākṣasānāṃ ca nisvanaḥ
   udgʰuṣṭaṃ vānarāṇāṃ ca   rākṣasānāṃ ca nisvanaḥ /
Halfverse: c    diśo daśa samudraṃ ca   pr̥tʰivīṃ cānvanādayat
   diśo daśa samudraṃ ca   pr̥tʰivīṃ ca_anvanādayat /25/

Verse: 26 
Halfverse: a    viśalyau tu mahātmānau   tāv ubʰau rāmalakṣmaṇau
   viśalyau tu mahātmānau   tāv ubʰau rāma-lakṣmaṇau /
Halfverse: c    asaṃbʰrāntau jagr̥hatus   tāv ubʰau dʰanuṣī vare
   asaṃbʰrāntau jagr̥hatus   tāv ubʰau dʰanuṣī vare /26/

Verse: 27 
Halfverse: a    tato vispʰārayānasya   rāmasya dʰanur uttamam {!}
   tato vispʰārayānasya   rāmasya dʰanur uttamam / {!}
Halfverse: c    babʰūva tumulaḥ śabdo   rākṣasānāṃ bʰayāvahaḥ
   babʰūva tumulaḥ śabdo   rākṣasānāṃ bʰaya_āvahaḥ /27/

Verse: 28 
Halfverse: a    aśobʰata tadā rāmo   dʰanur vispʰārayan mahat
   aśobʰata tadā rāmo   dʰanur vispʰārayan mahat /
Halfverse: c    bʰagavān iva saṃkruddʰo   bʰavo vedamayaṃ dʰanuḥ
   bʰagavān iva saṃkruddʰo   bʰavo vedamayaṃ dʰanuḥ /28/

Verse: 29 
Halfverse: a    vānarodgʰuṣṭagʰoṣaś ca   rākṣasānāṃ ca nisvanaḥ
   vānara_udgʰuṣṭa-gʰoṣaś ca   rākṣasānāṃ ca nisvanaḥ /
Halfverse: c    jyāśabdaś cāpi rāmasya   trayaṃ vyāpa diśo daśa
   jyā-śabdaś ca_api rāmasya   trayaṃ vyāpa diśo daśa /29/

Verse: 30 
Halfverse: a    tasya kārmukamuktaiś ca   śarais tatpuragopuram
   tasya kārmuka-muktaiś ca   śarais tat-pura-gopuram /
Halfverse: c    kailāsaśr̥ṅgapratimaṃ   vikīrṇam apatad bʰuvi
   kailāsa-śr̥ṅga-pratimaṃ   vikīrṇam apatad bʰuvi /30/

Verse: 31 
Halfverse: a    tato rāmaśarān dr̥ṣṭvā   vimāneṣu gr̥heṣu ca
   tato rāma-śarān dr̥ṣṭvā   vimāneṣu gr̥heṣu ca /
Halfverse: c    saṃnāho rākṣasendrāṇāṃ   tumulaḥ samapadyata
   saṃnāho rākṣasa_indrāṇāṃ   tumulaḥ samapadyata /31/

Verse: 32 
Halfverse: a    teṣāṃ saṃnahyamānānāṃ   siṃhanādaṃ ca kurvatām
   teṣāṃ saṃnahyamānānāṃ   siṃha-nādaṃ ca kurvatām /
Halfverse: c    śarvarī rākṣasendrāṇāṃ   raudrīva samapadyata
   śarvarī rākṣasa_indrāṇāṃ   raudrī_iva samapadyata /32/

Verse: 33 
Halfverse: a    ādiṣṭā vānarendrās te   sugrīveṇa mahātmanā
   ādiṣṭā vānara_indrās te   sugrīveṇa mahātmanā /
Halfverse: c    āsannā dvāram āsādya   yudʰyadʰvaṃ plavagarṣabʰāḥ
   āsannā dvāram āsādya   yudʰyadʰvaṃ plavaga-r̥ṣabʰāḥ /33/

Verse: 34 
Halfverse: a    yaś ca vo vitatʰaṃ kuryāt   tatra tatra vyavastʰitaḥ
   yaś ca vo vitatʰaṃ kuryāt   tatra tatra vyavastʰitaḥ /
Halfverse: c    sa hantavyo 'bʰisaṃplutya   rājaśāsanadūṣakaḥ
   sa hantavyo_abʰisaṃplutya   rāja-śāsana-dūṣakaḥ /34/

Verse: 35 
Halfverse: a    teṣu vānaramukʰyeṣu   dīptolkojjvalapāṇiṣu
   teṣu vānara-mukʰyeṣu   dīpta_ulkā_ujjvala-pāṇiṣu /
Halfverse: c    stʰiteṣu dvāram āsādya   rāvaṇaṃ manyur āviśat
   stʰiteṣu dvāram āsādya   rāvaṇaṃ manyur āviśat /35/

Verse: 36 
Halfverse: a    tasya jr̥mbʰitavikṣepād   vyāmiśrā vai diśo daśa
   tasya jr̥mbʰita-vikṣepād   vyāmiśrā vai diśo daśa /
Halfverse: c    rūpavān iva rudrasya   manyur gātreṣv adr̥śyata
   rūpavān iva rudrasya   manyur gātreṣv adr̥śyata /36/

Verse: 37 
Halfverse: a    sa nikumbʰaṃ ca kumbʰaṃ ca   kumbʰakarṇātmajāv ubʰau
   sa nikumbʰaṃ ca kumbʰaṃ ca   kumbʰa-karṇa_ātmajāv ubʰau /
Halfverse: c    preṣayām āsa saṃkruddʰo   rākṣasair bahubʰiḥ saha
   preṣayām āsa saṃkruddʰo   rākṣasair bahubʰiḥ saha /37/

Verse: 38 
Halfverse: a    śaśāsa caiva tān sarvān   rākṣasān rākṣaseśvaraḥ
   śaśāsa caiva tān sarvān   rākṣasān rākṣasa_īśvaraḥ /
Halfverse: c    rākṣasā gaccʰatātraiva   siṃhanādaṃ ca nādayan
   rākṣasā gaccʰata_atra_eva   siṃha-nādaṃ ca nādayan /38/

Verse: 39 
Halfverse: a    tatas tu coditās tena   rākṣasā jvalitāyudʰāḥ
   tatas tu ca_uditās tena   rākṣasā jvalita_āyudʰāḥ /
Halfverse: c    laṅkāyā niryayur vīrāḥ   praṇadantaḥ punaḥ punaḥ
   laṅkāyā niryayur vīrāḥ   praṇadantaḥ punaḥ punaḥ /39/

Verse: 40 
Halfverse: a    bʰīmāśvaratʰamātaṃgaṃ   nānāpatti samākulam
   bʰīma_aśva-ratʰa-mātaṃgaṃ   nānā-patti samākulam /
Halfverse: c    dīptaśūlagadākʰaḍgaprāsatomarakārmukam
   dīpta-śūla-gadā-kʰaḍga-prāsa-tomara-kārmukam /40/ {Pāda}

Verse: 41 
Halfverse: a    tad rākṣasabalaṃ gʰoraṃ   bʰīmavikramapauruṣam
   tad rākṣasa-balaṃ gʰoraṃ   bʰīma-vikrama-pauruṣam /
Halfverse: c    dadr̥śe jvalitaprāsaṃ   kiṅkiṇīśatanāditam
   dadr̥śe jvalita-prāsaṃ   kiṅkiṇī-śata-nāditam /41/

Verse: 42 
Halfverse: a    hemajālācitabʰujaṃ   vyāveṣṭitaparaśvadʰam
   hema-jālā_ācita-bʰujaṃ   vyāveṣṭita-paraśvadʰam /
Halfverse: c    vyāgʰūrṇitamahāśastraṃ   bāṇasaṃsaktakārmukam
   vyāgʰūrṇita-mahā-śastraṃ   bāṇa-saṃsakta-kārmukam /42/

Verse: 43 
Halfverse: a    gandʰamālyamadʰūtsekasaṃmodita   mahānilam
   gandʰa-mālya-madʰu_utseka-saṃmodita   mahā_anilam / {Pāda}
Halfverse: c    gʰoraṃ śūrajanākīrṇaṃ   mahāmbudʰaranisvanam
   gʰoraṃ śūra-jana_ākīrṇaṃ   mahā_ambu-dʰara-nisvanam /43/

Verse: 44 
Halfverse: a    taṃ dr̥ṣṭvā balam āyāntaṃ   rākṣasānāṃ sudāruṇam
   taṃ dr̥ṣṭvā balam āyāntaṃ   rākṣasānāṃ sudāruṇam /
Halfverse: c    saṃcacāla plavaṃgānāṃ   balam uccair nanāda ca
   saṃcacāla plavaṃgānāṃ   balam uccair nanāda ca /44/

Verse: 45 
Halfverse: a    javenāplutya ca punas   tad rākṣasabalaṃ mahat
   javena_āplutya ca punas   tad rākṣasa-balaṃ mahat /
Halfverse: c    abʰyayāt pratyaribalaṃ   pataṃga iva pāvakam
   abʰyayāt pratyari-balaṃ   pataṃga iva pāvakam /45/

Verse: 46 
Halfverse: a    teṣāṃ bʰujaparāmarśavyāmr̥ṣṭaparigʰāśani
   teṣāṃ bʰuja-parāmarśa-vyāmr̥ṣṭa-parigʰa_aśani / {Pāda}
Halfverse: c    rākṣasānāṃ balaṃ śreṣṭʰaṃ   bʰūyastaram aśobʰata
   rākṣasānāṃ balaṃ śreṣṭʰaṃ   bʰūyastaram aśobʰata /46/

Verse: 47 
Halfverse: a    tatʰaivāpy apare teṣāṃ   kapīnām asibʰiḥ śitaiḥ
   tatʰā_eva_apy apare teṣāṃ   kapīnām asibʰiḥ śitaiḥ /
Halfverse: c    pravīrān abʰito jagʰnur   gʰorarūpā niśācarāḥ
   pravīrān abʰito jagʰnur   gʰora-rūpā niśā-carāḥ /47/

Verse: 48 
Halfverse: a    gʰnantam anyaṃ jagʰānānyaḥ   pātayantam apātayat
   gʰnantam anyaṃ jagʰāna_anyaḥ   pātayantam apātayat /
Halfverse: c    garhamāṇaṃ jagarhānye   daśantam apare 'daśat
   garhamāṇaṃ jagarha_anye   daśantam apare_adaśat /48/

Verse: 49 
Halfverse: a    dehīty anye dadāty anyo   dadāmīty aparaḥ punaḥ
   dehi_ity anye dadāty anyo   dadāmi_ity aparaḥ punaḥ /
Halfverse: c    kiṃ kleśayasi tiṣṭʰeti   tatrānyonyaṃ babʰāṣire
   kiṃ kleśayasi tiṣṭʰa_iti   tatra_anyonyaṃ babʰāṣire /49/

Verse: 50 
Halfverse: a    samudyatamahāprāsaṃ   muṣṭiśūlāsisaṃkulam
   samudyata-mahā-prāsaṃ   muṣṭi-śūla_asi-saṃkulam /
Halfverse: c    prāvartata mahāraudraṃ   yuddʰaṃ vānararakṣasām
   prāvartata mahā-raudraṃ   yuddʰaṃ vānara-rakṣasām /50/

Verse: 51 
Halfverse: a    vānarān daśa sapteti   rākṣasā abʰyapātayan
   vānarān daśa sapta_iti   rākṣasā abʰyapātayan /
Halfverse: c    rākṣasān daśasapteti   vānarā jagʰnur āhave
   rākṣasān daśa-sapta_iti   vānarā jagʰnur āhave /51/

Verse: 52 
Halfverse: a    visrastakeśarasanaṃ   vimuktakavacadʰvajam
   visrasta-keśa-rasanaṃ   vimukta-kavaca-dʰvajam /
Halfverse: c    balaṃ rākṣasam ālambya   vānarāḥ paryavārayan
   balaṃ rākṣasam ālambya   vānarāḥ paryavārayan /52/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.