TITUS
Ramayana
Part No. 478
Previous part

Chapter: 87 
Adhyāya 87


Verse: 1 
Halfverse: a    mahodaramahāpārśvau   hatau dr̥ṣṭvā tu rākṣasau
   mahā_udara-mahā-pārśvau   hatau dr̥ṣṭvā tu rākṣasau /
Halfverse: c    tasmiṃś ca nihate vīre   virūpākṣe mahābale
   tasmiṃś ca nihate vīre   virūpa_akṣe mahā-bale /1/

Verse: 2 
Halfverse: a    āviveśa mahān krodʰo   rāvaṇaṃ tu mahāmr̥dʰe
   āviveśa mahān krodʰo   rāvaṇaṃ tu mahā-mr̥dʰe /
Halfverse: c    sūtaṃ saṃcodayām āsa   vākyaṃ cedam uvāca ha
   sūtaṃ saṃcodayām āsa   vākyaṃ ca_idam uvāca ha /2/

Verse: 3 
Halfverse: a    nihatānām amātyānāṃ   ruddʰasya nagarasya ca
   nihatānām amātyānāṃ   ruddʰasya nagarasya ca /
Halfverse: c    duḥkʰam eṣo 'paneṣyāmi   hatvā tau rāmalakṣmaṇau
   duḥkʰam eṣo_apaneṣyāmi   hatvā tau rāma-lakṣmaṇau /3/

Verse: 4 
Halfverse: a    rāmavr̥kṣaṃ raṇe hanmi   sītāpuṣpapʰalapradam
   rāma-vr̥kṣaṃ raṇe hanmi   sītā-puṣpa-pʰala-pradam /
Halfverse: c    praśākʰā yasya sugrīvo   jāmbavān kumudo nalaḥ
   praśākʰā yasya sugrīvo   jāmbavān kumudo nalaḥ /4/

Verse: 5 
Halfverse: a    sa diśo daśa gʰoṣeṇa   ratʰasyātiratʰo mahān
   sa diśo daśa gʰoṣeṇa   ratʰasya_atiratʰo mahān /
Halfverse: c    nādayan prayayau tūrṇaṃ   rāgʰavaṃ cābʰyavartata
   nādayan prayayau tūrṇaṃ   rāgʰavaṃ ca_abʰyavartata /5/

Verse: 6 
Halfverse: a    pūritā tena śabdena   sanadīgirikānanā
   pūritā tena śabdena   sanadī-giri-kānanā /
Halfverse: c    saṃcacāla mahī sarvā   savarāhamr̥gadvipā
   saṃcacāla mahī sarvā   savarāha-mr̥ga-dvipā /6/

Verse: 7 
Halfverse: a    tāmasaṃ sumahāgʰoraṃ   cakārāstraṃ sudāruṇam
   tāmasaṃ sumahā-gʰoraṃ   cakāra_astraṃ sudāruṇam /
Halfverse: c    nirdadāha kapīn sarvāṃs   te prapetuḥ samantataḥ
   nirdadāha kapīn sarvāṃs   te prapetuḥ samantataḥ /7/

Verse: 8 
Halfverse: a    tāny anīkāny anekāni   rāvaṇasya śarottamaiḥ
   tāny anīkāny anekāni   rāvaṇasya śara_uttamaiḥ /
Halfverse: c    dr̥ṣṭvā bʰagnāni śataśo   rāgʰavaḥ paryavastʰitaḥ
   dr̥ṣṭvā bʰagnāni śataśo   rāgʰavaḥ paryavastʰitaḥ /8/

Verse: 9 
Halfverse: a    sa dadarśa tato rāmaṃ   tiṣṭʰantam aparājitam
   sa dadarśa tato rāmaṃ   tiṣṭʰantam aparājitam /
Halfverse: c    lakṣmaṇena saha bʰrātrā   viṣṇunā vāsavaṃ yatʰā
   lakṣmaṇena saha bʰrātrā   viṣṇunā vāsavaṃ yatʰā /9/

Verse: 10 
Halfverse: a    ālikʰantam ivākāśam   avaṣṭabʰya mahad dʰanuḥ
   ālikʰantam iva_ākāśam   avaṣṭabʰya mahad dʰanuḥ /
Halfverse: c    padmapatraviśālākṣaṃ   dīrgʰabāhum ariṃdamam
   padma-patra-viśāla_akṣaṃ   dīrgʰa-bāhum ariṃ-damam /10/

Verse: 11 
Halfverse: a    vānarāṃś ca raṇe bʰagnān   āpatantaṃ ca rāvaṇam
   vānarāṃś ca raṇe bʰagnān   āpatantaṃ ca rāvaṇam /
Halfverse: c    samīkṣya rāgʰavo hr̥ṣṭo   madʰye jagrāha kārmukam
   samīkṣya rāgʰavo hr̥ṣṭo   madʰye jagrāha kārmukam /11/

Verse: 12 
Halfverse: a    vispʰārayitum ārebʰe   tataḥ sa dʰanur uttamam
   vispʰārayitum ārebʰe   tataḥ sa dʰanur uttamam /
Halfverse: c    mahāvegaṃ mahānādaṃ   nirbʰindann iva medinīm
   mahā-vegaṃ mahā-nādaṃ   nirbʰindann iva medinīm /12/

Verse: 13 
Halfverse: a    tayoḥ śarapatʰaṃ prāpya   rāvaṇo rājaputrayoḥ
   tayoḥ śara-patʰaṃ prāpya   rāvaṇo rāja-putrayoḥ /
Halfverse: c    sa babʰūva yatʰā rāhuḥ   samīpe śaśisūryayoḥ
   sa babʰūva yatʰā rāhuḥ   samīpe śaśi-sūryayoḥ /13/

Verse: 14 
Halfverse: a    rāvaṇasya ca bāṇaugʰai   rāmavispʰaritena ca
   rāvaṇasya ca bāṇa_ogʰai   rāma-vispʰaritena ca /
Halfverse: c    śabdena rākṣasās tena   petuś ca śataśas tadā
   śabdena rākṣasās tena   petuś ca śataśas tadā /14/

Verse: 15 
Halfverse: a    tam iccʰan pratʰamaṃ yoddʰuṃ   lakṣmaṇo niśitaiḥ śaraiḥ
   tam iccʰan pratʰamaṃ yoddʰuṃ   lakṣmaṇo niśitaiḥ śaraiḥ /
Halfverse: c    mumoca dʰanur āyamya   śarān agniśikʰopamān
   mumoca dʰanur āyamya   śarān agni-śikʰā_upamān /15/

Verse: 16 
Halfverse: a    tān muktamātrān ākāśe   lakṣmaṇena dʰanuṣmatā
   tān mukta-mātrān ākāśe   lakṣmaṇena dʰanuṣmatā /
Halfverse: c    bāṇān bāṇair mahātejā   rāvaṇaḥ pratyavārayat
   bāṇān bāṇair mahā-tejā   rāvaṇaḥ pratyavārayat /16/

Verse: 17 
Halfverse: a    ekam ekena bāṇena   tribʰis trīn daśabʰir daśa
   ekam ekena bāṇena   tribʰis trīn daśabʰir daśa /
Halfverse: c    lakṣmaṇasya praciccʰeda   darśayan pāṇilāgʰavam
   lakṣmaṇasya praciccʰeda   darśayan pāṇi-lāgʰavam /17/

Verse: 18 
Halfverse: a    abʰyatikramya saumitriṃ   rāvaṇaḥ samitiṃjayaḥ
   abʰyatikramya saumitriṃ   rāvaṇaḥ samitiṃ-jayaḥ /
Halfverse: c    āsasāda tato rāmaṃ   stʰitaṃ śailam ivācalam
   āsasāda tato rāmaṃ   stʰitaṃ śailam iva_acalam /18/

Verse: 19 
Halfverse: a    sa saṃkʰye rāmam āsādya   krodʰasaṃraktalocanaḥ
   sa saṃkʰye rāmam āsādya   krodʰa-saṃrakta-locanaḥ /
Halfverse: c    vyasr̥jac cʰaravarṇāni   rāvaṇo rāgʰavopari
   vyasr̥jat śara-varṇāni   rāvaṇo rāgʰava_upari /19/

Verse: 20 
Halfverse: a    śaradʰārās tato rāmo   rāvaṇasya dʰanuścyutāḥ
   śara-dʰārās tato rāmo   rāvaṇasya dʰanuś-cyutāḥ /
Halfverse: c    dr̥ṣṭvaivāpatitāḥ śīgʰraṃ   bʰallāñ jagrāha satvaram
   dr̥ṣṭvā_eva_āpatitāḥ śīgʰraṃ   bʰallān jagrāha satvaram /20/

Verse: 21 
Halfverse: a    tāñ śaraugʰāṃs tato bʰallais   tīkṣṇaiś ciccʰeda rāgʰavaḥ
   tān śara_ogʰāṃs tato bʰallais   tīkṣṇaiś ciccʰeda rāgʰavaḥ /
Halfverse: c    dīpyamānān mahāvegān   kruddʰān āśīviṣān iva
   dīpyamānān mahā-vegān   kruddʰān āśī-viṣān iva /21/

Verse: 22 
Halfverse: a    rāgʰavo rāvaṇaṃ tūrṇaṃ   rāvaṇo rāgʰavaṃ tatʰā
   rāgʰavo rāvaṇaṃ tūrṇaṃ   rāvaṇo rāgʰavaṃ tatʰā /
Halfverse: c    anyonyaṃ vividʰais tīkṣṇaiḥ   śarair abʰivavarṣatuḥ
   anyonyaṃ vividʰais tīkṣṇaiḥ   śarair abʰivavarṣatuḥ /22/

Verse: 23 
Halfverse: a    ceratuś ca ciraṃ citraṃ   maṇḍalaṃ savyadakṣiṇam
   ceratuś ca ciraṃ citraṃ   maṇḍalaṃ savya-dakṣiṇam /
Halfverse: c    bāṇavegān samudīkṣya   samareṣv aparājitau
   bāṇa-vegān samudīkṣya   samareṣv aparājitau /23/

Verse: 24 
Halfverse: a    tayor bʰūtāni vitresur   yugapat saṃprayudʰyatoḥ {!}
   tayor bʰūtāni vitresur   yugapat saṃprayudʰyatoḥ / {!}
Halfverse: c    raudrayoḥ sāyakamucor   yamāntakanikāśayoḥ
   raudrayoḥ sāyakamucor   yama_antaka-nikāśayoḥ /24/

Verse: 25 
Halfverse: a    saṃtataṃ vividʰair bāṇair   babʰūva gaganaṃ tadā
   saṃtataṃ vividʰair bāṇair   babʰūva gaganaṃ tadā /
Halfverse: c    gʰanair ivātapāpāye   vidyunmālāsamākulaiḥ
   gʰanair iva_ātapa_apāye   vidyun-mālā-samākulaiḥ /25/

Verse: 26 
Halfverse: a    gavākṣitam ivākāśaṃ   babʰūva śūravr̥ṣṭibʰiḥ
   gava_akṣitam iva_ākāśaṃ   babʰūva śūra-vr̥ṣṭibʰiḥ /
Halfverse: c    mahāvegaiḥ sutīkṣṇāgrair   gr̥dʰrapatraiḥ suvājitaiḥ
   mahā-vegaiḥ sutīkṣṇa_agrair   gr̥dʰra-patraiḥ suvājitaiḥ /26/

Verse: 27 
Halfverse: a    śarāndʰakāraṃ tau bʰīmaṃ   cakratuḥ paramaṃ tadā
   śara_andʰa-kāraṃ tau bʰīmaṃ   cakratuḥ paramaṃ tadā /
Halfverse: c    gate 'staṃ tapane cāpi   mahāmegʰāv ivottʰitau
   gate_astaṃ tapane ca_api   mahā-megʰāv iva_uttʰitau /27/

Verse: 28 
Halfverse: a    babʰūva tumulaṃ yuddʰam   anyonyavadʰakāṅkṣiṇoḥ
   babʰūva tumulaṃ yuddʰam   anyonya-vadʰa-kāṅkṣiṇoḥ /
Halfverse: c    anāsādyam acintyaṃ ca   vr̥travāsavayor iva
   anāsādyam acintyaṃ ca   vr̥tra-vāsavayor iva /28/

Verse: 29 
Halfverse: a    ubʰau hi parameṣvāsāv   ubʰau śastraviśāradau
   ubʰau hi parama_iṣvāsāv   ubʰau śastra-viśāradau / {Pāda}
Halfverse: c    ubʰau cāstravidāṃ mukʰyāv   ubʰau yuddʰe viceratuḥ
   ubʰau ca_astravidāṃ mukʰyāv   ubʰau yuddʰe viceratuḥ /29/ {Pāda}

Verse: 30 
Halfverse: a    ubʰau hi yena vrajatas   tena tena śarormayaḥ
   ubʰau hi yena vrajatas   tena tena śara_ūrmayaḥ /
Halfverse: c    ūrmayo vāyunā viddʰā   jagmuḥ sāgarayor iva
   ūrmayo vāyunā viddʰā   jagmuḥ sāgarayor iva /30/

Verse: 31 
Halfverse: a    tataḥ saṃsaktahastas tu   rāvaṇo lokarāvaṇaḥ
   tataḥ saṃsakta-hastas tu   rāvaṇo loka-rāvaṇaḥ /
Halfverse: c    nārācamālāṃ rāmasya   lalāṭe pratyamuñcata
   nārāca-mālāṃ rāmasya   lalāṭe pratyamuñcata /31/

Verse: 32 
Halfverse: a    raudracāpaprayuktāṃ tāṃ   nīlotpaladalaprabʰām
   raudra-cāpa-prayuktāṃ tāṃ   nīla_utpala-dala-prabʰām /
Halfverse: c    śirasā dʰārayan rāmo   na vyatʰāṃ pratyapadyata
   śirasā dʰārayan rāmo   na vyatʰāṃ pratyapadyata /32/

Verse: 33 
Halfverse: a    atʰa mantrān api japan   raudram astram udīrayan
   atʰa mantrān api japan   raudram astram udīrayan /
Halfverse: c    śarān bʰūyaḥ samādāya   rāmaḥ krodʰasamanvitaḥ
   śarān bʰūyaḥ samādāya   rāmaḥ krodʰa-samanvitaḥ /33/

Verse: 34 
Halfverse: a    mumoca ca mahātejāś   cāpam āyamya vīryavān
   mumoca ca mahā-tejāś   cāpam āyamya vīryavān /
Halfverse: c    tāñ śarān rākṣasendrāya   cikṣepāccʰinnasāyakaḥ
   tān śarān rākṣasa_indrāya   cikṣepa_accʰinna-sāyakaḥ /34/

Verse: 35 
Halfverse: a    te mahāmegʰasaṃkāśe   kavace patitāḥ śarāḥ
   te mahā-megʰa-saṃkāśe   kavace patitāḥ śarāḥ /
Halfverse: c    avadʰye rākṣasendrasya   na vyatʰāṃ janayaṃs tadā
   avadʰye rākṣasa_indrasya   na vyatʰāṃ janayaṃs tadā /35/

Verse: 36 
Halfverse: a    punar evātʰa taṃ rāmo   ratʰastʰaṃ rākṣasādʰipam
   punar eva_atʰa taṃ rāmo   ratʰastʰaṃ rākṣasa_adʰipam /
Halfverse: c    lalāṭe paramāstreṇa   sarvāstrakuśalo 'bʰinat
   lalāṭe parama_astreṇa   sarva_astra-kuśalo_abʰinat /36/

Verse: 37 
Halfverse: a    te bʰittvā bāṇarūpāṇi   pañcaśīrṣā ivoragāḥ
   te bʰittvā bāṇa-rūpāṇi   pañca-śīrṣā iva_uragāḥ /
Halfverse: c    śvasanto viviśur bʰūmiṃ   rāvaṇapratikūlatāḥ
   śvasanto viviśur bʰūmiṃ   rāvaṇa-pratikūlatāḥ /37/

Verse: 38 
Halfverse: a    nihatya rāgʰavasyāstraṃ   rāvaṇaḥ krodʰamūrcʰitaḥ
   nihatya rāgʰavasya_astraṃ   rāvaṇaḥ krodʰa-mūrcʰitaḥ /
Halfverse: c    āsuraṃ sumahāgʰoram   anyad astraṃ samādade
   āsuraṃ sumahā-gʰoram   anyad astraṃ samādade /38/

Verse: 39 
Halfverse: a    siṃhavyāgʰramukʰāṃś cānyān   kaṅkakāka mukʰān api
   siṃha-vyāgʰra-mukʰāṃś ca_anyān   kaṅka-kāka mukʰān api /
Halfverse: c    gr̥dʰraśyenamukʰāṃś cāpi   sr̥gālavadanāṃs tatʰā
   gr̥dʰra-śyena-mukʰāṃś ca_api   sr̥gāla-vadanāṃs tatʰā /39/

Verse: 40 
Halfverse: a    īhāmr̥gamuhāṃś cānyān   vyāditāsyān bʰayāvahān
   īhā-mr̥gamuhāṃś ca_anyān   vyādita_āsyān bʰaya_āvahān /
Halfverse: c    pañcāsyām̐l lelihānāṃś ca   sasarja niśitāñ śarān
   pañca_āsyām̐l lelihānāṃś ca   sasarja niśitān śarān /40/

Verse: 41 
Halfverse: a    śarān kʰaramukʰāṃś cānyān   varāhamukʰasaṃstʰitān
   śarān kʰara-mukʰāṃś ca_anyān   varāha-mukʰa-saṃstʰitān /
Halfverse: c    śvānakukkuṭavaktrāṃś ca   makarāśīviṣānanān
   śvāna-kukkuṭa-vaktrāṃś ca   makara_āśī-viṣa_ānanān /41/

Verse: 42 
Halfverse: a    etāṃś cānyāṃś ca māyābʰiḥ   sasarja niśitāñ śarān
   etāṃś ca_anyāṃś ca māyābʰiḥ   sasarja niśitān śarān /
Halfverse: c    rāmaṃ prati mahātejāḥ   kruddʰaḥ sarpa iva śvasan
   rāmaṃ prati mahā-tejāḥ   kruddʰaḥ sarpa iva śvasan /42/

Verse: 43 
Halfverse: a    āsureṇa samāviṣṭaḥ   so 'streṇa ragʰunandanaḥ
   āsureṇa samāviṣṭaḥ   so_astreṇa ragʰu-nandanaḥ /
Halfverse: c    sasarjāstraṃ mahotsāhaḥ   pāvakaṃ pāvakopamaḥ
   sasarja_astraṃ mahā_utsāhaḥ   pāvakaṃ pāvaka_upamaḥ /43/

Verse: 44 
Halfverse: a    agnidīptamukʰān bāṇāṃs   tatʰā sūryamukʰān api
   agni-dīpta-mukʰān bāṇāṃs   tatʰā sūrya-mukʰān api /
Halfverse: c    candrārdʰacandravaktrāṃś ca   dʰūmaketumukʰān api
   candra_ardʰa-candra-vaktrāṃś ca   dʰūma-ketu-mukʰān api /44/

Verse: 45 
Halfverse: a    grahanakṣatravarṇāṃś ca   maholkā mukʰasaṃstʰitān
   graha-nakṣatra-varṇāṃś ca   mahā_ulkā mukʰa-saṃstʰitān /
Halfverse: c    vidyujjihvopamāṃś cānyān   sasarja niśitāñ śarān
   vidyuj-jihvā_upamāṃś ca_anyān   sasarja niśitān śarān /45/

Verse: 46 
Halfverse: a    te rāvaṇaśarā gʰorā   rāgʰavāstrasamāhatāḥ
   te rāvaṇa-śarā gʰorā   rāgʰava_astra-samāhatāḥ /
Halfverse: c    vilayaṃ jagmur ākāśe   jagmuś caiva sahasraśaḥ
   vilayaṃ jagmur ākāśe   jagmuś caiva sahasraśaḥ /46/

Verse: 47 
Halfverse: a    tad astraṃ nihataṃ dr̥ṣṭvā   rāmeṇākliṣṭakarmaṇā
   tad astraṃ nihataṃ dr̥ṣṭvā   rāmeṇa_akliṣṭa-karmaṇā /
Halfverse: c    hr̥ṣṭā nedus tataḥ sarve   kapayaḥ kāmarūpiṇaḥ
   hr̥ṣṭā nedus tataḥ sarve   kapayaḥ kāma-rūpiṇaḥ /47/ {E}



Next part


This text is part of the TITUS edition of Ramayana.

Copyright TITUS Project, Frankfurt a/M, 8.12.2008. No parts of this document may be republished in any form without prior permission by the copyright holder.