TITUS
Ramayana
Part No. 457
Previous part

Chapter: 66 
Adhyāya 66


Verse: 1 
Halfverse: a    nirgataṃ makarākṣaṃ te   dr̥ṣṭvā vānarapuṃgavāḥ
   nirgataṃ makara_akṣaṃ te   dr̥ṣṭvā vānara-puṃgavāḥ /
Halfverse: c    āplutya sahasā sarve   yoddʰukāmā vyavastʰitāḥ
   āplutya sahasā sarve   yoddʰu-kāmā vyavastʰitāḥ /1/

Verse: 2 
Halfverse: a    tataḥ pravr̥ttaṃ sumahat   tad yuddʰaṃ lomaharṣaṇam
   tataḥ pravr̥ttaṃ sumahat   tad yuddʰaṃ loma-harṣaṇam /
Halfverse: c    niśācaraiḥ plavaṃgānāṃ   devānāṃ dānavair iva
   niśā-caraiḥ plavaṃgānāṃ   devānāṃ dānavair iva /2/

Verse: 3 
Halfverse: a    vr̥kṣaśūlanipātaiś ca   śilāparigʰapātanaiḥ
   vr̥kṣa-śūla-nipātaiś ca   śilā-parigʰa-pātanaiḥ /
Halfverse: c    anyonyaṃ mardayanti sma   tadā kapiniśācarāḥ
   anyonyaṃ mardayanti sma   tadā kapi-niśā-carāḥ /3/

Verse: 4 
Halfverse: a    śaktiśūlagadākʰaḍgais   tomaraiś ca niśācarāḥ
   śakti-śūla-gadā-kʰaḍgais   tomaraiś ca niśā-carāḥ /
Halfverse: c    paṭṭasair bʰindipālaiś ca   bāṇapātaiḥ samantataḥ
   paṭṭasair bʰindi-pālaiś ca   bāṇa-pātaiḥ samantataḥ /4/ {bʰindi txt}

Verse: 5 
Halfverse: a    pāśamudgaradaṇḍaiś ca   nirgʰātaiś cāparais tatʰā
   pāśa-mudgara-daṇḍaiś ca   nirgʰātaiś ca_aparais tatʰā /
Halfverse: c    kadanaṃ kapisiṃhānāṃ   cakrus te rajanīcarāḥ
   kadanaṃ kapi-siṃhānāṃ   cakrus te rajanī-carāḥ /5/

Verse: 6 
Halfverse: a    bāṇaugʰair arditāś cāpi   kʰaraputreṇa vānarāḥ
   bāṇa_ogʰair arditāś ca_api   kʰara-putreṇa vānarāḥ /
Halfverse: c    saṃbʰrāntamanasaḥ sarve   dudruvur bʰayapīḍitāḥ
   saṃbʰrānta-manasaḥ sarve   dudruvur bʰaya-pīḍitāḥ /6/ {!}

Verse: 7 
Halfverse: a    tān dr̥ṣṭvā rākṣasāḥ sarve   dravamāṇān vanaukasaḥ
   tān dr̥ṣṭvā rākṣasāḥ sarve   dravamāṇān vana_okasaḥ /
Halfverse: c    nedus te siṃhavad dʰr̥ṣṭā   rākṣasā jitakāśinaḥ
   nedus te siṃhavadd^hr̥ṣṭā   rākṣasā jita-kāśinaḥ /7/

Verse: 8 
Halfverse: a    vidravatsu tadā teṣu   vānareṣu samantataḥ
   vidravatsu tadā teṣu   vānareṣu samantataḥ /
Halfverse: c    rāmas tān vārayām āsa   śaravarṣeṇa rākṣasān
   rāmas tān vārayām āsa   śara-varṣeṇa rākṣasān /8/

Verse: 9 
Halfverse: a    vāritān rākṣasān dr̥ṣṭvā   makarākṣo niśācaraḥ
   vāritān rākṣasān dr̥ṣṭvā   makara_akṣo niśā-caraḥ /
Halfverse: c    krodʰān alasam āviṣṭo   vacanaṃ cedam abravīt
   krodʰān alasam āviṣṭo   vacanaṃ ca_idam abravīt /9/

Verse: 10 
Halfverse: a    tiṣṭʰa rāma mayā sārdʰaṃ   dvandvayuddʰaṃ dadāmi te
   tiṣṭʰa rāma mayā sārdʰaṃ   dvandva-yuddʰaṃ dadāmi te /
Halfverse: c    tyājayiṣyāmi te prāṇān   dʰanurmuktaiḥ śitaiḥ śaraiḥ
   tyājayiṣyāmi te prāṇān   dʰanur-muktaiḥ śitaiḥ śaraiḥ /10/

Verse: 11 
Halfverse: a    yat tadā daṇḍakāraṇye   pitaraṃ hatavān mama
   yat tadā daṇḍaka_araṇye   pitaraṃ hatavān mama /
Halfverse: c    madagrataḥ svakarmastʰaṃ   smr̥tvā roṣo 'bʰivardʰate
   mad-agrataḥ sva-karmastʰaṃ   smr̥tvā roṣo_abʰivardʰate /11/

Verse: 12 
Halfverse: a    dahyante bʰr̥śam aṅgāni   durātman mama rāgʰava
   dahyante bʰr̥śam aṅgāni   durātman mama rāgʰava /
Halfverse: c    yan mayāsi na dr̥ṣṭas tvaṃ   tasmin kāle mahāvane
   yan mayā_asi na dr̥ṣṭas tvaṃ   tasmin kāle mahā-vane /12/

Verse: 13 
Halfverse: a    diṣṭyāsi darśanaṃ rāma   mama tvaṃ prāptavān iha
   diṣṭyā_asi darśanaṃ rāma   mama tvaṃ prāptavān iha /
Halfverse: c    kāṅkṣito 'si kṣudʰārtasya   siṃhasyevetaro mr̥gaḥ
   kāṅkṣito_asi kṣudʰā_ārtasya   siṃhasya_iva_itaro mr̥gaḥ /13/

Verse: 14 
Halfverse: a    adya madbāṇavegena   pretarāḍ viṣayaṃ gataḥ
   adya mad-bāṇa-vegena   preta-rāḍ viṣayaṃ gataḥ /
Halfverse: c    ye tvayā nihatāḥ śūrāḥ   saha tais tvaṃ sameṣyasi
   ye tvayā nihatāḥ śūrāḥ   saha tais tvaṃ sameṣyasi /14/

Verse: 15 
Halfverse: a    bahunātra kim uktena   śr̥ṇu rāma vaco mama
   bahunā_atra kim uktena   śr̥ṇu rāma vaco mama /
Halfverse: c    paśyantu sakalā lokās   tvāṃ māṃ caiva raṇājire
   paśyantu sakalā lokās   tvāṃ māṃ caiva raṇa_ajire /15/

Verse: 16 
Halfverse: a    astrair vā gadayā vāpi   bāhubʰyāṃ vā mahāhave
   astrair vā gadayā vā_api   bāhubʰyāṃ vā mahā_āhave /
Halfverse: c    abʰyastaṃ yena vā rāma   tena vā vartatāṃ yudʰi
   abʰyastaṃ yena vā rāma   tena vā vartatāṃ yudʰi /16/

Verse: 17 
Halfverse: a    makarākṣavacaḥ śrutvā   rāmo daśaratʰātmajaḥ
   makara_akṣa-vacaḥ śrutvā   rāmo daśaratʰa_ātmajaḥ /
Halfverse: c    abravīt prahasan vākyam   uttarottaravādinam
   abravīt prahasan vākyam   uttara_uttara-vādinam /17/

Verse: 18 
Halfverse: a    caturdaśasahasrāṇi   rakṣasāṃ tvatpitā ca yaḥ
   caturdaśa-sahasrāṇi   rakṣasāṃ tvat-pitā ca yaḥ /
Halfverse: c    triśirā dūṣaṇaś cāpi   daṇḍake nihatā mayā
   triśirā dūṣaṇaś ca_api   daṇḍake nihatā mayā /18/

Verse: 19 
Halfverse: a    svāśitās tava māṃsena   gr̥dʰragomāyuvāyasāḥ
   svāśitās tava māṃsena   gr̥dʰra-gomāyu-vāyasāḥ /
Halfverse: c    bʰaviṣyanty adya vai pāpa   tīkṣṇatuṇḍanakʰāṅkuśāḥ
   bʰaviṣyanty adya vai pāpa   tīkṣṇa-tuṇḍa-nakʰa_aṅkuśāḥ /19/

Verse: 20 
Halfverse: a    evam uktas tu rāmeṇa   kʰaraputro niśācaraḥ
   evam uktas tu rāmeṇa   kʰara-putro niśā-caraḥ /
Halfverse: c    bāṇaugʰān asr̥jat tasmai   rāgʰavāya raṇājire
   bāṇa_ogʰān asr̥jat tasmai   rāgʰavāya raṇa_ajire /20/

Verse: 21 
Halfverse: a    tāñ śarāñ śaravarṣeṇa   rāmaś ciccʰeda naikadʰā
   tān śarān śara-varṣeṇa   rāmaś ciccʰeda na_ekadʰā /
Halfverse: c    nipetur bʰuvi te cʰinnā   rukmapuṅkʰāḥ sahasraśaḥ
   nipetur bʰuvi te cʰinnā   rukma-puṅkʰāḥ sahasraśaḥ /21/

Verse: 22 
Halfverse: a    tad yuddʰam abʰavat tatra   sametyānyonyam ojasā
   tad yuddʰam abʰavat tatra   sametya_anyonyam ojasā /
Halfverse: c    kʰara rākṣasaputrasya   sūnor daśaratʰasya ca
   kʰara rākṣasa-putrasya   sūnor daśaratʰasya ca /22/

Verse: 23 
Halfverse: a    jīmūtayor ivākāśe   śabdo jyātalayos tadā
   jīmūtayor iva_ākāśe   śabdo jyā-talayos tadā /
Halfverse: c    dʰanur muktaḥ svanotkr̥ṣṭaḥ   śrūyate ca raṇājire
   dʰanur muktaḥ svana_utkr̥ṣṭaḥ   śrūyate ca raṇa_ajire /23/

Verse: 24 
Halfverse: a    devadānavagandʰarvāḥ   kiṃnarāś ca mahoragāḥ
   deva-dānava-gandʰarvāḥ   kiṃnarāś ca mahā_uragāḥ /
Halfverse: c    antarikṣagatāḥ sarve   draṣṭukāmās tad adbʰutam
   antarikṣa-gatāḥ sarve   draṣṭu-kāmās tad adbʰutam /24/

Verse: 25 
Halfverse: a    viddʰam anyonyagātreṣu   dviguṇaṃ vardʰate balam
   viddʰam anyonya-gātreṣu   dviguṇaṃ vardʰate balam /
Halfverse: c    kr̥tapratikr̥tānyonyaṃ   kurvāte tau raṇājire
   kr̥ta-pratikr̥ta_anyonyaṃ   kurvāte tau raṇa_ajire /25/

Verse: 26 
Halfverse: a    rāmam uktās tu bāṇaugʰān   rākṣasas tv accʰinad raṇe
   rāmam uktās tu bāṇa_ogʰān   rākṣasas tv accʰinad raṇe /
Halfverse: c    rakṣomuktāṃs tu rāmo vai   naikadʰā prāccʰinac cʰaraiḥ
   rakṣo-muktāṃs tu rāmo vai   na_ekadʰā prāccʰinat śaraiḥ /26/

Verse: 27 
Halfverse: a    bāṇaugʰavitatāḥ sarvā   diśaś ca vidiśas tatʰā
   bāṇa_ogʰa-vitatāḥ sarvā   diśaś ca vidiśas tatʰā /
Halfverse: c    saṃcʰannā vasudʰā caiva   samantān na prakāśate
   saṃcʰannā vasudʰā caiva   samantān na prakāśate /27/

Verse: 28 
Halfverse: a    tataḥ kruddʰo mahābāhur   dʰanuś ciccʰeda rakṣasaḥ
   tataḥ kruddʰo mahā-bāhur   dʰanuś ciccʰeda rakṣasaḥ /
Halfverse: c    aṣṭābʰir atʰa nārācaiḥ   sūtaṃ vivyādʰa rāgʰavaḥ
   aṣṭābʰir atʰa nārācaiḥ   sūtaṃ vivyādʰa rāgʰavaḥ /
Halfverse: e    bʰittvā śarai ratʰaṃ rāmo   ratʰāśvān samapātayat
   bʰittvā śarai ratʰaṃ rāmo   ratʰa_aśvān samapātayat /28/

Verse: 29 
Halfverse: a    viratʰo vasudʰāṃ tiṣṭʰan   makarākṣo niśācaraḥ
   viratʰo vasudʰāṃ tiṣṭʰan   makara_akṣo niśā-caraḥ /
Halfverse: c    atiṣṭʰad vasudʰāṃ rakṣaḥ   śūlaṃ jagrāha pāṇinā
   atiṣṭʰad vasudʰāṃ rakṣaḥ   śūlaṃ jagrāha pāṇinā /
Halfverse: e    trāsanaṃ sarvabʰūtānāṃ   yugāntāgnisamaprabʰam
   trāsanaṃ sarva-bʰūtānāṃ   yuga_anta_agni-sama-prabʰam /29/

Verse: 30 
Halfverse: a    vibʰrāmya ca mahac cʰūlaṃ   prajvalantaṃ niśācaraḥ
   vibʰrāmya ca mahat śūlaṃ   prajvalantaṃ niśā-caraḥ /
Halfverse: c    sa krodʰāt prāhiṇot tasmai   rāgʰavāya mahāhave
   sa krodʰāt prāhiṇot tasmai   rāgʰavāya mahā_āhave /30/

Verse: 31 
Halfverse: a    tam āpatantaṃ jvalitaṃ   kʰaraputrakarāc cyutam
   tam āpatantaṃ jvalitaṃ   kʰara-putra-karāc cyutam /
Halfverse: c    bāṇais tu tribʰir ākāśe   śūlaṃ ciccʰeda rāgʰavaḥ
   bāṇais tu tribʰir ākāśe   śūlaṃ ciccʰeda rāgʰavaḥ /31/

Verse: 32 
Halfverse: a    saccʰinno naikadʰā śūlo   divyahāṭakamaṇḍitaḥ
   sac-cʰinno na_ekadʰā śūlo   divya-hāṭaka-maṇḍitaḥ /
Halfverse: c    vyaśīryata mahokleva   rāmabāṇārdito bʰuvi
   vyaśīryata mahā_uklā_iva   rāma-bāṇa_ardito bʰuvi /32/

Verse: 33 
Halfverse: a    tac cʰūlaṃ nihataṃ dr̥ṣṭvā   rāmeṇādbʰutakarmaṇā
   tat śūlaṃ nihataṃ dr̥ṣṭvā   rāmeṇa_adbʰuta-karmaṇā /
Halfverse: c    sādʰu sādʰv iti bʰūtāni   vyāharanti nabʰogatāḥ
   sādʰu sādʰv iti bʰūtāni   vyāharanti nabʰo-gatāḥ /33/

Verse: 34 
Halfverse: a    tad dr̥ṣṭvā nihataṃ śūlaṃ   makarākṣo niśācaraḥ
   tad dr̥ṣṭvā nihataṃ śūlaṃ   makara_akṣo niśā-caraḥ /
Halfverse: c    muṣṭim udyamya kākutstʰaṃ   tiṣṭʰa tiṣṭʰeti cābravīt
   muṣṭim udyamya kākutstʰaṃ   tiṣṭʰa tiṣṭʰa_iti ca_abravīt /34/

Verse: 35 
Halfverse: a    sa taṃ dr̥ṣṭvā patantaṃ vai   prahasya ragʰunandanaḥ
   sa taṃ dr̥ṣṭvā patantaṃ vai   prahasya ragʰu-nandanaḥ /
Halfverse: c    pāvakāstraṃ tato rāmaḥ   saṃdadʰe svaśarāsane
   pāvaka_astraṃ tato rāmaḥ   saṃdadʰe sva-śara_āsane /35/

Verse: 36 
Halfverse: a    tenāstreṇa hataṃ rakṣaḥ   kākutstʰena tadā raṇe
   tena_astreṇa hataṃ rakṣaḥ   kākutstʰena tadā raṇe /
Halfverse: c    saṃcʰinnahr̥dayaṃ tatra   papāta ca mamāra ca
   saṃcʰinna-hr̥dayaṃ tatra   papāta ca mamāra ca /36/

Verse: 37 
Halfverse: a    dr̥ṣṭvā te rākṣasāḥ sarve   makarākṣasya pātanam
   dr̥ṣṭvā te rākṣasāḥ sarve   makara_akṣasya pātanam /
Halfverse: c    laṅkām eva pradʰāvanta   rāmabālārditās tadā
   laṅkām eva pradʰāvanta   rāma-bāla_arditās tadā /37/

Verse: 38 
Halfverse: a    daśaratʰanr̥paputrabāṇavegai   rajanicaraṃ nihataṃ kʰarātmajaṃ tam
   daśaratʰa-nr̥pa-putra-bāṇa-vegai   rajani-caraṃ nihataṃ kʰara_ātmajaṃ tam /
Halfverse: c    dadr̥śur atʰa ca devatāḥ   prahr̥ṣṭā girim iva vajrahataṃ yatʰā viśīrṇam
   dadr̥śur atʰa ca devatāḥ   prahr̥ṣṭā girim iva vajra-hataṃ yatʰā viśīrṇam /38/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.