TITUS
Ramayana
Part No. 454
Previous part

Chapter: 63 
Adhyāya 63


Verse: 1 
Halfverse: a    pravr̥tte saṃkule tasmin   gʰore vīrajanakṣaye
   pravr̥tte saṃkule tasmin   gʰore vīra-jana-kṣaye /
Halfverse: c    aṅgadaḥ kampanaṃ vīram   āsasāda raṇotsukaḥ
   aṅgadaḥ kampanaṃ vīram   āsasāda raṇa_utsukaḥ /1/

Verse: 2 
Halfverse: a    āhūya so 'ṅgadaṃ kopāt   tāḍayām āsa vegitaḥ
   āhūya so_aṅgadaṃ kopāt   tāḍayām āsa vegitaḥ /
Halfverse: c    gadayā kampanaḥ pūrvaṃ   sa cacāla bʰr̥śāhataḥ
   gadayā kampanaḥ pūrvaṃ   sa cacāla bʰr̥śa_āhataḥ /2/

Verse: 3 
Halfverse: a    sa saṃjñāṃ prāpya tejasvī   cikṣepa śikʰaraṃ gireḥ
   sa saṃjñāṃ prāpya tejasvī   cikṣepa śikʰaraṃ gireḥ /
Halfverse: c    arditaś ca prahāreṇa   kampanaḥ patito bʰuvi
   arditaś ca prahāreṇa   kampanaḥ patito bʰuvi /3/

Verse: 4 
Halfverse: a    hatapravīrā vyatʰitā   rākṣasendracamūs tadā
   hata-pravīrā vyatʰitā   rākṣasa_indra-camūs tadā /
Halfverse: c    jagāmābʰimukʰī sā tu   kumbʰakarṇasuto yataḥ
   jagāma_abʰimukʰī sā tu   kumbʰa-karṇa-suto yataḥ /
Halfverse: e    āpatantīṃ ca vegena   kumbʰas tāṃ sāntvayac camūm
   āpatantīṃ ca vegena   kumbʰas tāṃ sāntvayac camūm /4/

Verse: 5 
Halfverse: a    sa dʰanur dʰanvināṃ śreṣṭʰaḥ   pragr̥hya susamāhitaḥ
   sa dʰanur dʰanvināṃ śreṣṭʰaḥ   pragr̥hya susamāhitaḥ /
Halfverse: c    mumocāśīviṣaprakʰyāñ   śarān dehavidāraṇān
   mumoca_āśī-viṣa-prakʰyān   śarān deha-vidāraṇān /5/

Verse: 6 
Halfverse: a    tasya tac cʰuśubʰe bʰūyaḥ   saśaraṃ dʰanur uttamam
   tasya tat śuśubʰe bʰūyaḥ   saśaraṃ dʰanur uttamam /
Halfverse: c    vidyudairāvatārciṣmad   dvitīyendradʰanur yatʰā
   vidyud-airāvata_arciṣmad   dvitīya_indra-dʰanur yatʰā /6/

Verse: 7 
Halfverse: a    ākarṇakr̥ṣṭamuktena   jagʰāna dvividaṃ tadā
   ākarṇa-kr̥ṣṭa-muktena   jagʰāna dvividaṃ tadā /
Halfverse: c    tena hāṭakapuṅkʰena   patriṇā patravāsasā
   tena hāṭaka-puṅkʰena   patriṇā patra-vāsasā /7/

Verse: 8 
Halfverse: a    sahasābʰihatas tena   vipramuktapadaḥ spʰuran
   sahasā_abʰihatas tena   vipramukta-padaḥ spʰuran /
Halfverse: c    nipapātādrikūṭābʰo   vihvalaḥ plavagottamaḥ
   nipapāta_adri-kūṭa_ābʰo   vihvalaḥ plavaga_uttamaḥ /8/

Verse: 9 
Halfverse: a    maindas tu bʰrātaraṃ dr̥ṣṭvā   bʰagnaṃ tatra mahāhave
   maindas tu bʰrātaraṃ dr̥ṣṭvā   bʰagnaṃ tatra mahā_āhave /
Halfverse: c    abʰidudrāva vegena   pragr̥hya mahatīṃ śilām
   abʰidudrāva vegena   pragr̥hya mahatīṃ śilām /9/

Verse: 10 
Halfverse: a    tāṃ śilāṃ tu pracikṣepa   rākṣasāya mahābalaḥ
   tāṃ śilāṃ tu pracikṣepa   rākṣasāya mahā-balaḥ /
Halfverse: c    bibʰeda tāṃ śilāṃ kumbʰaḥ   prasannaiḥ pañcabʰiḥ śaraiḥ
   bibʰeda tāṃ śilāṃ kumbʰaḥ   prasannaiḥ pañcabʰiḥ śaraiḥ /10/

Verse: 11 
Halfverse: a    saṃdʰāya cānyaṃ sumukʰaṃ   śaram āśīviṣopamam
   saṃdʰāya ca_anyaṃ sumukʰaṃ   śaram āśī-viṣa_upamam /
Halfverse: c    ājagʰāna mahātejā   vakṣasi dvividāgrajam
   ājagʰāna mahā-tejā   vakṣasi dvivida_agrajam /11/

Verse: 12 
Halfverse: a    sa tu tena prahāreṇa   maindo vānarayūtʰapaḥ
   sa tu tena prahāreṇa   maindo vānara-yūtʰapaḥ /
Halfverse: c    marmaṇy abʰihatas tena   papāta bʰuvi mūrcʰitaḥ
   marmaṇy abʰihatas tena   papāta bʰuvi mūrcʰitaḥ /12/

Verse: 13 
Halfverse: a    aṅgado mātulau dr̥ṣṭvā   patitau tau mahābalau
   aṅgado mātulau dr̥ṣṭvā   patitau tau mahā-balau /
Halfverse: c    abʰidudrāva vegena   kumbʰam udyatakārmukam
   abʰidudrāva vegena   kumbʰam udyata-kārmukam /13/

Verse: 14 
Halfverse: a    tam āpatantaṃ vivyādʰa   kumbʰaḥ pañcabʰir āyasaiḥ
   tam āpatantaṃ vivyādʰa   kumbʰaḥ pañcabʰir āyasaiḥ /
Halfverse: c    tribʰiś cānyaiḥ śitair bāṇair   mātaṃgam iva tomaraiḥ
   tribʰiś ca_anyaiḥ śitair bāṇair   mātaṃgam iva tomaraiḥ /14/

Verse: 15 
Halfverse: a    so 'ṅgadaṃ vividʰair bāṇaiḥ   kumbʰo vivyādʰa vīryavān
   so_aṅgadaṃ vividʰair bāṇaiḥ   kumbʰo vivyādʰa vīryavān /
Halfverse: c    akuṇṭʰadʰārair niśitais   tīkṣṇaiḥ kanakabʰūṣaṇaiḥ
   akuṇṭʰa-dʰārair niśitais   tīkṣṇaiḥ kanaka-bʰūṣaṇaiḥ /15/

Verse: 16 
Halfverse: a    aṅgadaḥ pratividdʰāṅgo   vāliputro na kampate
   aṅgadaḥ pratividdʰa_aṅgo   vāli-putro na kampate /
Halfverse: c    śilāpādapavarṣāṇi   tasya mūrdʰni vavarṣa ha
   śilā-pādapa-varṣāṇi   tasya mūrdʰni vavarṣa ha /16/

Verse: 17 
Halfverse: a    sa praciccʰeda tān sarvān   bibʰeda ca punaḥ śilāḥ
   sa praciccʰeda tān sarvān   bibʰeda ca punaḥ śilāḥ /
Halfverse: c    kumbʰakarṇātmajaḥ śrīmān   vāliputrasamīritān
   kumbʰa-karṇa_ātmajaḥ śrīmān   vāli-putra-samīritān /17/

Verse: 18 
Halfverse: a    āpatantaṃ ca saṃprekṣya   kumbʰo vānarayūtʰapam
   āpatantaṃ ca saṃprekṣya   kumbʰo vānara-yūtʰapam /
Halfverse: c    bʰruvor vivyādʰa bāṇābʰyām   ulkābʰyām iva kuñjaram
   bʰruvor vivyādʰa bāṇābʰyām   ulkābʰyām iva kuñjaram /18/

Verse: 19 
Halfverse: a    aṅgadaḥ pāṇinā netre   pidʰāya rudʰirokṣite
   aṅgadaḥ pāṇinā netre   pidʰāya rudʰira_ukṣite /
Halfverse: c    sālam āsannam ekena   parijagrāha pāṇinā
   sālam āsannam ekena   parijagrāha pāṇinā /19/

Verse: 20 
Halfverse: a    tam indraketupratimaṃ   vr̥kṣaṃ mandarasaṃnibʰam
   tam indra-ketu-pratimaṃ   vr̥kṣaṃ mandara-saṃnibʰam /
Halfverse: c    samutsr̥jantaṃ vegena   paśyatāṃ sarvarakṣasām
   samutsr̥jantaṃ vegena   paśyatāṃ sarva-rakṣasām /20/

Verse: 21 
Halfverse: a    sa ciccʰeda śitair bāṇaiḥ   saptabʰiḥ kāyabʰedanaiḥ
   sa ciccʰeda śitair bāṇaiḥ   saptabʰiḥ kāya-bʰedanaiḥ /
Halfverse: c    aṅgado vivyatʰe 'bʰīkṣṇaṃ   sasāda ca mumoha ca
   aṅgado vivyatʰe_abʰīkṣṇaṃ   sasāda ca mumoha ca /21/

Verse: 22 
Halfverse: a    aṅgadaṃ vyatʰitaṃ dr̥ṣṭvā   sīdantam iva sāgare
   aṅgadaṃ vyatʰitaṃ dr̥ṣṭvā   sīdantam iva sāgare /
Halfverse: c    durāsadaṃ hariśreṣṭʰā   rāgʰavāya nyavedayan
   durāsadaṃ hari-śreṣṭʰā   rāgʰavāya nyavedayan /22/

Verse: 23 
Halfverse: a    rāmas tu vyatʰitaṃ śrutvā   vāliputraṃ mahāhave
   rāmas tu vyatʰitaṃ śrutvā   vāli-putraṃ mahā_āhave /
Halfverse: c    vyādideśa hariśreṣṭʰāñ   jāmbavatpramukʰāṃs tataḥ
   vyādideśa hari-śreṣṭʰān   jāmbavat-pramukʰāṃs tataḥ /23/

Verse: 24 
Halfverse: a    te tu vānaraśārdūlāḥ   śrutvā rāmasya śāsanam
   te tu vānara-śārdūlāḥ   śrutvā rāmasya śāsanam /
Halfverse: c    abʰipetuḥ susaṃkruddʰāḥ   kumbʰam udyatakārmukam
   abʰipetuḥ susaṃkruddʰāḥ   kumbʰam udyata-kārmukam /24/

Verse: 25 
Halfverse: a    tato drumaśilāhastāḥ   kopasaṃraktalocanāḥ
   tato druma-śilā-hastāḥ   kopa-saṃrakta-locanāḥ /
Halfverse: c    rirakṣiṣanto 'bʰyapatann   aṅgadaṃ vānararṣabʰāḥ
   rirakṣiṣanto_abʰyapatann   aṅgadaṃ vānara-r̥ṣabʰāḥ /25/

Verse: 26 
Halfverse: a    jāmbavāṃś ca suṣeṇaś ca   vegadarśī ca vānaraḥ
   jāmbavāṃś ca suṣeṇaś ca   vega-darśī ca vānaraḥ /
Halfverse: c    kumbʰakarṇātmajaṃ vīraṃ   kruddʰāḥ samabʰidudruvuḥ
   kumbʰa-karṇa_ātmajaṃ vīraṃ   kruddʰāḥ samabʰidudruvuḥ /26/

Verse: 27 
Halfverse: a    samīkṣyātatatas tāṃs tu   vānarendrān mahābalān
   samīkṣya_ātatatas tāṃs tu   vānara_indrān mahā-balān /
Halfverse: c    āvavāra śaraugʰeṇa   nageneva jalāśayam
   āvavāra śara_ogʰeṇa   nagena_iva jala_āśayam /27/

Verse: 28 
Halfverse: a    tasya bāṇacayaṃ prāpya   na śoker ativartitum
   tasya bāṇa-cayaṃ prāpya   na śoker ativartitum /
Halfverse: c    vānarendrā mahātmāno   velām iva mahodadʰiḥ
   vānara_indrā mahātmāno   velām iva mahā_udadʰiḥ /28/

Verse: 29 
Halfverse: a    tāṃs tu dr̥ṣṭvā harigaṇāñ   śaravr̥ṣṭibʰir arditān
   tāṃs tu dr̥ṣṭvā hari-gaṇān   śara-vr̥ṣṭibʰir arditān /
Halfverse: c    aṅgadaṃ pr̥ṣṭʰataḥ kr̥tvā   bʰrātr̥jaṃ plavageśvaraḥ
   aṅgadaṃ pr̥ṣṭʰataḥ kr̥tvā   bʰrātr̥jaṃ plavaga_īśvaraḥ /29/

Verse: 30 
Halfverse: a    abʰidudrāva vegena   sugrīvaḥ kumbʰam āhave
   abʰidudrāva vegena   sugrīvaḥ kumbʰam āhave /
Halfverse: c    śailasānu caraṃ nāgaṃ   vegavān iva kesarī
   śaila-sānu caraṃ nāgaṃ   vegavān iva kesarī /30/

Verse: 31 
Halfverse: a    utpāṭya ca mahāśailān   aśvakarṇān dʰavān bahūn
   utpāṭya ca mahā-śailān   aśva-karṇān dʰavān bahūn /
Halfverse: c    anyāṃś ca vividʰān vr̥kṣāṃś   cikṣepa ca mahābalaḥ
   anyāṃś ca vividʰān vr̥kṣāṃś   cikṣepa ca mahā-balaḥ /31/

Verse: 32 
Halfverse: a    tāṃ cʰādayantīm ākāśaṃ   vr̥kṣavr̥ṣṭiṃ durāsadām
   tāṃ cʰādayantīm ākāśaṃ   vr̥kṣa-vr̥ṣṭiṃ durāsadām /
Halfverse: c    kumbʰakarṇātmajaḥ śrīmāṃś   ciccʰeda niśitaiḥ śaraiḥ
   kumbʰa-karṇa_ātmajaḥ śrīmāṃś   ciccʰeda niśitaiḥ śaraiḥ /32/

Verse: 33 
Halfverse: a    abʰilakṣyeṇa tīvreṇa   kumbʰena niśitaiḥ śaraiḥ
   abʰilakṣyeṇa tīvreṇa   kumbʰena niśitaiḥ śaraiḥ /
Halfverse: c    ācitās te drumā rejur   yatʰā gʰorāḥ śatagʰnayaḥ
   ācitās te drumā rejur   yatʰā gʰorāḥ śatagʰnayaḥ /33/

Verse: 34 
Halfverse: a    drumavarṣaṃ tu tac cʰinnaṃ   dr̥ṣṭvā kumbʰena vīryavān
   druma-varṣaṃ tu tat cʰinnaṃ   dr̥ṣṭvā kumbʰena vīryavān /
Halfverse: c    vānarādʰipatiḥ śrīmān   mahāsattvo na vivyatʰe
   vānara_adʰipatiḥ śrīmān   mahā-sattvo na vivyatʰe /34/

Verse: 35 
Halfverse: a    nirbʰidyamānaḥ sahasā   sahamānaś ca tāñ śarān
   nirbʰidyamānaḥ sahasā   sahamānaś ca tān śarān /
Halfverse: c    kumbʰasya dʰanur ākṣipya   babʰañjendradʰanuḥprabʰam
   kumbʰasya dʰanur ākṣipya   babʰañja_indra-dʰanuḥ-prabʰam /35/

Verse: 36 
Halfverse: a    avaplutya tataḥ śīgʰraṃ   kr̥tvā karma suduṣkaram
   avaplutya tataḥ śīgʰraṃ   kr̥tvā karma suduṣkaram /
Halfverse: c    abravīt kupitaḥ kumbʰaṃ   bʰagnaśr̥ṅgam iva dvipam
   abravīt kupitaḥ kumbʰaṃ   bʰagna-śr̥ṅgam iva dvipam /36/

Verse: 37 
Halfverse: a    nikumbʰāgraja vīryaṃ te   bāṇavegaṃ tad adbʰutam
   nikumbʰa_agraja vīryaṃ te   bāṇa-vegaṃ tad adbʰutam /
Halfverse: c    saṃnatiś ca prabʰāvaś ca   tava vā rāvaṇasya vā
   saṃnatiś ca prabʰāvaś ca   tava vā rāvaṇasya vā /37/

Verse: 38 
Halfverse: a    prahrādabalivr̥tragʰnakuberavaruṇopama
   prahrāda-bali-vr̥tragʰna-kubera-varuṇa_upama / {Pāda}
Halfverse: c    ekas tvam anujāto 'si   pitaraṃ balavattaraḥ
   ekas tvam anujāto_asi   pitaraṃ balavattaraḥ /38/

Verse: 39 
Halfverse: a    tvām evaikaṃ mahābāhuṃ   śūlahastam ariṃdamam
   tvām eva_ekaṃ mahā-bāhuṃ   śūla-hastam ariṃ-damam /
Halfverse: c    tridaśā nātivartante   jitendriyam ivādʰayaḥ
   tridaśā na_ativartante   jita_indriyam iva_ādʰayaḥ /39/

Verse: 40 
Halfverse: a    varadānāt pitr̥vyas te   sahate devadānavān
   vara-dānāt pitr̥vyas te   sahate deva-dānavān /
Halfverse: c    kumbʰakarṇas tu vīryeṇa   sahate ca surāsurān
   kumbʰa-karṇas tu vīryeṇa   sahate ca sura_asurān /

Verse: 41 
Halfverse: a    dʰanuṣīndrajitas tulyaḥ   pratāpe rāvaṇasya ca
   dʰanuṣi_indrajitas tulyaḥ   pratāpe rāvaṇasya ca /
Halfverse: c    tvam adya rakṣasāṃ loke   śreṣṭʰo 'si balavīryataḥ
   tvam adya rakṣasāṃ loke   śreṣṭʰo_asi bala-vīryataḥ /41/

Verse: 42 
Halfverse: a    mahāvimardaṃ samare   mayā saha tavādbʰutam
   mahā-vimardaṃ samare   mayā saha tava_adbʰutam /
Halfverse: c    adya bʰūtāni paśyantu   śakraśambarayor iva
   adya bʰūtāni paśyantu   śakra-śambarayor iva /42/

Verse: 43 
Halfverse: a    kr̥tam apratimaṃ karma   darśitaṃ cāstrakauśalam
   kr̥tam apratimaṃ karma   darśitaṃ ca_astra-kauśalam /
Halfverse: c    pātitā harivīrāś ca   tvayaite bʰīmavikramāḥ
   pātitā hari-vīrāś ca   tvayā_ete bʰīma-vikramāḥ /43/

Verse: 44 
Halfverse: a    upālambʰabʰayāc cāpi   nāsi vīra mayā hataḥ
   upālambʰa-bʰayāc ca_api   na_asi vīra mayā hataḥ /
Halfverse: c    kr̥takarmā pariśrānto   viśrāntaḥ paśya me balam
   kr̥ta-karmā pariśrānto   viśrāntaḥ paśya me balam /44/

Verse: 45 
Halfverse: a    tena sugrīvavākyena   sāvamānena mānitaḥ
   tena sugrīva-vākyena   sāvamānena mānitaḥ /
Halfverse: c    agner ājyahutasyeva   tejas tasyābʰyavardʰata
   agner ājya-hutasya_iva   tejas tasya_abʰyavardʰata /45/

Verse: 46 
Halfverse: a    tataḥ kumbʰaḥ samutpatya   sugrīvam abʰipadya ca
   tataḥ kumbʰaḥ samutpatya   sugrīvam abʰipadya ca /
Halfverse: c    ājagʰānorasi kruddʰo   vajravegena muṣṭinā
   ājagʰāna_urasi kruddʰo   vajra-vegena muṣṭinā /46/

Verse: 47 
Halfverse: a    tasya carma ca puspʰoṭa   saṃjajñe cāsya śoṇitam
   tasya carma ca puspʰoṭa   saṃjajñe ca_asya śoṇitam /
Halfverse: c    sa ca muṣṭir mahāvegaḥ   pratijagʰne 'stʰimaṇḍale
   sa ca muṣṭir mahā-vegaḥ   pratijagʰne_astʰi-maṇḍale /47/

Verse: 48 
Halfverse: a    tadā vegena tatrāsīt   tejaḥ prajvālitaṃ muhuḥ
   tadā vegena tatra_āsīt   tejaḥ prajvālitaṃ muhuḥ /
Halfverse: c    vajraniṣpeṣasaṃjātajvālā   merau yatʰā girau
   vajra-niṣpeṣa-saṃjāta-jvālā   merau yatʰā girau /48/ {Pāda}

Verse: 49 
Halfverse: a    sa tatrābʰihatas tena   sugrīvo vānararṣabʰaḥ
   sa tatra_abʰihatas tena   sugrīvo vānara-r̥ṣabʰaḥ /
Halfverse: c    muṣṭiṃ saṃvartayām āsa   vajrakalpaṃ mahābalaḥ
   muṣṭiṃ saṃvartayām āsa   vajra-kalpaṃ mahā-balaḥ /49/

Verse: 50 
Halfverse: a    arciḥsahasravikacaṃ   ravimaṇḍalasaprabʰam
   arciḥ-sahasra-vikacaṃ   ravi-maṇḍala-saprabʰam /
Halfverse: c    sa muṣṭiṃ pātayām āsa   kumbʰasyorasi vīryavān
   sa muṣṭiṃ pātayām āsa   kumbʰasya_urasi vīryavān /50/

Verse: 51 
Halfverse: a    muṣṭinābʰihatas tena   nipapātāśu rākṣasaḥ
   muṣṭinā_abʰihatas tena   nipapāta_āśu rākṣasaḥ /
Halfverse: c    lohitāṅga ivākāśād   dīptaraśmir yadr̥ccʰayā
   lohita_aṅga iva_ākāśād   dīpta-raśmir yadr̥ccʰayā /51/

Verse: 52 
Halfverse: a    kumbʰasya patato rūpaṃ   bʰagnasyorasi muṣṭinā
   kumbʰasya patato rūpaṃ   bʰagnasya_urasi muṣṭinā /
Halfverse: c    babʰau rudrābʰipannasya   yatʰārūpaṃ gavāṃ pateḥ
   babʰau rudra_abʰipannasya   yatʰā-rūpaṃ gavāṃ pateḥ /52/

Verse: 53 


Halfverse: a    tasmin hate bʰīmaparākrameṇa    tasmin hate bʰīmaparākrameṇa
   tasmin hate bʰīma-parākrameṇa    tasmin hate bʰīma-parākrameṇa / {Gem}
Halfverse: b    plavaṃgamānām r̥ṣabʰeṇa yuddʰe    plavaṃgamānām r̥ṣabʰeṇa yuddʰe
   plavaṃgamānām r̥ṣabʰeṇa yuddʰe    plavaṃgamānām r̥ṣabʰeṇa yuddʰe / {Gem}
Halfverse: c    mahī saśailā savanā cacāla    mahī saśailā savanā cacāla
   mahī saśailā savanā cacāla    mahī saśailā savanā cacāla / {Gem}
Halfverse: d    bʰayaṃ ca rakṣāṃsy adʰikaṃ viveśa    bʰayaṃ ca rakṣāṃsy adʰikaṃ viveśa
   bʰayaṃ ca rakṣāṃsy adʰikaṃ viveśa    bʰayaṃ ca rakṣāṃsy adʰikaṃ viveśa /53/ {E} {Gem}




Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.