TITUS
Ramayana
Part No. 473
Previous part

Chapter: 82 
Adhyāya 82


Verse: 1 
Halfverse: a    tāni nāgasahasrāṇi   sārohāṇāṃ ca vājinām
   tāni nāga-sahasrāṇi   sārohāṇāṃ ca vājinām /
Halfverse: c    ratʰānāṃ cāgnivarṇānāṃ   sadʰvajānāṃ sahasraśaḥ
   ratʰānāṃ ca_agni-varṇānāṃ   sadʰvajānāṃ sahasraśaḥ /1/

Verse: 2 
Halfverse: a    rākṣasānāṃ sahasrāṇi   gadāparigʰayodʰinām
   rākṣasānāṃ sahasrāṇi   gadā-parigʰa-yodʰinām /
Halfverse: c    kāñcanadʰvajacitrāṇāṃ   śūrāṇāṃ kāmarūpiṇām
   kāñcana-dʰvaja-citrāṇāṃ   śūrāṇāṃ kāma-rūpiṇām /2/

Verse: 3 
Halfverse: a    nihatāni śarais tīkṣṇais   taptakāñcanabʰūṣaṇaiḥ
   nihatāni śarais tīkṣṇais   tapta-kāñcana-bʰūṣaṇaiḥ /
Halfverse: c    rāvaṇena prayuktāni   rāmeṇākliṣṭakarmaṇā
   rāvaṇena prayuktāni   rāmeṇa_akliṣṭa-karmaṇā /3/

Verse: 4 
Halfverse: a    dr̥ṣṭvā śrutvā ca saṃbʰrāntā   hataśeṣā niśācarāḥ
   dr̥ṣṭvā śrutvā ca saṃbʰrāntā   hata-śeṣā niśā-carāḥ /
Halfverse: c    rākṣasyaś ca samāgamya   dīnāś cintāpariplutāḥ
   rākṣasyaś ca samāgamya   dīnāś cintā-pariplutāḥ /4/

Verse: 5 
Halfverse: a    vidʰavā hataputrāś ca   krośantyo hatabāndʰavāḥ
   vidʰavā hata-putrāś ca   krośantyo hata-bāndʰavāḥ /
Halfverse: c    rākṣasyaḥ saha saṃgamya   duḥkʰārtāḥ paryadevayan
   rākṣasyaḥ saha saṃgamya   duḥkʰa_ārtāḥ paryadevayan /5/

Verse: 6 
Halfverse: a    katʰaṃ śūrpaṇakʰā vr̥ddʰā   karālā nirṇatodarī
   katʰaṃ śūrpa-ṇakʰā vr̥ddʰā   karālā nirṇata_udarī /
Halfverse: c    āsasāda vane rāmaṃ   kandarpam iva rūpiṇam
   āsasāda vane rāmaṃ   kandarpam iva rūpiṇam /6/

Verse: 7 
Halfverse: a    sukumāraṃ mahāsattvaṃ   sarvabʰūtahite ratam
   sukumāraṃ mahā-sattvaṃ   sarva-bʰūta-hite ratam /
Halfverse: c    taṃ dr̥ṣṭvā lokavadʰyā sā   hīnarūpā prakāmitā
   taṃ dr̥ṣṭvā loka-vadʰyā sā   hīna-rūpā prakāmitā /7/

Verse: 8 
Halfverse: a    katʰaṃ sarvaguṇair hīnā   guṇavantaṃ mahaujasaṃ
   katʰaṃ sarva-guṇair hīnā   guṇavantaṃ mahā_ojasaṃ /
Halfverse: c    sumukʰaṃ durmukʰī rāmaṃ   kāmayām āsa rākṣasī
   sumukʰaṃ durmukʰī rāmaṃ   kāmayām āsa rākṣasī /8/

Verse: 9 
Halfverse: a    janasyāsyālpabʰāgyatvāt   palinī śvetamūrdʰajā
   janasya_asya_alpa-bʰāgyatvāt   palinī śveta-mūrdʰajā /
Halfverse: c    akāryam apahāsyaṃ ca   sarvalokavigarhitam
   akāryam apahāsyaṃ ca   sarva-loka-vigarhitam /9/

Verse: 10 
Halfverse: a    rākṣasānāṃ vināśāya   dūṣaṇasya kʰarasya ca
   rākṣasānāṃ vināśāya   dūṣaṇasya kʰarasya ca /
Halfverse: c    cakārāpratirūpā sā   rāgʰavasya pradʰarṣaṇam
   cakāra_apratirūpā sā   rāgʰavasya pradʰarṣaṇam /10/

Verse: 11 
Halfverse: a    tan nimittam idaṃ vairaṃ   rāvaṇena kr̥taṃ mahat
   tan nimittam idaṃ vairaṃ   rāvaṇena kr̥taṃ mahat /
Halfverse: c    vadʰāya nītā sā sītā   daśagrīveṇa rakṣasā
   vadʰāya nītā sā sītā   daśagrīveṇa rakṣasā /11/

Verse: 12 
Halfverse: a    na ca sītāṃ daśagrīvaḥ   prāpnoti janakātmajām
   na ca sītāṃ daśagrīvaḥ   prāpnoti janaka_ātmajām /
Halfverse: c    baddʰaṃ balavatā vairam   akṣayaṃ rāgʰaveṇa ha
   baddʰaṃ balavatā vairam   akṣayaṃ rāgʰaveṇa ha /12/

Verse: 13 
Halfverse: a    vaidehīṃ prārtʰayānaṃ taṃ   virādʰaṃ prekṣya rākṣasaṃ
   vaidehīṃ prārtʰayānaṃ taṃ   virādʰaṃ prekṣya rākṣasaṃ /
Halfverse: c    hatam ekena rāmeṇa   paryāptaṃ tannidarśanam
   hatam ekena rāmeṇa   paryāptaṃ tan-nidarśanam /13/

Verse: 14 
Halfverse: a    caturdaśasahasrāṇi   rakṣasāṃ bʰīmakarmaṇām
   caturdaśa-sahasrāṇi   rakṣasāṃ bʰīma-karmaṇām /
Halfverse: c    nihatāni janastʰāne   śarair agniśikʰopamaiḥ
   nihatāni jana-stʰāne   śarair agni-śikʰā_upamaiḥ /14/

Verse: 15 
Halfverse: a    kʰaraś ca nihataḥ saṃkʰye   dūṣaṇas triśirās tatʰā
   kʰaraś ca nihataḥ saṃkʰye   dūṣaṇas triśirās tatʰā /
Halfverse: c    śarair ādityasaṃkāśaiḥ   paryāptaṃ tannidarśanam
   śarair āditya-saṃkāśaiḥ   paryāptaṃ tan-nidarśanam /15/

Verse: 16 
Halfverse: a    hato yojanabāhuś ca   kabandʰo rudʰirāśanaḥ
   hato yojana-bāhuś ca   kabandʰo rudʰira_aśanaḥ /
Halfverse: c    krodʰārto vinadan so 'tʰa   paryāptaṃ tannidarśanam
   krodʰa_ārto vinadan so_atʰa   paryāptaṃ tan-nidarśanam /16/

Verse: 17 
Halfverse: a    jagʰāna balinaṃ rāmaḥ   sahasranayanātmajam
   jagʰāna balinaṃ rāmaḥ   sahasra-nayana_ātmajam /
Halfverse: c    bālinaṃ megʰasaṃkāśaṃ   paryāptaṃ tannidarśanam
   bālinaṃ megʰa-saṃkāśaṃ   paryāptaṃ tan-nidarśanam /17/

Verse: 18 
Halfverse: a    r̥śyamūke vasañ śaile   dīno bʰagnamanoratʰaḥ
   r̥śyamūke vasan śaile   dīno bʰagna-mano-ratʰaḥ /
Halfverse: c    sugrīvaḥ stʰāpito rājye   paryāptaṃ tannidarśanam
   sugrīvaḥ stʰāpito rājye   paryāptaṃ tan-nidarśanam /18/

Verse: 19 
Halfverse: a    dʰarmārtʰasahitaṃ vākyaṃ   sarveṣāṃ rakṣasāṃ hitam
   dʰarma_artʰa-sahitaṃ vākyaṃ   sarveṣāṃ rakṣasāṃ hitam /
Halfverse: c    yuktaṃ vibʰīṣaṇenoktaṃ   mohāt tasya na rocate
   yuktaṃ vibʰīṣaṇena_uktaṃ   mohāt tasya na rocate /19/

Verse: 20 
Halfverse: a    vibʰīṣaṇavacaḥ kuryād   yadi sma dʰanadānujaḥ
   vibʰīṣaṇa-vacaḥ kuryād   yadi sma dʰanada_anujaḥ /
Halfverse: c    śmaśānabʰūtā duḥkʰārtā   neyaṃ laṅkā purī bʰavet
   śmaśāna-bʰūtā duḥkʰa_ārtā   na_iyaṃ laṅkā purī bʰavet /20/

Verse: 21 
Halfverse: a    kumbʰakarṇaṃ hataṃ śrutvā   rāgʰaveṇa mahābalam
   kumbʰa-karṇaṃ hataṃ śrutvā   rāgʰaveṇa mahā-balam /
Halfverse: c    priyaṃ cendrajitaṃ putraṃ   rāvaṇo nāvabudʰyate
   priyaṃ ca_indrajitaṃ putraṃ   rāvaṇo na_avabudʰyate /21/

Verse: 22 
Halfverse: a    mama putro mama bʰrātā   mama bʰartā raṇe hataḥ
   mama putro mama bʰrātā   mama bʰartā raṇe hataḥ /
Halfverse: c    ity evaṃ śrūyate śabdo   rākṣasānāṃ kule kule
   ity evaṃ śrūyate śabdo   rākṣasānāṃ kule kule /22/

Verse: 23 
Halfverse: a    ratʰāś cāśvāś ca nāgāś ca   hatāḥ śatasahasraśaḥ
   ratʰāś ca_aśvāś ca nāgāś ca   hatāḥ śata-sahasraśaḥ /
Halfverse: c    raṇe rāmeṇa śūreṇa   rākṣasāś ca padātayaḥ
   raṇe rāmeṇa śūreṇa   rākṣasāś ca padātayaḥ /23/

Verse: 24 
Halfverse: a    rudro vā yadi vā viṣṇur   mahendro vā śatakratuḥ
   rudro vā yadi vā viṣṇur   mahā_indro vā śata-kratuḥ /
Halfverse: c    hanti no rāmarūpeṇa   yadi vā svayam antakaḥ
   hanti no rāma-rūpeṇa   yadi vā svayam antakaḥ /24/

Verse: 25 
Halfverse: a    hatapravīrā rāmeṇa   nirāśā jīvite vayam
   hata-pravīrā rāmeṇa   nirāśā jīvite vayam /
Halfverse: c    apaśyantyo bʰayasyāntam   anātʰā vilapāmahe
   apaśyantyo bʰayasya_antam   anātʰā vilapāmahe /25/

Verse: 26 
Halfverse: a    rāmahastād daśagrīvaḥ   śūro dattavaro yudʰi
   rāma-hastād daśagrīvaḥ   śūro datta-varo yudʰi /
Halfverse: c    idaṃ bʰayaṃ mahāgʰoram   utpannaṃ nāvabudʰyate
   idaṃ bʰayaṃ mahā-gʰoram   utpannaṃ na_avabudʰyate /26/

Verse: 27 
Halfverse: a    na devā na ca gandʰarvā   na piśācā na rākasāḥ
   na devā na ca gandʰarvā   na piśācā na rākasāḥ /
Halfverse: c    upasr̥ṣṭaṃ paritrātuṃ   śaktā rāmeṇa saṃyuge
   upasr̥ṣṭaṃ paritrātuṃ   śaktā rāmeṇa saṃyuge /27/

Verse: 28 
Halfverse: a    utpātāś cāpi dr̥śyante   rāvaṇasya raṇe raṇe
   utpātāś ca_api dr̥śyante   rāvaṇasya raṇe raṇe /
Halfverse: c    katʰayiṣyanti rāmeṇa   rāvaṇasya nibarhaṇam
   katʰayiṣyanti rāmeṇa   rāvaṇasya nibarhaṇam /28/

Verse: 29 
Halfverse: a    pitāmahena prītena   devadānavarākṣasaiḥ
   pitāmahena prītena   deva-dānava-rākṣasaiḥ /
Halfverse: c    rāvaṇasyābʰayaṃ dattaṃ   mānuṣebʰyo na yācitam
   rāvaṇasya_abʰayaṃ dattaṃ   mānuṣebʰyo na yācitam /29/

Verse: 30 
Halfverse: a    tad idaṃ mānuṣān manye   prāptaṃ niḥsaṃśayaṃ bʰayam
   tad idaṃ mānuṣān manye   prāptaṃ niḥsaṃśayaṃ bʰayam /
Halfverse: c    jīvitāntakaraṃ gʰoraṃ   rakṣasāṃ rāvaṇasya ca
   jīvita_anta-karaṃ gʰoraṃ   rakṣasāṃ rāvaṇasya ca /30/

Verse: 31 
Halfverse: a    pīḍyamānās tu balinā   varadānena rakṣasā
   pīḍyamānās tu balinā   vara-dānena rakṣasā /
Halfverse: c    dīptais tapobʰir vibudʰāḥ   pitāmaham apūjayan
   dīptais tapobʰir vibudʰāḥ   pitāmaham apūjayan /31/

Verse: 32 
Halfverse: a    devatānāṃ hitārtʰāya   mahātmā vai pitāmahaḥ
   devatānāṃ hita_artʰāya   mahātmā vai pitāmahaḥ /
Halfverse: c    uvāca devatāḥ sarvā   idaṃ tuṣṭo mahad vacaḥ
   uvāca devatāḥ sarvā   idaṃ tuṣṭo mahad vacaḥ /32/

Verse: 33 
Halfverse: a    adya prabʰr̥ti lokāṃs trīn   sarve dānavarākṣasāḥ
   adya prabʰr̥ti lokāṃs trīn   sarve dānava-rākṣasāḥ /
Halfverse: c    bʰayena prāvr̥tā nityaṃ   vicariṣyanti śāśvatam
   bʰayena prāvr̥tā nityaṃ   vicariṣyanti śāśvatam /33/

Verse: 34 
Halfverse: a    daivatais tu samāgamya   sarvaiś cendrapurogamaiḥ
   daivatais tu samāgamya   sarvaiś ca_indra-purogamaiḥ /
Halfverse: c    vr̥ṣadʰvajas tripurahā   mahādevaḥ prasāditaḥ
   vr̥ṣa-dʰvajas tripurahā   mahā-devaḥ prasāditaḥ /34/

Verse: 35 
Halfverse: a    prasannas tu mahādevo   devān etad vaco 'bravīt
   prasannas tu mahā-devo   devān etad vaco_abravīt /
Halfverse: c    utpatsyati hitārtʰaṃ vo   nārī rakṣaḥkṣayāvahā
   utpatsyati hita_artʰaṃ vo   nārī rakṣaḥ-kṣaya_āvahā /35/

Verse: 36 
Halfverse: a    eṣā devaiḥ prayuktā tu   kṣud yatʰā dānavān purā
   eṣā devaiḥ prayuktā tu   kṣud yatʰā dānavān purā /
Halfverse: c    bʰakṣayiṣyati naḥ sītā   rākṣasagʰnī sarāvaṇān
   bʰakṣayiṣyati naḥ sītā   rākṣasagʰnī sarāvaṇān /36/

Verse: 37 
Halfverse: a    rāvaṇasyāpanītena   durvinītasya durmateḥ
   rāvaṇasya_apanītena   durvinītasya durmateḥ /
Halfverse: c    ayaṃ niṣṭānako gʰoraḥ   śokena samabʰiplutaḥ
   ayaṃ niṣṭānako gʰoraḥ   śokena samabʰiplutaḥ /37/

Verse: 38 
Halfverse: a    taṃ na paśyāmahe loke   yo naḥ śaraṇado bʰavet
   taṃ na paśyāmahe loke   yo naḥ śaraṇado bʰavet /
Halfverse: c    rāgʰaveṇopasr̥ṣṭānāṃ   kāleneva yugakṣaye
   rāgʰaveṇa_upasr̥ṣṭānāṃ   kālena_iva yuga-kṣaye /38/ {!}

Verse: 39 


Halfverse: a    itīva sarvā rajanīcarastriyaḥ    itīva sarvā rajanīcarastriyaḥ
   iti_iva sarvā rajanī-cara-striyaḥ    iti_iva sarvā rajanī-cara-striyaḥ / {Gem}
Halfverse: b    parasparaṃ saṃparirabʰya bāhubʰiḥ    parasparaṃ saṃparirabʰya bāhubʰiḥ
   parasparaṃ saṃparirabʰya bāhubʰiḥ    parasparaṃ saṃparirabʰya bāhubʰiḥ / {Gem}
Halfverse: c    viṣedur ārtātibʰayābʰipīḍitā    viṣedur ārtātibʰayābʰipīḍitā
   viṣedur ārta_atibʰaya_abʰipīḍitā    viṣedur ārta_atibʰaya_abʰipīḍitā / {Gem}
Halfverse: d    vinedur uccaiś ca tadā sudāruṇam    vinedur uccaiś ca tadā sudāruṇam
   vinedur uccaiś ca tadā sudāruṇam    vinedur uccaiś ca tadā sudāruṇam /39/ {E} {Gem}




Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.