TITUS
Ramayana
Part No. 467
Previous part

Chapter: 76 
Adhyāya 76


Verse: 1 
Halfverse: a    tataḥ śaraṃ dāśaratʰiḥ   saṃdʰāyāmitrakarśanaḥ
   tataḥ śaraṃ dāśaratʰiḥ   saṃdʰāya_amitra-karśanaḥ /
Halfverse: c    sasarja rākṣasendrāya   kruddʰaḥ sarpa iva śvasan
   sasarja rākṣasa_indrāya   kruddʰaḥ sarpa iva śvasan /1/

Verse: 2 
Halfverse: a    tasya jyātalanirgʰoṣaṃ   sa śrutvā rāvaṇātmajaḥ
   tasya jyā-tala-nirgʰoṣaṃ   sa śrutvā rāvaṇa_ātmajaḥ /
Halfverse: c    vivarṇavadano bʰūtvā   lakṣmaṇaṃ samudaikṣata
   vivarṇa-vadano bʰūtvā   lakṣmaṇaṃ samudaikṣata /2/

Verse: 3 
Halfverse: a    taṃ viṣaṇṇamukʰaṃ dr̥ṣṭvā   rākṣasaṃ rāvaṇātmajam
   taṃ viṣaṇṇa-mukʰaṃ dr̥ṣṭvā   rākṣasaṃ rāvaṇa_ātmajam /
Halfverse: c    saumitriṃ yuddʰasaṃsaktaṃ   pratyuvāca vibʰīṣaṇaḥ
   saumitriṃ yuddʰa-saṃsaktaṃ   pratyuvāca vibʰīṣaṇaḥ /3/

Verse: 4 
Halfverse: a    nimittāny anupaśyāmi   yāny asmin rāvaṇātmaje
   nimittāny anupaśyāmi   yāny asmin rāvaṇa_ātmaje /
Halfverse: c    tvara tena mahābāho   bʰagna eṣa na saṃśayaḥ
   tvara tena mahā-bāho   bʰagna eṣa na saṃśayaḥ /4/

Verse: 5 
Halfverse: a    tataḥ saṃdʰāya saumitriḥ   śarān agniśikʰopamān
   tataḥ saṃdʰāya saumitriḥ   śarān agni-śikʰa_upamān /
Halfverse: c    mumoca niśitāṃs tasmai   sarvān iva viṣolbaṇān
   mumoca niśitāṃs tasmai   sarvān iva viṣa_ulbaṇān /5/

Verse: 6 
Halfverse: a    śakrāśanisamasparśair   lakṣmaṇenāhataḥ śaraiḥ
   śakra_aśani-sama-sparśair   lakṣmaṇena_āhataḥ śaraiḥ /
Halfverse: c    muhūrtam abʰavan mūḍʰaḥ   sarvasaṃkṣubʰitendriyaḥ
   muhūrtam abʰavan mūḍʰaḥ   sarva-saṃkṣubʰita_indriyaḥ /6/

Verse: 7 
Halfverse: a    upalabʰya muhūrtena   saṃjñāṃ pratyāgatendriyaḥ
   upalabʰya muhūrtena   saṃjñāṃ pratyāgata_indriyaḥ /
Halfverse: c    dadarśāvastʰitaṃ vīraṃ   vīro daśaratʰātmajam
   dadarśa_avastʰitaṃ vīraṃ   vīro daśaratʰa_ātmajam /7/

Verse: 8 
Halfverse: a    so 'bʰicakrāma saumitriṃ   roṣāt saṃraktalocanaḥ
   so_abʰicakrāma saumitriṃ   roṣāt saṃrakta-locanaḥ /
Halfverse: c    abravīc cainam āsādya   punaḥ sa paruṣaṃ vacaḥ
   abravīc ca_enam āsādya   punaḥ sa paruṣaṃ vacaḥ /8/

Verse: 9 
Halfverse: a    kiṃ na smarasi tad yuddʰe   pratʰame matparākramam
   kiṃ na smarasi tad yuddʰe   pratʰame mat-parākramam /
Halfverse: c    nibaddʰas tvaṃ saha bʰrātrā   yadā yudʰi viceṣṭase
   nibaddʰas tvaṃ saha bʰrātrā   yadā yudʰi viceṣṭase /9/

Verse: 10 
Halfverse: a    yuvā kʰalu mahāyuddʰe   śakrāśanisamaiḥ śaraiḥ
   yuvā kʰalu mahā-yuddʰe   śakra_aśani-samaiḥ śaraiḥ /
Halfverse: c    śāyinau pratʰamaṃ bʰūmau   visaṃjñau sapuraḥsarau
   śāyinau pratʰamaṃ bʰūmau   visaṃjñau sapuraḥ-sarau /10/

Verse: 11 
Halfverse: a    smr̥tir vā nāsti te manye   vyaktaṃ vā yamasādanam
   smr̥tir vā na_asti te manye   vyaktaṃ vā yama-sādanam /
Halfverse: c    gantum iccʰasi yasmāt tvaṃ   māṃ dʰarṣayitum iccʰasi
   gantum iccʰasi yasmāt tvaṃ   māṃ dʰarṣayitum iccʰasi /11/

Verse: 12 
Halfverse: a    yadi te pratʰame yuddʰe   na dr̥ṣṭo matparākramaḥ
   yadi te pratʰame yuddʰe   na dr̥ṣṭo mat-parākramaḥ /
Halfverse: c    adya tvāṃ darśayiṣyāmi   tiṣṭʰedānīṃ vyavastʰitaḥ
   adya tvāṃ darśayiṣyāmi   tiṣṭʰa_idānīṃ vyavastʰitaḥ /12/

Verse: 13 
Halfverse: a    ity uktvā saptabʰir bāṇair   abʰivivyādʰa lakṣmaṇam
   ity uktvā saptabʰir bāṇair   abʰivivyādʰa lakṣmaṇam /
Halfverse: c    daśabʰiś ca hanūmantaṃ   tīkṣṇadʰāraiḥ śarottamaiḥ
   daśabʰiś ca hanūmantaṃ   tīkṣṇa-dʰāraiḥ śara_uttamaiḥ /13/

Verse: 14 
Halfverse: a    tataḥ śaraśatenaiva   suprayuktena vīryavān
   tataḥ śara-śatena_eva   suprayuktena vīryavān /
Halfverse: c    krodʰād dviguṇasaṃrabdʰo   nirbibʰeda vibʰīṣaṇam
   krodʰād dviguṇa-saṃrabdʰo   nirbibʰeda vibʰīṣaṇam /14/

Verse: 15 
Halfverse: a    tad dr̥ṣṭvendrajitaḥ karma   kr̥taṃ rāmānujas tadā
   tad dr̥ṣṭvā_indrajitaḥ karma   kr̥taṃ rāma_anujas tadā /
Halfverse: c    acintayitvā prahasan   naitat kiṃ cid iti bruvan
   acintayitvā prahasan   na_etat kiṃcid iti bruvan /15/

Verse: 16 
Halfverse: a    mumoca sa śarān gʰorān   saṃgr̥hya narapuṃgavaḥ
   mumoca sa śarān gʰorān   saṃgr̥hya nara-puṃgavaḥ /
Halfverse: c    abʰītavadanaḥ kruddʰo   rāvaṇiṃ lakṣmaṇo yudʰi
   abʰīta-vadanaḥ kruddʰo   rāvaṇiṃ lakṣmaṇo yudʰi /16/

Verse: 17 
Halfverse: a    naivaṃ raṇagataḥ śūrāḥ   praharanti niśācara
   na_evaṃ raṇa-gataḥ śūrāḥ   praharanti niśā-cara /
Halfverse: c    lagʰavaś cālpavīryāś ca   sukʰā hīme śarās tava
   lagʰavaś ca_alpa-vīryāś ca   sukʰā hi_ime śarās tava /17/

Verse: 18 
Halfverse: a    naivaṃ śūrās tu yudʰyante   samare jayakāṅkṣiṇaḥ
   na_evaṃ śūrās tu yudʰyante   samare jaya-kāṅkṣiṇaḥ /
Halfverse: c    ity evaṃ taṃ bruvāṇas tu   śaravarṣair avākirat
   ity evaṃ taṃ bruvāṇas tu   śara-varṣair avākirat /18/

Verse: 19 
Halfverse: a    tasya bāṇais tu vidʰvastaṃ   kavacaṃ hemabʰūṣitam
   tasya bāṇais tu vidʰvastaṃ   kavacaṃ hema-bʰūṣitam /
Halfverse: c    vyaśīryata ratʰopastʰe   tārājālam ivāmbarāt
   vyaśīryata ratʰa_upastʰe   tārā-jālam iva_ambarāt /19/

Verse: 20 
Halfverse: a    vidʰūtavarmā nārācair   babʰūva sa kr̥tavraṇaḥ
   vidʰūta-varmā nārācair   babʰūva sa kr̥ta-vraṇaḥ /
Halfverse: c    indrajit samare śūraḥ   prarūḍʰa iva sānumān
   indrajit samare śūraḥ   prarūḍʰa iva sānumān /20/

Verse: 21 
Halfverse: a    abʰīkṣṇaṃ niśvasantau hi   yudʰyetāṃ tumulaṃ yudʰi
   abʰīkṣṇaṃ niśvasantau hi   yudʰyetāṃ tumulaṃ yudʰi /
Halfverse: c    śarasaṃkr̥ttasarvāṅgo   sarvato rudʰirokṣitau
   śara-saṃkr̥tta-sarva_aṅgo   sarvato rudʰira_ukṣitau /21/

Verse: 22 
Halfverse: a    astrāṇy astravidāṃ śreṣṭʰau   darśayantau punaḥ punaḥ
   astrāṇy astravidāṃ śreṣṭʰau   darśayantau punaḥ punaḥ /
Halfverse: c    śarān uccāvacākārān   antarikṣe babandʰatuḥ
   śarān ucca_avaca_ākārān   antarikṣe babandʰatuḥ /22/

Verse: 23 
Halfverse: a    vyapetadoṣam asyantau   lagʰucitraṃ ca suṣṭʰu ca
   vyapeta-doṣam asyantau   lagʰu-citraṃ ca suṣṭʰu ca / {?}
Halfverse: c    ubʰau tu tumulaṃ gʰoraṃ   cakratur nararākṣasau
   ubʰau tu tumulaṃ gʰoraṃ   cakratur nara-rākṣasau /23/

Verse: 24 
Halfverse: a    tayoḥ pr̥tʰakpr̥tʰag bʰīmaḥ   śuśruve talanisvanaḥ
   tayoḥ pr̥tʰak-pr̥tʰag bʰīmaḥ   śuśruve tala-nisvanaḥ /
Halfverse: c    sugʰorayor niṣṭanator   gagane megʰayor iva
   sugʰorayor niṣṭanator   gagane megʰayor iva /24/

Verse: 25 
Halfverse: a    te gātrayor nipatitā   rukmapuṅkʰāḥ śarā yudʰi
   te gātrayor nipatitā   rukma-puṅkʰāḥ śarā yudʰi /
Halfverse: c    asr̥gdigdʰā viniṣpetur   viviśur dʰaraṇītalam
   asr̥g-digdʰā viniṣpetur   viviśur dʰaraṇī-talam /25/

Verse: 26 
Halfverse: a    anyaiḥ suniśitaiḥ śastrair   ākāśe saṃjagʰaṭṭire
   anyaiḥ suniśitaiḥ śastrair   ākāśe saṃjagʰaṭṭire /
Halfverse: c    babʰañjuś ciccʰiduś cāpi   tayor bāṇāḥ sahasraśaḥ
   babʰañjuś ciccʰiduś ca_api   tayor bāṇāḥ sahasraśaḥ /26/

Verse: 27 
Halfverse: a    sa babʰūva raṇe gʰoras   tayor bāṇamayaś cayaḥ
   sa babʰūva raṇe gʰoras   tayor bāṇamayaś cayaḥ /
Halfverse: c    agnibʰyām iva dīptābʰyāṃ   satre kuśamayaś cayaḥ
   agnibʰyām iva dīptābʰyāṃ   satre kuśamayaś cayaḥ /27/

Verse: 28 
Halfverse: a    tayoḥ kr̥tavraṇau dehau   śuśubʰāte mahātmanoḥ
   tayoḥ kr̥ta-vraṇau dehau   śuśubʰāte mahātmanoḥ /
Halfverse: c    sapuṣpāv iva niṣpatrau   vane śālmalikuṃśukau
   sapuṣpāv iva niṣpatrau   vane śālmali-kuṃśukau /28/

Verse: 29 
Halfverse: a    cakratus tumulaṃ gʰoraṃ   saṃnipātaṃ muhur muhuḥ
   cakratus tumulaṃ gʰoraṃ   saṃnipātaṃ muhur muhuḥ /
Halfverse: c    indrajil lakṣmaṇaś caiva   parasparajayaiṣiṇau
   indrajil lakṣmaṇaś caiva   paraspara-jaya_eṣiṇau /29/

Verse: 30 
Halfverse: a    lakṣmaṇo rāvaṇiṃ yuddʰe   rāvaṇiś cāpi lakṣmaṇam
   lakṣmaṇo rāvaṇiṃ yuddʰe   rāvaṇiś ca_api lakṣmaṇam /
Halfverse: c    anyonyaṃ tāv abʰigʰnantau   na śramaṃ pratyapadyatām
   anyonyaṃ tāv abʰigʰnantau   na śramaṃ pratyapadyatām /30/

Verse: 31 
Halfverse: a    bāṇajālaiḥ śarīrastʰair   avagāḍʰais tarasvinau
   bāṇa-jālaiḥ śarīrastʰair   avagāḍʰais tarasvinau /
Halfverse: c    śuśubʰāte mahāvīrau   virūḍʰāv iva parvatau
   śuśubʰāte mahā-vīrau   virūḍʰāv iva parvatau /31/

Verse: 32 
Halfverse: a    tayo rudʰirasiktāni   saṃvr̥tāni śarair bʰr̥śam
   tayo rudʰira-siktāni   saṃvr̥tāni śarair bʰr̥śam /
Halfverse: c    babʰrājuḥ sarvagātrāṇi   jvalanta iva pāvakāḥ
   babʰrājuḥ sarva-gātrāṇi   jvalanta iva pāvakāḥ /32/

Verse: 33 
Halfverse: a    tayor atʰa mahān kālo   vyatīyād yudʰyamānayoḥ
   tayor atʰa mahān kālo   vyatīyād yudʰyamānayoḥ /
Halfverse: c    na ca tau yuddʰavaimukʰyaṃ   śramaṃ vāpy upajagmatuḥ
   na ca tau yuddʰa-vaimukʰyaṃ   śramaṃ vā_apy upajagmatuḥ /33/

Verse: 34 
Halfverse: a    atʰa samarapariśramaṃ   nihantuṃ samaramukʰeṣv ajitasya lakṣmaṇasya
   atʰa samara-pariśramaṃ   nihantuṃ samara-mukʰeṣv ajitasya lakṣmaṇasya /
Halfverse: c    priyahitam upapādayan   mahaujāḥ samaram upetya vibʰīṣaṇo 'vatastʰe
   priya-hitam upapādayan   mahā_ojāḥ samaram upetya vibʰīṣaṇo_avatastʰe /34/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.