TITUS
Ramayana
Part No. 472
Previous part

Chapter: 81 
Adhyāya 81


Verse: 1 
Halfverse: a    sa praviśya sabʰāṃ rājā   dīnaḥ paramaduḥkʰitaḥ
   sa praviśya sabʰāṃ rājā   dīnaḥ parama-duḥkʰitaḥ /
Halfverse: c    niṣasādāsane mukʰye   siṃhaḥ kruddʰa iva śvasan
   niṣasāda_āsane mukʰye   siṃhaḥ kruddʰa iva śvasan /1/

Verse: 2 
Halfverse: a    abravīc ca tadā sarvān   balamukʰyān mahābalaḥ
   abravīc ca tadā sarvān   bala-mukʰyān mahā-balaḥ /
Halfverse: c    rāvaṇaḥ prāñjalīn vākyaṃ   putravyasanakarśitaḥ
   rāvaṇaḥ prāñjalīn vākyaṃ   putra-vyasana-karśitaḥ /2/

Verse: 3 
Halfverse: a    sarve bʰavantaḥ sarveṇa   hastyaśvena samāvr̥tāḥ
   sarve bʰavantaḥ sarveṇa   hasty-aśvena samāvr̥tāḥ /
Halfverse: c    niryāntu ratʰasaṃgʰaiś ca   pādātaiś copaśobʰitāḥ
   niryāntu ratʰa-saṃgʰaiś ca   pādātaiś ca_upaśobʰitāḥ /3/

Verse: 4 
Halfverse: a    ekaṃ rāmaṃ parikṣipya   samare hantum arhatʰa
   ekaṃ rāmaṃ parikṣipya   samare hantum arhatʰa /
Halfverse: c    prahr̥ṣṭā śaravarṣeṇa   prāvr̥ṭkāla ivāmbudāḥ
   prahr̥ṣṭā śara-varṣeṇa   prāvr̥ṭ-kāla iva_ambudāḥ /4/

Verse: 5 
Halfverse: a    atʰa vāhaṃ śarair tīṣkṇair   bʰinnagātraṃ mahāraṇe
   atʰa vā_ahaṃ śarair tīṣkṇair   bʰinna-gātraṃ mahā-raṇe /
Halfverse: c    bʰavadbʰiḥ śvo nihantāsmi   rāmaṃ lokasya paśyataḥ
   bʰavadbʰiḥ śvo nihantā_asmi   rāmaṃ lokasya paśyataḥ /5/

Verse: 6 
Halfverse: a    ity evaṃ rākṣasendrasya   vākyam ādāya rākṣasāḥ
   ity evaṃ rākṣasa_indrasya   vākyam ādāya rākṣasāḥ /
Halfverse: c    niryayus te ratʰaiḥ śīgʰraṃ   nāgānīkaiś ca saṃvr̥tāḥ
   niryayus te ratʰaiḥ śīgʰraṃ   nāga_anīkaiś ca saṃvr̥tāḥ /6/

Verse: 7 
Halfverse: a    sa saṃgrāmo mahābʰīmaḥ   sūryasyodayanaṃ prati
   sa saṃgrāmo mahā-bʰīmaḥ   sūryasya_udayanaṃ prati /
Halfverse: c    rakṣasāṃ vānarāṇāṃ ca   tumulaḥ samapadyata
   rakṣasāṃ vānarāṇāṃ ca   tumulaḥ samapadyata /7/

Verse: 8 
Halfverse: a    te gadābʰir vicitrābʰiḥ   prāsaiḥ kʰaḍgaiḥ paraśvadʰaiḥ
   te gadābʰir vicitrābʰiḥ   prāsaiḥ kʰaḍgaiḥ paraśvadʰaiḥ /
Halfverse: c    anyonyaṃ samare jagʰnus   tadā vānararākṣasāḥ
   anyonyaṃ samare jagʰnus   tadā vānara-rākṣasāḥ /8/

Verse: 9 
Halfverse: a    mātaṃgaratʰakūlasya   vājimatsyā dʰvajadrumāḥ
   mātaṃga-ratʰa-kūlasya   vāji-matsyā dʰvaja-drumāḥ /
Halfverse: c    śarīrasaṃgʰāṭavahāḥ   prasasruḥ śoṇitāpagāḥ
   śarīra-saṃgʰāṭa-vahāḥ   prasasruḥ śoṇita_āpagāḥ /9/

Verse: 10 
Halfverse: a    dʰvajavarmaratʰān aśvān   nānāpraharaṇāni ca
   dʰvaja-varma-ratʰān aśvān   nānā-praharaṇāni ca /
Halfverse: c    āplutyāplutya samare   vānarendrā babʰañjire
   āplutya_āplutya samare   vānara_indrā babʰañjire /10/

Verse: 11 
Halfverse: a    keśān karṇalalāṭāṃś ca   nāsikāś ca plavaṃgamāḥ
   keśān karṇa-lalāṭāṃś ca   nāsikāś ca plavaṃ-gamāḥ /
Halfverse: c    rakṣasāṃ daśanais tīkṣṇair   nakʰaiś cāpi vyakartayan
   rakṣasāṃ daśanais tīkṣṇair   nakʰaiś ca_api vyakartayan /11/

Verse: 12 
Halfverse: a    ekaikaṃ rākṣasaṃ saṃkʰye   śataṃ vānarapuṃgavāḥ
   eka_ekaṃ rākṣasaṃ saṃkʰye   śataṃ vānara-puṃgavāḥ /
Halfverse: c    abʰyadʰāvanta pʰalinaṃ   vr̥kṣaṃ śakunayo yatʰā
   abʰyadʰāvanta pʰalinaṃ   vr̥kṣaṃ śakunayo yatʰā /12/

Verse: 13 
Halfverse: a    tatʰā gadābʰir gurvībʰiḥ   prāsaiḥ kʰaḍgaiḥ paraśvadʰaiḥ
   tatʰā gadābʰir gurvībʰiḥ   prāsaiḥ kʰaḍgaiḥ paraśvadʰaiḥ /
Halfverse: c    nirjagʰnur vānarān gʰorān   rākṣasāḥ parvatopamāḥ
   nirjagʰnur vānarān gʰorān   rākṣasāḥ parvata_upamāḥ /13/

Verse: 14 
Halfverse: a    rākṣasair vadʰyamānānāṃ   vānarāṇāṃ mahācamūḥ
   rākṣasair vadʰyamānānāṃ   vānarāṇāṃ mahā-camūḥ /
Halfverse: c    śaraṇyaṃ śaraṇaṃ yātā   rāmaṃ daśaratʰātmajam
   śaraṇyaṃ śaraṇaṃ yātā   rāmaṃ daśaratʰa_ātmajam /14/

Verse: 15 
Halfverse: a    tato rāmo mahātejā   dʰanur ādāya vīryavān
   tato rāmo mahā-tejā   dʰanur ādāya vīryavān /
Halfverse: c    praviśya rākṣasaṃ sainyaṃ   śaravarṣaṃ vavarṣa ha
   praviśya rākṣasaṃ sainyaṃ   śara-varṣaṃ vavarṣa ha /15/

Verse: 16 
Halfverse: a    praviṣṭaṃ tu tadā rāmaṃ   megʰāḥ sūryam ivāmbare
   praviṣṭaṃ tu tadā rāmaṃ   megʰāḥ sūryam iva_ambare /
Halfverse: c    nābʰijagmur mahāgʰoraṃ   nirdahantaṃ śarāgninā
   na_abʰijagmur mahā-gʰoraṃ   nirdahantaṃ śara_agninā /16/

Verse: 17 
Halfverse: a    kr̥tāny eva sugʰorāṇi   rāmeṇa rajanīcarāḥ
   kr̥tāny eva sugʰorāṇi   rāmeṇa rajanī-carāḥ /
Halfverse: c    raṇe rāmasya dadr̥śuḥ   karmāṇy asukarāṇi ca
   raṇe rāmasya dadr̥śuḥ   karmāṇy asukarāṇi ca /17/

Verse: 18 
Halfverse: a    cālayantaṃ mahānīkaṃ   vidʰamantaṃ mahāratʰān
   cālayantaṃ mahā_anīkaṃ   vidʰamantaṃ mahā-ratʰān /
Halfverse: c    dadr̥śus te na vai rāmaṃ   vātaṃ vanagataṃ yatʰā
   dadr̥śus te na vai rāmaṃ   vātaṃ vana-gataṃ yatʰā /18/

Verse: 19 
Halfverse: a    cʰinnaṃ bʰinnaṃ śarair dagdʰaṃ   prabʰagnaṃ śastrapīḍitam
   cʰinnaṃ bʰinnaṃ śarair dagdʰaṃ   prabʰagnaṃ śastra-pīḍitam /
Halfverse: c    balaṃ rāmeṇa dadr̥śur   na ramaṃ śīgʰrakāriṇam
   balaṃ rāmeṇa dadr̥śur   na ramaṃ śīgʰra-kāriṇam /19/

Verse: 20 
Halfverse: a    praharantaṃ śarīreṣu   na te paśyanti rābʰavam
   praharantaṃ śarīreṣu   na te paśyanti rābʰavam /
Halfverse: c    indriyārtʰeṣu tiṣṭʰantaṃ   bʰūtātmānam iva prajāḥ
   indriya_artʰeṣu tiṣṭʰantaṃ   bʰūta_ātmānam iva prajāḥ /20/

Verse: 21 
Halfverse: a    eṣa hanti gajānīkam   eṣa hanti mahāratʰān
   eṣa hanti gaja_anīkam   eṣa hanti mahā-ratʰān /
Halfverse: c    eṣa hanti śarais tīkṣṇaiḥ   padātīn vājibʰiḥ saha
   eṣa hanti śarais tīkṣṇaiḥ   padātīn vājibʰiḥ saha /21/

Verse: 22 
Halfverse: a    iti te rākṣasāḥ sarve   rāmasya sadr̥śān raṇe
   iti te rākṣasāḥ sarve   rāmasya sadr̥śān raṇe /
Halfverse: c    anyonyakupitā jagʰnuḥ   sādr̥śyād rāgʰavasya te
   anyonya-kupitā jagʰnuḥ   sādr̥śyād rāgʰavasya te /22/

Verse: 23 
Halfverse: a    na te dadr̥śire rāmaṃ   dahantam arivāhinīm
   na te dadr̥śire rāmaṃ   dahantam ari-vāhinīm /
Halfverse: c    mohitāḥ paramāstreṇa   gāndʰarveṇa mahātmanā
   mohitāḥ parama_astreṇa   gāndʰarveṇa mahātmanā /23/

Verse: 24 
Halfverse: a    te tu rāma sahasrāṇi   raṇe paśyanti rākṣasāḥ
   te tu rāma sahasrāṇi   raṇe paśyanti rākṣasāḥ /
Halfverse: c    punaḥ paśyanti kākutstʰam   ekam eva mahāhave
   punaḥ paśyanti kākutstʰam   ekam eva mahā_āhave /24/

Verse: 25 
Halfverse: a    bʰramantīṃ kāñcanīṃ koṭiṃ   kārmukasya mahātmanaḥ
   bʰramantīṃ kāñcanīṃ koṭiṃ   kārmukasya mahātmanaḥ /
Halfverse: c    alātacakrapratimāṃ   dadr̥śus te na rāgʰavam
   alāta-cakra-pratimāṃ   dadr̥śus te na rāgʰavam /25/

Verse: 26 
Halfverse: a    śarīranābʰisattvārciḥ   śarāraṃ nemikārmukam
   śarīra-nābʰi-sattva_arciḥ   śara_araṃ nemi-kārmukam /
Halfverse: c    jyāgʰoṣatalanirgʰoṣaṃ   tejobuddʰiguṇaprabʰam
   jyā-gʰoṣa-tala-nirgʰoṣaṃ   tejo-buddʰi-guṇa-prabʰam /26/

Verse: 27 
Halfverse: a    divyāstraguṇaparyantaṃ   nigʰnantaṃ yudʰi rākṣasān
   divya_astra-guṇa-paryantaṃ   nigʰnantaṃ yudʰi rākṣasān /
Halfverse: c    dadr̥śū rāmacakraṃ tat   kālacakram iva prajāḥ
   dadr̥śū rāma-cakraṃ tat   kāla-cakram iva prajāḥ /27/

Verse: 28 
Halfverse: a    anīkaṃ daśasāhasraṃ   ratʰānāṃ vātaraṃhasām
   anīkaṃ daśa-sāhasraṃ   ratʰānāṃ vāta-raṃhasām /
Halfverse: c    aṣṭādaśasahasrāṇi   kuñjarāṇāṃ tarasvinām
   aṣṭādaśa-sahasrāṇi   kuñjarāṇāṃ tarasvinām /28/

Verse: 29 
Halfverse: a    caturdaśasahasrāṇi   sārohāṇāṃ ca vājinām
   caturdaśa-sahasrāṇi   sārohāṇāṃ ca vājinām /
Halfverse: c    pūrṇe śatasahasre dve   rākṣasānāṃ padātinām
   pūrṇe śata-sahasre dve   rākṣasānāṃ padātinām /29/

Verse: 30 
Halfverse: a    divasasyāṣṭame bʰāge   śarair agniśikʰopamaiḥ
   divasasya_aṣṭame bʰāge   śarair agni-śikʰā_upamaiḥ /
Halfverse: c    hatāny ekena rāmeṇa   rakṣasāṃ kāmarūpiṇām
   hatāny ekena rāmeṇa   rakṣasāṃ kāma-rūpiṇām /30/

Verse: 31 
Halfverse: a    te hatāśvā hataratʰāḥ   śrāntā vimatʰitadʰvajāḥ
   te hata_aśvā hata-ratʰāḥ   śrāntā vimatʰita-dʰvajāḥ /
Halfverse: c    abʰipetuḥ purīṃ laṅkāṃ   hataśeṣā niśācarāḥ
   abʰipetuḥ purīṃ laṅkāṃ   hata-śeṣā niśā-carāḥ /31/

Verse: 32 
Halfverse: a    hatair gajapadāty aśvais   tad babʰūva raṇājiram
   hatair gaja-padāty aśvais   tad babʰūva raṇa_ajiram /
Halfverse: c    ākrīḍabʰūmī rudrasya   kruddʰasyeva pinākinaḥ
   ākrīḍa-bʰūmī rudrasya   kruddʰasya_iva pinākinaḥ /32/

Verse: 33 
Halfverse: a    tato devāḥ sagandʰarvāḥ   siddʰāś ca paramarṣayaḥ
   tato devāḥ sagandʰarvāḥ   siddʰāś ca parama-r̥ṣayaḥ /
Halfverse: c    sādʰu sādʰv iti rāmasya   tat karma samapūjayan
   sādʰu sādʰv iti rāmasya   tat karma samapūjayan /33/

Verse: 34 
Halfverse: a    abravīc ca tadā rāmaḥ   sugrīvaṃ pratyanantaram
   abravīc ca tadā rāmaḥ   sugrīvaṃ pratyanantaram /
Halfverse: c    etad astrabalaṃ divyaṃ   mama vā tryambakasya vā
   etad astra-balaṃ divyaṃ   mama vā tryambakasya vā /34/

Verse: 35 


Halfverse: a    nihatya tāṃ rākṣasavāhinīṃ tu    nihatya tāṃ rākṣasavāhinīṃ tu
   nihatya tāṃ rākṣasa-vāhinīṃ tu    nihatya tāṃ rākṣasa-vāhinīṃ tu / {Gem}
Halfverse: b    rāmas tadā śakrasamo mahātmā    rāmas tadā śakrasamo mahātmā
   rāmas tadā śakra-samo mahātmā    rāmas tadā śakra-samo mahātmā / {Gem}
Halfverse: c    astreṣu śastreṣu jitaklamaś ca    astreṣu śastreṣu jitaklamaś ca
   astreṣu śastreṣu jita-klamaś ca    astreṣu śastreṣu jita-klamaś ca / {Gem}
Halfverse: d    saṃstūyate devagaṇaiḥ prahr̥ṣṭaiḥ    saṃstūyate devagaṇaiḥ prahr̥ṣṭaiḥ
   saṃstūyate deva-gaṇaiḥ prahr̥ṣṭaiḥ    saṃstūyate deva-gaṇaiḥ prahr̥ṣṭaiḥ /35/ {E} {Gem}




Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.